ج ك پ ورتالىق كوميتەتىنىڭ كەڭسەسى «جاڭا داۋىردەگى پاكتىك مادەنيەتى قۇرىلىسىن كۇشەيتۋ جونىندەگى پىكىردى» باسىپ تاراتتى
2022.02.25 16:51 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 24 - كۇنى، بەيجيڭ. ج ك پ ورتالىق كوميتەتىنىڭ كەڭسەسى تاياۋدا «جاڭا داۋىردەگى پاكتىك مادەنيەتى قۇرىلىسىن كۇشەيتۋ جونىندەگى پىكىردى» (تومەندە قىسقاشا «پىكىر» دەلىنەدى) باسىپ تاراتتى ءارى ۇقتىرۋ شىعارىپ، وڭىرلەردىڭ، تاراۋلاردىڭ امالياتپەن ۇشتاستىرا وتىرىپ مۇقيات دايەكتى تياناقتاندىرۋىن تالاپ ەتتى.
«پىكىردە» مىنالار اتاپ كورسەتىلدى: ج ك پ ورتالىق كوميتەتى پاكتىك مادەنيەتى قۇرىلىسىنا ايرىقشا ءمان بەرىپ، شىرىكتەسۋگە قارسى تۇرىپ، پاك ساياسي قۇرۋدى دارىپتەدى، بۇل − پارتيامىز ەجەلدەن تاباندى بولىپ كەلە جاتقان ايقىن ساياسي مايدان، پارتيانىڭ وزىندىك توڭكەرىستە، ءسوز جوق، ۇزاق ۋاقىت مىقتى يگەرۋگە ءتيىستى كەلەلى ساياسي مىندەتى. پارتيانى جاپپاي قاتاڭ جونگە سالۋدا ءارى ۇستىنەن وڭاۋعا سۇيەنىپ، كۇشتى دارىمەن اۋرۋدى ەمدەپ، بىلىقپالىقتى قاتاڭ جونگە سالۋ؛ ءارى تۇبىرىنەن وڭاۋعا سۇيەنىپ، نيەتتى دۇرىستاپ، ءوزىن تاربيەلەپ، مادەنيەتتى جەتىلدىرىپ، بيلىك جۇرگىزۋدىڭ نەگىزىن ساقتاۋ كەرەك. ءسوز جوق، وزىنە توڭكەرىس جاساۋعا باتىل بولۋ، پارتيانىڭ العاباسارلىعى مەن كىرشىكسىزدىگىن ساقتاۋ تۇرعىسىنان، پاكتىك مادەنيەتى قۇرىلىسىن كۇشەيتۋدى شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋدەگى نەگىزدىك ينجەنەريا رەتىندە مىقتى، شىنايى، ويداعىداي يگەرىپ، پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتۋگە ماڭىزدى تىرەك ازىرلەۋ كەرەك.
«پىكىردە» بىلاي دەپ دارىپتەلدى: جاڭا داۋىردەگى پاكتىك مادەنيەتى قۇرىلىسىن كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا 19 - قۇرىلتايى مەن پارتيا 19 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن جاپپاي دايەكتىلەندىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيانى يدەيالىق جاقتان قۇرۋ مەن پارتيانى ءتۇزىم ارقىلى جونگە سالۋعا بىردەي كۇش سالۋدا تاباندى بولىپ، مەملەكەتتى زاڭمەن باسقارۋ مەن مەملەكەتتى مورالمەن باسقارۋدى ۇشتاستىرۋدا تاباندى بولىپ، مۇرات - سەنىم ارقىلى نەگىزدى بەكەمدەپ، وزىق مادەنيەتپەن اقىل - پاراساتقا دەم بەرىپ، اسىل ءمورال ارقىلى مىنەز - قۇلىقتى شىڭداپ، جازالاۋ، سەسكەندىرۋ، ءتۇزىم ارقىلى تەجەۋ، سانانى جوعارىلاتۋ جاقتارىنان ءبىر تۇتاس كۇش سالىپ، پاكتىك مادەنيەتى قۇرىلىسىنىڭ ناقتىلانۋىن، كۇشەيۋىن ىلگەرىلەتىپ، كادرلاردىڭ، ۇكىمەتتىڭ، ساياسيدىڭ، قوعامنىڭ كىرشىكسىزدىگىن ۇزدىكسىز جۇزەگە اسىرۋ كەرەك.
