پارتيا 19 - كەزەكتى ورتالىق كوميتەتىنىڭ 8 - رەتكى شارلاۋىنداعى اڭىس قايتارۋ قىزمەتى اياقتالدى
2022.02.25 16:53 كەلۋ قاينارى : حالىق تورابى
«حالىق گازەتى»، 2 - ايدىڭ 24 - كۇنى، بەيجيڭ (ءتىلشى جاڭ ياڭ). پارتيا ورتالىق كوميتەتىنىڭ ورنالاستىرۋىنا ساي، 19 – كەزەكتى ورتالىق كوميتەتتىڭ 8 – رەتكى شارلاۋىندا 25 فينانس ورنىنا اڭىس قايتارۋ قىزمەتى تاياۋدا تولىق اياقتالدى. وسى رەتكى شارلاۋداعى اڭىس قايتارۋدا شوعىرلى اڭىس قايتارۋ ءماجىلىسى مەن ورتالىقتىڭ شارلاۋ گرۋپپالارىنىڭ «بىرگە ءبىر» اڭىس قايتارۋىن ۇشتاستىرۋ ءتاسىلى قولدانىلدى.
2 - ايدىڭ 21 - كۇنى ورتالىقتىڭ شارلاۋ قىزمەتىنە باسشىلىق ەتۋ گرۋپپاسى پارتيا 19 - كەزەكتى ورتالىق كوميتەتىنىڭ 8 - رەتكى شارلاۋىنا شوعىرلى جاۋاپ قايتارۋ ءماجىلىسىن اشتى. ءماجىلىس باس شۋجي شي جينپيڭنىڭ ورتالىقتىڭ 8 - رەتكى شارلاۋ جاعدايىنان بەرگەن مالىمەتىن تىڭداعان كەزدە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، شارلاۋدا بايقالعان كورنەكتى ماسەلەلەردى حابارلاندىردى، شارلاۋدا اڭىس ەتىلگەن ماسەلەلەر مەن رەتتەۋ - تۇزەتۋ قىزمەتى جونىندە شوعىرلى ورنالاستىرۋ جاسادى. ورتالىق كوميتەت ساياسي بيۋروسىنىڭ مۇشەلەرى، ورتالىقتىڭ شارلاۋ قىزمەتىنە باسشىلىق ەتۋ گرۋپپاسى باستىعىنىڭ ورىنباسارلارى ياڭ شياۋدۋ، چىن شي ماجىلىسكە قاتىناستى.
2 – ايدىڭ 22 - كۇنىنەن 24 - كۇنىنە دەيىن ورتالىقتىڭ 15 شارلاۋ گرۋپپاسى جەكە - جەكە 25 فينانس ورنىنا «بىرگە ءبىر» جاۋاپ قايتاردى. ورتالىقتىڭ شارلاۋ قىزمەتىنىڭ ورنالاستىرۋىنا ساي، ورتالىقتىڭ شارلاۋ گرۋپپالارى شارلاۋ جۇرگىزىلگەن پارتيا ۇيىمدارىنىڭ نەگىزگى جاۋاپتىلارىنا شارلاۋدا بايقالعان ماڭىزدى ماسەلەلەردى حابارلاندىردى ءارى باسشىلىق القاسىنا شارلاۋ جاعدايىن اڭىس ەتتى.
اڭىستا مىنالار اتاپ كورسەتىلدى: شي جينپيڭ جولداستى ۇيىتقى ەتكەن پارتيا ورتالىق كوميتەتى فينانس قىزمەتىنە ايرىقشا ءمان بەرىپ، فينانس رەفورماسىن باتىل تەرەڭدەتىپ، فينانستىڭ ناقتى ەكونوميكاعا قىزمەت ەتۋىندە تۋدى ايقىن ۇستاي وتىرىپ تاباندى بولىپ، فينانستاعى شىرىكتەسۋدى قاتاڭ جازالاپ، كەلەلى فينانس حاۋىپ - قاتەرىنەن ءونىمدى ساقتانىپ جانە ونى شەشىپ، ەلىمىزدىڭ فينانس كاسىبىنىڭ دامۋىندا تىڭ تابىستارعا قول جەتكىزدى.
