لي جانشۋ الجيريا حالىقتىق پارلامەنتىنىڭ باستىعى بۋگاريمەن كەڭەس وتكىزدى
2022.02.23 16:21 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 22 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 2 - ايدىڭ 22 - كۇنى بيجيڭدەگى حالىق سارايىندا بەينە ەكران تاسىلىمەن الجيريا حالىقتىق پارلامەنتىنىڭ باستىعى بۋگاريمەن كەڭەس وتكىزدى.
لي جانشۋ مىنانى ءبىلدىردى: جۇڭگو مەن الجيريانىڭ ءداستۇرلى دوستىعى تەرەڭ، ەكى ەل قاتىناسى باي تاريحي مانگە جانە ستراتەگيالىق مانگە يە. ديپلوماتيالىق قاتىناس ورناتقان 64 جىلدان بەرى جۇڭگو - الجيريا قاتىناسى باستان - اياق ورنىقتى دامىپ، ناقتى سەلبەستىكتە سۇبەلى تابىستارعا قول جەتكىزىلىپ، ەكى ەل حالىقتارىنا ناقتى پايدا جەتكىزدى، بۇنى وركەندەپ كەلە جاتقان ەلدەر سەلبەستىگىنىڭ ۇلگىسى دەۋگە بولادى. جۇڭگو الجيريامەن ءداستۇرلى دوستىقتى تەرەڭدەتىپ، ەكى ەل باسشىلارىنىڭ ستراتەگيالىق جەتەكشىلىگىندە جۇڭگو مەن الجيريانىڭ جالپى بەتتىك ستراتەگيالىق سەرىكتەستىك قاتىناسىنىڭ ۇزدىكسىز دامۋىن بىرگە ىلگەرىلەتۋدى قالايدى.
لي جانشۋ بىلاي دەپ اتاپ كورسەتتى: جۇڭگو مەن الجيريا ۇزاق ۋاقىتتان بەرى ءبىرىن - ءبىرى قولداپ، تەڭ تۇرعىدا سەلبەسىپ، بىرگە دامىپ كەلەدى، ەكى ەلدىڭ مىزعىماس تۋىسقاندىق سۇيىسپەنشىلىگى بارىنشا قاستەرلەۋگە تاتيدى، ەكى جاق تىزە قوسا قۇلشىنىپ، ۇزدىكسىز دامۋدى جۇزەگە اسىرۋى كەرەك. ءبىرىنشى، ساياسي جاقتاعى ءوزارا قولداۋدى ونان ارى كۇشەيتۋ كەرەك. جۇڭگو جۇڭگو - الجيريا قاتىناسىنا باستان - اياق ستراتەگيالىق جانە ۇزاق بولاشاقتىق تۇرعىدان مامىلە جاساپ، الجيريانىڭ ءوز مەملەكەت جاعدايىنا ۇيلەسەتىن دامۋ جولىمەن ءجۇرۋىن باتىل قولدايدى. جۇڭگو الجيريانىڭ جۇڭگونىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە كورسەتكەن قاستەرلى قولداۋىن القايدى. بەيجيڭ قىسقى وليمپيادا سپورت جارىسى ءساتتى وتكىزىلدى، الجيريانىڭ باتىل قولداعانىنا العىس ايتامىن. ەكىنشى، ناقتى سەلبەستىكتى ۇزدىكسىز تەرەڭدەتۋ كەرەك. بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك تارتىبىمەن ۇشتاستىرىپ، دۇنيە جۇزىلىك دامۋ باستاماسىنىڭ تياناقتانۋىن بىرگە ىلگەرىلەتۋ كەرەك. دامۋ ستراتەگياسىن ۇشتاستىرۋدى كۇشەيتىپ، ماڭىزدى ەكى جاقتى سەلبەستىك