لي يۇنفي:
بۇقارا قاجەت ەتسە بولعانى اتويلاپ الدا جۇرەمىن
□ انار بۇلت / شينجياڭ گازەتىنىڭ ءتىلشىسى گو ليڭ
2022.02.24 15:28 كەلۋ قاينارى : شينجياڭ گازەتى
تاستاي سۋىق تاسقىن سۋدا ارىپتالاسىپ، حاۋىپتى، قيىن، اۋىر مىندەت الدىندا ولىمنەن قورىقپاي، مەيلى الدىڭعى جاق ءورتتى القاپ، الدە اپاتتان قۇتقارۋ شەبى بولسىن، تەك بۇقارا قاجەت ەتسە بولعانى، لي يۇنفي اتويلاپ الدا ءجۇردى.
لي يۇنفي اقسۋ ايماقتىق ءورت ءسوندىرۋ، ورتتەن ساقتانۋ قۇتقارۋ - كومەكتەسۋ تارماق اترەتى كۇشار قالاسى چاڭنيڭ جولى ءورت ءسوندىرۋ، ورتتەن ساقتانۋ قۇتقارۋ - كومەكتەسۋ پۋنكتىنىڭ ساياسي جەتەكشىسى، ىلگەرىندى - كەيىندى ”8 - كەزەكتى مەملەكەتتىك ءمورال ۇلگىسىنە كورسەتىلۋ سيلىعى“، ”مەملەكەتتىك شۇعىل جاعدايعا توتەپ بەرۋدى باسقارۋ جۇيەسىندەگى وزات قىزمەتكەر“، ”جۇڭگوداعى جاقسى ادام“، ”تىنىشتىق قاھارمانى“ سياقتى اتاقتارعا يە بولدى.
ءار جولى جاقسى حاباردى لي يۇنفي لي جۇڭچي ەرلى - زايىپتىلارىمەن بولىسەدى، وسى ءبىر - ەكى كۇندە ول دەمالىس كۇندەرىنىڭ بىرىندە ولارعا بارىپ، ءوزىنىڭ 7 - كەزەكتى اۆتونوميالى رايوندىق ءمورال ۇلگىسى بولىپ باعالانعان جاقسى حابارىن جەتكىزبەكشى ەكەن.
لي جۇڭچي ەرلى - زايىپتىلار مەن لي يۇنفي ءبىر رەتكى قۇتقارۋ - كومەكتەسۋ مىندەتى بارىسىندا تانىسقان.
2018 - جىلى 6 - ايدىڭ 23 - كۇنى كورلا قالاسىندا كەنەت نوسەر جاۋىپ، سەل ءجۇرىپ، ۇزىن قالاشىعى قاراڭعۇ وزەنى كۇرت تاسيدى. لي جۇڭچي ەرلى - زايىپتى ەكەۋى تراكتور ايداپ وزەننەن وتپەكشى بولعاندا وزەندە قامالىپ، اعىسى قاتتى تاسقىندا توتەنشە حاۋىپتى جاعدايدا قالادى. قىسىلتاياڭ ساتتە لي يۇنفي سۋدى كەشىپ قۇتقارۋعا ىرىقتىلىقپەن سۇرانادى.
لي يۇنفي بەلىنە ارقان بايلاپ، تاسقىندا ماشاقاتپەن العا جىلجيدى، اساۋ تولقىندا بىرنەشە رەت جىعىلىپ قالعاندا، جاۋىنگەر سەرىكتەرى ارقاندى تارتىپ ونى جاعاعا سۇيرەپ شىعادى، كەز كەلگەن ۋاقىتتا تاسقىن اعىزىپ كەتۋى مۇمكىن بولعان لي جۇڭچي ەرلى - زايىپتىعا قاراپ، لي يۇنفي تىنىستاپ وتىرۋعا قاراماستان، تاعى ءبىر رەت وزەنگە ءتۇسىپ قۇتقارۋعا اتتانادى.
كوز الداعى جاعدايدى كورىپ تۇرعان لي جۇڭچي ەرلى - زايىپتىلار: ”بالام، وتە حاۋىپتى ەكەن، كەلمە!“ - دەپ ايعايلايدى.
