اۆتونوميالى رايوندىق 13 - كەزەكتى حالىق ۇكىمەتى 152 - رەتكى ۇنەمىلىك ىستەر ءماجىلىسىن اشتى
2022.02.21 17:21 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لي ياڭ 2 - ايدىڭ 19 - كۇنى ۇرىمجىدەن حابارلايدى. 2 - ايدىڭ 18 - كۇنى تۇستەن كەيىن اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق 13 - كەزەكتى حالىق ۇكىمەتىنىڭ 152 - رەتكى ۇنەمىلىك ىستەر ءماجىلىسىن باسقارىپ اشىپ، زاڭمەن باسقارىلاتىن ۇكىمەت قۇرىلىسى، اتموسفەرانىڭ لاستانۋىنان ساقتانۋ جانە ونى وڭاۋ، ورتا، شاعىن كاسىپورىنداردى قيىنشىلىقتان ارىلتۋ، كومەكتەسۋ - سۇيەمەلدەۋ تەبىنىن ارتتىرۋ، كومىر ەلەكترىنىڭ جەلىگە قوسىلعان باعاسىن بازارلاندىرۋ رەفورماسىن تەرەڭدەتۋ سياقتى قىزمەتتەردى اقىلداستى.
ءماجىلىس مىنالاردى اتاپ كورسەتتى: اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى زاڭمەن باسقارۋ قۇرىلىسىنا ايرىقشا ءمان بەرىپ، زاڭمەن باسقارۋ رۋحىن اسقاقتاتىپ، زاڭمەن باسقارىلاتىن شينجياڭدى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى ءبىر تۇلعالاندىرا قۇرۋدى ىلگەرىلەتىپ، زاڭمەن باسقارىلاتىن ۇكىمەت قۇرىلىسىندا تىڭ ونىمدىلىككە قول جەتكىزدى. 2022 - جىلى، پارتيانىڭ باسشىلىعىن زاڭمەن باسقارىلاتىن ۇكىمەت قۇرىلىسىنا باستان - اياق ساباقتاستىرىپ، سيفرلى ۇكىمەت قۇرىلىسىن بار كۇشپەن ىلگەرىلەتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن جەدەل قالىپتاستىرۋ كەرەك. زاڭمەن باسقارۋ جۇيەسىن اقاۋسىزداندىرىپ، زاڭ بويىنشا اكىمشىلىك جۇرگىزۋدى ۇزدىكسىز ىلگەرىلەتىپ، زاڭ اتقارۋدىڭ الەۋمەتتىك سەنىمدىلىگىن جوعارىلاتۋ كەرەك. شينجياڭدى مادەنيەتپەن نارلەندىرۋدى ىلگەرىلەتىپ، جۇڭحۋا ۇلتى ورتاق تۇلعا تانىمىن ۇزدىكسىز بەرىك ورناتۋ كەرەك. دامۋ مەن حاۋىپسىزدىكتى ءبىر تۇتاس جوسپارلاپ، ءتۇرلى حاۋىپ - قاتەر، سىن - سايىستارعا ءونىمدى توتەپ بەرۋ كەرەك. ۇكىمەتتىڭ ءوز قۇرىلىسىن كۇشەيتىپ، شەكارا تانىمىن، جۇمىس ءتارتىبى كوزقاراسىن كۇشەيتىپ، زاڭ بويىنشا قىزمەت مىندەتىن قاتاڭ اتقارىپ، بيلىكتىڭ جاريا جۇرگىزىلۋىنە مۇمكىندىك جاساۋ كەرەك.
