«داستارقانىمىزدا باستىسى جۇڭگو استىعى بولۋى كەرەك» (باس شۋجي كوڭىل ءبولىپ وتىرعان استىق حاۋىپسىزدىگى)
«حالىق گازەتىنىڭ» تىلشىلەرى
2022.02.18 17:44 كەلۋ قاينارى : حالىق تورابى
استىق − بيلىكتىڭ باستى مىندەتى، استىق − حالىقتىڭ تىرشىلىك وزەگى. باس شۋجي شي جينپيڭ: «باستاپقى ونىمدەرمەن قامداۋدى ويداعىداي قامتاماسىز ەتۋ − كەلەلى ستراتەگيالىق ماسەلە. جۇڭگولىقتار ىرىزدىعىن قاي - قاشان دا ءوز قولىندا مىقتى ۇستاۋى، داستارقانىندا، باستىسى، جۇڭگو استىعى بولۋى كەرەك»، «تاماقتانۋ سىندى وسى ءبىر نەگىزگى ءومىر ءسۇرۋ ماسەلەسىندە باسقالارعا يەك ارتۋىمىزعا، استە بولمايدى»، «استىق حاۋىپسىزدىگىن تيتتەي دە بوساڭسىتۋعا بولمايدى» دەگەن ەدى.
پارتيانىڭ 18 - قۇرىلتايىنان بەرى باس شۋجي شي جينپيڭ قايتا - قايتا تەكسەرۋ - زەرتتەۋ جۇرگىزىپ، ەگىس اتىزدارىنا بارىپ، دىمقىلدىقتى تەكسەرىپ، مايسا جاعدايىن كورىپ، ءونىم الۋ جاعدايىن ۇعىسىپ وتىردى. «ەگىس داقىلدارىن سۋارۋعا مۇمكىندىك بار ما، جوق پا»، «اتىزدا كىرىستىرىپ ەگىلگەن بۇرشاق بار ما، جوق پا »، «شىنجىر توقپاق ۇستامايتىن بولعان شىعارسىزدار» ... ءوندىرىس جاعدايىن ىستىق ىقىلاسپەن اڭگىمەلەۋدىڭ ارعى جاعىندا باس شۋجيدىڭ جۇڭگو استىعىنا دەگەن زور ءۇمىتى مەن مۇندالاپ تۇر.
«استىق حاۋىپسىزدىگىنىڭ ىرىقتىلىق ۇقىعىن مىقتى يگەرەيىك» دەگەن ىقىلاستى تاپسىرما «استىق ءوندىرىسىن جىل سايىن مىقتى يگەرۋدىڭ» ءىس جۇزىندىك ارەكەتىنە اينالدى. 2021 - جىلى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز جاڭا تيپتى ايدارشا ۆيرۋس وكپە قابىنۋ ىندەتى، تاسقىن، سەل، جاراتىلىستىق اپات سياقتى قيىنشىلىقتاردى جەڭدىك، استىقتىڭ جالپى ءونىم مولشەرى ءبىر تريلليون 365 ميلليارد 700 ميلليون جىڭعا جەتىپ، الدىنداعى جىلداعىدان 26 ميلليارد 700 ميلليون جىڭ ارتىپ، ءبىر تريلليون 300 ميلليارد جىڭنان جوعارعى ورە ورنىقتى ساقتالدى.
قازىر گۋاڭدۇڭنىڭ ليڭنان القابىنان شىعىس سولتۇستىك جازىعىنا دەيىن، بالىق، كۇرىش اۋىلىنان نيڭشياداعى حۋاڭحى جازىعىنا دەيىن ساتىلى اتىزدار سۋارىلا باستادى، ەگىستىك جەرلەردىڭ «دارەجەسى جوعارىلاتىلۋدا»، اۋىل شارۋاشىلىق ماشينالارى قاتارعا تۇرعىزىلىپ تەكسەرىلىپ، جوندەلۋدە، كوكتەمگى ەگىسكە دايىندالۋدىڭ قاربالاس كارتيناسى وڭتۇستىكتەن سولتۇستىككە قاراي رەت – رەتىمەن قالىپتاسۋدا.
