مەملەكەتتىك كەڭەس «14 – بەسجىلدىق» اۋىل شارۋاشىلىعىن، اۋىل - قىستاقتى وسىزامانداندىرۋدى ىلگەرىلەتۋ جوباسىن باسىپ تاراتتى
2022.02.14 17:08 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 11 - كۇنى، بەيجيڭ. اۋىل شارۋاشىلىعى، اۋىل - قىستاق، شارۋالار قىزمەتى − جاپپاي سوتسياليستىك وسىزاماندانعان مەملەكەت قۇرۋداعى ماڭىزدىلاردىڭ ماڭىزدىسى. جۋىقتا مەملەكەتتىك كەڭەس «‹14 – بەسجىلدىق› اۋىل شارۋاشىلىعىن، اۋىل - قىستاقتى وسىزامانداندىرۋدى ىلگەرىلەتۋ جوباسىن» (تومەندە قىسقاشا «جوبا» دەلىندى) باسىپ تاراتىپ، «14 – بەسجىلدىق» مەزگىلىندە اۋىل شارۋاشىلىعىن، اۋىل - قىستاقتى وسىزامانداندىرۋدى ىلگەرىلەتۋدىڭ ستراتەگيالىق باعدارى، باستى نىسانالارى، ءتۇيىندى مىندەتتەرى جانە ساياساتتىق شارالارى، ت . ب جونىندە جالپى بەتتىك ورنالاستىرۋ جاسادى، اۋىل شارۋاشىلىعىنىڭ، اۋىل - قىستاقتىڭ ەكونوميكالىق، قوعامدىق دامۋعا تىرەك بولۋ جانە ونى قامتاماسىز ەتۋ قۋاتى مەن «ورنىقتىرعىشتىڭ» ورنىقتىرۋ رولىن كۇشەيتىپ، شارۋالاردىڭ تۇرمىس دەڭگەيىن ۇزدىكسىز جوعارىلاتۋدى العا قويدى.
«جوبادا» مىنالار اتاپ كورسەتىلدى: جۇڭگوشا اۋىل شارۋاشىلىعىن، اۋىل - قىستاقتى وسىزامانداندىرۋدى ىلگەرىلەتۋدە، ءسوز جوق، 10 ستراتەگيالىق باعداردا تاباندى بولىپ، ەل ىشىندە ەلىمىز حالقىنىڭ ىشەر اس ماسەلەسىنىڭ نەگىزىنەن شەشىلۋىن تياناق ەتىپ، اۋىل - قىستاقتاعى نەگىزگى شارۋاشىلىق جۇرگىزۋ ءتۇزىمىن بەكەمدەپ جانە كەمەلدەندىرىپ، شاعىن شارۋا وتباسىلارىن وسى زامانعى اۋىل شارۋاشىلىعىن دامىتۋ ارناسىنا وتۋگە جەتەكتەپ، اۋىل شارۋاشىلىعىنىڭ عىلىم - تەحنيكالىق جانە جابدىق تىرەگىن كۇشەيتىپ، اۋىل شارۋاشىلىعىنىڭ تۇتاس كاسىپ سالاسى تىزبەگىن اشۋدى ىلگەرىلەتىپ، اۋىل - قىستاق قۇرىلىسىن ءتارتىپتى ىلگەرىلەتىپ، اۋىل - قىستاقتى جونگە سالۋدى كۇشەيتىپ جانە وندا جاڭالىق اشىپ، قالا مەن اۋىلدىڭ توعىسا دامۋىن ىلگەرىلەتىپ، اۋىل شارۋاشىلىعىنىڭ، اۋىل - قىستاقتىڭ باياندى دامۋىن جەبەۋ، شارۋالاردىڭ، اۋىل - قىستاقتىڭ بىرگە بايۋىن جەبەۋ كەرەك.
