اۋدان وڭىرىندەگى ەمدەۋ ورتاق تۇلعاسىن قۇرىپ، ينتەرنەتتىك ەمدەۋدى دامىتىپ، باسقا جەردە ەمدەۋ قامسىزداندىرۋىنىڭ ەسەبىن تىكەلەي جابۋ حالىقتىڭ سالاماتتىعىن سەنىمدى كەپىلمەن قامدادى (ورنىقتى قاداممەن العا باسىپ، جاڭا جاعداي جاراتايىق)
«حالىق گازەتىنىڭ» ءتىلشىسى شىن شاۋتيە
2022.02.15 16:50 كەلۋ قاينارى : حالىق تورابى
باس شۋجي شي جينپيڭ: «ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن ۇزدىكسىز تەرەڭدەتىپ، ساپالى ەمدەۋ بايلىعىن بىركەلكى ورنالاستىرىپ، نەگىزگى ساتىنىڭ نەگىزدىك قۇرىلعى شارت - جاعدايىن جاقسارتىپ، حالىقتىڭ سالاماتتىعىن سەنىمدى قامتاماسىز ەتۋ كەرەك» دەپ دارىپتەگەن بولاتىن.
«14 – بەسجىلدىق» جوبا مەزگىلىندە ەلىمىز نەگىزگى ەمدەۋ، دەنساۋلىق ساقتاۋ ىستەرىنىڭ الەۋمەتتىك يگىلىك سيپاتىندا تاباندى بولىپ، ساپالى ەمدەۋ بايلىعىن كەڭەيتۋ مەن وڭىرلىك تەپە - تەڭ ورنالاستىرۋدى جەدەلدەتىپ، قالىڭ حالىق بۇقاراسىنىڭ جاقىن ماڭدا اۋرۋدان ساقتاندىرۋ، ەمدەۋ، ساۋىقتىرۋ، سالاماتتىقتى جەبەۋ سياقتى سالاماتتىق قىزمەت وتەۋىنەن يگىلىكتەنۋىنە مۇمكىندىك جاسادى.
− اۋدان وڭىرىندەگى شيپاگەرلەردىڭ سانى 4 مىڭنان اسىپ، اۋدان سالماقتى اۋرۋلاردى ەمدەي الاتىن بولدى.
تيانحۋاڭپيڭ قالاشىق ەمحاناسى جىجياڭ ولكەسى انجي اۋدانىنىڭ 2 - ەمدەۋ ورتاق تۇلعاسىنا قارايدى، جەتەكشى شيپاحانا انجي اۋداندىق جۇڭگوشا ەمدەۋ شيپاحاناسى سانالادى. ەمدەۋ ورتاق تۇلعاسى قۇرىلعاننان كەيىن انجي اۋداندىق جۇڭگوشا ەمدەۋ شيپاحاناسى ادام كۇشى، زات كۇشى سياقتى جاقتاردا تيانحۋاڭپيڭ قالاشىعى ەمحاناسىن زور كۇشپەن قولداپ، قالاشىق ەمحاناسىنىڭ قىزمەت وتەۋ قۋاتىن ءونىمدى جوعارىلاتتى، كوكىرەك اۋرۋىن ەمدەۋ بولەگى سولاردىڭ ءبىرى ەدى. تيانحۋاڭپيڭ قالاشىعى ەمحاناسىنىڭ ورىنباسار باستىعى جياڭ جىن بىلاي دەدى: جاڭادان قۇرىلعان كوكىرەك اۋرۋىن ەمدەۋ بولەگىندە ولشەمدى ەمدەۋ - قۇتقارۋ جانە تەكسەرۋ ءتاسىلى قولدانىلادى، سونداي - اق اۋداندىق جۇڭگوشا ەمدەۋ شيپاحاناسىمەن ۇشتاسىپ جۇمىس ىستەلەدى، وسىلايشا كوكىرەك اۋرۋىن ەمدەۋ قۋاتى بارىنشا جوعارىلاتىلدى.