بيىل − ەلىمىزدىڭ جاپپاي سوتسياليستىك وسىزاماندانعان مەملەكەت قۇرۋعا قادام تاستاۋداعى، ەكىنشى 100 جىلدىق كۇرەس نىساناسىنا تىڭ جورىق جاساۋىنداعى ماڭىزدى ءبىر جىل. كوكتەمگى اۋىل شارۋاشىلىق ءوندىرىسىنىڭ ءبىرىنشى شايقاسىن ويداعىداي جۇرگىزىپ، استىق حاۋىپسىزدىگى سىندى تومەنگى شەكتى بەرىك ساقتاپ، ەل ىشىندەگى ءوندىرىستى ورنىقتىرۋ، قامداۋدى قامتاماسىز ەتۋدىڭ تۇراقتىلىعى ارقىلى سىرتقى ورتانىڭ تۇراقسىزدىعىنا توتەپ بەرۋ ەكونوميكالىق قىزمەتتە «ورنىقتىلىقتى ماڭداي الدى ورىنعا قويىپ، ورنىقتىلىق بارىسىندا ىلگەرىلەۋ» جونىنەن ماڭىزدى مانگە يە.
ءونىم مولشەرىن ورنىقتىرىپ، قامبانى دانگە تولتىرۋ كەرەك
استىقتان جىل سايىن مول ءونىم الىنىپ جاتىر دەپ، جاستىقتى بيىك جاستانىپ، قام – قايعىسىز جاتۋعا بولا ما؟
«ءبىز سياقتى ءبىر ميلليارد 400 ميلليون حالقى بار ءىرى ەل جونىنەن العاندا، اۋىل شارۋاشىلىعىنىڭ نەگىزدىك ورنىنا قاي - قاشان دا نەمقۇرايدى قاراۋعا جانە ونى السىرەتۋگە بولمايدى، قامبامىز استىققا تولى بولسا، كوڭىلىمىزدىڭ جاي تاباتىنى قاي - قاشان دا اقيقات».
باس شۋجي شي جينپيڭ امانشىلىقتا جامانشىلىقتىڭ دا بولارىن ويلاپ، استىق حاۋىپسىزدىگىنىڭ مەملەكەت حاۋىپسىزدىگىندە ماڭىزدى رول اتقاراتىنىن اڭعارتتى.
استىق قامباسىن ورنىقتىرۋدا، ءسوز جوق، ءونىم مولشەرىن ورنىقتىرۋ كەرەك. 2022 – جىلعى استىق ءونىم مولشەرىنىڭ نىساناسى − ءبىر تريلليون 300 ميلليارد جىڭنان استام ورەدە ورنىقتىرۋ.
ءونىم مولشەرى قالاي ورنىقتى بولادى؟ مۇندا ساپالى تۇقىم − نەگىز.
«ەلىمىزدىڭ تۇقىم شارۋاشىلىعىن ىلگەرىلەتۋگە بەل بايلاپ، دەربەس ءبىلىم مەنشىك ۇقىعىنا يە تاڭداۋلى سورتتاردى جەدەل جەتىلدىرىپ، مەملەكەتتىڭ استىق حاۋىپسىزدىگىن تۋ باستان قامتاماسىز ەتۋ كەرەك». 2018 - جىلى 4 - ايدىڭ 12 - كۇنى باس شۋجي شي جينپيڭ نانفان عىلمي زەرتتەۋ، تۇقىم جەتىلدىرۋ مەملەكەتتىك بازاسىندا قىزمەت تەكسەرگەندە وسىلاي دەپ اتاپ كورسەتكەن بولاتىن.
«ءبىز باس شۋجيدىڭ تاپسىرماسىن ەستە بەرىك ساقتاپ، جوعارى ءونىمدى، ساپالى تۇقىم جەتىلدىرۋگە ەسەلەپ قۇلشىنامىز». ۋحان داشۋەسى تىرشىلىك عىلىمى شۋەيۋانىنىڭ پروفەسسورى، كۇرىش تۇقىمىن جەتىلدىرۋ مامانى جۋ رىنشاننىڭ توبى بيىلعى كوكتەم مەرەكەسىن وڭتۇستىكتە وتكىزدى، ول: «ءبىز سۇرىپتاپ جەتىلدىرگەن ي – لياڭيوۋ - 311 كۇرىش سورتى جاقسارتىلعاننان كەيىن، كۇرىش وباسىنا، قوڭىر ءبيتكە توتەپ بەرە الۋمەن بىرگە، ءونىم مولشەرى دە %10 جوعارىلادى» دەدى.
