وتىرىستان سوڭ تۇتقيىل قايتىس بولعان جىگىتتىڭ وتباسىنداعىلار بىرگە اراق ىشكەندەردەن تولەم الۋدى تالاپ ەتتى
مەيجوۋ قالالىق سوت ەكىنشى رەتكى سوتتى اشىپ، بىرگە اراق ىشكەندەر %5 تىك ىلىكتەس تولەم بەرۋ جاۋاپكەرشىلىگىن ارقالايدى دەپ ۇكىم شىعاردى
زاڭمەن جونگە سالۋ گازەتىنىڭ ءتىلشىسى جاڭ نيڭدان
2022.02.16 13:46 كەلۋ قاينارى : حالىق تورابى
وتىرىستا ەشكىم اراققا زورلاماسا دا، ۋىن X ىرىقتىلىقپەن اراق ۇسىنىپ، اراقتان ءبىراز ىشكەن، الايدا، باقىتقا قارسى جۇرەك اۋرۋى ۇستاپ، قايتىس بولعان، وتباسىنداعىلار بىرگە اراق ىشكەن 7 ادام مەن اسحانانىڭ قوجايىنىنىڭ ۇستىنەن سوتقا ارىزدانعان. گۋاڭدۇڭ ولكەسى مەيجوۋ قالاسى شيڭنيڭ قالالىق حالىق سوتى ءبىرىنشى رەتكى سوتتا بىرگە اراق ىشكەن 7 ادام ۋىن X تىڭ ولىمىنە %5 تىك ىلىكتەس تولەم بەرۋ جاۋاپكەرشىلىگىن ارقالاپ، 52184 يۋان تولەيدى، اسحانا قوجايىنى جاۋاپكەرشىلىك ارقالامايدى دەگەن ۇكىم شىعارعان. تالاپكەر مەن ايىپكەر جوعارىلاپ ارىزدانعان، جۋىردا مەيجوۋ قالالىق ورتا دارەجەلى حالىق سوتى ەكىنشى رەتكى سوتتا اسىلگى ۇكىمدى وزگەرتپەي ساقتادى.
2020 – جىلى 5 – ايدىڭ 26 – كۇنى تۇستە، ايىپكەر لي X، حۋاڭ X قاتارلى 7 ادام ۋىن X تى ايىپكەر ۋ X تىڭ اسحاناسىنا بارىپ، تۇسكى تاماقتى بىرگە جەۋگە شاقىرادى، ايىپكەر لو X شامامەن ءبىر جىڭدىق تۇت جەمىسى شىلانعان اراق پەن جەتى سارىلىك اق اراقتى ءوزى الىپ كەلەدى. تاماق ۇستىندە ۋىن X اۆتوكولىك جۇرگىزەتىندىكتەن، اراق ىشپەيدى، باسقالار دا ۋىن X تى اراققا زورلامايدى. وتىرىس اياقتايتىن كەزدە، ۋىن X تىڭ ءوزى اراق رۋمكاسىن كوتەرىپ، توست ايتادى ءارى ازىراق اراق ىشەدى.
تاماقتانىپ بولعان سوڭ، ۋىن X كەنەتتەن جايسىزدانعانىن سەزەدى. لي X جاعدايدى بايقاعان سوڭ، باسقالارعا ايتادى ءارى بىرەۋى اۆتوموبيل جۇرگىزىپ، ۋىن X تى شيپاحاناعا جەتكىزىپ ەمدەتەدى. الايدا، لي X تىڭ وتباسى سىرت جەردە بولعاندىقتان، جولعا ونشا قانىق ەمەس بولاتىن، وسى سەبەپتەن ولار جولدا ءبىراز اينالىپ قالادى. ولار ۋىن X تى سول كۇنى ساعات 14 اينالاسىندا ەمحاناعا جەتكىزەدى، ءبىر ساعات بويى شۇعىل قۇتقارۋدان سوڭ، ۋىن X ەمدەۋ ءونىم بەرمەي قايتىس بولادى. ءادىليالىق تۇراقتاندىرۋ ارقىلى، اراق ءىشۋ سەبەبىنەن ۋىن X جۇرەك اۋرۋى ۇستاعان دەگەن دياگنوز قويعان.