2019 - جىلى مەملەكەتتىك دەنساۋلىق ساقتاۋ، سالاماتتىق كوميتەتى بۇكىل ەل كولەمىندە تىعىز ۇشتاسقان اۋدان وڭىرىندەگى ەمدەۋ ورتاق تۇلعاسى قۇرىلىسىن تۇيىندە سىناق ەتۋدى باستاپ، سانشي، جىجياڭ سياقتى ولكەلەردە جيىنى 754 اۋداندى سىناق ءتۇيىنى ەتىپ بەلگىلەدى. 2 جىلدان بەرى سىناق ءتۇيىنى ەتىلگەن وڭىرلەر «اۋدان ءوڭىرىن كۇشەيتۋدى، نەگىزگى ساتىنى كۇشەيتۋدى» تياناق ەتىپ، ەمدەۋ ورتاق تۇلعاسىن باسقارۋ ءتۇزىلىسى، اينالىم مەحانيزمى، قىزمەت وتەۋ ۇلگىسى سياقتى جاقتاردا رەفورمانى تەرەڭدەتىپ، بەلسەندى ىلگەرىلەۋشىلىككە جانە ونىمدىلىككە قول جەتكىزدى. مەملەكەتتىڭ سىناق ءتۇيىنى نەگىزىندە جەر - جەر ەمدەۋ ورتاق تۇلعاسى قۇرىلىسى قىزمەتىن باستادى. قازىرگە دەيىن بۇكىل ەل بويىنشا اۋدان وڭىرىندەگى ەمدەۋ جالپى تۇلعاسى 4 مىڭنان استى. مەملەكەتتىك دەنساۋلىق ساقتاۋ، سالاماتتىق كوميتەتى نەگىزگى ساتى دەنساۋلىق ساقتاۋ، سالاماتتىق تارماق مەكەمەسىنىڭ باستىعى نيە چۇنلەي بىلاي دەدى: اۋدان وڭىرىندەگى ەمدەۋ ورتاق تۇلعاسى قۇرىلىسى اۋدان ءوڭىرىنىڭ جالپى تۇلعالىق ەمدەۋ قىزمەت وتەۋ قۋاتىن جوعارىلاتىپ، نەگىزگى ساتىداعى بۇقارانىڭ ەمدەۋ قىزمەت وتەۋى جاعىنداعى قول جەتىمدىلىگى كورنەكتى جوعارىلاپ، ەمدەلۋ اۋىرتپالىعى جەڭىلدەدى.
− ينتەرنەت شيپاحاناسى ءبىر مىڭ 600 دەن استى، ۇيدە وتىرىپ – اق ماماندارعا كورۋىنۋگە مۇمكىندىك جاراتىلدى
2021 - جىلى 9 - ايدا حيلۇڭجياڭ ولكەسى جيشي قالاسىنداعى لاۋيان بۇيرەك قابىنۋىنا شالدىعىپ بەيجيڭ داشۋەسى 1 - شيپاحاناسىنىڭ بۇيرەك ىشكى اۋرۋلار بولىمىنە بارىپ جوۋ فۋدى شيپاگەرگە كورىنەدى. دياگنوزى انىقتالعاننان كەيىن اۋىلىنا قايتىپ ءدارى ءىشىپ ءبىراز تاۋىرلەنەدى. وسىدان كەيىن لاۋيان جەرگىلىكتى شيپاحانادا تەكسەرىلگەننەن كەيىن، قول تەلەفون ارقىلى ناتيجەسىن جولداپ بەرىپ، توراپتا جوۋ فۋدى شيپاگەرگە قايتالاي كورىنىپ، بەيجيڭگە بارىپ - كەلەتىن ۋاقىت پەن قاتىناس وزىندىك قۇنىن ۇنەمدەيدى.
