تۇنىق تۇرعانبەك:
قىسىلتاياڭ ساتتە تاعى دا كەۋدە كەرىپ العا شىعۋدان تايىنبايمىن
□ انار بۇلت / شينجياڭ گازەتىنىڭ ءتىلشىسى بارشا تەگىس
2022.02.24 15:26 كەلۋ قاينارى : شينجياڭ گازەتى
”بۇگىن جول توتەنشە تايعاق ەكەن، كولىكتىڭ قارقىنى مەن كولىكتەردىڭ ارا قاشىقتىعىنا كوڭىل بولىڭىزدەر“. 2 - ايدىڭ 17 - كۇنى توعىزتاراۋ اۋدانى G578 جەلىسىندە مىندەت وتەپ تۇرعان توعىزتاراۋ اۋداندىق قاتىناس ساقشى ۇلكەن اترەتىنىڭ جاردەمشى ساقشىسى تۇنىق تۇرعانبەك شوفەرلەردىڭ كولىك جۇرگىزۋ كۋالىگىن تەكسەرە ءجۇرىپ، ولارعا ىقىلاستى ەسكەرتپە جاسادى.
”تۇنىق جۇمىسقا بارىنشا دەن قويادى، توتەنشە قۇلشىنادى. ونىڭ ادام قۇتقارعاندىعىنان ءبارىمىزدىڭ حابارىمىز بار، ونىڭ ءون بويىنان حالىق ساقشىلارىنىڭ حالىق ءۇشىن قىزمەت وتەيتىن تاماشا قاسيەتىن كورۋگە بولادى“، - دەدى تۇنىقتىڭ قىزمەتتەسى فىڭ فىڭ.
تۇنىقتىڭ ادام قۇتقارعان ىزگى ءىسىن جۇرت جاپپاي القادى، كەيبىرەۋلەر ونى: ”قوس قولىمەن باسقالاردى قۇتقارعان ەگەي ادام“، - دەپ القاسا، ەندى بىرەۋلەر: ”بيىكتەن قۇلاعان ادامدى قۇتقارۋ بارلىق ’ەگەي ادامنىڭ‘ قولىنان كەلە بەرمەيدى!“، - دەيدى. 2 - ايدىڭ 14 - كۇنى تۇنىق 7 - كەزەكتى اۆتونوميالى رايوندىق ءمورال ۇلگىسى بولىپ باعالاندى.
2019 - جىلى 5 - ايدىڭ 23 - كۇنى ساعات 21دەن 30 مينۋت مولشەرىندە قۇلجا شەكارالىق ەكونوميكالىق سەلبەستىك رايونىنداعى رىنحى حۋايۋان شاعىن اۋماعى 12 - عيماراتىنىڭ الدىندا ادامنىڭ زارە - قۇتىن ۇشىرعان ءبىر وقيعا تۋىلدى.
ىلە چۋاننيڭ بيوتەحنيكالىق شەكتى سەرىكتەستىگى اشىتۋ، سايكەستىرۋ بانىنىڭ بانجاڭى بولىپ مىندەت اتقاراتىن تۇنىق قىزمەتتەن ءتۇسىپ ۇيىنە قايتار جولىندا توساتتان بىرەۋدىڭ: ”ءبىر بالا بەسىنشى قاباتتىڭ تەرەزەسىنە شىعىپ الىپتى!“، - دەپ شوشىنا ايعايلاعان داۋىسىن ەستيدى، ول دەرەۋ الدىعا بارىپ جاعدايعا زەر سالادى. ءدال وسى ساتتە ەندى عانا 2 جاس 7 اي بولعان تاڭ X بەسىنشى قاباتتىڭ تەرەزەسىنەن تومەن قاراي قۇلاپ تۇسەدى.
تۇنىق تيتتەي دە ءارى - ءسارى بولماستان بينانىڭ استىنا ەكى - ءۇش قادام اتتاپ جەتىپ بارادى دا، قوس قولىمەن تومەن قاراي قۇلاپ كەلە جاتقان بالانى ۇستاي الادى. ەكپىنىمەن قۇلاپ تۇسكەن بالا تۇنىقتى سوعىپ جىعىپ، تۇنىق ەسىنەن تانادى.
