«ينتەرنەت حاۋىپسىزدىگىن تەكتەۋ – تەكسەرۋ ءادىسى» بۇگىننەن باستاپ اتقارىلادى
2022.02.15 13:12 كەلۋ قاينارى : حالىق تورابى
مەملەكەتتىك ينتەرنەت ينفورماتسياسى كەڭسەسى، مەملەكەتتىك دامۋ – رەفورما كوميتەتى قاتارلى 13 تاراۋ وزگەرىس ەنگىزگەن «ينتەرنەت حاۋىپسىزدىگىن تەكتەۋ – تەكسەرۋ ءادىسى» بۇگىننەن (2 – ايدىڭ 15 – كۇنى) باستاپ اتقارىلادى.
مەملەكەتتىك ينفورماتسيا حاۋىپسىزدىگىن ولشەمدەندىرۋ تەحنيكالىق كوميسسياسىنىڭ مۇشەسى لي شۋەيىڭ: وزگەرىس ەنگىزىلگەننەن كەيىنگى «ادىسكە» تەك ينتەرنەت تەكشەلەرىن جۇرگىزۋشىلەردى قوسقاننان سىرت، دەرەك حاۋىپسىزدىگىنە قاتىستى تارماقتار دا قوسىلدى، دەرەك حاۋىپسىزدىگىنە ءمان بەرۋ دارەجەسى اناعۇرلىم جوعارىلاپ، قامتيتىن وبيەكتىلەردىڭ كولەمى اناعۇرلىم كەڭەيىپ، تەكتەۋ – تەكسەرۋ ولشەمى اناعۇرلىم ناقتىلاندىرىلدى.
مامانداردىڭ ايتۋىنشا، «ادىستە» ينتەرنەتتىك تەكشەلەردى جۇرگىزۋشىلەردىڭ دەرەكتەردى ءبىرجاقتى ەتۋ ارەكەتىنىڭ ىقپالى نەمەسە مەملەكەت حاۋىپسىزدىگىنە ىقپال ەتۋى مۇمكىن جاعدايلار ينتەرنەت حاۋىپسىزدىگىن تەكتەۋ – تەكسەرۋ كولەمىنە ەنگىزىلگەن ءارى ميلليوننان استام قولدانۋشىنىڭ ينفورماتسياسىن مەڭگەرگەن ينتەرنەتتىك تەكشە جۇرگىزۋشىلەرى تەكشەنى شەتەلدە بازارعا شىعارماقشى بولسا، ءسوزسىز، ينتەرنەت حاۋىپسىزدىگىن تەكتەۋ – تەكسەرۋ كەڭسەسىنە ينتەرنەت حاۋىپسىزدىگىنە بايلانىستى تەكتەۋ – تەكسەرۋ جۇرگىزۋگە ءوتىنش بەرۋى كەرەك.
جۇڭگو كومپيۋتەر عىلىمي قوعامىنىڭ حاۋىپسىزدىككە جاۋاپتى ارناۋلى كوميسسياسىنىڭ تۇراقتى مۇشەسى فان يۋان: ينتەرنەت حاۋىپسىزدىگىن تەكتەۋ – تەكسەرۋگە قاتىستى جاعدايلار تومەندەگىدەي ءۇش ءتۇرلى بولۋى مۇمكىن: ءبىرىنشى، تەكتەۋ – تەكسەرۋ قاجەت بولمايتىن جاعداي؛ ەكىنشى، تەكتەۋ – تەكسەرۋدى ىسكە قوسقان سوڭ، مەملەكەت حاۋىپسىزدىگىنە ىقپال جاسامايدى دەگەن تۇجىرىم جاسالاتىن بولسا، شەتەلدە بازارعا شىعارۋ ءتارتىبىن جالعاستىرۋعا بولاتىن جاعداي؛ ءۇشىنشى، تەكتەۋ – تەكسەرۋ ىسكە قوسىلعان سوڭ، مەملەكەت حاۋىپسىزدىگىنە ىقپال جاسايدى دەگەن تۇجىرىم جاسالاتىن بولسا، شەتەلدە بازارعا شىعارۋعا رۇقسات ەتپەيتىن جاعداي.
«ادىستە» مىناداي تالاپتار ورتاعا قويىلعان: شەشۋشى ينفورماتسيالارعا قاتىستى نەگىزدىك قۇرىلعىلاردى تيجارات ەتۋشىلەر ينتەرنەتتىك ونىمدەر مەن قىزمەت وتەۋ تۇرلەرىن ساتىپ الاتىن كەزدە، بۇل ءونىم مەن قىزمەت وتەۋ ءتۇرىنىڭ پايدالانۋعا بەرىلگەن سوڭ مەملەكەت حاۋىپسىزدىگىنە قاتەر ءتوندىرۋ مۇمكىندىگى جونىندە الدىن الا تۇجىرىم جاساۋى كەرەك. مەملەكەت حاۋىپسىزدىگىنە ىقپال جاسايتىن بولسا نەمەسە ىقپال جاساۋى ىقتيمال بولسا، ينتەرنەت حاۋىپسىزدىگىن تەكتەۋ - تەكسەرۋ كەڭسەسىنە ينتەرنەت حاۋىپسىزدىگىنە قاتىستى تەكتەۋ – تەكسەرۋ جۇرگىزۋگە ءوتىنىش بەرۋى كەرەك.
مەملەكەتتىك ينفورماتسيا حاۋىپسىزدىگىن ولشەمدەندىرۋ تەحنيكالىق كوميسسياسىنىڭ مۇشەسى حۋاڭ مين: دەرەك حاۋىپسىزدىگى مەملەكەت حاۋىپسىزدىگىنىڭ ماڭىزدى قۇرامداس بولىگىنە اينالدى، ءتۇيىندى ينفورماتسيالىق قۇرىلعىلاردىڭ، وزەكتى دەرەكتەردىڭ، ماڭىزدى دەرەكتەردىڭ نەمەسە كوپ مولشەردەگى جەكەلەردىڭ ينفورماتسياسىنىڭ شەتەل ۇكىمەتىنىڭ ىقپالىنا، مەڭگەرۋىنە، جات نيەتپەن پايدالانۋىنا ۇشىراۋى، سونداي – اق، قامداۋدىڭ ءۇزىلۋىنىڭ ەنەرگيا، قاتىناس، سۋ يگىلىگى، قورعانىس عىلىم – تەحنيكاسى قاتارلى مەملەكەتتىڭ ءتۇيىندى ينفورماتسيالىق نەگىزدىك قۇرىلعىلارىنىڭ ۇزىلىسسىزدىگىنە كەلتىرەتىن زيانى سىندى حاۋىپتەن ءتۇيىندى تۇردە ساقتانۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