2018 - جىلى 4 - ايدا «‹ينتەرنەت + ەمدەۋ، سالاماتتىق ىستەرىنىڭ› دامۋىن جەبەۋ جونىندەگى پىكىر» جاريالانىپ، مەملەكەتتىك دەنساۋلىق ساقتاۋ، سالاماتتىق كوميتەتى ءبىرسىپىرا سايكەستى قۇجاتتى باسىپ تاراتىپ، قىزمەت وتەۋ مازمۇنى، بازارعا كىرۋگە رۇقسات ەتۋ، كاسىپتىك ەرەجە، باقىلاۋ - باسقارۋ سياقتى جاقتاردان ينتەرنەتتە دياگنوز قويۋ، ەمدەۋ، ينتەرنەت شيپاحاناسى، الىس ارالىقتان ەمدەۋ، سالاماتتىق ىستەرىنىڭ دامۋىن ارناعا ءتۇسىردى. 3 جىلدان بەرى ەلىمىزدىڭ ينتەرنەتتىك ەمدەۋ ىستەرى تەز دامىدى. مەملەكەتتىك دەنساۋلىق ساقتاۋ، سالاماتتىق كوميتەتىنىڭ ساندى مالىمەتىندە كورسەتىلۋىنشە، قازىر ءبىر مىڭ 600 ينتەرنەت شيپاحاناسى، 7 مىڭ 700 دەن استام 2 - دارەجەلىدەن جوعارى شيپاحانا جەلىدە قىزمەت وتەپ، 3 - دارەجەلى شيپاحانانىڭ توراپتا الدىن الا كەلىسىپ ەمدەۋ شاماسى %50 تەن اسقان.
− باسقا جەردە ەمدەۋ قامسىزداندىرۋىنىڭ ەسەبىن تىكەلەي جابۋشىلار 14 ميلليون ادام – رەتكە جەتىپ، ەمدەلۋ اۋىرتپالىعى جەڭىلدەدى.
«شيپاحانادان شىعىپ اقى تاپسىرعان كەزدە تىكەلەي ەسەپتەن كوتەرىلەتىن بولدى، ويلاماعان ەكەنمىن!» ۋ حانىم باسقا جەردە ەمدەۋ قامسىزداندىرۋىنىڭ ەسەبىن تىكەلەي جابۋ ساياساتىن اۋىز جاپپاي القادى. 2021 - جىلى 8 - ايدا لياۋنيڭ ولكەسى داليان قالاسىنداعى ۋ حانىم استانا مەديتسينا داشۋەسىنە قاراستى بەيجيڭ چاۋياڭ شيپاحاناسىندا وكپە وسپەسىن الىپ تاستاۋ وپەراتسياسىن جاساتادى، 9 كۇن بالنيتساعا جاتىپ، جيىنى 60 مىڭ يۋاننان استام جۇمسايدى، ەمدەۋ قامسىزداندىرۋىنان ەسەپتەن كوتەرىلگەن اقشا 50 مىڭ يۋانعا تايايدى. ۋ حانىم ەسكە الىپ بىلاي دەدى: سول كەزدە داليان قالالىق ەمدەۋ قامسىزداندىرۋ مەكەمەسىنە تەلەفون سوعىپ، باسقا جەردە ەمدەۋ قامسىزداندىرۋىنىڭ ەسەبىن تىكەلەي ەسەپتەن كوتەرۋدى ەستەلىككە الدىردىم، شيپاحانادان شىققاندا بەيجيڭ چاۋياڭ شيپاحاناسى تىكەلەي ەسەپتەن كوتەرىپ بەردى.
