«سيفرلى فورماشىلدىقتىڭ» ءوسىپ – ءونۋى مەن ورشۋىنەن ساق بولايىق
شينحۋا اگەنتتىگىنىڭ ءتىلشىسى تيان جيانچۋان
2022.02.22 13:43 كەلۋ قاينارى : حالىق تورابى
شينحۋا اگەنتتىگىنىڭ 2 – ايدىڭ 16 – كۇنى بەيجيڭنەن بەرگەن حابارى. سيفرلاندىرۋ، جەلىلەندىرۋ جانە زەردەلىلەندىرۋ ۇكىمەتتىڭ جونگە سالۋ جۇيەسى مەن قۋاتىن وسىزامانداندىرۋدا ماڭىزدى ءمان الادى. الايدا، كەي جەرلەر مۇنى دامىتۋ بارىسىندا «سيفرلى فورماشىلدىق» ءوربىپ، بۇقارادان الشاقتاپ قانا قويماي، نەگىزگى ساتىنىڭ اۋىرتپالىعىن ارتتىرعان، ونىڭ ۇستىنە، بايلىق قاينارىن ىسىراپ ەتكەن.
مىسالى، كەيبىر جەلى ارقىلى بيلىك جۇرگىزۋ تەكشەلەرى بۇقارا اڭىس ەتكەن دارا ماسەلەلەرگە ءبىرتۇتاس جاۋاپ قايتارۋ ارقىلى ءوزىنىڭ «ۇكىمەتتىك سيپاتىن» ايگىلەيدى. بۇقارانىڭ ءوتىنىشىن تەك قاتىستى تاراۋلارعا جوتكەپ بەرەدى دە، تەكشەدە «ءبىتىرىلدى» دەگەن ءسوزدى كورسەتىپ، ءىستىڭ سوڭى اياقسىز قالىپ، ماسەلە شەشىلمەگەن كۇيى قالادى.
كەي جەرلەر قىزمەتتىك APP قولدانباسىنىڭ كورىلىمىن جانە ۇكىمەتتىك ميكروبلوگتىڭ تەبىندىلىگىن ارتتىرۋ ءۇشىن، نەگىزگى ساتىداعىلارعا مىندەت ۇلەسىن بەرىپ، «سالىق» سالادى، كىمنىڭ قانشا ورىنداعانىن اپتاسىنا رەتكە تۇرعىزادى، نەگىزگى ساتىداعىلار مۇنداي اۋرەشىلىكتەن زاپى بولىپ، كەي جەرلەردە ءبىر ادام بىرنەشە كومپيۋتەرمەن جالعان كورىلىم جاسايتىن، ءتىپتى كورىلىمدى ارتتىرۋ ءۇشىن جالعان «جانكۇيەرلەردى» اقشامەن جالدايتىن جاعداي دا بايقالعان.
از سانداعى باسشى كادرلار ينفورماتسيالاندىرۋ، دەرەكتەندىرۋ تەحنيكاسىنىڭ قاراپايىم قولدانىلىمىن قىزمەتتە جاڭالىق جاراتۋ دەپ قاراپ، تولىق ساراپتاما جاساماي تۇرىپ، ينفورماتسيالىق تەكشەلەردى قۇرادى، «ءبىر مەزەتتىك قىزبالىقتان» سوڭ «سۇراۋسىز قالادى» دا، بۇقارانىڭ قان – تەرىمەن كەلگەن اقشا ىسىراپ بولادى.
ءداستۇرلى فورماشىلدىقپەن سالىستىرعاندا، «سيفرلى فورماشىلدىق» اناعۇرلىم جاسىرىن بولادى. اقپارات قۇرالدارىنىڭ حابارىن رەتتەۋ بارىسىندا بايقاۋعا قاراعاندا، سيفرلاندىرىلعان نەگىزدىك قۇرىلعىلار قۇرىلىسى، ەلەكترونداندىرىلعان ۇكىمەت قىزمەتى، نەگىزگى ساتىداعى سيفرلاندىرىلعان كەڭسە قاتارلى سالالاردا، «سيفرلى فورماشىلدىق» باس كوتەرە باستاعان، مۇنداي جاعدايدى دەر كەزىندە تيۋ كەرەك.
«سيفرلى فورماشىلدىقتىڭ» تۇرلەرى كوپ، الايدا، ءمانى جاعىنان العاندا، ءىس جۇزىندىككە نەمقۇرايدى قاراپ، بۇقارادان الشاقتاۋ بولىپ تابىلادى. ول اكىمشىلىك قىزمەت ناتيجەسى جونىندەگى قاتە كوزقاراستان، ستيلى قاتاڭ، شىنايى بولماۋدان تۋىندايدى. سيفرلاندىرۋ، زەردەلىلەندىرۋ — تەك ءبىر ءتۇرلى ءتاسىل عانا، ماقسات — حالىق ءۇشىن تاباندىلىقپەن شىنايى قىزمەت وتەۋ. سيفرلاندىرىلعان جونگە سالۋدىڭ ويداعىداي بولعان – بولماعانىن تارازىلايتىن ولشەم — بۇقارانىڭ ريزا بولعان – بولماعانى.
«سيفرلى فورماشىلدىقتان» ساقتانۋ ءۇشىن، ءسوزسىز، جالعاندىقتان ارىلىپ، شىندىققا بەتتەۋ، دەرەككە ءمان بەرۋدەن، شىنايى ناتيجەگە ءمان بەرۋگە بەتتەۋ، شىندىققا جۇگىنىپ، ناقتى ءىس تىندىرۋ، كوز بوياۋشىلىققا سالىنباۋ كەرەك؛ سيفرلاندىرۋ جاعىندا قۇر اتاققا سالىنعان باسشى كادرلاردىڭ جاۋاپكەرشىلىگىن بەلگىلەمە، ءتارتىپ، زاڭ بويىنشا قاتاڭ قۋزاستىرۋ كەرەك.
ۇكىمەت ىستەرىن ەلەكترونداندىرۋدى، سيفرلاندىرۋدى جولعا قويۋداعى ماقسات — سيفرلى تەحنيكادان پايدالانىپ، حالىق ءۇشىن قىزمەت ىستەۋ ءونىمىن جوعارىلاتۋ، بۇقارانىڭ ءىس بىتىرۋىنە قولايلىلىق تۋدىرۋ، بۇقارانىڭ قاجەتىن اناعۇرلىم ويداعىداي قاناعاتتاندىرۋ. ەگەر وسىنداي اۋەلگى ماقساتتان الشاقتاپ، «سيفرلى فورماشىلدىققا» اينالىپ كەتسە، وندا باعدارىنان اداسقانى سانالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