«جوبادا» مىنالار العا قويىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، اۋىل شارۋاشىلىعىن، اۋىل - قىستاقتى الدىمەن دامىتۋدا تاباندى بولىپ، اۋىل شارۋاشىلىعىن وسىزامانداندىرۋ مەن اۋىل - قىستاقتى وسىزامانداندىرۋدى ءبىر تۇلعادا جوسپارلاۋدا، قاتار ىلگەرىلەتۋدە تاباندى بولىپ، ساپالى دامۋدى ىلگەرىلەتۋدى نەگىزگى تاقىرىپ ەتىپ، قامداۋدى قامتاماسىز ەتۋ ارقىلى حاۋىپسىزدىكتى بەكەمدەۋدى، كوركەيتۋ ارقىلى اينالىمدى ىركىلىسسىزدەندىرۋدى قىزمەتتىڭ تياناعى ەتىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تەرەڭدەتىپ، اۋىل - قىستاق قۇرىلىسىن سوتسياليستىك وسىزامانداندىرۋ قۇرىلىسىندا ماڭىزدى ورىنعا قويىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى جۇزەگە اسىرىپ، اۋىل - قىستاقتىڭ كاسىپ سالالارىن، دارىندىلارىن، مادەنيەتىن، ەكولوگياسىن، ۇيىمدارىن كوركەيتۋدى جاپپاي ىلگەرىلەتىپ، ونەركاسىپ پەن اۋىل شارۋاشىلىعى ءبىرىن - ءبىرى جەبەيتىن، قالا مەن اۋىل ءبىرىن - ءبىرى تولىقتايتىن، سايكەسە داميتىن، بىرگە گۇلدەنەتىن جاڭاشا ونەركاسىپ پەن اۋىل شارۋاشىلىعىنىڭ، قالا مەن اۋىلدىڭ قاتىناسىن جەدەل قالىپتاستىرىپ، اۋىل شارۋاشىلىعىنىڭ ساپالى، جوعارى ءونىمدى بولۋىن، اۋىل - قىستاقتىڭ قونىسقا جايلى، كاسىپكە ىڭعايلى بولۋىن، شارۋالاردىڭ باي - باقۋاتتى بولۋىن جەبەۋ كەرەك.
«جوبادا» مىنالار ايقىندالدى: 2025 - جىلعا بارعاندا اۋىل شارۋاشىلىعىنىڭ نەگىزى اناعۇرلىم ورنىقتى بولۋ، اۋىل - قىستاقتى گۇلدەندىرۋ ستراتەگياسىن جاپپاي ىلگەرىلەتۋ، اۋىل شارۋاشىلىعىن، اۋىل - قىستاقتى گۇلدەندىرۋدە ماڭىزدى ىلگەرىلەۋشىلىككە قول جەتكىزۋ كەرەك. شارت - جاعدايى بار وڭىرلەردىڭ اۋىل شارۋاشىلىعىن، اۋىل - قىستاقتى وسىزامانداندىرۋدى الدىمەن نەگىزىنەن جۇزەگە اسىرۋىن ساتى - ساتى بويىنشا ىلگەرىلەتۋ، كەدەيلىكتەن ارىلعان وڭىرلەردىڭ كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى جۇزەگە اسىرۋ كەرەك. 2035 - جىلعا نازار سالعاندا، اۋىل - قىستاقتى جاپپاي گۇلدەندىرۋدە شەشۋشى ىلگەرىلەۋشىلىككە قول جەتكىزۋ، اۋىل شارۋاشىلىعىن، اۋىل - قىستاقتى وسىزامانداندىرۋدى نەگىزىنەن جۇزەگە اسىرۋ كەرەك.
«جوبادا» 7 جاقتاعى دامۋ مىندەتى ورنالاستىرىلدى. ءبىرىنشى، اۋىل شارۋاشىلىعى ءوندىرىسىنىڭ نەگىزىن بەكەمدەپ، استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋدى تياناقتاندىرىپ، پايدا اكەلەتىن، مىندەت - جاۋاپكەرلىك جۇكتەيتىن قامتاماسىز ەتۋ مەحانيزمىن كەمەلدەندىرىپ، استىق سياقتى ماڭىزدى اۋىل شارۋاشىلىعى ونىمدەرىمەن قامداۋدى قامتاماسىز ەتۋ دەڭگەيىن جوعارىلاتۋ. ەكىنشى، جاڭالىق اشۋ ارقىلى دامۋعا دەم بەرۋدى ىلگەرىلەتىپ، اۋىل شارۋاشىلىعى عىلىم - تەحنيكاسىندا جاڭالىق اشۋدى ىشكەرىلەي