شي جينپيڭ فرانسيانىڭ زۇڭتۇڭى ماكرونمەن تەلەفوندا سويلەستى
2022.02.17 16:03 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 16 - كۇنى، بەيجيڭ. مەملەكەت ءتوراعاسى شي جينپيڭ 2 - ايدىڭ 16 - كۇنى تۇستەن كەيىن فرانسيانىڭ زۇڭتۇڭى ماكرونمەن تەلەفوندا سويلەستى.
ماكرون شي جينپيڭ مەن جۇڭگو حالقىنا بارىس جىلعى كوكتەم مەرەكەسى بايلانىسىمەن سالەم جولداپ، بەيجيڭ قىسقى وليمپيادا سپورت جارىسىنىڭ اشىلۋ سالتىنىڭ تاماشا، تابىستى بولعانىن قۇتتىقتادى، جۇڭگونىڭ قازىرگى جاعدايدا بەيجيڭ قىسقى وليمپيادا سپورت جارىسىن ۋاعىندا وتكىزۋى وڭاي ەمەس ەكەنىن، فرانسيانىڭ بەيجيڭ قىسقى وليمپيادا سپورت جارىسىنىڭ، مۇگەدەكتەر قىسقى وليمپيادا سپورت جارىسىنىڭ تابىستى بولۋىن باستان - اياق قولدايتىنىن ءارى ۇزدىكسىز بار كۇشپەن قولدايتىنىن ءبىلدىردى.
شي جينپيڭ ماكرون مەن فرانسيا حالقىنا كوكتەم مەرەكەسى بايلانىسىمەن ىزگى تىلەك ءبىلدىرىپ، مىنانى اتاپ كورسەتتى: بەيجيڭ قىسقى وليمپيادا سپورت جارىسىنىڭ ۋاعىندا ءساتتى وتكىزىلۋى حالىقارالىق قوعامنىڭ بەيبىتشىلىككە، ىنتىماققا، العا باسۋعا تالپىنىپ وتىرعانىن تۇسىندىرەدى. فرانسيا سپورتشىلارىنىڭ تاماشا ناتيجەگە قول جەتكىزگەنىن قۇتتىقتايمىن.
شي جينپيڭ بىلاي دەپ دارىپتەدى: 2021 - جىلى ءبىز ەكى رەت سويلەسىپ، جۇڭگو - فرانسيا - گەرمانيا باسشىلارىنىڭ بەينە ەكران باس قوسۋىنا ەكى رەت بىرگە قاتىناسىپ، ەكى جاقتى قاتىناستىڭ دامۋىن بەلسەنە ىلگەرىلەتتىك. ءبىزدىڭ قۇلشىنىسىمىز مول تابىستارعا قول جەتكىزدى. وتكەن جىلى ەكى جاقتى ساۋدا سوماسى 80 ميلليارد دوللاردان استى، جۇڭگونىڭ فرانسيادان يمپورت ەتكەن اۋىل شارۋاشىلىق ونىمدەرىنىڭ جالپى سوماسى سايكەس مەزگىلدەگىدەن %40 ارتتى، تۇڭعىش كەزەكتى جاساندى زەردە زەرتتەۋ - تالقى ءماجىلىسى مەن اۋىل شارۋاشىلىق عىلىم - تەحنيكا سەلبەستىگى جونىندەگى زەرتتەۋ - تالقى ءماجىلىسى ىلگەرىندى - كەيىندى وتكىزىلدى، تۇڭعىش بىرلەسكەن تاجىريبەحانا نىسانىنا قاتىستى جيناۋ باعدارلاماسى ۋاعىندا جاريالاندى، وسىنىڭ ءبارى جاسامپازدىق مانگە يە بولدى. جاڭا جىلدا جۇڭگو مەن فرانسيا بەلسەندى، اقاۋسىز، العاباسار نەگىزگى اۋەندى جالعاستىرىپ، ءوزارا قۇرمەت ەتۋ، تەڭ تۇرعىدا مامىلە جاساۋ پرينسيبى بويىنشا، ءار جىكتەگىلەردىڭ تىلدەسۋىن، اۋىس - كۇيىسىن كۇشەيتىپ، ءتۇسىنىسۋ مەن ءوزارا سەنىمدىلىكتى ارتتىرىپ، جۇڭگو - فرانسيا سەلبەستىگىنىڭ تىڭ تابىستارعا قول جەتكىزۋىن ىلگەرىلەتۋى كەرەك.