اڭىستا بىلاي دەپ اتاپ كورسەتىلدى: فينانس ورىندارىنىڭ پارتكومدارىندا (پارتگرۋپپا) پارتيانىڭ جاپپاي باسشىلىعىن تياناقتاندىرۋ، پارتيا قۇرىلىسىن كۇشەيتۋ، پارتيانى جاپپاي قاتاڭ جونگە سالۋدى ىلگەرىلەتۋ سياقتى جاقتاردا ءالى دە كوپتەگەن كورنەكتى ماسەلە ورىن تەۋىپ وتىر، كەيبىر ماسەلەلەردىڭ ورتاقتىعى بار. كەيبىرەۋىىڭ ساياسي قۇرىلىسى ءالسىز، پارتيا ورتالىق كوميتەتىنىڭ رۋحىن ۇيرەنۋ، دايەكتىلەندىرۋى تىڭعىلىقتى ەمەس؛ كەيبىرەۋىنىڭ فۋنكتسيالىق ورنىن يگەرۋى ءدال ەمەس، ءىس جۇزىندىكپەن ۇشتاستىرىپ، قىزمەت جاۋاپكەرلىگىمەن ۇشتاستىرىپ، پارتيا ورتالىق كوميتەتىنىڭ كەلەلى باعىت - ساياساتتارىن دايەكتىلەندىرۋىندە، تياناقتاندىرۋىندا پارىق بار؛ كەيبىرەۋىنىڭ فينانس حاۋىپ - قاتەرىنەن ساقتانۋ - جويۋ تانىمى جەتەرسىز، فينانس حاۋىپ - قاتەرىن پارىقتاۋ، ساقتاندىرۋ جانە ءبىر جاقتى ەتۋ مەحانيزمى كەمەلدى ەمەس؛ كەيبىرەۋىندە فينانس رەفورماسى جونىندەگى ورنالاستىرۋلاردى تياناقتاندىرۋدا ساياسي جاۋاپكەرلىك كەمشىل، كەيبىر رەفورما مىندەتتەرىنىڭ ىلگەرىلەتىلۋى پارمەندى بولماعان؛ كەيبىرەۋىنىڭ پارتيانى جاپپاي قاتاڭ جونگە سالۋ ستراتەگيالىق ورنالاستىرۋىن تياناقتاندىرۋىندا پارىق بار، «ەكى جاۋاپكەرلىكتى» اتقارۋى تياناقتانباعان، كەيبىر ورىندار «فينانسقا سۇيەنىپ فينانستى سورعان»، ماڭىزدى قىزمەت ورىندارىنىڭ، ءتۇيىندى سالالاردىڭ جانە شەشۋشى بۋىنداردىڭ پاكتىك حاۋىپ - قاتەرى ءبىرشاما كورنەكتى، ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساۋداعى ماسەلەلەر ءبىرشاما كوپ، فورماشىلدىق، تورەشىلدىك جانە استا - توك ىسىراپشىلدىق، راقاتقۇمارلىق ستيلى ءالى دە كورنەكتى؛ كەيبىرەۋىندە جاڭا داۋىردەگى پارتيانىڭ ۇيىمدىق لۋشيانىن تياناقتاندىرۋدا پارىق بار، باسشىلىق القالارىندا، كادرلار قوسىنىندا جانە نەگىزگى ساتى پارتيا ۇيىمى قۇرىلىسىندا ءالسىز بۋىندار ورىن تەۋىپ وتىر.
اڭىستا مىنالار تالاپ ەتىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، باس شۋجي شي جينپيڭنىڭ فينانس قىزمەتى جونىندەگى ماڭىزدى پايىمداۋلارىن ۇزدىكسىز جەتە ۇيرەنىپ، جەتە ءتۇسىنىپ، شىنايى تياناقتاندىرىپ، باس شۋجي شي جينپيڭنىڭ شارلاۋ جاعدايى جونىندەگى مالىمەتتى تىڭداعان كەزدە سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، پارتيانىڭ جاڭالىق جاراتۋ نازارياسىمەن وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتىپ، پارتيانىڭ فينانس قىزمەتىنە ورتالىقتانعان ءبىر تۇتاس باسشىلىعىندا تاباندى بولىپ جانە ونى كۇشەيتىپ، ساياسي دەڭگەيدى جوعارىلاتىپ، فينانس قىزمەتىنىڭ ساياسي سيپاتىن، حالىقتىق سيپاتىن تەرەڭ تانىپ، فينانس ارقىلى وتانعا قارىمجى قايتارۋ سۇيىسپەنشىلىگىن كۇشەيتىپ، جاڭا دامۋ يدەياسىن تولىق، دۇرىس، جالپى بەتتىك دايەكتىلەندىرىپ، جاڭا داۋىرگە، جاڭا جاعدايعا، جاڭا