ءماجىلىس مىنالاردى اتاپ كورسەتتى: جۋىقتاعى جىلداردان بەرى، رايونىمىز اتموسفەرانىڭ، سۋدىڭ، توپىراقتىڭ لاستانۋىنىڭ الدىن الۋ جانە ونى وڭاۋ ارەكەت جوسپارىن جاپپاي اتقارىپ، تۇتاس رايوننىڭ قورشاعان ورتانى قورعاۋ جانە ەكولوگيالىق وركەنيەت قۇرىلىسىندا ماڭىزدى ىلگەرىلەۋشىلىككە قول جەتكىزدى. كەلەسى قادامدا، يدەيالىق تانىمدى جوعارىلاتىپ، جاسىل، تومەن كومىر قىشقىل گازدى دامۋ جاعىندا جاڭا ورتاق تانىم ۇيىستىرۋ كەرەك. ەنەرگيا قۇرىلىمىن، كاسىپ سالاسى ورنالاسۋىن، قاتىناس - تاسىمال قۇرىلىمىن جەدەل رەتتەپ، كەشەندى شارا اتقارىپ، اتموسفەرانى لاستايتىن زاتتاردى جانە كومىر قىشقىل گازىن شىعارۋدى قاينارىنان باستاپ ازايتۋ كەرەك. اۋىل - قىستاقتارداعى بىتىراڭقى كومىر جاعۋ ىستەرىن وڭاۋدى كۇشەيتىپ، ەنەرگيانى كوپ سارىپ ەتەتىن كاسىپ سالاسىنىڭ، ءتۇيىندى سالانىڭ ەنەرگيا سارىپ ەتۋ جاعدايىن زاڭ بويىنشا، عىلمي، دالمە - ءدال ەسەپتەپ، كاسىپورىنداردى تەحنيكالىق وزگەرىس جاساۋعا جەتەكتەۋ كەرەك. ”بيڭتۋان مەن جەرگىلىكتى ورىن ءبىر تۇتاس جۇيە“ دەگەنگە تاباندى بولىپ، ”ءۇرىمجى − سانجى − شىحىزى“ وڭىرلەرىنىڭ اۋىر لاستانعان اۋا رايىن جويۋدان قامال الۋ شايقاسىن جۇرگىزىپ، ەكونوميكالىق دامۋ بارىسىندا جاسىل تيپكە بۇرىلىس جاساۋدى جەبەپ، جاسىل تيپكە بۇرىلىس جاساۋ بارىسىندا اناعۇرلىم زور دامۋدى جۇزەگە اسىرۋ كەرەك.
ءماجىلىس مىنالاردى اتاپ كورسەتتى: ورتا، شاعىن كاسىپورىندار حالىق شارۋاشىلىعى مەن قوعامدىق دامۋدىڭ تىرەكتى كۇشى، ارتۋدى جەبەۋ، جۇمىستانۋدى قامتاماسىز ەتۋ، بازاردى جانداندىرۋ، حالىق تۇرمىسىن جاقسارتۋ سياقتى جاقتاردا ماڭىزدى رول اتقارۋدا. قينشىلىقتان ارىلتۋدى قارجىمەن قولداۋ تەبىنىن كۇشەيتىپ، سالىقتى ازايتىپ، اقىنى تومەندەتۋدى ونان ارى ىلگەرىلەتىپ، كوپ ءتۇرلى فينانس ساياساتى قۇرالدارىنان يكەمدى، دالمە - ءدال پايدالانىپ، وزىندىك قۇننىڭ جوعارىلاۋ قىسىمىن باسەڭدەتۋدى ىلگەرىلەتىپ، ەلەكتردەن پايدالانۋدى قامتاماسىز ەتۋدى كۇشەيتىپ، كاسىپورىننىڭ قىزمەت ورنىن ورنىقتىرۋىنا، قىزمەت ورنىن كەڭەيتۋىنە قولداۋ كورسەتىپ، ورتا، شاعىن كاسىپورىنداردىڭ اقشا وتەۋىن قامتاماسىز ەتىپ، بازار سۇرانىسىن كۇش سالا كەڭەيتىپ، ورتا، شاعىن كاسىپورىنداردىڭ اۋىرتپاشىلىعىن جەڭىلدەتىپ، بازار تۇلعالارىنىڭ ومىرشەڭدىگىن قاۋلاتۋ كەرەك.
ءماجىلىس مىنالاردى باسا دارىپتەدى: بازارلاندىرۋ رەفورماسى بەتالىسىنا تاباندى بولىپ، بازارلانعان ەلەكتر باعاسىنىڭ سالىستىرماسىن ونان ارى جوعارىلاتىپ، ەلەكتر تاراتۋ، ەلەكتر پايدالانۋ باعاسىنىڭ ىركىلىسسىز جەتكىزىلۋىن جەبەۋ كەرەك. حالىق تۇرمىسىندا ەنەرگيادان پايدالانۋدىڭ تومەنگى شەگىن ساقتاپ، تومەن باعاداعى ەلەكتر قاينارىنىڭ تۇرعىندار مەن اۋىل شارۋاشىلىعىندا الدىمەن پايدالانىلۋىن قامتاماسىز ەتىپ، حالىق تۇرمىسىنا پايدالاناتىن ەلەكتر باعاسىنىڭ ورنىقتىلىعىن ساقتاۋ كەرەك. ۇكىمەتتىڭ رولى مەن بازاردىڭ بايلىقتى جايعاستىرۋداعى شەشۋشى رولىن اناعۇرلىم ويداعىداي ساۋلەلەندىرىپ، بازارلانعان ەلەكتر باعاسى مەن كومىر باعاسىنىڭ ءونىمدى ۇشتاسۋىن ىلگەرىلەتىپ، ەلەكتر كۇشى بازارىنىڭ جۇيەلى، ءتارتىپتى بولۋىن جەبەۋ كەرەك.
ءماجىلىس باسقا دا ىستەردى اقىلداستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