شي جينپيڭ بىلاي دەپ اتاپ كورسەتتى: بيىل فرانسيا ەۆروپا وداعىنىڭ كەزەكتى ءتوراعا ەلى بولعاننان بەرى ەۆروپا وداعىنىڭ ىنتىماعىن كۇشەيتۋ، ەۆروپانىڭ ستراتەگيالىق جاقتا ءوز بيلىگى وزىندە بولۋىن كۇشەيتۋ ءۇشىن كوپتەگەن ءىس ىستەدى. مەن تالاي رەت مىنانى دارىپتەدىم: جۇڭگو مەن ەۆروپا دۇرىس ءوزارا تانىمنان جازباي، ءوزارا قۇرمەت ەتىپ، پىكىرلەسىپ، سەلبەسىپ، ءوزارا پايدا جەتكىزىپ، تەڭ يگىلىككە كەنەلۋدە تاباندى بولۋى كەرەك. جۇڭگو - ەۆروپا ەكى جاق بىرگە قۇلشىنىپ، ەڭ ۇلكەن ورتاقتىقتى ۇيىستىرىپ، جۇڭگو - ەۆروپا قاتىناسىنىڭ تىڭ دامۋشىلىقتارعا قول جەتكىزۋىن ىلگەرىلەتۋى كەرەك. جۇڭگو فرانسيامەن بىرگە جۇڭگو - ەۆروپا باسشىلارى كەڭەسىنىڭ ءساتتى وتكىزىلۋىن ىلگەرىلەتىپ، جاڭا كەزەكتى ستراتەگيا، ەكونوميكا - ساۋدا، جاسىل، سيفرلى بولۋ، گۋمانيتارلىق سياقتى سالالاردا جوعارى جىكتەگىلەردىڭ كەڭەسىن بىرگە ويداعىداي وتكىزىپ، جۇڭگو - ەۆروپا قارجى قوسۋ كەلىسىمىن بەكىتۋدىڭ كۇشكە يە بولۋ اياق الىسىن ىلگەرىلەتىپ، ەكى ەل حالىقتارىن شىنايى يگىلىككە كەنەلتۋدى قالايدى.
ماكرون مىنانى ءبىلدىردى: قازىر حالىقارالىق جاعداي شيەلەنىستى، اۋمالى - توكپەلى بولىپ وتىر، وسىنداي جاعدايدا فرانسيا جۇڭگومەن جالپى بەتتىك ستراتەگيالىق سەرىكتەستىك قاتىناستى تەرەڭدەتۋدى ءتىپتى دە ءۇمىت ەتەدى. فرانسيا تاياۋ جىلداردان بەرى فرانسيا مەن جۇڭگونىڭ تەحنيكا، اۋىل شارۋاشىلىعى، اۆياتسيا، يادرو ەنەرگياسى سياقتى سالالارداعى سەلبەستىگىندە كەلەلى تابىستارعا قول جەتكىزىلگەنىنە ءدان ريزا، جۇڭگومەن بىرگە ىندەتتىڭ ىقپالىن جەڭىپ، ادامداردىڭ بارىس - كەلىسىن كۇشەيتىپ، دوستىق سەنىمدىلىكتى ارتتىرىپ، ءوزارا ءتيىمدى سەلبەستىكتى تەرەڭدەتۋدى قالايدى. بيىل الدىڭعى جارتى جىلداعى ەۆروپا وداعىنىڭ كەزەكتى ءتوراعا ەلى رەتىندە فرانسيا ەۆروپا وداعى مەن جۇڭگو اراسىنداعى بەلسەندى كەڭەستىك ءتارتىپتى بار كۇشپەن ىلگەرىلەتىپ، جۇڭگومەن بىرگە قۇلشىنىپ، ەۆروپا - جۇڭگو باسشىلارى كەڭەسىنىڭ تابىستى بولۋىن ىلگەرىلەتىپ، ەۆروپا - جۇڭگو قاتىناسىنىڭ دامۋىن ىلگەرىلەتەدى. ەۆروپا مەن جۇڭگونىڭ قارجى قوسۋ كەلىسىمى كۇشكە يە بولىپ، ىلگەرىلەۋشىلىككە قول جەتكىزىلۋىن ءۇمىت ەتەمىن.
