شينجياڭدا قاتىناس – تاسىمال سالاسىندا حالىق تۇرمىسىنا قاتىستى 18 ءتۇرلى ناقتى ءىس ىستەلەتىندىگى ورتاعا قويىلدى
2022.02.15 09:26 كەلۋ قاينارى : حالىق تورابى
تيانشان تورابى – شينجياڭ گازەتىنىڭ ءتىلشىسى لۋ فىڭباۋ حابارلايدى. 2 – ايدىڭ 11 – كۇنى شينجياڭ ۇيعۇر اۆتونوميالى رايوندىق قاتىناس – تاسىمال مەڭگەرمەسى حالىق تۇرمىسىنا قاتىستى بيىلعى 18 ءتۇرلى ناقتى ءىستى جاريالاعان، حالىق تۇرمىسىنا قاتىستى ناقتى ىستەر بۇقارا شەشۋدى قاجەت ەتكەن «شۇعىل، كۇردەلى، ۋايىمداعان، زارىعا كۇتكەن» ماسەلەلەرگە نازاردى شوعىرلاندىرا وتىرىپ، باستىسى اۋىل – قىستاقتاعى قاتىناس – تاسىمال نەگىزدىك قۇرىلعىلارى قۇرىلىسى، تاس جولداعى ءجۇرىس – تۇرىستىڭ ساپاسىن جوعارىلاتۋ، قاتىناس – تاسىمال سالاسىندا قارتتارعا ۇيلەسەتىن قىزمەت وتەۋ قاتارلىلاردى توڭىرەكتەي وتىرىپ ورىستەتىلەدى.
حالىق تۇرمىسىنا قاتىستى 18 ناقتى ءىستىڭ بارلىعىندا ايقىن نىسانالىق مىندەت ورنالاستىرىلعان، وسى ارقىلى ونىڭ ناقتى تياناقتاندىرىلۋىنا كەپىلدىك ەتىلەدى. اۋىل – قىستاقتاعى قاتىناس نەگىزدىك قۇرىلعىلارى قۇرىلىسىن كۇشەيتۋ، اۋىل – قالاشىقتاعى 3 – دارەجەلىدەن جوعارى تاس جولدار مەن جان سانى كولەمى ءبىرشاما زور تابيعي قىستاقتاردا قاتايتىلعان تاس جول قۇرىلىسىن اتقارۋ، 2022 – جىلى جاڭادان 6000 كيلومەترلىك اۋىل – قىستاق جولىن وزگەرتىپ سالۋ، اۋىل – قىستاق جولىن اناعۇرلىم ىركىلىسسىزدەندىرۋ؛ جاڭادان سالىنعان جانە سالىنۋ ۇستىندەگى جوعارى قارقىندى تاس جولدارداعى قىزمەت وتەۋ رايوندارىندا كەدەرگىسىز قۇرىلعىلاردى ورنالاستىرۋ، كەدەرگىسىز قۇرىلعىلاردى قورعاۋ مەن باسقارۋعا، ونىڭ اقاۋسىزدىعىنا كەپىلدىك ەتۋ، كەدەرگىسىز دارەتحانا، كەدەرگىسىز ءدالىز، كەدەرگىسىز اۆتوكولىك توقتاتۋ ورنى قاتارلىلارمەن %100 قامتۋ؛ اۋىل – قىستاقتاعى زات اينالىمىنا قىزمەت وتەۋ مولشەرى مەن قىزمەت وتەۋ ساپاسىن جوعارىلاتۋ، 2022 – جىلدىڭ سوڭىنا دەيىن جولاۋشى تاسىمالى اۆتوموبيلدەرىنىڭ شاعىن جولدامالاردى ۋاكىلدىك تاسىمالدايتىن جەلىلەرى 150 دەن كەم بولماۋ، «جۇڭگو پوچتا بەكەتى + اۋىل – قالاشىقتاعى تاسىمالعا قىزمەت وتەۋ بەكەتىنەن» كەمىندە 80 بەكەتكە ماڭدايشالىق ءىلۋ؛ قاتىناس – تاسىمال جاعىندا قارتتاردىڭ ءجۇرىس – تۇرىسىنا ۇيلەسەتىن قىزمەت وتەۋدى