قوعام حاۋىپسىزدىگى مينيسترلىگى: قىسقى وليمپيادانىڭ قىزۋىنان پايدالانعان الدامكوستىك ارەكەتتەردەن اباي بولايىق
2022.02.17 13:33 كەلۋ قاينارى : حالىق تورابى
حالىق تورابىنىڭ 2 – ايدىڭ 16 – كۇنى بەيجيڭنەن بەرگەن حابارى (حاۋ پيڭ، ۋ نان) قىسقى وليمپيادا باستالعاننان بەرى، قۇت بەلگىسى «بيڭدۇندۇن» ينتەرنەتتە ىقىلاسقا بولەنىپ، «بيڭدۇندۇندى ساتىپ الۋ قيىن» جاعداي جارىققا شىقتى. بۇگىن تۇستەن كەيىن، قوعام حاۋىپسىزدىگى مينيسترلىگى جەلى ارقىلى اقپار جاريالاۋ ءماجىلىسىن اشىپ، قوعام حاۋىپسىزدىگى مينيسترلىگىنىڭ مالىمدەمەشىسى لي بەي مىنانى ءبىلدىردى: قىزمەت بارىسىندا، قوعام حاۋىپسىزدىگى ورگاندارى زاڭسىز ەلەمەنتتەردىڭ بەلگىلەنگەن ساتۋ تۇيىندەرى قاتارلى جەرلەردە جوعارى باعامەن وتكەرمەلەپ ساتۋ ارقىلى زاڭسىز پايداعا كەنەلگەنىن نەمەسە ينتەرنەت تەكشەلەرىندە ساتۋ ارقىلى «بيڭدۇندۇننىڭ» ساتىلىم ۇقىعىنا قول سۇعىپ، قالىپتى زات ساتىپ الۋ ءتارتىبىن بۇلدىرگەنىن بايقادى.
ۇعىسۋعا قاراعاندا، جۋىردا بەيجيڭ، جىجياڭ قاتارلى جەرلەردە قوعام حاۋىپسىزدىگى ورگاندارى بازاردى باقىلاۋ – باسقارۋ تاراۋلارىمەن سايكەسە وتىرىپ، زاڭسىز ەلەمەنتتەردىڭ جوعارى باعامەن وتكەرمەلەپ ساتۋ نەمەسە ينتەرنەت تەكشەلەرىندە ساتۋ ارقىلى «بيڭدۇندۇندى» ساتۋ ۇقىعىنا قول سۇققان، وسىدان پايدا تاپقان زاڭعا قايشى ارەكەتتەرىنە زاڭ بويىنشا دەرەۋ قاتاڭ سوققى بەرگەن.
ساقشى جاق مىنانى ەسكەرتەدى: قاتىستى تاراۋلار «بيڭدۇندۇندى» وندىرەتىن زاۆودتاردىڭ جۇمىستى تارتىپپەن قالپىنا كەلتىرگەنىن جاريالادى، بەيجيڭ قىسقى وليمپياداسىنىڭ ەرەكشە رۇقسات بەرىلگەن ونىمدەرى كەمىندە بيىل 6 – ايدىڭ سوڭىنا دەيىن ساتىلادى، كوپشىلىكتىڭ تۇتىنۋ بارىسىندا بايسالدى بولۋىن، الىپساتارلاردىڭ قولىنان جوعارى باعامەن ساتىپ الۋدان ساقتانۋىن، باعاسىن قىمباتتاتقانداردىڭ سوزىنە سەنبەۋىن، ەكونوميكالىق زيانعا ۇشىراپ قالماۋىن ءۇمىت ەتەمىز. سونىمەن بىرگە، قىسقى وليمپيادانىڭ قىزۋىنان پايدالانعان باسقا الدامكوستىكتەردەن بارىنشا ساق بولۋ قاجەت، مىسالى، قىسقى وليمپيادانىڭ رەسمي تورابىنا ەلىكتەگەن جالعان توراپ اشۋ، «بيڭدۇندۇن» قاتارلى قىسقى وليمپيادانىڭ ەستەلىك بۇيىمدارىن ساتۋدا الدامكوستىك ىستەۋ، ۋاكىلدىك ساتىپ الۋدا الدامكوستىك ىستەۋ، كاسىپورىن اتىندا سيلىققا يە بولۋعا قاتىستى جالعان ينفورماتسيا جولداۋ، وليمپياداعا قاتىستى جىلۋ جيناۋ الدامكوستىگى، قۇتتىقتاۋ «شاشۋى» الدامكوستىگى قاتارلى الدامكوستەردىڭ «جوق جەردەن پايدا تابۋ»، «التىن ورنىنا جەز وتكىزۋ» سىندى الدامكوستىك تاسىلدەرىنەن اباي بولعان ءجون.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