نەگىزگى ەمدەلۋدى قامسىزداندىرۋىندا ولكە اتتاپ باسقا جەردە ەمدەلۋ قاراجاتىن تىكەلەي ەسەپتەن كوتەرۋدى ىلگەرىلەتۋ − ەمدەۋ قامسىزداندىرۋ ءتۇزىمىن كەمەلدەندىرىپ، بۇقارانىڭ تىلەگىن شەشەتىن ماڭىزدى رەفورما شاراسى. 2021 - جىلدان بەرى مەملەكەتتىك ەمدەۋ قامسىزداندىرۋ مەكەمەسى، قازىنا مينيسترلىگى سياقتى تاراۋلار ەمدەۋ قامسىزداندىرۋىندا ولكە اتتاپ باسقا جەردە ەسەپ جابۋ قىزمەتىن كۇش سالا ىلگەرىلەتىپ، بۇقارا سارپالداڭعا تۇسۋدەن قۇتىلىپ، ەمدەلۋ اناعۇرلىم قولايلى بولدى. 2021 - جىلى جەلتوقسانعا دەيىن 31 ولكە (اۆتونوميالى رايون، توتە قاراستى قالا) مەن شينجياڭ ءوندىرىس - قۇرىلىس بيڭتۋانىنىڭ بارلىق ءبىر تۇتاس جوسپارلانعان رايوندارىندا ادەتتەگى امبالاتوريا قاراجاتىن ولكە اتتاپ تىكەلەي ەسەپ جابۋ تولىق قامتىلدى؛ ءاربىر ولكەدە كەمىندە ءبىر ءبىر تۇتاس جوسپارلانعان وڭىردە امبالاتوريا سوزىلمالى اۋرلارىنا، ەرەكشە تۇردەگى سالماقتى اۋرۋلارىنا قاتىستى ەمدەۋ قاراجاتىن ولكە اتتاپ تىكەلەي ەسەپ جابۋ سىناق ءتۇيىنى ىسكە قوسىلدى. ساندى مالىمەتتە كورسەتىلۋىنشە، 2021 – جىلى بۇكىل ەل بويىنشا بالنيتساعا جاتۋ قاراجاتىندا ولكە اتتاپ تىكەلەي ەسەپ جاپتىرعاندار 4 ميلليون 405 مىڭ 900 ادام – رەت بولىپ، بۇكىل ەل بويىنشا امبالاتوريا قاراجاتىندا ولكە اتتاپ تىكەلەي ەسەپ جاپتىرعاندار 9 ميلليون 496 مىڭ ادام – رەت بولعان. كەلەسى قادامدا قاتىستى تاراۋلار ءتۇرلى قىزمەتتەردى تىڭعىلىقتى ىلگەرىلەتىپ، ولكە اتتاپ باسقا جەردە ەمدەلۋ قاراجاتىن تىكەلەي ەسەپتەن كوتەرۋدىڭ اناعۇرلىم قولايلى، اناعۇرلىم ءونىمدى بولۋىنا كەپىلدىك ەتەدى.
2021 - جىلى 12 - ايدىڭ باسىندا مەملەكەتتىك ەمدەۋ قامسىزداندىرۋ مەكەمەسى 2021 - جىلعى مەملەكەتتىك ەمدەۋ قامسىزداندىرۋىنداعى ءدارى - دارمەك تىزىمدىگىن رەتتەۋ ناتيجەسىن جاريالادى، جالپى 74 ءتۇرلى ءدارى - دارمەك تىزىمدىككە ەنگىزىلدى، بۇل كەلىسسوز ارقىلى ەنگىزىلگەن، ءبىر عانا جەر ساتاتىن 67 ءتۇرلى ءدارى - دارمەك پەن تىكەلەي ەنگىزىلگەن، كوپتەگەن جەر ساتاتىن 7 ءتۇرلى ءدارى - دارمەكتى قامتيدى، مۇنىڭ ىشىندە كەلىسسوز ءساتتى بولعان، ءبىر عانا جەر ساتاتىن ءدارى - دارمەكتىڭ ورتاشا باعاسى %61.71 تومەندەتىلىپ، بۇقارانىڭ ءدارى - دارمەك ىستەتۋ اۋىرتپالىعى ونان ارى جەڭىلدەتىلدى.
سالاماتتى جۇڭگو قۇرىلىسىن جاپپاي ىلگەرىلەتۋ پارتيانىڭ حالىققا بەرگەن ايبىندى ۋادەسىن ارقالادى، وندا حالىقتىڭ تاماشا تۇرمىسقا دەگەن تالپىنىسى باستان - اياق بۇلجىماس كۇرەس نىساناسى ەتىلگەن. بولاشاققا كوز جىبەرسەك، حالىق بۇقاراسىنىڭ سالاماتتىق باقىتى اناعۇرلىم ويداعىداي قورعالادى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ اناعۇرلىم پارمەندى سالاماتتىق قوزعاۋشى كۇشىنە يە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
