مەملەكەتتىك كەڭەس «‹14 - بەسجىلدىق› كەزىندەگى مەملەكەتتىڭ قارتتار ءىسىن دامىتۋ جانە زەينەتكەرلىككە قىزمەت وتەۋ جۇيەسى جوباسىن» باسىپ تاراتتى
2022.02.22 16:29 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 21 - كۇنى، بەيجيڭ. حالىق سانىنىڭ قارتتانۋىنا بەلسەنە توتەپ بەرۋ مەملەكەتتىك ستراتەگياسىن دايەكتى تياناقتاندىرۋ ءۇشىن، مەملەكەتتىك كەڭەس بىرنەشە كۇننىڭ الدىندا «‹14 - بەسجىلدىق› كەزىندەگى مەملەكەتتىڭ قارتتار ءىسىن دامىتۋ جانە زەينەتكەرلىككە قىزمەت وتەۋ جۇيەسى جوباسىن» (تومەندە قىسقاشا «جوبا» دەلىنەدى) باسىپ تاراتىپ، قارتتار ءىسىنىڭ جانە كاسىپ سالاسىنىڭ سايكەستى دامۋىن ىلگەرىلەتۋدى، زەينەتكەرلىككە قىزمەت وتەۋ جۇيەسىنىڭ ساپالى دامۋىن ىلگەرىلەتۋدى توڭىرەكتەپ، «14 - بەسجىلدىق» كەزىندەگى جالپىلىق تالاپتى، باستى نىسانانى جانە قىزمەت مىندەتىن ايقىندادى.
«جوبادا» مىنالار اتاپ كورسەتىلدى: پارتيا مەن مەملەكەتتىڭ كەلەلى جوباسى مەن ساياساتتىق پىكىرىنىڭ جەتەكشىلىگىندە، ەلىمىزدىڭ قارتتار ءىسىن دامىتۋ جانە زەينەتكەرلىككە قىزمەت وتەۋ جۇيەسى قۇرىلىسىندا ءبىرقىدىرۋ تىڭ تابىسقا قول جەتكىزىلدى. حالىق سانىنىڭ قارتتانۋى − ادامزات قوعامى دامۋىنىڭ وبيەكتيۆ بەتالىسى، ەلىمىز بەرىك زاتتىق نەگىزگە، جەتكىلىكتى ادام كۇشى كاپيتالىنا، تاريحى ۇزاق وپالىلىق مادەنيەتىنە يە، وسى كەلەلى تاقىرىپتى ويداعىداي شەشۋگە شارت - جاعداي، قابىلەت، سەنىمىمىز بار. سونىمەن بىرگە، مىنانى دا كورە ءبىلۋىمىز كەرەك: ەلىمىزدە قارتتاردىڭ سانى كوپ، قارتتانۋ قارقىنى تەز، قارتتاردىڭ قاجەتسىنۋ قۇرىلىمى ءومىر ءسۇرۋ تيبىنەن دامۋ تيبىنە بۇرىلىس جاساۋدا، قارتتار ءىسى مەن زەينەتكەرلىككە قىزمەت وتەۋ جۇيەسىن قۇرۋدىڭ ماڭىزدىلىعى مەن كوكەيتەستىلىگى كۇن سايىن كورنەكتىلەنۋدە، مىندەت ءتىپتى دە جاپالى، اۋىر.
«جوبادا » بىلاي دەپ دارىپتەلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتكوم باسشىلىق ەتۋدە، ۇكىمەت جەتەكشىلىك ەتۋدە، قوعام ات سالىسۋدا، جالپى حالىق ارەكەتتەنۋدە تاباندى بولىپ، حالىق سانىنىڭ قارتتانۋىنا بەلسەنە توتەپ بەرۋ ستراتەگياسىن اتقارىپ، قوعامدىق قامتاماسىزداندىرۋ، زەينەتكەرلىككە قىزمەت وتەۋ، سالاماتتىققا تىرەك بولۋ جۇيەسىن كەمەلدەندىرۋدى ماڭىزدى ءتۇيىن ەتىپ، بەلسەندى قارتتار كوزقاراسىن، اقاۋسىز قارتتانۋ تانىمىن ەكونوميكالىق، قوعامدىق دامۋدىڭ تۇتاس بارىسىنا ءسىڭىرىپ، بار كۇشتى سالىپ، شاماعا قاراي ىستەپ، رەفورمانى تەرەڭدەتىپ، كەشەندى شارا قولدانىپ، تۇزىمدە جاڭالىق جاراتۋ، ساياساتپەن قامداۋ، قازىنالىق ۇسىنىلىم تەبىنىن ارتتىرىپ، قارتايعاندا كۇتىنۋ، قارتايعاندا ەمدەلۋ، قارتايعاندا رولىن ساۋلەلەندىرۋ، قارتايعاندا ۇيرەنۋ، قارتايعاندا كوڭىلدى بولۋ جاقتارىندا ۇزدىكسىز تىڭ ىلگەرىلەۋشىلىككە قول جەتكىزىپ، قارتتاردىڭ رەفورما، دامۋ جەتىستىكتەرىنەن بىرگە يگىلىكتەنۋىنە، سوڭعى ومىرلەرىن باقىتتى وتكىزۋىنە مۇمكىندىك جاساۋ كەرەك.
