بيىل شينجياڭدا قالا – قالاشىقتا جاڭادان 460 مىڭنان استام ادامدى جۇمىسقا ورنالاستىرۋ ىسكە اسىرىلادى
2022.02.16 13:43 كەلۋ قاينارى : حالىق تورابى
تيانشان تورابى – شينجياڭ گازەتىنىڭ ءتىلشىسى جاۋ شييا حابارلايدى. ءتىلشىنىڭ 2 – ايدىڭ 15 – كۇنى اشىلعان اۆتونوميالى رايوننىڭ ادام كۇشى بايلىعى جانە قوعامدىق قامتاماسىزداندىرۋ قىزمەتى جونىندەگى ماجىلىسىنەن ۇعىسۋىنشا، بيىل شينجياڭ كاسىپتەندىرۋ ارناسىن كەڭەيتۋ ينجەنەرياسىن ۇزدىكسىز اتقارىپ، قالا – قالاشىقتا جاڭادان 460 مىڭنان استام ادامدى جۇمىسقا ورنالاستىرۋدى ىسكە اسىرادى، قالا – قالاشىقتاعى تىزىمدەلگەن جۇمسسىزدىق مولشەرىن %4.5 كولەمىندە تەجەيدى، قالا – قالاشىقتاعى وتباسىندا كاسىپتەنگەن ادام جوق وتباسىلاردى 24 ساعات بويى ۇزدىكسىز اداقتاپ وتىرادى.
ۇعىسۋعا قاراعاندا، بيىل شينجياڭ كاسىپتەندىرۋدە جۇمىس ورىندارىن ورنىقتىرۋ، جوتكەپ كاسىپتەندىرۋ كولەمىن ورنىقتىرۋ، جوعارى مەكتەپتەن وقۋ تاۋىسقاندار قاتارلى جاستاردى كاسىپتەندىرۋدى مىقتى ۇستاۋ، كاسىپتەندىرۋگە قىزمەت وتەۋ ساپاسىن جوعارىلاتۋ، كاسىپتەندىرۋ ارقىلى حالىق تۇرمىسىنىڭ ەڭ تومەنگى شەگىنە كەپىلدىك ەتۋ قاتارلى 5 ءتۇرلى جاقتاعى كاسىپتەندىرۋگە قاتىستى قىزمەتتەردى مىقتى ۇستايدى.
كاسىپتەندىرۋدە جۇمىس ورىندارىن ورنىقتىرۋ جاعىندا، كاسىپتەندىرۋدى ءبىرىنشى ورىنعا قويۋ باعدارىن كورنەكتىلەندىرىپ، ىندەتتىڭ ىقپالىنا ۇشىراعان كاسىپورىندارعا قولداۋ كورسەتۋ تەبىنىن ارتتىرادى، كاسىپسىزدىك قامسىزداندىرۋ قاراجاتىن، جۇمىس ۇستىندە جارالانۋعا قاتىستى قامسىزداندىرۋ قاراجاتىن جۇمساۋ مولشەرىن كەزەڭ بويىنشا تومەندەتىپ، جۇمىس ورنىن ورنىقتىرعان كاسىپورىندارعا كاسىپسىزدىك قامسىزداندىرۋىنان قاراجات قايتارۋ ساياساتىن جالعاستى اتقارادى، كاسىپتەنگەندەرگە، كاسىپ كوزىن اشقاندارعا قوسىمشا قاراجات بەرۋ قاتارلى سۇيەمەلدەۋ سيپاتىنداعى ساياساتتىق شارالاردى تياناقتاندىرىپ، بازارداعى نەگىزگى تۇلعالاردىڭ جۇمىس ورنىن ورنىقتىرۋىنا، كاسىپتەنۋدى ورنىقتىرۋىنا قولداۋ كورسەتۋ كەرەك؛ جوتكەپ كاسىپتەندىرۋ كولەمىن كۇش سالا ورنىقتىرۋ جاعىندا، جاقىن ماڭدا، ءوز جەرىندە كاسىپتەنۋ مەن تارتىپپەن جوتكەپ كاسىپتەندىرۋدى ۇشتاستىرىپ، كەدەيلىكتەن ارىلعان جان سانىنىڭ جۇمىسقا ورنالاسۋ كولەمىن ورنىقتىرادى، اۋىل – قىستاقتاعى ەڭبەككۇشتەردىڭ كاسىپتەنۋى مەن كىرىسىن ارتتىرۋىن ىلگەرىلەتەدى.
ەڭبەك – قىزمەت وتەۋ ماركالارى ارقىلى كاسىپتەنۋدى جەبەۋ ارەكەتىن اتقارىپ، ەرەكشەلىگى كورنەكتى ءبىر توپ ەڭبەك – قىزمەت وتەۋ ماركالارىن جەتىلدىرەدى؛ بيىل شينجياڭداعى جوعارى مەكتەپتەردەن وقۋ تاۋىسقانداردىڭ سانى 145 مىڭ ادامعا جەتەدى، اۆتونوميالى رايون الدا جوعارى مەكتەپتەن وقۋ تاۋىسقانداردىڭ كاسىپتەنۋ ارناسىن ۇزدىكسىز كەڭەيتىپ، «ۇشتە كومەكتەسىپ، بىردە سۇيەمەلدەۋ» قاتارلى نەگىزگى ساتىداعى قىزمەت وتەۋ تۇرلەرىن ۇيىمداستىرىپ اتقارىپ، وقۋ تاۋىسقاندارعا ۇيلەسەتىن اناعۇرلىم مول ساپالى قىزمەت ورىندارىن جاراتادى.
بيىل شينجياڭ كاسىپتەنۋگە قىزمەت وتەۋ ساپاسىن جوعارىلاتۋ ينجەنەرياسىن ىشكەرىلەي اتقارىپ، كاسىپتەنۋگە قاتىستى قىزمەت وتەۋ ارناۋلى ارەكەتتەرىنەن 24 ارەكەتتى جىل بويى ورىستەتۋدى ءبىرتۇتاس جوسپارلايدى. ادام كۇشى بايلىعى جاعىندا قىزمەت وتەۋ ارقىلى كاسىپتەنۋدى جەبەۋ ارەكەتىن ورىستەتىپ، كاسىپتەنۋگە قىزمەت وتەۋ جاعىنداعى قامداۋدى كەڭەيتەدى. كاسىپسىز قالعانداردىڭ كومەك سۇراۋ ارناسىن ۇزدىكسىز ىركىلىسسىزدەندىرىپ، كاسىپتەنۋگە كومەكتەسۋدى ۇدايىلانعان فورمادا ورىستەتەدى. كاسىپتەنۋى قيىن بولعانداردى كاسىپتەندىرۋدى، ولارعا كومەكتەسۋدى كۇشەيتىپ، ۇزاق ۋاقىت بويى كاسىپسىز قالعاندار، ونەرى شەكتى جاسى ۇلعايعان ادامدار قاتارلىلاردى شوعىرلى تۇردە كاسىپتەندىرۋدە قامال الۋ ارەكەتىن اتقارىپ، «وتباسىندا كاسىپتەنگەن ادام جوق وتباسىلاردى» 24 ساعات بويى اداقتاپ وتىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