ىلگەرىلەتىپ، شارۋاشىلىق جۇرگىزۋ مەحانيزمىن اقاۋسىزداندىرىپ، كەمەلدەندىرىپ، سورت - تۇقىمداردىڭ ساپالىسىن جەتىلدىرۋدى، ساپانى جوعارىلاتۋدى، ماركا قالىپتاستىرۋدى جانە ولشەمدەنگەن ءوندىرىستى ىلگەرىلەتىپ، اۋىل شارۋاشىلىعىنىڭ ساپالىق تيىمدىلىگى مەن باسەكەلىك قۋاتىن جوعارىلاتۋ. ءۇشىنشى، وسى زامانعى اۋىل - قىستاق كاسىپ سالاسى جۇيەسىن ورناتىپ، اۋىل - قىستاق ءبىرىنشى، ەكىنشى، ءۇشىنشى كاسىپتەرىنىڭ توعىسا دامۋىن جەبەپ، كاسىپ سالاسى تىزبەگى تۇلعالارىن اۋدان كولەمىندە تۇراقتاپ تۇرعىزىپ، جۇمىستانۋ ورايى مەن كاسىپ سالاسى تىزبەگىنىڭ ارتقان قۇن پايداسىن شارۋالارعا قالدىرىپ، كاسىپ سالاسى تىزبەگىنىڭ، قامداۋ تىزبەگىنىڭ وسىزاماندانۋ دەڭگەيىن جوعارىلاتۋ. ءتورتىنشى، اۋىل - قىستاق قۇرىلىسى قيمىلىن اتقارىپ، قاتىناسقا قولايلى، تۇرمىسقا ىڭعايلى، قىزمەت وتەۋ ساپاسى جوعارىلاعان، قورشاعان ورتاسى تاماشا بولۋعا نازاردى شوعىرلاندىرىپ، قونىسقا جايلى، كاسىپكە ىڭعايلى اۋىل - قىستاق قۇرۋ. بەسىنشى، اۋىل - قىستاق ەكولوگيالىق وركەنيەت قۇرىلىسىن كۇشەيتىپ، اۋىل - قىستاق ءوندىرىس، تۇرمىس ءتاسىلىنىڭ جاسىل، تومەن كومىر قىشقىل گازدى تيپكە بۇرىلىس جاساۋىن ىلگەرىلەتىپ، جاسىل، كورىكتى اۋىل - قىستاق قۇرۋ. التىنشى، اۋىل - قىستاقتى جونگە سالۋدى كۇشەيتىپ جانە جاقسارتىپ، پارتيا ۇيىمىنىڭ باسشىلىعىنداعى ءوزىن - ءوزى باسقارۋ، زاڭمەن باسقارۋ، مورالمەن باسقارۋ بىرلەستىرىلگەن اۋىل - قىستاقتى جونگە سالۋ جۇيەسىن جەدەل ورناتىپ، وركەنيەتتى، جاراسىمدى اۋىل - قىستاق قۇرۋ. جەتىنشى، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى جۇزەگە اسىرىپ، كەدەيلىكتەن ارىلعان وڭىرلەردىڭ ىشكى دامۋ قابىلەتىن نىعايتىپ، كەدەيلىكتەن ارىلعان بۇقارانىڭ اناعۇرلىم تاماشا تۇرمىس وتكىزۋىنە، بىرتىندەپ بىرگە بايۋ جولىنا تۇسۋىنە مۇمكىندىك جاساۋ.
«جوبادا» استىق سياقتى اۋىل شارۋاشىلىعى ونىمدەرىنىڭ حاۋىپسىزدىگىن قامتاماسىز ەتۋ، اۋىل - قىستاق كاسىپ سالاسى تىزبەگىنىڭ، قامداۋ تىزبەگىنىڭ دەڭگەيىن جوعارىلاتۋ، اۋىل - قىستاق الەۋمەتتىك نەگىزدىك قۇرىلعى قۇرىلىسى، وسى زامانعى اۋىل - قىستاق جونگە سالۋ جۇيەسى قۇرىلىسى سياقتى 9 جاقتاعى 58 ەلەۋلى ينجەنەريا، قيمىل جانە جوسپار جوسپارلانىپ، قالا مەن اۋىل فاكتورلارىنىڭ اينالىمىن ىركىلىسسىزدەندىرۋ، اۋىل - قىستاقتاعى مال - مۇلىك ۇقىعى ءتۇزىمى رەفورماسىن تەرەڭدەتۋ، اۋىل شارۋاشىلىعىن قولداۋ، قورعاۋ ءتۇزىمىن كەمەلدەندىرۋ، اۋىل شارۋاشىلىعىنىڭ سىرتقا ەسىك اشۋىن كەڭەيتۋ سياقتى رەفورما شارالارى العا قويىلدى، سونداي - اق تياناقتاندىرۋ مەحانيزمىن اقاۋسىزداندىرىپ، جوبانىڭ ءساتتى اتقارىلۋىن قامتاماسىز ەتۋ تالاپ ەتىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