«پىكىردە» بىلاي دەپ اتاپ كورسەتىلدى: پاك، كىرشىكسىز بولۋدىڭ يدەيالىق نەگىزىن بەكەمدەپ، نازاريامەن قارۋلانۋدى كۇشەيتىپ، ساياسي تۇراقتىلىقتى، شىرىكتەسۋگە قارسى تۇرۋداعى تۇراقتىلىقتى كۇشەيتۋ؛ نانىم، ۇستانىم، سەنىمدى بەكەمدەپ، شىرىكتەسۋدەن، ازعىنداۋدان ساقتانۋدىڭ يدەيالىق قورعانىس شەبىن بەكەمدەۋ؛ پارتيا ىشىندەگى بەلسەندى، اقاۋسىز ساياسي مادەنيەتتى دامىتىپ، پاكتىك مادەنيەتى قۇرىلىسىنا جەتەكشىلىك ەتۋ كەرەك. پاك، كوپشىل بولۋ مادەنيەت نەگىزىن بەكەمدەپ، توڭكەرىستىك مادەنيەت ارقىلى جالپىنىڭ مۇددەسىن ۇمىتپاۋ، ۇلەس قوسۋعا پەيىل بولۋ وسكەلەڭ قاسيەتىن سومداپ، سوتسياليستىك وزىق مادەنيەت ارقىلى ۇكىمەت ىسىندە پاك، ۇقىقتى ءادىل پايدالاناتىن مادەنيەت توپىراعىن جەتىلدىرىپ، جۇڭحۋانىڭ تاڭداۋلى ءداستۇرلى مادەنيەتى ارقىلى ءوزىن تەجەپ، كوپتىڭ قامىن ويلاۋ، پاك، كىرشىكسىز بولۋ رۋحاني ورەسىن سومداۋ كەرەك. پاك، تارتىپشەڭ بولۋ ءمورالدىق قاسيەتىن جەتىلدىرىپ، باسشى كادرلاردى جالپىلىق ءمورالدى ايقىنداپ، الەۋمەتتىك ءمورالعا بويسۇنىپ، جەكە باستىق ءمورالدى قاتايتۋعا جەتەكتەپ، پاكتىك تالابىن كۇندەلىكتى تاربيەلەۋ، باسقارۋ، باقىلاۋ بارىسىنا ءسىڭىرىپ، وتباسى ستيلى قۇرىلىسىن باسشى كادرلاردىڭ ستيل قۇرىلىسىنىڭ ماڭىزدى مازمۇنى ەتۋ كەرەك. پاكتىك تاربيەسىنىڭ نەگىزدىك رولىن ساۋلەلەندىرىپ، جاعداي تاربيەسىن، ءتارتىپ، زاڭ تانىمىن، ساقتاندىرۋ، سەس كورسەتۋدى، ۇلگى كورسەتىپ جەتەكشىلىك ەتۋدى كۇشەيتۋ كەرەك. پاكتىكتى دارىپتەپ، شىرىكتەسۋدەن باس تارتاتىن قوعامدىق سالتتى ساۋلەلەندىرىپ، جاڭا اقپارات قۇرالدارىنان، جاڭا تەحنيكالاردان پايدالانىپ پاكتىك مادەنيەتىن تاراتىپ، پاكتىك مادەنيەتىندەگى ساپالى ونىمدەرمەن، قىزمەت وتەۋمەن قامداۋدى بايىتىپ، پاكتىك مادەنيەتى بايلىعىنان پايدالانۋدى كەڭەيتۋ كەرەك.
«پىكىردە» مىنالار تالاپ ەتىلدى: جەر - جەر، تاراۋلار پاكتىك مادەنيەتى قۇرىلىسىنىڭ ساياسي جاۋاپكەرلىگىن ارقالاپ، پاكتىك مادەنيەتى قۇرىلىسىن پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ قىزمەتىنىڭ ورنالاستىرۋىنا ەنگىزىپ جوبا جاساپ، پاكتىك مادەنيەتى قۇرىلىسىن ءبىر تۇتاس جوسپارلاۋ، سايكەستىرۋ مەحانيزمىن ورناتىپ، تياناقتاندىرۋدى تاباندىلىقپەن مىقتى يگەرىپ، جاڭا داۋىردەگى پاكتىك مادەنيەتى قۇرىلىسىنىڭ ىشكەرىلەي ورىستەتىلۋىن ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