اتىزدارعا ساپالى تۇقىم ەگىلدى. حاينان ولكەسىنىڭ دۇڭفاڭ قالاسى گانچىڭ قالاشىعى بۋمو قىستاعىنداعى حايناننىڭ قوس ءتۇسىمدى كۇرىش جاڭا سورتىن سۇرىپتاۋدان ۇلگى كورسەتۋ اتىزىندا «چاۋيوۋ چيانحاۋ»، «دۇنلياڭيوۋ» سياقتى سورتتار تۇپتەنۋ مەزگىلىنە ءوتتى.
«جۇڭگونىڭ استىق داقىلىندا نەگىزىنەن جۇڭگو تۇقىمى سەبىلەدى». قازىرگە دەيىن ەلىمىزدە نەگىزگى ەگىس داقىلدارىنىڭ سورتتى تۇقىمى نەگىزىنەن تولىق قامتىلدى، دەربەس سۇرىپتاپ جەتىلدىرىلگەن سورتتاردىڭ كولەمى %95 تەن استى، كۇرىش، ءبيداي سىندى ەكى ءىرى ازىقتىق استىق داقىلدارىمەن ءوزىن - ءوزى قامداۋ شاماسى %100 كە جەتتى، ساپالى تۇقىمنىڭ اۋىل شارۋاشىلىعىنىڭ ءونىمىن ارتتىرۋداعى ۇلەس شاماسى %45 تەن استى.
ءونىم مولشەرىن ورنىقتىرۋدا عىلىم - تەحنيكا − شەشۋشى ءتۇيىن.
باس شۋجي شي جينپيڭ: «اۋىل شارۋاشىلىعىنا عىلىم – تەحنيكامەن دەم بەرۋ كەرەك»، «شارۋالاردىڭ وزىق اۋىل شارۋاشىلىق تەحنيكاسىن يگەرۋىنە، ەڭ جاقسى تەحنيكادان پايدالانىپ ەڭ جاقسى استىق ەگۋىنە مۇمكىندىك جاساۋ كەرەك» دەپ اتاپ كورسەتكەن بولاتىن.
ورتالىقتىڭ اۋىل شارۋاشىلىق كەڭسەسىندەگى، اۋىل شارۋاشىلىعى، اۋىل - قىستاق مينيسترلىگىندەگى نەگىزگى جاۋاپتى جولداستار مىنانى ءبىلدىردى: «استىق ءوندىرىسىن ماڭداي الدى مىندەت رەتىندە يگەرىپ، شەشۋشى شايقاس جۇرگىزۋ پوزيتسياسىمەن جانە ەرەكشە كۇشتى تەبىنمەن جازعى استىقتان مول ءونىم الۋعا كەپىلدىك ەتۋ سىندى قيان - كەسكى شايقاستىڭ جەڭىسىنە باتىل قول جەتكىزىپ، تۇتاس جىلدا استىقتان مول ءونىم الۋعا كۇش سالۋ كەرەك».
بيىل كوكتەمگى ەگىسكە دايىندالۋدا جەر - جەر عىلىم – تەحنيكاعا دەن قويدى. انحۇي ولكەسى «عىلىم - تەحنيكا ارناۋلى قىزمەتكەرى +» قيمىلىن تەرەڭدەتىپ، تۇتاستىرىلعان اتىزداردا ساپالى ارناۋلى تۇقىم ەكتى؛ جياڭشي ولكەسى مايسانى شوعىرلى جەتىلدىرىپ، قوس ءتۇسىمدى كۇرىش پەن مايلى كۇرىش ەگۋ سىندى قيىن ماسەلەنى شەشىپ، كۇرىش وندىرىسىندەگى كەدەرگىلەردى بەلسەنە تالقاندادى؛ حيلۇڭجياڭ ولكەسى ۇلكەن ات كۇشىندىك، جوعارى دەڭگەيلى زەردەلى اۋىل شارۋاشىلىق ماشينالارىن جالپىلاستىرىپ، توپىراق قۇرامىنا قاراي تىڭايتقىش بەرۋدى جاپپاي ورىستەتىپ، بىرلىك ءونىمدى، جالپى ءونىمدى ارتتىردى.