جولعا قويۋ، قالاداعى اۆتوبيلدەردەگى قارتتاردى قۇرمەتتەيتىن، ايالايتىن قىزمەت وتەۋ تۇرلەرى ورنالاستىرىلعان ۇلگى جول جەلىلەرىن قالىپتاستىرىپ، قالالارداعى الەۋمەتتىك اۆتوبۋستاردا قارتتاردىڭ تۇسۋىنە قولايلى باسپالداقتى اۆتوبۋستان 100 اۆتوبۋستى جاڭادان قوسۋ، مەترو بەكەتتەرىندە دوڭگەلەكتى ورىندىقتى ءتۇسىرىپ – شىعاراتىن قۇرىلعىلاردى تۇگەل ورنالاستىرۋ؛ جوعارى قارقىندى تاس جولدارداعى قىزمەت وتەۋ ورىندارىندا جۇك اۆتوموبيلى توقتايتىن ورىنداردى جاڭادان قوسۋ، جۇك اۆتوموبيلدەرى كوپ جۇرەتىن جول بولىكتەرىندە تۇندە جۇك اۆتوموبيلى توقتايتىن ورىنداردى كوبەيتۋ ءارى ءىشىنارا قىزمەت وتەۋ رايوندارىنىڭ اۆتوموبيل توقتاتۋ الاڭدارىن كەڭەيتۋىنە بەلسەندى كۇش سالۋ، جۇك اۆتوموبيلى توقتايتىن ورىنداردى كوبەيتۋ، قىزمەت وتەۋ رايوندارىندا بوس تۇرعان اۆتوكولىك ورنىنىڭ سانىن ەسكەرتەتىن قىزمەت وتەۋدى ورىستەتىپ، اۆتوكولىك توقتاتۋ ورنىنا الدىن الا تاپسىرىس بەرۋ قىزمەتى جونىندە ىزدەنىس جاساۋ؛ شىحىزى، كۇيتۇن، تۇرپان قاتارلى 7 جەردە «شوفەرلەر ءۇيىن» جاڭادان سالۋ، اس – سۋ، دەمالۋ، جۋىنۋ، كيىم جۋۋ قاتارلى قىزمەت وتەۋ تۇرلەرىمەن قامداۋ باسا دارىپتەلگەن.
«ولكە اتتاعان ءبىرتۇتاس ءبىتىرۋ» قىزمەتى دە اناعۇرلىم قولايلى بولا تۇسەدى، بيىل «ولكە اتتاعان ءبىرتۇتاس ءبىتىرۋ» قىزمەت يقۋاتتارى كەڭەيتىلىپ، جاي تاس جولدارداعى جۇك اۆتوموبيلدەرى ينتەرنەت ارقىلى تەكسەرۋ قىزمەتىنىڭ كولەمىنە تولىق قامتىلادى، ينتەرنەت ارقىلى ءبىتىرۋ مەن ينتەرنەتتەن تىس تەرەزەلىك قىزمەتكەرلەردىڭ «كومەگىندە ءبىتىرۋ»، «ۋاكىلدىك ءبىتىرۋ» قىزمەتىن ۇشتاستىرۋعا تاباندى بولىپ، جۇمىس ءبىتىرۋ مولشەرى مەن ءساتتى ءبىتىرۋ مولشەرى ارتتىرىلادى. ءىرى جۇكتەردى ولكە اتتاي تاسىمالداۋعا رۇقسات الۋ ءىسىن دە ينتەرنەت ارقىلى ءبىتىرۋ ىسكە اسىرىلادى، مەملەكەتتىك اكىمشىلىك قىزمەت وتەۋ تەكشەسى جانە شينجياڭ اكىمشىلىك قىزمەت وتەۋ تەكشەسى ارقىلى ءىرى جۇكتەردى ولكە اتتاي تاسىمالداۋدى ينتەرنەت ارقىلى ءبىتىرۋ ىلگەرىلەتىلەدى، ءىرى جۇكتەردى تاسىمالداۋعا ءوتىنىش بەرۋ ءىسى «جاڭا قىزمەت وتەۋ» كولەمىنە ەنگىزىلىپ، ءىرى جۇكتەردى ولكە اتتاي تاسىمالداۋعا ينتەرنەت ارقىلى رۇقسات الۋ ىسكە اسىرىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