لي يۇنفي بىرنەشە رەت سۋعا تۇنشىعىپ، كۇش - قايراتى السىرەگەن جاعدايدا دا لي جۇڭچي ەرلى - زايىپتىنى حاۋىپسىز قۇتقارىپ شىققانعا دەيىن ارىپتالاسادى، ول اسقازانىنا كوپ مولشەردە باتپاق جۇتىپ العاندىقتان، سول جەردە ەسىنەن تانىپ، شيپاحاناعا جەتكىزىلەدى.
”سول كەزدە ول ءبىزدى جاعاعا قۇتقارىپ شىققاننان كەيىن جىعىلىپ ءتۇستى، جانىمىز اشىعاندا كوزىمىزدەن جاس پارلادى“، - دەدى لي جۇڭچي.
وسى رەتكى قۇتقارۋ - كومەكتەسۋدەن كەيىن لي يۇنفي لي جۇڭچي ەرلى - زايىپتىلاردىڭ وتباسى شارت - جاعدايى تومەن ەكەنىن ءبىلىپ، ولارمەن كومەكتەسۋ - سۇيەمەلدەۋ بويىنشا جۇپ قۇرايدى.
”ۇيىمىزدەگى حيميالىق تىڭايتقىشتىڭ ءبارىن شياۋلي جەتكىزىپ بەردى، تاعى تەحنيك شاقىرىپ بىزگە باعىمشىلىق، ەگىمشىلىك تەحنيكاسىن ۇيرەتتى، ول بىزگە ەكىنشى رەت ءومىر سيلاۋمەن قاتار، ءبىزدىڭ تۇرمىسىمىزعا كوڭىل ءبولىپ كەلەدى“، - دەدى لي جۇڭچي، - ”ول ءبىزدى اعاي، شەشەي دەپ شاقىرادى، ءبىزدىڭ بالامىز سياقتى، بيىل جاڭا جىلعا قاراعان ءتۇنى ول تاعى بىزبەن بىرگە تۇشپارا ءتۇيىپ، جاڭا جىلعا قاراعان ءتۇن تاماعىن بىرگە جەدى“.
مۇنان سىرت، لي يۇنفي تاعى كۇشار قالاسىنداعى بالالار پاناجايىنان جەتىم بالا شياۋماندى اسىراپ الدى. بيىل يۋانشياۋ مەرەكەسىندە لي يۇنفي ارنايى ۋاقىت شىعارىپ، شياۋماندى ەرتىپ اشەكەي شام تاماشالادى. ”مەرەكەدە لي اكەم ۋاقىتى بولا قالسا، ماعان سەرىك بولىپ مەنى ويناتادى، تاعى ماعان جازۋ جازعاندى ۇيرەتىپ، اڭگىمە ايتىپ بەرەدى“، - دەدى شياۋمان.
جاقىندارىن الاڭداتپاۋ ءۇشىن، لي يۇنفي اعاي - شەشەيىمەن اڭگىمەلەسكەندە، جاقسىلىقتى عانا ايتىپ، جاپاسى تۋرالى ءتىس جارمايدى، ويتكەنى ءولىم مەن ءومىر اراسىندا قۇتقارۋ - كومەكتەسۋ ونىڭ قىزمەتى ەدى. 2020 - جىلى ول ۋلى گازدى قۇدىقتىڭ تۇبىنە باسىن تومەن قاراتىپ ءتۇسىپ، بار كۇشىمەن 3 ادامدى قۇتقارىپ شىعادى؛ 2021 - جىلى قاقاعان اياز كۇنى جەرگە جارتى ساعات جۇرەلەپ وتىرىپ، شىرعالاڭعا ۇشىراعان اۆتوكولىكتى بۇزىپ، قامالىپ قالعان ادامدى قۇتقارىپ شىعادى...
قىزمەت ىستەگەننەن بەرى لي يۇنفي شۇعىل جاعدايعا توتەپ بەرۋ، قۇتقارۋ - كومەكتەسۋ مىندەتىنەن 1200 رەتتەن استامىنا قاتىناسىپ، قامالىپ قالعان 140 نەشە ادامدى قۇتقارىپ، تەگىن قان بەرۋ، قارتتاردان حال سۇراۋ، مەيىر جەتكىزىپ جىلۋ اتاۋ سياقتى قيمىلدارعا 200 نەشە رەت قاتىناسىپ، 6 جەتىم بالاعا قارجىلاي كومەكتەسىپ، قيىنشىلىعى بار 20 نەشە بۇقاراعا قول ۇشىن بەردى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