اۋىل شارۋاشىلىعى، اۋىل - قىستاق مينيسترلىگى تاياۋدا ءار دارەجەلى اۋىل شارۋاشىلىق عىلىم - تەحنيكا كۇشتەرىن اتىز باسىنا بارىپ، جاسىل، جوعارى ءونىمدى ۇلگىنى شوعىرلى جالپىلاستىرۋدى كۇشەيتىپ، كەڭ اۋماقتى ەگىستىك جەرلەردىڭ ۇلگى كورسەتۋ، جەتەكتەۋ رولىن تولىق ساۋلەلەندىرىپ، شوعىرلى مايسا جەتىلدىرۋ، شونەكتەپ ءجيى ەگۋ، تۇقىمدى تىڭايتقىش ارالاستىرىپ سەبۋ سياقتى ءونىمدى ارتتىرۋ شارالارىنىڭ اتىز باستارىندا تياناقتانۋىن ىلگەرىلەتتى.
كەڭ - بايتاق اتىزدارعا نازار سالساق، ساپالى تۇقىم، ۇتىمدى ءادىس، جەلىلەس اۋىل شارۋاشىلىق ماشينالارى، تەحنيكا سەلبەستىگى اۋىل شارۋاشىلىعىمەن تەرەڭدەي توعىسۋدا. ساندى مالىمەتتە كورسەتىلۋىنشە، 2021 – جىلى ەگىس داقىلدارىن ەگۋ – ورۋدىڭ جالپىلىق ماشينالانۋ شاماسى %72 تەن اسىپ، ءۇش ۇلكەن نەگىزگى استىقتىڭ ماشينامەن ورۋداعى زياندالۋ شاماسى ورتا ەسەپپەن ءبىر پايىز تومەندەپ، استىق حاۋىپسىزدىگىنە كەپىلدىك ەتىلگەن.
ەگىستىك جەر اۋماعى ورنىقتىرىلىپ، پارتكوم مەن ۇكىمەتتىڭ بىردەي جاۋاپكەرلىك ارقالاۋىندا ناقتى ونىمدىلىككە قول جەتكىزىلدى
استىق ءوندىرىسىن ورنىقتىرۋدىڭ تەتىگى ەگىس كولەمىن ورنىقتىرۋدا. بۇرىن وڭتۇستىكتىڭ استىعى سولتۇستىككە جەتكىزىلەتىن، قازىر سولتۇستىكتىڭ استىعى وڭتۇستىككە جەتكىزىلەتىن بولدى، استىق ءوندىرىسى جاڭا جاعدايعا، جاڭا تاقىرىپقا ءدوپ كەلدى.
باس شۋجي شي جينپيڭ بىلاي دەپ اتاپ كورسەتكەن بولاتىن: «اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن ىلگەرىلەتۋ، استە، استىق وندىرىسىنە نەمقۇرايدى قاراۋعا بولادى دەگەندىك ەمەس»، «استىق حاۋىپسىزدىگىنە كەپىلدىك ەتۋدە كوپشىلىكتىڭ جاۋاپكەرلىگى بار، پارتكوم مەن ۇكىمەت بىردەي جاۋاپكەرلىك ارقالاۋدا شىنايى ونىمدىلىككە قول جەتكىزۋ كەرەك»، «ۇيلەسىمدى ورنالاستىرۋ جاساپ، نەگىزگى ءوندىرىس رايوندارى، نەگىزگى ساتۋ رايوندارى، ءوندىرۋ - ساتۋى تەپە - تەڭ رايوندار تۇگەلدەي ەگىس اتىزدارىنىڭ اۋماعىن، ءونىم مولشەرىن قامتاماسىزداندىرۋى كەرەك».
ەگىس اتىزدارىنىڭ اۋماعىن ورنىقتىرۋدا اۋىل شارۋاشىلىعىنا ءمان بەرىپ، استىقتى يگەرۋ جاۋاپكەرلىگىن ارقالاۋ كەرەك.
تۇتاس جىلدىق استىق ءوندىرىسى نىساناسى بويىنشا، 2022 - جىلى بۇكىل ەل بويىنشا ءبىر ميلليارد 760 ميلليون مۋ جەرگە استىق ەگىلۋگە كەپىلدىك ەتۋ كەرەك. كوكتەمگى ەگىس جۇمىسىنىڭ ءساتتى جۇرگىزىلۋىن ىلگەرىلەتۋ ءۇشىن، 1 - ايدىڭ اياق شەنىندە، اۋىل شارۋاشىلىعى، اۋىل - قىستاق مينيسترلىگى مەملەكەتتىك كەڭەس تەكسەرىپ بەكىتكەن استىق ءوندىرىسى نىساناسىن ءارقايسى ولكەلەرگە ءتۇسىرىپ، تۇرلەر، وڭىرلەر، بۋىندار بويىنشا جاۋاپكەرلىكتى ناقتىلاندىرىپ، شارالاردىڭ تياناقتانۋىنا كەپىلدىك ەتتى.
