ۋاكىل ءدولاتمان كايمىك:
بۇقاراعا شىن پەيىلىممەن جارشى بولامىن
□ انار بۇلت / شينجياڭ گازەتىنىڭ ءتىلشىسى ميھىرگۇل عوپۇر، پراكتيكانت يمىرانجان لوحمان
2022.02.25 16:16 كەلۋ قاينارى : شينجياڭ گازەتى
”مەملەكەتتىك حالىق قۇرىلتايىنىڭ ۋاكىلى بولۋ داڭق، ونان دا ماڭىزدىسى، جاۋاپكەرشىلىك. بۇقارامەن ۇنەمى ارالاسىپ، حالىقتىڭ تىلەگىنە قۇلاق اسىپ، مىندەت اتقارىپ، جاۋاپكەرشىلىكتى ادا ەتكەندە عانا، كوپشىلىكتىڭ سەنىمىنە ارەكەت ارقىلى جاۋاپ بەرۋگە بولادى“، - دەدى مەملەكەتتىك حالىق قۇرىلتايىنىڭ ۋاكىلى، تاشقورعان تاجىك اۆتونوميالى اۋدانى جۇڭگو − تاجىكستان راڭكول ارميا، ساقشى، حالىق بىرلەسكەن مىندەت اتقارۋ قىزمەت پۋنكتىنىڭ كومەكشى ساقشىسى، شەكارا كۇزەتشىسى ءدولاتمان كايمىك.
بيىل 29 جاستاعى ءدولاتمان كايمىكتىڭ وتباسى تاشقورعان تاجىك اۆتونوميالى اۋدانى ۋاچا اۋىلى شابىزقارا قىستاعىندا تۇرادى، بۇل ارانىڭ تەڭىز دەڭگەيىنەن بيىكتىگى 4500 مەتردەن اسادى، ۇستىرتتە وتتەگى وتە سيرەك. 2016 - جىلى ءدولاتمان كامىك شەكارا كۇزەتشىسى بولادى، 6 جىلدان بەرى، ول بوران - شاشىننان تايسالماي، وتانىمىزدىڭ شەكارا جەلىسىن ادالدىقپەن قورعاپ كەلەدى.
”مەن شارلايتىن شەكارا جەلىسى 200 نەشە كيلومەتر كەلەدى، ءبىر كۇندە از دەگەندە 20 كيلومەتر جەردى شارلايمىن، ءبىر جىلدىڭ 365 كۇنىنىڭ بارىندە وسىلاي ىستەيمىن“. ءدولاتمان كايمىكتىڭ اكەسى شەكارا كۇزەتشىسى بولاتىن، ول: قازىر اكەمنىڭ ءىسىن جالعاستىرىپ وتىرمىن، ءسوز جوق، ءتىپتى دە جاقسى ىستەۋىم كەرەك، - دەدى.
2021 - جىلى ءدولاتمان كايمىك مەملەكەتتىك حالىق قۇرىلتايىنىڭ ۋاكىلى دەگەن جاڭا سالاۋاتقا يە بولدى. حالىق قۇرىلتايى ۋاكىلى قىزمەت جاۋاپكەرشىلىگىن ويداعىداي اتقارۋ ءۇشىن، ول مىندەت اتقارۋعا قاتىستى ءتۇرلى بىلىمدەردى ىرىقتىلىقپەن ۇيرەنىپ، مىندەتتى زاڭ بويىنشا اتقارۋ قابىلەتى مەن ساپاسىن ۇزدىكسىز جوعارىلاتىپ، نەگىزگى ساتىنى ىشكەرىلەي ارالاپ تەكسەرۋ - زەرتتەۋ جۇرگىزىپ، ەگىن، مال شارۋاشىلىق وڭىرلەرىن ارالاپ، بۇقارانىڭ پىكىرىن مۇقيات تىڭداپ، كەڭەستىك جوبا ۇسىنىسىن دەن قويا جازدى.
”ءار جولعى تەكسەرۋ - زەرتتەۋدەن ەرەكشە تەرەڭ شابىت الامىن، بالالار كەڭ دە جارىق ساباقحانادا ساباق وقيدى، قىستاق تۇرعىندارىنىڭ بارلىعى بەيقۇت ۇيگە كوشىپ كىردى، قاراپايىم وتباسىلاردان جەڭىل اۆتوكولىك ساتىپ العاندار دا از ەمەس، كەڭ دە تەگىس اسفاليت جول تاۋ قويناۋىنا دەيىن جەتتى، ءار ۇلت بۇقاراسىنىڭ جۇزىنەن باقىت كۇلكىسى ءۇيىرىلدى. قازىرگى جاقسى تۇرمىسىمىز جونىنەن پارتيا مەن مەملەكەتكە دەگەن العىسىمدا شەك جوق“، - دەدى ءدولاتمان كايمىك.
تاشقورعان تاجىك اۆتونوميالى اۋدانى ساپالى ساياحات قاينارىمەن اتى ايگىلى، كوپتەگەن ەگىنشى - مالشىنىڭ كىرىستەرىن ارتتىرىپ، اۋقاتتانۋىنا تۇرتكى بولعان ەگىنشىلەر شاتتىعى ساياجايىن، مالشىلار شاتتىعى ساياجايىن اشقاندار دا از ەمەس، ولاردىڭ ساۋدالارى شالقي تۇسكەن. اۋىل - قىستاق ساياحات كاسىبىنىڭ دامۋىنا وراي، ەگىنشى - مالشىلاردىڭ تۇرمىس ساپاسى دا ۇزدىكسىز جوعارىلادى، ءدولاتمان كايمىك اۋىل - قىستاق ساياحاتىن دامىتۋ ءۇشىن سايكەستى شارالار بولۋ كەرەك دەپ قارادى.
”مەملەكەتتىڭ ساياحاتتىق اقىل - كەڭەس بەرۋ ورتالىعى سياقتى الەۋمەتتىك قىزمەت وتەۋ قۇرىلعى قۇرىلىسىن قولداۋ تەبىنىن ارتتىرىپ، اۋىل - قىستاق ساياحات دارىندىلار قوسىنىن بەلسەنە باۋلىپ، ساياحاتتىق قىزمەت وتەۋ قابىلەتىن ارتتىرىپ، ساياحات ارقىلى اۋىل - قىستاقتى گۇلدەندىرۋگە دەم بەرۋىن ءۇمىت ەتەمىن“، - دەدى ءدولاتمان كايمىك.
ادىلەت جولىندا ايانباي قۇربان بولعان مەملەكەتتىك حالىق قۇرىلتايىنىڭ ۋاكىلى لاچين بايەكە دە كەزىندە شەكارا كۇزەتشىسى بولاتىن. 2021 - جىلى 1 - ايدا، لاچين بايەكە مۇز جارىعىنا ءتۇسىپ كەتكەن بالانى قۇتقارۋ جولىندا نەبارى 41 جاسىندا قۇربان بولدى. ورتالىق كوميتەت ۇگىت ءبولىمى وعان ”ءداۋىر ونەگەسى“ اتاعىن بەردى.
”لاچين بايەكە مەنىڭ جاۋىنگەر سەرىگىم بولاتىن، پاميردىڭ قاھارمانى. مەن قاھارماننان ۇيرەنىپ، مىندەت اتقارۋ قابىلەتىمدى قۇلشىنا جوعارىلاتىپ، شىن پەيىلىممەن بۇقاراعا جارشى بولىپ، بۇقارانىڭ جۇرەك ءسوزىن مەملەكەتتىك ەكى ماجىلىسكە الا بارامىن“، - دەدى ءدولاتمان كايمىك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
