بىرلىكساپ بولىمدەرى باستىقتارىنىڭ، ۇلت ىستەرى كوميتەتتەرى مەڭگەرۋشىلەرىنىڭ اۆتونوميالى رايوندىق ءماجىلىسى اشىلدى
جاڭا داۋىردەگى شينجياڭنىڭ بىرلىكساپ قىزمەتىنىڭ جوعارى ساپالى دامۋىن ىلگەرىلەتۋ كەرەك
2022.02.24 15:25 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ليۋ شياڭ 2 - ايدىڭ 22 - كۇنى ۇرىمجىدەن حابارلايدى. 2 - ايدىڭ 22 - كۇنى بىرلىكساپ بولىمدەرى باستىقتارىنىڭ، ۇلت ىستەرى كوميتەتتەرى مەڭگەرۋشىلەرىنىڭ اۆتونوميالى رايوندىق ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ ورىنباسار شۋجيى جاڭ چۇنلين ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى ءزۇمىرات وبۇل ءماجىلىستى باسقاردى.
ماجىلىستە مىنالار اتاپ كورسەتىلدى: وتكەن ءبىر جىلدا بۇكىل رايوننىڭ بىرلىكساپ شەبى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل تياناقتاندىرىپ، اۆتونوميالى رايوندىق پارتكومنىڭ قىزمەت تالابىن تياناقتاندىرىپ، ءتۇرلى سالاداعى قىزمەتتە تىڭ ناتيجەگە قول جەتكىزدى. 2022 - جىلى بۇكىل رايوننىڭ بىرلىكساپ، ۇلت، ءدىن ىستەرى جۇيەسى باس شۋجي شي جينپيڭنىڭ بىرلىكساپ قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، پارتيا 20 - قۇرىلتايىنىڭ نەگىزگى تاقىرىبىن، نەگىزگى ارقاۋىن ۇيرەنۋدى، ۇگىتتەۋدى، دايەكتىلەندىرۋدى قارسى الۋ توڭىرەگىندە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ءبىر تۇتاس جوسپارلاپ، تەگىس ءمان بەرۋگە، ورنىقتىلىق بارىسىندا ىلگەرىلەۋگە، دالمە - ءدال كۇش سالۋعا، باستان - اياق ءساتتى ىستەۋگە تاباندى بولىپ، جاڭا داۋىردەگى شينجياڭنىڭ بىرلىكساپ قىزمەتىنىڭ جوعارى ساپالى دامۋىن ىلگەرىلەتۋ كەرەك.
ءماجىلىس مىنالاردى باسا دارىپتەدى: ”ەكىنى تۇراقتاندىرۋدىڭ“ شەشۋشى ماڭىزىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 20 - قۇرىلتايىنىڭ جەڭىسپەن اشىلۋى ءۇشىن زەيىن - زەردە، كۇش - قۋاتتى شوعىرلاندىرۋ كەرەك. نازاردى جۇڭحۋا ۇلتى ورتاق تۇلعا تانىمىن بەكەمدەۋگە شوعىرلاندىرىپ، جۇڭحۋا ۇلتىنا ورتاق رۋحاني مەكەن قۇرۋدى ىلگەرىلەتىپ، جۇڭحۋا ۇلتى ورتاق تۇلعا تانىمىن بەكەمدەۋ جونىندە زەرتتەۋ جۇرگىزىپ ءتۇسىندىرۋدى جانە ۇگىت تاربيەنى ىشكەرىلەي ورىستەتىپ، ۇلتتار ىنتىماعى العاباسارلىعىنداعى وزات ورىن قۇرۋ قىزمەتىن جالپى بەتتىك ورىستەتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ساپالىلاندىرىپ، كەمەلدەندىرىپ، ءوزارا كىرىكپەلى قوعامدىق قۇرىلىم مەن الەۋمەتتىك اۋماق ورتاسىن قۇرىپ، ۇلت ىستەرىن باسقارۋدىڭ زاڭمەن باسقارىلۋ دەڭگەيىن جوعارىلاتۋ كەرەك. شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، جاڭا داۋىردەگى پارتيانىڭ ءدىن قىزمەتى نازارياسىن جانە باعىت - ساياساتتارىن جاپپاي دايەكتىلەندىرىپ، پارتيا، ۇكىمەت كادرلارى، ءدىن سالاسىنداعى ۋاكىل قايراتكەرلەر، ءدىن ءىلىمىن زەرتتەۋ قوسىنى قاتارلى ”ءۇش ءتۇرلى قوسىن“ قۇرىلىسىن شىنايى يگەرىپ، ءدىن ىستەرىن باسقارۋدى زاڭ بويىنشا كۇشەيتىپ، دىنگە سەنەتىن بۇقارانىڭ قالىپتى ءدىني قاجەتى مەن زاڭدى ءدىني قيمىلدارىن زاڭ بويىنشا قامتاماسىز ەتىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك. ”ەكىدەن تيتتەي دە اۋىتقىماۋعا“ تاباندى بولىپ، ”ەكى اقاۋسىز بولۋدى“ ىلگەرىلەتىپ، حالىقتىق شارۋاشىلىقتىڭ بىرلىكساپ قىزمەتىن ويداعىداي ىستەۋ كەرەك. ءتۇرلى حاۋىپ - قاتەر، سىن - سايىستارعا بەلسەندى، بايىپتى توتەپ بەرىپ، بىرلىكساپ سالاسىنىڭ جاراسىمدى، ورنىقتى جاعدايىن بەكەمدەۋ كەرەك. دەموكراتيالىق پارتيا - توپتاردىڭ، پارتيا سىرتىنداعى زيالىلاردىڭ، جاڭا قوعامدىق جىكتەگى قايراتكەرلەردىڭ بىرلىكساپ قىزمەتىن جانە شەتەلدەگى بىرلىكساپ قىزمەتىن ويداعىداي ىستەۋ كەرەك. پارتيانىڭ ورتالىقتانعان ءبىر تۇتاس باسشىلىعىن كۇشەيتىپ، ۇلكەن بىرلىكساپ قىزمەت ارناسىن كەمەلدەندىرىپ، دۇرىس ناتيجە كوزقاراسىن ورناتىپ، كادرلاردىڭ قابىلەتىن، ساپاسىن جوعارىلاتىپ، تەكسەرۋ - زەرتتەۋدى كۇشەيتىپ، پارتيانى جاپپاي قاتاڭ باسقارۋعا تاباندى بولىپ، بىرلىكساپ قىزمەتىن جۇيەلى، عىلمي، دالمە - ءدال، ءونىمدى ىلگەرىلەتىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الۋ كەرەك.
ماجىلىستە 2021 - جىلعى ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىنداعى وزات كوللەكتيۆتەر مەن وزات جەكەلەر، جاراسىمدى مەشىتتەر، بۇتحانالار، شىركەۋلەر جانە وزات وتانشىل ءدىني قايراتكەرلەر ماداقتالىپ - سيلاندى.
اۆتونوميالى رايوننىڭ ورىنباسار ءتوراعاسى سۇن حۇڭمەي ماداقتاۋ - سيلاۋ قاۋلىسىن وقىدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