«استىق ونىمىنە كەپىلدىك ەتۋدە جاۋاپكەرلىكتى بىرگە ارقالاۋ كەرەك». بۇل جاعىندا جەر - جەر بەلسەنە اتتانىسقا كەلدى. حيلۇڭجياڭ ولكەسى استىق حاۋىپسىزدىگىندە پارتكوم مەن ۇكىمەت بىردەي جاۋاپتى بولۋ ءتۇزىمىن جاپپاي تياناقتاندىرىپ، ەگىستىك جەردى اق قالدىرۋعا قاتاڭ تيىم سالدى؛ جياڭشي ولكەسى ەگىستىك جەردى «اۋىل شارۋاشىلىعىنان تىس پايدالانۋدى» باتىل شەكتەپ، «استىقتان باسقاعا پايدالانۋدان» ساقتانىپ، استىق ەگىلەتىن جەر كولەمىنىڭ ارتىپ وتىرۋىنا، كەمەيمەۋىنە كەپىلدىك ەتتى؛ حاينان ولكەسى ەگىستىك جەردىڭ اۋماعىنا، ءونىم مولشەرىنە، ساپاسىنا كەپىلدىك ەتىپ، تۇقىم شارۋاشىلىعىنىڭ دامۋىن جەبەپ، استىق ءوندىرىسىنىڭ جاۋاپكەرلىگىن اتىز باستارىنا دەيىن ءبولىپ بەردى.
ەگىستىك جەردىڭ اۋماعىن ورنىقتىرۋدا تىڭعىلىقتى ارەكەت جاسالدى.
«استىق ەگىلەتىن جەر اۋماعى مەن ءونىم مولشەرىنىڭ ورنىقتىلىعىن ساقتاۋ كەرەك»، «ءبىر ميلليارد 800 ميلليون مۋ ەگىستىك جەر، ءسوز جوق، اتى زاتىنا ساي كەلۋى كەرەك، ەگىس اتىزى دەگەنىمىز ەگىس اتىزى، ونىڭ ۇستىنە، ءسوز جوق، قۇنارلى اتىز بولۋى كەرەك». بۇل سوزدەردىڭ تەرەڭ ماعىناسى بار.
قايسى ماۋسىم بولسىن بوس جۇرۋگە، جەردى بوس قالدىرۋعا بولمايدى. بيىل شاندۇڭ ولكەسى 6 ميلليون 650 مىڭ مۋ جوعارى ولشەمدى ەگىس اتىزىن جاڭادان سالۋدى جوسپارلادى؛ جياڭشي ولكەسىنىڭ ەرتە پىساتىن كۇرىشى 18 ميلليون 300 مىڭ مۋ جەرگە ەگىلىپ، سايكەس مەزگىلدەگىدەن 18 مىڭ مۋ ارتتى. اۋىل شارۋاشىلىعى، اۋىل - قىستاق مينيسترلىگىنىڭ اۋىل شارۋاشىلىق جاعدايىن ورنالاستىرۋىنا قاراعاندا، بيىل كۇزدىك ءبيداي ەگۋ مەزگىلى جىلداعىدان ءسال جاي بولعانىمەن، تۇقىم ءسىڭىرۋ كولەمى نەگىزىنەن ورنىقتى بولعان. قازىر كۇزدىك ءبيداي باتىس وڭتۇستىكتە بۋىن الدى، چاڭجياڭ، حۋايحى وڭىرلەرىندەگى كۇزدىك ءبيداي ارت - ارتىنان كوكتەدى، حۋاڭحى، حۋايحى، حايحاي وڭىرلەرىندەگى ءبيداي ءالى دە قار استىندا جاتىر، وڭتۇستىك جۇڭگو وڭىرىندەگى ەرتە پىساتىن كۇرىش ەگىلۋ الدىندا تۇر، ءۇمىت اتىزدارىندا جاڭا مول ونىمگە ازىرلىك جاسالۋدا.
