شي جينپيڭ جۇڭگو - شريلانكا پارتيالارىنىڭ جۇڭگو مەن شريلانكانىڭ ديپلوماتيالىق قاتىناس ورناتقانىنىڭ 65 جىلدىعىن جانە «كۇرىشكە كاۋچۇك الماستىرۋ كەلىسىمىنە» قول قويىلعانىنىڭ 70 جىلدىعىن قۇتتىقتاۋ جينالىسىنا قۇتتىقتاۋ حاتىن جولدادى
2022.02.18 17:41 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 17 - كۇنى، بەيجيڭ. ج ك پ ورتالىق كوميتەتىنىڭ باس شۋجيى شي جينپيڭ 2 - ايدىڭ 17 - كۇنى جۇڭگو - شريلانكا پارتيالارىنىڭ جۇڭگو مەن شريلانكانىڭ ديپلوماتيالىق قاتىناس ورناتقانىنىڭ 65 جىلدىعىن جانە «كۇرىشكە كاۋچۇك الماستىرۋ كەلىسىمىنە» قول قويىلعانىنىڭ 70 جىلدىعىن قۇتتىقتاۋ جينالىسىنا قۇتتىقتاۋ حاتىن جولدادى.
شي جينپيڭ مىنانى ءبىلدىردى: 70 جىلدىڭ الدىندا جۇڭگو مەن شريلانكا قات - قابات كەدەرگىلەردى تالقانداپ، تاريحي مانگە يە «كۇرىشكە كاۋچۇك الماستىرۋ كەلىسىمىنە» قول قويىپ، ەكى ەلدىڭ دوستىق بارىس - كەلىسىنىڭ قاقپاسىن اشتى. ديپلوماتيالىق قاتىناس ورناتقان 65 جىلدان بەرى ەكى ەل باستان - اياق ءبىر - بىرىنە قۇرمەت ەتىپ، ىنتىماقتى، قارايلاسىمدى بولىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى قولدادى، جۇڭگو - شريلانكا قاتىناسى ۇلكەن - كىشى ەلدەردىڭ دوستىق قاتىناسىنىڭ، ءوزارا ءتيىمدى سەلبەستىگىنىڭ ۇلگىسىنە اينالدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن جۇڭگو مەن شريلانكا ءبىر جاعادان باس، ءبىر جەڭنەن قول شىعارىپ، ءبىر - بىرىنە قارايلاسىپ، ءداستۇرلى دوستىقتى تىڭ دەڭگەيگە كوتەردى.
شي جينپيڭ بىلاي دەپ دارىپتەدى: جۇڭگو كوممۋنيستىك پارتياسى شريلانكانىڭ نەگىزگى پارتياسىمەن دوستىق بارىس - كەلىستى جالعاستىرىپ، ناقتى سەلبەستىكتى جەبەپ، ەكى ەل قاتىناسىنىڭ اقاۋسىز، ورنىقتى دامۋىندا ماڭىزدى رول اتقارىپ، ەكى ەل حالىقتارىنا باقىت جاراتتى. جۇڭگو كوممۋنيستىك پارتياسى شريلانكانىڭ ءارقايسى پارتياسىمەن بىرگە قۇلشىنىپ، ەكى ەلدىڭ ديپلوماتيالىق قاتىناس ورناتقانىنىڭ 65 جىلدىعىن جاڭا باستاما ەتىپ، جۇڭگو مەن شريلانكانىڭ ءداستۇرلى دوستىعىن ساۋلەلەندىرىپ، ەكى ەل قاتىناسىنا ساياسي جەتەكشىلىكتى كۇشەيتىپ، جۇڭگو - شريلانكا قاتىناسىنىڭ نىق قاداممەن العا باسۋىن ىلگەرىلەتىپ، ءوڭىردىڭ بەيبىتشىلىگى مەن ورنىقتىلىعىن جانە دامىپ، گۇلدەنۋىن جەبەۋگە اناعۇرلىم زور ۇلەس قوسۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