تالاپقا ۇيلەسىپ، ىرىقتىلىقپەن جاۋاپكەرلىك ارقالاپ، ىسكەرلىك تانىتىپ، نەگىزگى جاۋاپكەرلىكتى، نەگىزگى كاسىپتى بەرىك ساقتاپ، دۇرىس جولدان اۋىتقىماي جاڭالىق جاراتۋدا تاباندى بولىپ، جۇڭگوشا فينانستى دامىتۋ جولىمەن بۇلجىماي ءجۇرۋ كەرەك. حاۋىپ - قاتەردەن ساقتانۋ تانىمىن كۇشەيتىپ، تومەنگى شەكتە ويلاۋدى بەرىك ورناتىپ، شارلاۋدا بايقالعان ماسەلەلەرمەن ۇشتاستىرىپ، كومەسكى حاۋىپ - قاتەردى جاپپاي سارالاپ، ءبىر - بىرلەپ تەكسەرىپ، ءبىر تۇتاس زەرتتەپ، ءونىمدى توتەپ بەرىپ، فينانستىڭ ورنىقتىلىق جالپى جاعدايىن شىن مانىندە قورعاۋ كەرەك. فينانس رەفورماسىنىڭ ساياسي جاۋاپكەرلىگىن كۇشەيتىپ، ءتۇزىلىس، مەحانيزم رەفورماسىن ىشكەرىلەي ىلگەرىلەتىپ، فينانستى جونگە سالۋ جۇيەسى مەن جونگە سالۋ قۋاتىن وسىزامانداندىرۋ دەڭگەيىن ۇزدىكسىز جوعارىلاتۋ كەرەك. پارتيانى جاپپاي قاتاڭ جونگە سالۋداعى «ەكى جاۋاپكەرلىكتى» ناقتىلاندىرىپ، قاتاڭ باسقارۋ، قاتاڭ بولۋ اۋانىن كۇشەيتىپ، «ءبىرىنشى باسشى» مەن باسشىلىق القاعا باقىلاۋدى كۇشەيتىپ، شىرىكتەسۋ ماسەلەسى مەن ورتالىقتىڭ «8 ءتۇرلى بەلگىلەمەسىنىڭ» رۋحىنا قايشىلىق جاساۋ ماسەلەسىن قاتاڭ تەكسەرىپ ءبىر جاقتى ەتىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋ كەرەك. فينانس ورىندارىنىڭ باسشىلىق القاسى، كادرلار قوسىنى جانە نەگىزگى ساتى پارتيا ۇيىمى قۇرىلىسىن كۇشەيتىپ، كادرلاردى پارتيا باسقارۋ، دارىندىلاردى پارتيا باسقارۋ پرينسيبىن قاتاڭ تياناقتاندىرىپ، جاڭا داۋىردەگى پارتيانىڭ ۇيىمدىق لۋشيانىن ىشكەرىلەي دايەكتىلەندىرۋ كەرەك.
اڭىستا مىنالار دارىپتەلدى: ەگەر شارلاۋدا بايقالعان ماسەلەلەر شەشىلمەسە، كەرىسىنشە، «ۇركىتۋ اسەرى»، «تەرەزە شاعۋ اسەرى» تۋىلىپ، ماسەلەنىڭ ءورشۋىن كەلتىرىپ شىعارادى. پارتيا ورتالىق كوميتەتىنىڭ شارلاۋ، رەتتەۋ - تۇزەتۋ جونىندەگى تالاپتارى مەن «شارلاۋدى، رەتتەۋ - تۇزەتۋدى جانە جەتىستىكتەردى قولدانۋدى كۇشەيتۋ جونىندەگى پىكىرىندەگى» بەلگىلەمەلەردى مۇقيات تياناقتاندىرىپ، شارلاۋ، رەتتەۋ - تۇزەتۋ تۇلعالىق جاۋاپكەرلىگىن كۇشەيتۋ كەرەك. اسىرەسە، پارتكوم (پارتگرۋپپا) شۋجيلەرى ءبىرىنشى جاۋاپتى ادام بولۋ جاۋاپكەرلىگىن سانالى تۇردە ارقالاپ، القا مۇشەلەرى «ءبىر قىزمەت ورنىندا ەكى جاۋاپكەرلىك ارقالاۋدى» تياناقتاندىرىپ، شارلاۋ بارىسىندا بايقالعان ماسەلەلەرگە قاراتا ءبىر - بىرلەپ ەسەپ تۇرعىزىپ، ماسەلەنى ءبىر - بىرلەپ شەشىپ، شەشۋشى ازشىلىقتى قاداعالاپ، نەگىزگى قايشىلىق قالقانىن مىقتى يگەرىپ، شارلاۋ، رەتتەۋ - تۇزەتۋدى فينانستىڭ رەفورما نەگىزىندە دامىتىلۋىن ىلگەرىلەتۋمەن ۇشتاستىرىپ، رەتتەۋ - تۇزەتۋدى تياناقتاندىرۋدى ءبىر تۇتاس جوسپارلاپ، ويداعىداي يگەرىپ، رەتتەۋ - تۇزەتۋدىڭ باياندى مەحانيزمىن ورناتىپ، شارلاۋ، رەتتەۋ - تۇزەتۋ ارقىلى فينانس كاسىبىنىڭ ساپالى دامۋىن جەبەۋ كەرەك.