قۇجاتتارىنا قول قويۋدى ىلگەرىلەتىپ، كەلەلى ناقتى نىساندار سەلبەستىگىن ىلگەرىلەتۋ كەرەك. ءۇشىنشى، ىندەتكە قارسى اتتانۋ سەلبەستىگىن ۇزدىكسىز كۇشەيتۋ كەرەك. ءتوراعا شي جينپيڭ بىلتىر جىل سوڭىندا جۇڭگو - افريكا سەلبەستىك تالقى مىنبەرىنىڭ 8 - كەزەكتى مينيستر دارەجەلىلەر ماجىلىسىندە افريكانى تاعى ءبىر ميلليارد ۆاكسينامەن قامدايتىنىمىزدى جاريالادى. جۇڭگو جاق وسى ايبىندى ۋادەسىن بەلسەنە اتقارۋدا، الجيريانىڭ ىندەتتى ەرتەرەك جەڭۋىنە قولداۋ كورسەتۋدى قالايمىز. ءتورتىنشى، حالىقارالىق جانە وڭىرلىك ىستەردەگى تىلدەسۋدى كۇشەيتۋ كەرەك. بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ءتارتىپتى باتىل قورعاپ، قالىڭ وركەندەپ كەلە جاتقان ەلدەردىڭ زاڭدى ۇقىق - مۇددەسىن بىرگە قورعاۋ كەرەك.
لي جانشۋ مىنالاردى دارىپتەدى: زاڭ شىعارۋ قۇرىلىمدارىنىڭ بارىس - كەلىسى − جۇڭگو مەن الجيريانىڭ دوستىق سەلبەستىگىنىڭ ماڭىزدى قۇرامداس بولىگى. جۇڭگو مەملەكەتتىك حالىق قۇرىلتايى مەن الجيريا پارلامەنتى دوستىق بارىس - كەلىس ءداستۇرىن جالعاستىرىپ كەلەدى، ءار دارەجەدەگى، ارناۋلى كوميتەتتەردىڭ سالالار بويىنشا اۋىس - كۇيىسىن كۇشەيتىپ، فينانس، اۋىل شارۋاشىلىعى، وقۋ - اعارتۋ، شەتەل ساۋداگەرلەرى قارجى قوسۋ سياقتى جاقتارداعى زاڭ شىعارۋ جانە باقىلاۋ تاجىريبەلەرىنەن تەڭ يگىلىكتەنىپ، كوپ جاقتى پارلامەنت ورىندارى مەن ىستەردەگى سايكەسۋدى جيىلەتىپ، ەكى ەل قاتىناسىنىڭ دامۋىن جەبەۋگە بەلسەندى ۇلەس قوسۋدى قالايمىز.
بۋگاري بىلاي دەدى: الجيريا مەن جۇڭگونىڭ دوستىعى ارىدان باستاۋ الادى، ەكى ەلدىڭ جالپى بەتتىك ستراتەگيالىق سەرىكتەستىك قاتىناسى ۇزدىكسىز تىڭ دامۋعا قول جەتكىزدى. الجيريا ءبىر جۇڭگو ساياساتىن بۇلجىماستان اتقارادى. جۇڭگونىڭ بەيجيڭ قىسقى وليمپيادا سپورت جارىسىن ءساتتى وتكىزگەنىن قۇتتىقتايمىن. ەكى جاقتىڭ ەكونوميكا - ساۋدا، قارجى قوسۋ، عىلىم - تەحنيكا، مادەنيەت، ىندەتكە قارسى اتتانۋ سياقتى سالالارداعى ناقتى سەلبەستىگىن اناعۇرلىم كەڭەيتۋدى ءۇمىت ەتەمىن. الجيريا پارلامەنتى جۇڭگو مەملەكەتتىك حالىق قۇرىلتايىمەن اۋىس - كۇيىستى، ءوزارا ۇلگى الۋدى كۇشەيتىپ، ەكى ەلدىڭ بىرگە دامۋىن جەبەپ، حالىقتار دوستىعىن ۇزدىكسىز كۇشەيتۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