”بالانىڭ، راسىندا، سۋ ىشەرلىگى بار ەكەن، ەگەر مىنا ازامات ۇستاپ الماي بالا جەرگە قۇلايتىن بولسا، سوڭىنىڭ نە بولارىن كىم ءبىلسىن...“، ىلە قازاق اۆتونوميالى وبلىستىق دوستىق شيپاحاناسى سۇيەك اۋرۋلارى 2 - ءبولىمىنىڭ تەتە اعا شيپاگەرى لي ۋىنچياڭ بىلاي دەدى: ادەتتەگى جاعدايدا عيماراتتان قۇلاعان ادام نە توتە جانىنان جۇدا بولادى نەمەسە سۇيەكتەرى كۇل - پارشا بولىپ سىنادى نەمەسە ميى، كوكىرەك قۋىسى زاقىمدالادى، ت.ب وتە قاتەرلى. سونىمەن بىرگە بيىكتەن قۇلاعان ادامدى قولىمەن ۇستاپ العان ادام دا كۇشتى ەكپىننىڭ جانە ۇدەمەلى جىلدامدىقتىڭ اسەرىنەن بىلەك، قولدارى سىنۋ، بۋىنى شىعۋ سىندى وقياتتارعا وڭاي ۇشىرايدى.
باعىنا جاراي اسپاپتارمەن تەكسەرۋ جانە شيپاحانادا 2 ساعات اينالاسىندا باقىلاۋ ارقىلى تۇنىقتان جانە بالادان ۇلىعاۋسار ماسەلە بايقالمادى.
”مەن بالاعا ەڭ جاقىن تۇرعان اداممىن، بالا ءدال مەنىڭ توبە تۇسىمدا ەدى“، - دەدى تۇنىق سول كەزدەگى وقيعانى ەسكە الىپ.
شاعىن اۋماقتىڭ كۇزەتۋ اسپابى بالانىڭ توبەدەن قۇلاعاننان ۇستاپ العانعا دەيىنگى بارىسقا نە بارى 2 سەكۋند ۋاقىت كەتكەندىگىن كورسەتتى.
قۇتقارىپ الىنعان بالانىڭ اتا - اناسى بىلاي دەدى: ”ءبىز ونى ماڭگى جاقىنىمىزعا بالايمىز“. ەكى جىل بولدى، تۇنىق پەن قۇتقارىپ الىنعان بالانىڭ وتباسىنداعىلار جان اشىر - جاقىن تۋىستارعا اينالىپ كەتتى. تۇنىق ءبىر وتباسىن قورعاپ قانا قالماستان، ونان دا ماڭىزدىسى، تۇتاس قالانىڭ جۇرەك قىلىن تەربەتتى.
ادىلەت جولىندا ايانباۋ − جۇڭحۋا ۇلتىنىڭ ءداستۇرلى تاماشا ءمورالى، سوتسياليستىك وزەكتى قۇن كوزقاراسى جۇيەسىن ورناتۋدىڭ ماڭىزدى قۇرامداس بولىگى. تۇنىقتىڭ ىزگى ءىسى جۇڭحۋا ۇلتىنىڭ قالتقىسىز ءوزىن ارناۋ، قاتەرلى ساتتە كومەكتەسۋ سىندى ءداستۇرلى تاماشا ءمورالىن ايگىلەۋمەن بىرگە، وسى زامان جاستارىنىڭ باتىلدىقپەن جاۋاپكەرشىلىك ارقالاۋىنىڭ ونەگە - ۇلگىسىن دە ورناتتى.
”ەگەردە مەنىڭ كەۋدە كەرىپ العا شىعۋىمدى قاجەت ەتەتىن ءىس تاعى دا تۋىلار بولسا، مەن ءدال سول ساتتەگىدەي ەشتەڭەدەن تايىنبايمىن“، - دەدى تۇنىق بەرىك بەكىممەن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
