شي جينپيڭ مەكسيكانىڭ زۇڭتۇڭى لوپەزبەن جۇڭگو مەن مەكسيكانىڭ ديپلوماتيالىق قاتىناس ورناتقانىنىڭ 50 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى
2022.02.15 16:52 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 14 – كۇنى، بەيجيڭ. مەملەكەت ءتوراعاسى شي جينپيڭ مەكسيكا قۇراما شتاتتارىنىڭ زۇڭتۇڭى لوپەزبەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن مەكسيكا − ۇزاق وركەنيەت تاريحىنا يە ەلدەر، ەكى ەل حالىقتارىنىڭ دوستىق بارىس - كەلىسى ارىدان باستاۋ الادى. ديپلوماتيالىق قاتىناس ورناتقان جارتى عاسىردان بەرى، اسىرەسە، 2013 - جىلى ەكى ەل جالپى بەتتىك ستراتەگيالىق سەرىكتەستىك قاتىناس ورناتقاننان بەرى ەكى جاقتى قاتىناستىڭ دامۋى جەدەل ارناعا ءتۇستى. ەكى ەلدىڭ ساياسي سەنىمدىلىگى كۇن سايىن تەرەڭدەپ، ءار سالاداعى دوستىق اۋىس - كۇيىسى، سەلبەستىگى كۇشەيدى. عاسىرلىق ىندەتى الدىندا جۇڭگو مەن مەكسيكا تار جول، تايعاق كەشۋدەن بىرگە ءوتىپ، ءبىر - بىرىنە قارايلاسىپ، حالىقارانىڭ ىنتىماقتاسا وتىرىپ ىندەتكە قارسى اتتانۋىنىڭ ۇلگىسىن ورناتتى. جۇڭگو مەن مەكسيكا دوستىعىنىڭ بايتەرەگى قاۋلاپ ءوسىپ، سۇبەلى تابىستارعا قول جەتكىزىپ، ەكى ەل حالىقتارىنا ناقتى پايدا جەتكىزدى.
شي جينپيڭ بىلاي دەپ دارىپتەدى: مەن جۇڭگو - مەكسيكا قاتىناسىنىڭ دامۋىنا ايرىقشا ءمان بەرەمىن، لوپەز زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن وراي ەتىپ، تىزە قوسا وتىرىپ، بۇرىنعىعا مۇراگەر بولىپ، كەيىنگىگە جول اشىپ، ءداستۇرلى دوستىقتى نىعايتىپ، ءوزارا ءتيىمدى سەلبەستىكتى تەرەڭدەتىپ، بىرگە دامۋدى جەبەپ، جۇڭگو مەن مەكسيكانىڭ جان - جاقتى ستراتەگيالىق سەرىكتەستىك قاتىناسىنىڭ مازمۇنىن ۇزدىكسىز بايىتىپ، ەكى ەل حالىقتارىنىڭ ماڭگى ءبىر - بىرىنە سەنەتىن جاقسى دوس، گۇلدەنۋدەن بىرگە يگىلىكتەنەتىن جاقسى سەرىك بولۋىنا مۇمكىندىك جاراتۋعا پەيىلمىن.
لوپەز مىنانى ءبىلدىردى: 50 جىلدان بەرى مەكسيكا مەن جۇڭگو بەرىك دوستىق ورناتىپ، ساياسي، ەكونوميكا، وقۋ - اعارتۋ سياقتى سالالارداعى اۋىس - كۇيىس پەن سەلبەستىكتى كەڭ كولەمدە ورىستەتتى، بۇل ەكى ەلدىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ بارىسىندا دا ايگىلەندى. مەكسيكا ىندەتكە قارسى اتتانۋ بارىسىندا جۇڭگونىڭ قارايلاسىپ، كومەك بەرگەنىنە شىن جۇرەكتەن العىس ايتادى ءارى مۇنى ماڭگى ۇمىتپايدى. قازىر مەكسيكا مەن جۇڭگونىڭ جالپى بەتتىك ستراتەگيالىق سەرىكتەستىك قاتىناسى داۋىرمەن بىرگە العا باسىپ، كۇن سايىن بەكەمدەلىپ، ەكى ەل حالىقتارىنا ۇزدىكسىز باقىت جاراتۋدا. ەكى جاق وڭىرلىك جانە كوپ جاقتى دەڭگەيدە قول ۇستاسا وتىرپ سايىستارعا توتەپ بەرۋدە. مەن مەكسيكا - جۇڭگو قاتىناسىنىڭ، ءسوز جوق، نىق قاداممەن ۇزاققا جالعاسىپ، تىڭ ومىرشەڭدىك كۇشكە يە بولاتىنىنا كامىل سەنەمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
