لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2022.02.16 16:23 كەلۋ قاينارى : حالىق تورابى
2021 – جىلعى مەملەكەتتىك ەكى ماجىلىستە ورتاعا قويىلعان ۇسىنىس جوبالاردى ءبىر جاقتى ەتۋ جاعدايى جونىندەگى مالىمەتتى تىڭداپ، كوپتىڭ اقىل – پاراساتىن شوعىرلاندىرىپ، بيىلعى ۇكىمەت قىزمەتىن جاقسى ىستەۋدى تالاپ ەتتى؛ ونەركاسىپ ەكونوميكاسىنىڭ ورنىقتى ارتۋى مەن قىزمەت وتەۋ كاسىبىندەگى ەرەكشە قيىنشىلىعى بار سالالاردى قيىنشىلىقتان ارىلتىپ دامىتۋدى جەبەۋ شارالارىن تۇراقتاندىردى
شينحۋا اگەنتتىگى، 2 - ايدىڭ 15 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 2 - ايدىڭ 14 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، 2021 – جىلعى مەملەكەتتىك ەكى ماجىلىستە ورتاعا قويىلعان ۇسىنىس جوبالاردى ءبىر جاقتى ەتۋ جاعدايى جونىندەگى مالىمەتتى تىڭداپ، كوپتىڭ اقىل – پاراساتىن شوعىرلاندىرىپ، بيىلعى ۇكىمەت قىزمەتىن جاقسى ىستەۋدى تالاپ ەتتى؛ ونەركاسىپ ەكونوميكاسىنىڭ ورنىقتى ارتۋى مەن قىزمەت وتەۋ كاسىبىندەگى ەرەكشە قيىنشىلىعى بار سالالاردى قيىنشىلىقتان ارىلتىپ دامىتۋدى جەبەۋ شارالارىن تۇراقتاندىردى.
ءماجىلىس مىنالاردى اتاپ كورسەتتى: مەملەكەتتىك حالىق قۇرىلتايى ۋاكىلدەرىنىڭ ۇسىنىسى مەن ساياسي كەڭەس مۇشەلەرىنىڭ ۇسىنىس جوباسىن ءبىر جاقتى ەتۋ − ۇكىمەتتىڭ عىلمي، دەموكراتيالى شەشىم جاساۋىنىڭ، مىندەتىن حالىق ءۇشىن اناعۇرلىم ويداعىداي اتقارۋىنىڭ ىشكى تالابى. وتكەن جىلى مەملەكەتتىك كەڭەس تاراۋلارى جالپى 8666 ۇسىنىستى، 5718 ۇسىنىس جوبانى ءبىر جاقتى ەتتى، بۇل ۇسىنىس، ۇسىنىس جوبا جالپى سانىنىڭ جەكە – جەكە %96.4 ىن جانە %93.4 ىن ۇستادى، ۋاكىلدەر مەن مۇشەلەردىڭ 4300 دەن استام ۇسىنىس – پىكىرى قابىلداندى، 1600 دەن استام قاتىستى ساياساتتىق شارا شىعارىلدى، وسىلايشا ەكونوميكانى دامىتۋ جانە حالىق تۇرمىسىن جاقسارتۋ سياقتى ءتۇيىندى قىزمەتتەر ىلگەرىلەتىلدى. ءماجىلىس مىنالاردى تالاپ ەتتى: بيىلعى مەملەكەتتىك ەكى ءماجىلىس اشىلۋ الدىندا تۇر، توراپتىق بەينە ەكران، ارناۋلى لەنيالى تەلەفون، قىسقا حابار، توراپتا ءسوز قالدىرۋ سياقتى تاسىلدەر ارقىلى ۋاكىلدەر مەن مۇشەلەردىڭ پىكىر - ۇسىنىستارىن تىڭداپ ءارى ءبىر - بىرلەپ جاۋاپ قايتارىپ، ۇسىنىس - جوبالاردى اناعۇرلىم جوعارى ولشەممەن ويداعىداي ءبىر جاقتى ەتىپ، ۋاكىلدەر مەن مۇشەلەردىڭ دۇرىس كوزقاراسىن ۇكىمەت قىزمەتىندە اناعۇرلىم ويداعىداي ايگىلەپ، رەفورمانى تەرەڭدەتۋدىڭ، دامۋدى ىلگەرىلەتۋدىڭ، قيىن ماسەلەلەردى شەشۋدىڭ ساياساتتىق شارالارىنا اينالدىرىپ، قوعام نازار اۋدارىپ وتىرعان ماسەلەلەرگە دەر كەزىندە جاۋاپ قايتارىپ، ۇكىمەتتىڭ شەشىم جاساۋ جانە مىندەت اتقارۋ دەڭگەيىن جوعارىلاتۋ كەرەك.
