وڭتۇستىك شينجياڭ وڭىرىندە قۇرىلىسى جالعاستىرىلاتىن قاتىناس نىساندارى جاپپاي جۇمىس باستادى
2022.02.24 15:22 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لۋ فىڭباۋ 2 - ايدىڭ 22 - كۇنى كورلادان حابارلايدى. 2 - ايدىڭ 22 - كۇنى، وڭتۇستىك شينجياڭ وڭىرىندە قۇرىلىسى جالعاستىرىلاتىن قاتىناس نىسانىنان 13ى جاپپاي قايتا جۇمىس باستاپ، تۇتاس شينجياڭنىڭ قاتىناس نىساندارى قۇرىلىسى جەدەل جۇرگىزىلدى.
سول كۇنى تۇستەن بۇرىن وڭتۇستىك شينجياڭ ءوڭىرى تاس جول قۇرىلىس نىسانىنىڭ قايتا جۇمىس باستاۋ سالتىنىڭ نەگىزگى الاڭى بولعان G0711 جەلىسىنىڭ ءۇرىمجى − لوپنۇر جوعارى جىلدامدىقتى تاس جولىنىڭ تيەمىنگۋان تۋنەلىنىڭ كىرە بەرىسىندە قازۋ ماشينالارى، تيەۋ ماشينالارى قاربالاس جۇمىس جۇرگىزدى.
”ءبىز جۇمىس الاڭىنا جارتى اي بۇرىن جەتتىك، جۇمىسشىلار جانە ماشينالار تەگىس دايىن بولدى، قۇرىلىس ماتەريالدارىن دا جەتكىلىكتى دايىندادىق، قۇرىلىس جۇمىسشىلارى قاۋىرت جۇمىس جۇرگىزۋدە، كورلا − ءۇرىمجى ارالىعىنا قولايلى ءبىر ۇلكەن ارنانىڭ تەزىرەك سالىنۋىن ءۇمىت ەتەمىن“، - دەدى جۇڭگو قاتىناس قۇرىلىسى شينجياڭ ءۇرىمجى − لوپنۇر تاس جولى كوتەرمەگە الۋ نىسانى ءۇرىمجى − لوپنۇر تاس - توپىراق قۇرىلىسى مەردىگەرلىك 12 - نىسانىنىڭ ديرەكتورى حۋاڭ گويۇڭ.
جۇڭگو قاتىناسى شينجياڭ قاتىناس تاس جولى قارجى قوسۋ، دامىتۋ شەكتى سەرىكتەستىگىنىڭ باس ديرەكتورى ليۋ حۇڭبو بىلاي دەدى: كەزەكتە ءۇرىمجى − لوپنۇر تاس جولى 142 قۇرىلىس كوتەرمەگە الۋ تۇيىنىندە جاپپاي قايتا جۇمىس باستالدى، بيىل G0612 جەلىسىنىڭ جەتىمبۇلاق − چارقىلىق جوعارى جىلدامدىقتى تاس جولى، S254 جەلىسىنىڭ لوپنۇر − چەرچەن قۇمدى تاس جولى، سونداي - اق G0711 جەلىسىنىڭ ءۇرىمجى − لوپنۇر جوعارى جىلدامدىقتى تاس جول نىسانىنداعى كورلانىڭ وڭتۇستىگىنەن لوپنۇرعا دەيىنگى بولىگىندە اۆتوكولىك قاتىنايدى.
اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ ورىنباسار شۋجيى، مەڭگەرمە باستىعى اسەنجان احىمەت بىلاي دەدى: سول كۇنى وڭتۇستىك شينجياڭ وڭىرىندە قۇرىلىسى جالعاستىرىلاتىن 13 نىسانعا (مەملەكەتتىك، ولكەلىك 11 نەگىزگى جەلى نىسانى، ءبىر اۋىل - قىستاق تاس جولى نىسانى جانە ءبىر جولاۋشى - جۇك تاسىمال بەكەتى نىسانى) مەجەمەن قوسىلاتىن جالپى قارجى 93 ميلليارد 80 ميلليون يۋان، بيىلعى جوسپار بويىنشا قوسىلاتىن قارجى 24 ميلليارد 615 ميلليون يۋان بولىپ، بۇل تۇتاس جىلداعى بۇكىل رايوننىڭ نىسانا مىندەتىنىڭ ％30.8ىن ۇستايدى. 3 - ايدىڭ سوڭىنا بارعاندا وڭتۇستىك - سولتۇستىك شينجياڭ وڭىرىندەگى قۇرىلىسى جالعاستىرىلاتىن قاتىناس نىساندارىندا ءۇستىرتتى سۋىق، تەڭىز دەڭگەيىنەن بيىك رايوندارداعى قۇرىلىس باستاۋ شارت - جاعدايى ازىرلەنبەگەن ءىشىنارا نىسانداردان سىرت، نىساندار دەرلىك قايتا جۇمىس باستايدى. ”ءبىز ءارقايسى جاقتىڭ جاۋاپكەرشىلىگىن نىعايتىپ، قاتايتىپ، ىلگەرىلەتۋ شارالارىن ەگجەي - تەگجەيلىلەندىرىپ، ناقتىلاندىرىپ، قۇرىلىس مەزگىلىن قاۋىرت ورنالاستىرىپ، قۇرىلىس ۋاقىتىن قاۋىرت يگەرىپ، ولشەمدى ناقتىلاندىرىپ، اياق الىستى ناقتىلاندىرىپ، ءتۇرلى قىزمەتتەردىڭ ەگجەي - تەگجەيلىلەنۋىنە، ناقتىلانۋىنا، تياناقتانىپ ونىمدىلىك كورسەتۋىنە شىنايى كەپىلدىك ەتىپ، 2022 - جىلعى تاس جول قۇرىلىسىندا جاڭا جاعداي اشامىز، جاقسى قادام تاستايمىز“.
بيىل رايونىمىز قاتىناس تۇراقتى مۇلكىنە 80 ميلليارد يۋان قارجى قوسۋدى جوسپارلاۋدا، جىل سوڭىنا بارعاندا تۇتاس شينجياڭنىڭ جوعارى جىلدامدىقتى تاس جولدارىنىڭ (1 - دارەجەلى) جالپى ۇزىندىعى 10 مىڭ كيلومەتردەن اسادى، تارىم ويپاتىن اينالاتىن جوعارى جىلدامدىقتى تاس جولدار (1 - دارەجەلى) جاپپاي سالىنىپ بولادى، شينجياڭعا كىرىپ - شىعاتىن جوعارى جىلدامدىقتى تاس جول 3 - ۇلكەن ارناسىن (1 - دارەجەلى) جوعارى جىلدامدىقتى تاس جولعا اينالدىرىپ، ”شينجياڭ ىشىندە شەڭبەر قالىپتاستىرۋ، شينجياڭعا كىرىپ - شىعۋدى تەزدەتۋ“ نىساناسىنىڭ جەدەل ىسكە اسۋىن ىلگەرىلەتەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