ەكى ەل باسشىلارى كەلەسى ساتىداعى ەكى جاقتى سەلبەستىك جونىندە كوپتەگەن ماڭىزدى ورتاق تانىمعا كەلدى:
ءبىرىنشى، اۋىل شارۋاشىلىق عىلىم - تەحنيكاسى مەن جەرگىلىكتى ابزال اۋىل شارۋاشىلىق كاسىبى سەلبەستىگىنىڭ ەرتەرەك تياناقتانۋىن ىلگەرىلەتۋ. جۇڭگو فرانسيانىڭ جۇڭگونىڭ تالابىنا ۇيلەسەتىن اۋىل شارۋاشىلىق ونىمدەرى كاسىپورىندارىنىڭ جۇڭگودا تىزىمگە الىنۋىن قارسى الادى.
ەكىنشى، جۇڭگو مەن فرانسيانىڭ «جاسىل جاساۋ سەلبەستىك سەرىگى» باستاماسىن تەرەڭدەتىپ، قارسى جاقتاعى كاسىپورىنداردىڭ ءوز ەلىنىڭ دامۋىنا ءادىل، ادىلەتتى، كەمسىتپەيتىن تيجارات - ساۋدا ورتاسىن ازىرلەپ بەرۋ.
ءۇشىنشى، ءتىپتى دە كوپ فرانسيا بانكەسى مەن فينانس نەگىزدىك قۇرىلعىلارىنىڭ حالىق اقشاسىنىڭ شەكارا اتتاپ تولەۋ جۇيەسىنە كىرۋىنە قولداۋ كورسەتۋ. جۇڭگو جاق قاتىستى تارتىپتەر مەن ولشەمدەرگە نەگىزدەلىپ، فرانسيا قارجىلاندىرعان بانكەلەردىڭ فينانستىق تولىمدىلىققا قاتىستى وتىنىشتەرىن بەلسەنە تەكسەرىپ بەكىتەدى.
ءتورتىنشى، ەكى ەلدىڭ اۆياتسيا كاسىپورىندارىنىڭ ءتۇرلى فورمالارمەن سەلبەستىكتى تەرەڭدەتۋىن قولداپ، ۇشاقتىڭ ءوزارا ۇشۋعا ۇيلەسۋىن كۋالاندىرۋدى ىلگەرىلەتۋ.
بەسىنشى، 3 - جاق بازار سەلبەستىگىنىڭ 4 - توپتاعى ۇلگى كورسەتۋ نىساندارىنىڭ تىزىمدىگىن تياناقتاندىرۋدى جەدەلدەتۋ. التىنشى، جۇڭگو مەن فرانسيانىڭ ستراتەگيالىق تىلدەسۋ كەڭىستىگى گرۋپپالار ءماجىلىسىن، توراپتاعى گرۋپپالار ءماجىلىسىن ەرتەرەك وتكىزىپ، ۇيەك، تەڭىز - مۇحيت كەڭەسىن ورىستەتىپ، ەكى ارميانىڭ ءار دارەجەلى پىكىرلەسۋىن، اۋىس - كۇيىسىن كۇشەيتۋ.
ماكرون ۋكراينانىڭ قازىرگى جاعدايى جونىندەگى كوزقاراسىن باياندادى. شي جينپيڭ مىناندى دارىپتەدى: قاتىستى جاقتار ساياسي جولمەن شەشۋ ۇلكەن باعىتىنان جازباي، نورمانديا مەحانيزمىن قامتىعان كوپ جاقتى تۇعىردان تولىق پايدالانىپ، تىلدەسۋ، كەڭەسۋ ارقىلى ۋكراينا ماسەلەسىنىڭ جاپپاي شەشىلۋىن قاراستىرۋى كەرەك.
ەكى جاق ورتاق كوڭىل ءبولىپ وتىرعان باسقا ماسەلەلەر جونىندە دە پىكىر اۋىستىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