اڭىستا مىنالار تالاپ ەتىلدى: پىكىرلەسۋدى، سايكەسۋدى كۇشەيتىپ، جۇيەلى وي جۇگىرتۋدە تاباندى بولىپ، شارلاۋدا اڭىس ەتىلگەن ماسەلەلەردى رەتتەۋ - تۇزەتۋدىڭ ناقتاپ تياناقتاندىرىلۋىن كۇش بىرىكتىرە ىلگەرىلەتۋ كەرەك. فينانس باسقارۋ، باقىلاۋ - باسقارۋ ورىندارى قىزمەت جاۋاپكەرلىگىمەن ۇشتاستىرىپ، فينانس كاسىپورىندارىن قاتىستى ماسەلەلەردى رەتتەۋ - تۇزەتۋدى ويداعىداي يگەرۋگە قۋزاۋى ءارى تومەن ارقىلى جوعارىعا نازار سالا وتىرىپ ءوز فۋنكتسياسىندا ورىن تەپكەن ماسەلەلەردى قاداعالاپ، رەتتەۋ - تۇزەتۋدىڭ تياناقتاندىرىلۋىن مۇقيات، ويداعىداي يگەرۋى كەرەك. ءتارتىپ تەكسەرۋ، باقىلاۋ - تەكسەرۋ ورگاندارى رەتتەۋ - تۇزەتۋدى باقىلاۋدى كۇشەيتىپ، ماسەلە دەرەكتەرىن ەرەجە، ءتارتىپ، زاڭ بويىنشا ءبىر جاقتى ەتىپ، رەتتەۋ - تۇزەتۋدە دارمەنسىزدىك ىستەگەندەردىڭ، رەتتەۋ – تۇزەتۋگە نەمقۇرايدى قاراعانداردىڭ جاۋاپكەرلىگىن قاتاڭ قۋزاۋى كەرەك. ۇيىمداستىرۋ تاراۋلارى شارلاۋ بارىسىندا بايقالعان ماسەلەلەردى شەشۋدى باسشىلىق القا قوسىنى قۇرىلىسىن كۇشەيتۋمەن، كادرلاردى تەكسەرۋ، باعالاۋ، ىستەتۋمەن ۇشتاستىرىپ، تەكسەرۋ - زەرتتەۋدى، جەتەكشىلىك ەتۋدى كۇشەيتىپ، فينانس ورىندارىنىڭ باسشىلىق القاسى قۇرىلىسى، ادام تاڭداۋ، ادام ىستەتۋ، نەگىزگى ساتى پارتيا ۇيىمى قۇرىلىسى سياقتى جاقتارداعى ماسەلەلەردى شەشۋدى جەبەۋى كەرەك. شارلاۋدىڭ جەتىستىكتەرىن جان - جاقتى، ويداعىداي پايدالانىپ، شارلاۋدا بايقالعان تيپتىك جالپىلىق ماسەلەلەردى شوعىرلى تۇردە ارناۋلى جونگە سالىپ، قات - قابات ماسەلەلەردى جوعارى دەڭگەيدە زەرتتەۋدى كۇشەيتىپ، ءتۇزىلىس، مەحانيزمدى كەمەلدەندىرۋدى ىلگەرىلەتىپ، ۇستىنەن وڭاۋ مەن تۇبىرىنەن وڭاۋدى ۇشتاستىرۋدى تەرەڭدەتۋ كەرەك.
ۇعىسۋعا قاراعاندا، ورتالىقتىڭ شارلاۋ گرۋپپاسى تاعى كەيبىر باسشى كادرلار جونىندە اڭىس ەتىلگەن ماسەلە دەرەكتەرىن تاپسىرىپ الىپ، قاتىستى بەلگىلەمەلەر بويىنشا ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى، ورتالىق ۇيىمداستىرۋ ءبولىمى سياقتى قاتىستى جاقتاردىڭ ءبىر جاقتى ەتۋىنە وتكىزىپ بەرگەن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