ءماجىلىس مىنالاردى اتاپ كورسەتتى: ونەركاسىپ پەن قىزمەت وتەۋ كاسىبى ەكونوميكانى دامىتۋ جانە جۇمىسقا ورنالاستىرۋدى ورنىقتىرۋ بارىسىندا تىرەكتىك رول اتقارادى. قازىر ونەركاسىپ ەكونوميكاسىنىڭ ورنىقتى قالپىنا كەلۋ جاعدايى ءالى دە بەرىك ەمەس، قىزمەت وتەۋ كاسىبىندە ىندەت سياقتى ىقپالدار سەبەبىنەن كەيبىر كاسىپتەر ەرەكشە قيىنشىلىقتا قالىپ وتىر، تاياۋدا شارالاردى جەدەل شىعارىپ، سۇيەمەلدەۋ تەبىنىن ارتتىرۋ كەرەك. مۇنىڭ ىشىندە بىرىنشىدەن، ونەركاسىپ، قىزمەت وتەۋ كاسىبىنىڭ تابىس سالىعىن ازايتۋ، كەشىرىم ەتۋ تەبىنىن ارتتىرۋ كەرەك، بيىل ورتا، شاعىن، ۇساق كاسىپورىنداردىڭ جاڭادان ساتىپ العان قۇنى 5 ميلليون يۋاننان جوعارى جابدىقتارىنا قاراتا 3 جىلدا توزاتىندارىنا ءبىر جولدا سالىقتان بۇرىن تارتىپ قالۋعا بولادى، 4 جىلدا، 5 جىلدا، 10 جىلدا توزاتىندارىنا قاراتا جارتىلاي شىعارىپ تاستاۋعا بولادى. جاساۋ كاسىبىندەگى ورتا، شاعىن، ۇساق كاسىپورىنداردىڭ سالىقتى كەشەۋىلدەتۋ ساياساتىن ۇزارتۋ كەرەك. جەرگىلىكتى ورىنداردىڭ «التى سالىق، ەكى قاراجاتتى» ازايتۋ، كەشىرىم ەتۋ ساياساتىن قولدانۋ كولەمى بارلىق شاعىن، پايداسى ماردىمسىز كاسىپورىندار مەن جەكەشە ونەركاسىپشىلەرگە، ساۋداگەرلەرگە دەيىن كەڭەيتىلەدى. ەكىنشى، فينانستىق قىزمەت وتەۋدى كۇشەيتۋگە جەتەكشىلىك ەتۋ. حالىق بانكەسى شابىتتاندىرۋ قارجىسىمەن قامداپ، جالپىعا ءتيىمدى شاعىن، ۇساق قارىز اقشانى ارتتىرۋعا قولداۋ كورسەتىپ، جاساۋ كاسىبىنىڭ ورتا، ۇزاق مەرزىمدىك قارىز اقشاسىنىڭ ءبىرشاما تەز ارتۋىن ىلگەرىلەتىپ، كاسىپورىنداردىڭ جالپىلىق قارجى قۇراۋ وزىندىك قۇنىنىڭ ورنىقتى تومەندەۋىن جەبەۋ كەرەك. ءۇشىنشى، جاساۋ كاسىبىندەگى تىزبەكتى قۋاتتاۋ مەن تولىقتاۋدى جانە كاسىپ نەگىزىن قايتا جاساۋدى ىلگەرىلەتىپ، جاڭاشا نەگىزدىك قۇرىلعىلار قۇرىلىسى، ءتۇيىندى سالالاردا ەنەرگيا ۇنەمدەپ، كومىر قىشقىل گازىن تومەندەتۋ تەحنيكاسىن جاڭالاۋ سياقتىلاردى جەدەلدەتىپ، ۇتىمدى قارجى قوسۋدى كەڭەيتۋ كەرەك. ءتورتىنشى، اس – سۋ، بولشەك ساتۋ، ساياحات، قاتىناس، جولاۋشى تاسىمالى سياقتى ەرەكشە قيىنشىلىعى بار كاسىپتەرگە قاراتا كەزەڭدىك سالىتى ازايتۋ، كەشىرىم ەتۋ، ءىشىنارا قوعامدىق قامسىزداندىرۋ اقىسىن كەشىكتىرىپ تاپسىرۋ سياقتى جاقتاردا قولداۋ تەبىنىن ارتتىرىپ، ورنىقتى جۇمىستاندىرۋدى جانە تۇتىنۋدىڭ قالپىنا كەلۋىن جەبەۋ كەرەك. 