«جوبادا» «14 - بەسجىلدىق» كەزىندەگى دامۋ نىساناسى ورتاعا قويىلدى، اتاپ ايتقاندا، زەينەتكەرلىك قىزمەت وتەۋىمەن قامداۋدى ۇزدىكسىز كەڭەيتىپ، قارتتاردىڭ سالاماتتىعىنا تىرەك بولۋ جۇيەسىن اناعۇرلىم كەمەلدەندىرىپ، قارتتارعا قىزمەت وتەۋ، كوپ كاسىپ فورماتسياسىندا جاڭالىق جاراتۋ، توعىسپالى دامۋ، فاكتورلاردى قامتاماسىزداندىرۋ قۋاتىن ۇزدىكسىز كۇشەيتىپ، قوعامدىق ورتانى اناعۇرلىم ۇيلەسىمدى، جانعا جايلى ەتۋ كەرەك؛ سونداي - اق زەينەتكەرلىككە قىزمەت وتەۋ توسەگىنىڭ جالپى مولشەرى، قارتتاردى كۇتىمدەۋ قۇرىلىمدارىنىڭ توسەك ورىن سالىستىرماسى سياقتى 9 نەگىزگى كورسەتكىش ايقىندالىپ، تۇتاس قوعامنىڭ حالىق سانىنىڭ قارتتانۋىنا توتەپ بەرۋ جاعدايىنىڭ العاشقى ادىمدا قالىپتاسۋى ىلگەرىلەتىلىپ، قارتتاردىڭ تابىس سەزىمىن، باقىت سەزىمىن، حاۋىپسىزدىك سەزىمىن كورنەكتى جوعارىلاتۋ كەرەك.
«جوبادا» مىناداي 9 جاقتاعى ناقتى قىزمەت مىندەتى بەلگىلەندى: قوعامدىق قامتاماسىزداندىرۋ مەن ەڭ تومەنگى شەكتەن تۇسىرمەيتىن زەينەتكەرلىككە قىزمەت وتەۋ تورابىن بەكەمدەپ، جالپىعا ءتيىمدى قارتتاردى كۇتىمدەۋگە قىزمەت وتەۋدىڭ قامتۋ كولەمىن كەڭەيتىپ، الەۋمەتتىك اۋماقتا قارتتاردى كۇتىمدەۋگە قىزمەت وتەۋ قۋاتىن كۇشەيتىپ، قارتتاردىڭ دەنساۋلىعىنا قىزمەت وتەۋ جۇيەسىن كەمەلدەندىرىپ، قارتتار شارۋاشىلىعىن زور كۇشپەن دامىتىپ، بەلسەندى قارتتار كوزقاراسىن امالياتتا ايگىلەپ، قارتتاردىڭ جاراسىمدى قوعامدىق ورتاسىن قالىپتاستىرىپ، دامۋ فاكتورلارىنىڭ تىرەكتىك جۇيەسىن كۇشەيتىپ، قارتتاردىڭ زاڭدى ۇقىق - مۇددەسىن قورعاۋ كەرەك. سونىمەن بىرگە، «جوبادا» ۇكىمەت باسقارۋىنداعى قارتتاردى كۇتىمگە الۋ قۇرىلىمدارىنىڭ ارەكەتىن جوعارىلاتۋ، ەمدەۋ مەن كۇتىمدەۋدى ۇشتاستىرۋ قۋاتىن جوعارىلاتۋ ارناۋلى ارەكەتى، اقىل - پاراسات ارقىلى قارتتارعا كومەكتەسۋ ارەكەتى، دارىندىلار قوسىنى قۇرىلىسى ارەكەتى سياقتى ارناۋلى ايدارشالار ورنالاستىرىلىپ، كەلەلى ستراتەگيالىق ورنالاستىرۋلاردىڭ تياناقتانۋى، ناقتىلانۋى ىلگەرىلەتىلدى.«جوبادا» مىنالار تالاپ ەتىلدى: پارتيانىڭ جالپى جاعدايدى مەڭگەرۋ، ءار جاقتى سايكەستىرۋ سىندى باسشىلىق ۇيىتقىلىق رولىن تولىق ساۋلەلەندىرىپ، زاڭمەن جونگە سالۋدى قامتاماسىز ەتۋدى كەمەلدەندىرىپ، ۇيىمدىق سايكەستىرۋدى كۇشەيتىپ، ساراپتاۋ - باعالاۋدى تياناقتاندىرىپ، جوبانىڭ اتقارىلۋىن پارمەندى قامتاماسىز ەتۋ كەرەك. اۋدان دارەجەلىدەن جوعارى جەرگىلىكتى ۇكىمەتتەر وسى جوبانىڭ تالابىنا ساي، ءىس جۇزىندىك جاعدايمەن ۇشتاستىرىپ، قاتىستى كورسەتكىشتەردى اشالاپ، مىندەتتىڭ تياناقتانۋىن ىلگەرىلەتىپ، جاۋاپكەرلىكتىڭ، قىزمەتتىڭ، ۇسىنىلىمنىڭ تياناقتانۋىنا، ناقتى ونىمدىلىككە قول جەتكىزۋگە كەپىلدىك ەتۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