ءىس تۋىلعان سوڭ، ۋىن X تىڭ وتباسىنداعىلار ۋىن X دىڭ ءولىمىنىڭ ايىپكەرلەردىڭ بىرگە اراق ىشۋىمەن، دەر كەزىندە ەمحاناعا جەتكىزىپ، شۇعىل قۇتقارماۋىمەن تىكەلەي سەبەپ – سالدارلىق قاتىناسى بار دەپ قاراپ، ايىپكەرلەردەن ۋىن X تىڭ ءولىمى سەبەبىنەن تۋىنداعان 550 مىڭ يۋاننان استام ءتۇرلى ەكونوميكالىق شىعىنداردى تولەۋدى تالاپ ەتكەن.
شيڭنيڭ سوتى تەرگەۋ ارقىلى بىلاي دەپ قاراعان: ۋىن X ازاماتتىق ءىس ارەكەت قابىلەتىنە يە ادام، دەلوعا قاتىستى وتىرىستا، ۋىن X ءوز ءومىرىنىڭ اقاۋسىزدىعى مەن حاۋىپسىزدىگىنە كوڭىل ءبولۋ بورىشىنا نەمقۇرايدى قاراپ، اراق ىشكەن سوڭ، جۇرەك اۋرۋى ۇستاعان، ونىڭ ءوزى باستى جاۋاپكەرشىلىكتى ارقالايدى، اتاپ ايتقاندا، %95 جاۋاپكەرشىلىكتى ارقالايدى.
سوت مەكەمەسى مىنانى اتاپ كورسەتكەن: وتىرىستاعىلار اراق ىشكەن سوڭ، وتىرىستاعى بىرەۋدىڭ باس اماندىعى زياندالعان جاعدايدا، ەگەر باسقالار اراققا زورلاعان، اراق ءىشىپ باسەكەلەسكەن ت.ب. زياندالۋىنا سەبەپ ۇستەمەلەگەن ارەكەت وتكىزسە نەمەسە ەسكەرتۋ، ءناسيحاتتاۋ، قارايلاسۋ، جەتكىزىپ قويۋ قاتارلى كوڭىل ءبولۋ بورىشتارىن اتقارماعان بولسا، ۇقىققا قول سۇعۋ سەبەبىنەن سايكەستى تولەم بەرۋ جاۋاپكەرشىلىگىن ارقالاۋى كەرەك؛ وتىرىستاعىلار قاتەلىك وتكىزبەگەن بولسا، جاۋاپكەرشىلىك ارقالامايدى. وتىرىستاعى 7 ادام ۋىن X تىڭ دەنساۋلىعىنىڭ جايسىزدانعانىنا ەلەۋسىز قاراپ، ادامگەرشىلىكپەن ۋىن X تى دەر كەزىندە ەمحاناعا جەتكىزىپ ەمدەتپەگەن، اراق ءىشۋ ارەكەتىنە بايلانىستى ارقالايتىن قارايلاسۋ، جەتكىزىپ قويۋ قاتارلى كوڭىل بولۋگە ءتيىستى بورىشتارىن تولىق، جان – جاقتى، دەر كەزىندە اتقارماعان، وسىنىڭ سالدارىنان ۋىن X ەڭ جاقسى ەمدەلۋ ورايىن وتكىزىپ العان. وتىرىستاعىلاردىڭ ارەكەتى الەۋمەتتىك تاماشا سالتقا قايشى كەلەدى، وسى سەبەپتەن ۋىن X تىڭ ولىمىنە قاتىستى جەڭىل دارەجەدە ازاماتتىق ءىس بويىنشا تولەم بەرۋ جاۋاپكەرشىلىگىن ارقالايدى، اتاپ ايتقاندا، %5 جاۋاپكەرشىلىك ارقالايدى.
سوت مەكەمەسى سونىمەن بىرگە بىلاي دەپ قاراعان: اسحانا قوجايىنى ۋ X تىڭ قاتەلىك وتكىزگەنى جونىندە ىسپات جوق، سوندىقتان، ۋ X تولەم بەرۋ جاۋاپكەرشىلىگىن ارقالامايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