ساياسات تۇراقتانىپ، ەگىنشىلەردىڭ كوڭىلى ورنىقتى
استىق حاۋىپسىزدىگىنە كەپىلدىك ەتۋدە ءجۇز ميلليونداعان ەگىنشى نەگىزگى تۇلعا سانالادى.
«ەگىنشىلەردىڭ استىق ەگۋ بەلسەندىلىگىن جۇمىلدىرىپ، استىق ەگەتىن ەگىنشىلەرگە بەرىلەتىن قوسىمشا قاراجاتتى ورنىقتىرۋ جانە كۇشەيتۋ كەرەك»، «ەگىنشىلەردىڭ استىق ەگىپ پايدا تابۋىنا مۇمكىندىك جاراتۋ كەرەك»، «استىق ەگەتىن ەگىنشىلەردىڭ ەكونوميكالىق جاقتان زيان تارتۋىنا جول بەرىلمەيدى». ايبىندى ءسوز باس شۋجيدىڭ حالىققا دەگەن تەرەڭ سۇيىسپەنشىلىگىن ايگىلەدى.
ساياسات دەم بەرىپ، ەگىنشىلەردىڭ استىق ەگۋدە پايدا تابۋىنا مۇمكىندىك جاراتىلدى.
جەر جىرتۋ ماشيناسى، مايسا كوشىرۋ ماشيناسى، ۇشقىشسىز ۇشاق ... ءار ءتۇرلى اۋىل شارۋاشىلىق ماشينالارى اۋلاعا لىق تولدى، انحۇي ولكەسى فىڭياڭ اۋدانى شياۋگاڭ قىستاعىنداعى استىق ەگەتىن ءىرى وتباسى مۇشەسى چىڭ شيبيڭ كۇلىمسىرەپ: «ءدارى بۇركىپ، تىڭايتقىش شاشۋ ءبىر تۇلعالانعان ۇشقىشسىز ۇشاققا تاپسىرىس بەرىلدى، وسى كوكتەمدەگى ەگىس جۇمىسىندا پايدالانىلادى» دەدى.
2016 – جىلى 4 - ايدىڭ 25 - كۇنى باس شۋجي شي جينپيڭ انحۇي ولكەسى فىڭياڭ اۋدانى شياۋگاڭ قىستاعىندا اۋىل - قىستاق رەفورماسى اڭگىمە ءماجىلىسىن باسقارىپ اشقاندا بىلاي دەپ دارىپتەگەن بولاتىن: «ساياسات جاعىندا استىق ءوندىرىسىنىڭ ونىمدىلىگىن قالاي جوعارىلاتۋدى، شارۋالاردىڭ استىق ەگۋ كىرىسىن قالاي ارتتىرۋدى ويلاستىرىپ، شارۋالاردىڭ استىق ءتۇسىمى مەن كىرىستى ارتتىرۋىن قاتار ىلگەرىلەتۋ كەرەك».
كوكتەم سامالى ەسىپ، اۋىل شارۋاشىلىعىن قولداۋ، قورعاۋ جۇيەسى ۇزدىكسىز كەمەلدەندى. ۇسىنىلىمدى ارتتىرىلدى، 2021 - جىلى بۇكىل ەلدىڭ ادەتتەگى الەۋمەتتىك مەجە ەسەبىندەگى ەگىن، ورمان، سۋ شىعىسى 2 تريلليون 497 ميلليارد 547 ميلليون يۋان بولىپ، 2020 - جىلداعىدان %4.5 ارتتى. سۇيەمەلدەۋ كۇشەيتىلىپ، باعا، قوسىمشا قاراجات، قامسىزداندىرۋ جاعىنان سۇيەمەلدەۋ ساياساتتىق جۇيەسى ورناتىلىپ، ءبيدايدىڭ، كۇرىشتىڭ ەڭ تومەنگى ساتىپ الۋ باعاسى لايىقتى جوعارىلاتىلىپ، جۇگەرى، سويا بۇرشاق وندىرۋشىلەرگە قوسىمشا قاراجات بەرۋ ءتۇزىمى كەمەلدەندىرىلدى، 2022 – جىلى ءۇش ۇلكەن استىق داقىلىنىڭ وزىندىك قۇنىن بۇكىلدەي قامسىزداندىرۋ جانە ەگىمشىلىك كىرىسىن قامسىزداندىرۋ نەگىزگى ءوندىرىس وڭىرىندەگى استىق وندىرەتىن ءىرى اۋدانداردى قامتىپ، ەگىنشىلەردىڭ ساياساتتىق تيىمدىلىكتەن ءتىپتى دە كوپ يگىلىكتەنۋىنە مۇمكىندىك جاسالادى. شارۋالاردىڭ تابىس مەجەسى ورنىعىپ، استىق ەگۋ بەلسەندىلىگى ارتتى.
