ەڭ جوعارى حالىق سوت مەكەمەسى «حالىق سوت مەكەمەلەرىنىڭ توراپتا جۇمىس جۇرگىزۋ ەرەجەسىن» جاريالادى
تۇتاس بارىستاعى جەلىدە ارىز ـ شاعىم بەرۋ مەن جاراستىرۋدى ىلگەرىلەتەيىك
2022.02.23 13:11 كەلۋ قاينارى : حالىق تورابى
حالىق گازەتىنىڭ 2 - ايدىڭ 22 - كۇنى بەيجيڭنەن بەرگەن حابارى. ەڭ جوعارى حالىق سوت مەكەمەسى 2 - ايدىڭ 22 - كۇنى بەيجيڭدە اقپار جاريالاۋ ءماجىلىس اشىپ، «حالىق سوت مەكەمەلەرىنىڭ توراپتا جۇمىس جۇرگىزۋ ەرەجەسىن» (تومەندە قىسقارتىلىپ «ەرەجە» دەلىنەدى) جاريالادى. «ەرەجە» 3 - ايدىڭ 1 - كۇنىنەن باستاپ رەسمي اتقارىلادى، توراپتا جاراستىرۋ جۇلگەلىك جۇيەسى ايقىندالىپ، توراپتا جاراستىرۋ ءتارتىبىنىڭ بوستىعى تولتىرىلىپ، عالامتور داۋىرىندەگى حالىق بۇقاراسىنىڭ ءادىلياعا قاتىناسۋ ءتۇزىم - مەحانيزمىندە جاڭالىق جاراتىلدى جانە كەمەلدەندىرىلدى.
«ەرەجە» 5 بولىمنەن 45 تارماقتى مازمۇندى قامتيدى، ول حالىق سوت مەكەمەسىنىڭ توراپتا جۇمىس جۇرگىزۋدەگى نەگىزگى پرينسيبىن، قولدانىلۋ كولەمىن قامتيدى، حالىق سوت مەكەمەسىنىڭ توراپتاعى ءادىليالىق قيمىلداردى قولدايتىن ينفورماتسيا جۇيەسى قۇرىلىسىن، قولدانىلۋىن، اينالىمىن جانە باسقارۋ تالابىن بەلگىلەيدى. «ەرەجەدە» مىنالار ايقىن ورتاعا قويىلدى: حالىق سوت مەكەمەسى زەردەلى قىزمەت وتەۋ، زەردەلى سوت جۇرگىزۋ، زەردەلى اتقارۋ، زەردەلى باسقارۋ، ءادىليانى جاريا ۇستاۋ، ءادىليالىق ساندى مالىمەت ورتالىق تەكشەسى جانە زەردەلى سوت مەكەمەسىنىڭ ۇلكەن ميى، ينفورماتسيا نەگىزدىك قۇرىلعىلارى، حاۋىپسىزدىكتى قامتاماسىزداندىرۋ، قولدانۋدى - قورعاۋدى قامتاماسىزداندىرۋ سياقتى زەردەلى سوت مەكەمەسىنىڭ ينفورماتسيا جۇيەسىن قۇرىپ، حالىق سوت مەكەمەسىنىڭ توراپتا جۇمىس جۇرگىزۋىن قامتاماسىزداندىرۋ كەرەك.
«ەرەجەدە» بىلاي دەپ ايقىن بەلگىلەنگەن: ىسكە قاتىستى ادامداردىڭ ماقۇلداۋىمەن ازاماتتىق ىستەر ارىز - شاعىم قيمىلىن ينفورماتسيا تورابى تەكشەسى ارقىلى توراپتا جۇرگىزۋگە بولادى، بۇل توراپتان تىسقى ارىز - شاعىم قيمىلىمەن تەڭ زاڭدىق كۇشكە يە. «ەرەجەدە» تاعى حالىق سوت مەكەمەلەرىنىڭ توراپتا جۇمىس جۇرگىزۋدەگى ءتۇرلى قيمىلدارىنا سۇيەنەتىن تەكشە جانە ونىڭ قولدانىلۋ ءتاسىلى ايقىندالىپ، تۇتىنۋشىلاردىڭ تىركەلۋىن باسقارۋ، تىزىمدەلۋى جانە سالاۋاتىن كۋالاندىرۋ، توراپتا جاراستىرۋ، توراپتا دەلو تۇرعىزۋ، توراپتا اقى تاپسىرۋ، توراپتا ماتەريال تاپسىرۋ سياقتى توراپتا ارحيۆكە الۋ جالپى بارىسىنا ساياتىن ءتۇرلى سۋبيەكتىلەردىڭ قولدانىلۋ ءتاسىلى ايقىندالىپ، حالىق بۇقاراسىنىڭ جالپى بارىستاعى توراپتا ارىز – شاعىم بەرۋ، جاراستىرۋ قاجەتى قاناعاتتاندىرىلدى.
بۇدان سىرت، «ەرەجەدە» حالىق سوت مەكەمەسىنىڭ توراپتا سوت جۇرگىزۋ توراپ حاۋىپسىزدىگى، ساندى مالىمەت حاۋىپسىزدىگى، جەكەلەردىڭ ينفورماتسياسىن قورعاۋ سياقتى تالاپتار ايقىندالدى ءارى تۇتىنۋشىلاردىڭ ينفورماتسياسىن قورعاۋعا قاتىستى تالاپتار ەرەكشە دارىپتەلدى.
ۇعىسۋعا قاراعاندا، ەڭ جوعارى حالىق سوت مەكەمەسى كەلەسى قادامدا زەردەلى سوت مەكەمەسىنىڭ ينفورماتسيا جۇيەسى قۇرىلىسىنىڭ تياناقتانۋىن ىلگەرىلەتىپ، «جۇڭگو جىلجىمالى ميكرو سوت مەكەمەسىنىڭ» «حالىق سوتى مەكەمەسىنىڭ جەلىدە قىزمەت كورسەتۋ» دارەجەسىنە كوتەرىلۋىن ىلگەرىلەتىپ، جاراستىرۋ، دەلو اشۋ، دەلو ماتەريالدارىن وقۋ، جەتكىزۋ، امان ساقتاۋ، ساراپتاۋ سياقتى ارىز ـ شاعىم قىزمەت كورسەتۋ يقۋاتى مەن اقىل ـ پاراساتتىق قىزمەت كورسەتۋگە قاتىستى فۋنكتسيالاردى شوعىرلى بىرىكتىرىپ، حالىق بۇقاراسىنىڭ حالىق سوت مەكەمەسىنىڭ جەلىدە قىزمەت كورسەتۋىنە قول جەتكىزۋدەگى ءادىليالىق قاجەتىن قاناعاتتاندىرادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