2022 - جىلى الەۋمەتتىك قاتىناس جانە ۇزاق جولدى جولاۋشى تاسىمالى، كەمە تاسىمالى، تاكسي سياقتى الەۋمەتتىك قاتىناس - تاسىمال قىزمەت وتەۋىنىڭ ارتقان قۇن سالىعى الىنبايدى. ساياحات قىزمەت وتەۋ ساپاسى كەپىلدىك اقشاسىن %80 تىك سالىستىرما بويىنشا تاعى دا ۋاقىتشا قايتارۋ كەرەك. مەملەكەت مەنشىگىندەگى ۇيلەردى مايعا العان قىزمەت وتەۋ كاسىبىمەن شۇعىلداناتىن شاعىن، ۇساق كاسىپورىندارعا، جەكەشە ونەركاسىپشىلەگە، ساۋداگەرلەرگە قاراتا بيىل ىندەت بارىسىنداعى ورتا، جوعارى حاۋىپ - قاتەرى بار رايوندار قاتارىنا ەنگىزىپ، 6 ايلىق ماياقىسىن كەمەيتۋ، كەشىرىم ەتۋ، باسقا رايونداردا 3 اي كەشىرىم ەتۋ كەرەك. جەر – جەردىڭ مەملەكەت مەنشىگىنە جاتپايتىن ۇيلەردى مايعا الىپ قىزمەت وتەۋ كاسىبىمەن شۇعىلدانعان شاعىن، ۇساق كاسىپورىندارعا، جەكەشە ونەركاسىپشىلەرگە، ساۋداگەرلەرگە لايىقتى كومەك بەرۋىنە بولادى؛ ماياقىسىن كەمەيتەتىن، كەشىرىم ەتەتىن ءۇي يەلەرىنە قاراتا بەلگىلەمە بويىنشا بيىلعى ءۇي - جاي سالىعى، قالا - قالاشىق جەرىن پايدالانۋ سالىعى كەمەيتىلەدى، كەشىرىم ەتىلەدى.
ءماجىلىس مىنانى دارىپتەدى: ۇدايىلانعان ىندەتتەن ساقتانۋ - تىزگىندەۋدى دالمە - ءدال ويداعىداي ىستەپ، ەل ءىشى - سىرتىنداعى كۇردەلى دە اۋىر جاعدايدا ەكونوميكالىق اينالىمداعى تۇساۋ بولىپ وتىرعان ماسەلەلەردى شەشۋگە ايرىقشا ءمان بەرىپ، بازار مەجەسىن ورنىقتىرۋ كەرەك. كوپ قولدى تاۋارلارمەن قامداۋ، باعانى ورنىقتىرۋ قىزمەتىن ۇزدىكسىز ويداعىداي ىستەپ، تومەنگى اعارداعى كاسىپورىنداردىڭ وزىندىك قۇنىنىڭ جوعارىلاۋ قىسىمىن جەڭىلدەتىپ، زات باعاسىنىڭ نەگىزىنەن ورنىقتىلىعىن ساقتاۋ كەرەك. استىق پەن ەنەرگيا حاۋىپسىزدىگىن قامتاماسىزداندىرىپ، تۇتاس جىلدا استىقتان مول ءونىم الۋعا كەپىلدىك ەتىپ، كومىرمەن قامداۋدى ارتتىرىپ، كومىر ەلەكتر كاسىپورىندارىنىڭ كوپ كۇش سالۋىن، تولىق كۇش سالۋىن قولداپ، قالىپتى ءوندىرىس پەن حالىق تۇرمىسىنا قاجەتتى ەلەكتردى قامتاماسىزداندىرۋ كەرەك. ساياسات جاعىنان كۇش سالۋدى لايىقتى الدىعا جىلجىتىپ، كاسىپورىندارعا ىشكەرىلەي كومەكتەسۋ، قيىنشىلىعىن شەشۋ ساياساتتىق دايىندىعىن ويداعىداي ىستەپ، سايكەسۋدى، سەلبەسۋدى كۇشەيتىپ، بىرىككەن كۇش قالىپتاستىرىپ، كاسىپورىنداردىڭ ومىرشەڭدىك كۇشى مەن ەكونوميكالىق دامۋدىڭ قوزعاۋشى كۇشىن ارتتىرۋ كەرەك.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