شارۋاشىلىق ونىمدىلىگى ارتىپ، ەگىنشىلەردىڭ استىق ەگۋدەگى پايداسى مولايدى.
ءىرى ەلدىڭ شاعىن اۋىل شارۋاشىلىعى سىندى نەگىزگى مەملەكەت جاعدايىندا، «ەگىندى كىم ەگەدى» دەگەن قيىن ماسەلەنى قالاي شەشۋ كەرەك؟
باس شۋجي شي جينپيڭ بىلاي دەپ اتاپ كورسەتتى: «استىق ءوندىرىس - تيجارات ۇلگىسىندە جاڭالىق اشىپ، ءوندىرىس تەحنيكاسى شارالارىن ساپالىلاندىرىپ، ءتۇرلى سۇيەمەلدەۋ ساياساتتارىن تياناقتاندىرىپ، شارۋالاردىڭ استىق ەگۋ بەلسەندىلىگىن قورعاپ، استىق ءوندىرىسىنىڭ ونىمدىلىگىن كۇش سالا جوعارىلاتۋ كەرەك»، «شارۋالار كاسىپتىك سەلبەستىك كووپەراتيۆى − شارۋالاردىڭ كىرىسىن ارتتىرىپ، وسى زامانعى اۋىل شارۋاشىلىعىن دامىتۋدىڭ ءونىمدى ۇيىمدىق فورماسى»، «اۋىل شارۋاشىلىعى تيجاراتىن ونىمدىلىككە يە ەتىپ، اۋىل شارۋاشىلىعىن بولاشاعى بار كاسىپكە اينالدىرۋ كەرەك».
تيجارات جۇيەسىندە جاڭالىق جاراتىلىپ، اۋىل شارۋاشىلىعىنا ارنايىلانعان قوعامدىق قىزمەت وتەۋ ورەسى ۇزدىكسىز جوعارىلادى. قازىر بۇكىل ەل بويىنشا تىزىمدىك جۇيەسىنىڭ باسقارۋىنا ەنگىزىلگەن وتباسىلىق ەگىس الاڭى 3 ميلليوننان، شارۋالار سەلبەستىك كووپەراتيۆى 2 ميلليون 400 مىڭنان اسىپ، اۋىل شارۋاشىلىعىنا قوعامدانعان قىزمەت وتەۋ اۋماعى ءبىر ميلليارد 670 ميلليون مۋعا جەتتى، ولار 78 ميلليوننان استام ۇساق شارۋا وتباسىن جەتەكتەدى. بيىل ەگىستىك جەردى اۋىستىرىپ ەگۋ، استىقتان جاسىل، جوعارى ءونىم الۋ ارەكەتى، اۋىل شارۋاشىلىعىنا قوعامدانعان قىزمەت وتەۋ سياقتى ساياساتتاردىڭ قامتۋ كولەمى كەڭەيتىلىپ، اۋىل شارۋاشىلىق ماشينالارى جۇمىسىن نەگىز ەتكەن ارنايىلانعان قوعامدانعان قىزمەت وتەۋ دامىتىلىپ، ۇساق شارۋا وتباسىلارىنىڭ ءوندىرىس وزىندىك قۇنى تومەندەتىلىپ، استىق ەگۋ ونىمدىلىگى جوعارىلاتىلىپ، استىق ءوندىرىسى بەرىك ۇيىمدىق كەپىلمەن قامدالادى.
كوكتەم شۋاعىنا شومعان كەڭ - بايتاق دالادا كوكتەمگى ەگىس ناۋقانى قاربالاس جۇرگىزىلۋدە. جاڭا جورىقتا ءبىز شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، قايراتتانا العا ۇمتىلىپ، العان بەتتەن قايتپاي، مول ءونىم شاتتىعىنا، ءسوز جوق، قول جەتكىزە الامىز.
(«حالىق گازەتىنىڭ» تىلشىلەرى جۋ جۇن، يۇي جيڭشيان، جوۋ ياجۇن، فاڭ يۋان، يوۋ ي)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
