«جاستار مەن ورەندەرگە قاتىستى باسپا ۇقىعىن قورعاۋ ماۋسىمى» ارەكەتى باستالدى
2022.02.25 14:40 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى شى جيڭنان 2 – ايدىڭ 24 – كۇنى بەيجيڭنەن حابارلايدى. ءتىلشىنىڭ 2 – ايدىڭ 24 – كۇنى ورتالىق كوميتەتتىڭ ۇگىت بولىمىنەن ۇعىسۋىنشا، ورتالىق كوميتەت ۇگىت ءبولىمىنىڭ باسپا ۇقىعىن قورعاۋ مەكەمەسى، ورتالىق كوميتەت ۇگىت ءبولىمىنىڭ باسۋ – تاراتۋ مەكەمەسى، ورتالىق كوميتەت ۇگىت ءبولىمىنىڭ زاڭسىز باسىلىمدارعا، تيىم سالىنعان باسىلىمدارعا قارسى تۇرۋ مەكەمەسى، قوعام حاۋىپسىزدىگى مينيسترلىگىنىڭ ازىق – تۇلىك، ءدارى – دارمەككە قاتىستى قىلمىستاردى بارلاۋ – تەكسەرۋ مەكەمەسى، وقۋ – اعارتۋ مينيسترلىگىنىڭ وقۋلىق مەكەمەسى، مادەنيەت – ساياحات مينيسترلىگىنىڭ مادەنيەت بازارىندا جان – جاقتى زاڭ اتقارۋدى باقىلاۋ مەكەمەسى جۋىردا «جاستار مەن ورەندەرگە قاتىستى باسپا ۇقىعىن قورعاۋ ماۋسىمى» ارەكەتىن بىرگە باستادى.
جۋىرداعى جىلداردان بەرى، ۇقىققا قول سۇققان، ۇرلاپ باسقان وقۋلىق، پىسىقتاۋ ماتەريالى، بالالارعا ارنالعان سۋرەتتى كىتاپ قاتارلىلاردى كوشىرىپ تاراتۋ، ينتەرنەتتە تاراتۋ قاتارلى زاڭعا قايشى قىلمىستىق ارەكەتتەر ۇزدىكسىز ءجيى تۋىلىپ، ۇقىقتى ادامداردىڭ زاڭدى ۇقىق – مۇددەسىنە اۋىر دارەجەدە زيان سالىپ، باسپا ءسوز بازارىنداعى باسپا ۇقىعى ءتارتىبىن ءبۇلدىردى، جاستار مەن ورەندەردىڭ پسيحولوگيالىق، فيزولوگيالىق اقاۋسىزدىعىنا زيان جەتكىزدى. وتە – موتە، وقۋ باستاۋ ماۋسىمى مەزگىلىندە، قاتىستى وقۋلىقتار مەن پىسىقتاۋ ماتەريالدارىنىڭ، بالالارعا ارنالعان سۋرەتتى كىتاپتاردىڭ بازارداعى تارالىمى زور بولىپ، ۇقىققا قول سۇعىپ ۇرلاپ باسۋ ارەكەتى وڭاي ءارى ءجيى تۋىلاتىندىقتان، ۇقىقتى ادامدار مەن اتا – انالار بۇل ىسكە جاپپاي نازار اۋدارۋدا.
تانىستىرۋعا قاراعاندا، بۇل رەتكى شوعىرلى ارەكەت 9 – ايعا دەيىن جالعاسىپ، وقۋلىق، پىسىقتاۋ ماتەريالى، بالالارعا ارنالعان سۋرەتتى كىتاپ قاتارلىلارعا قاتىستى ۇقىققا قول سۇعۋ، ۇرلاپ باسۋ سىندى بىلىققان جاعدايعا قاتاڭ سوققى بەرەدى، جونگە سالادى، يدەيالىق- ساياسي، نازاريالىق وقۋلىقتار مەن پىسىقتاۋ ماتەريالدارىن، بالالارعا ارنالعان ءوتىمدى سۋرەتتى كىتاپتاردى ۇرلاپ باسۋ، زاڭسىز ساتۋ، ينتەرنەتتە تاراتۋ قاتارلى زاڭعا قايشى ارەكەتتەرگە ءتۇيىندى تۇردە سوققى بەرىپ، وقۋ باستاۋ ماۋسىمى مەن كانيكول مەزگىلىندە كىتاپ – جۋرنال بازارى، باسپا كاسىپورىندارى جانە مەكتەپتەردىڭ ماڭىنداعى كىتاپ دۇكەندەرى، گازەت – جۋرنال جايمالارى، جازۋ قۇرالدارى دۇكەنى، ءارىپ باسۋ، كوپيالاۋ دۇكەنى قاتارلى ورىندارعا اداقتاۋ جۇرگىزىپ، ەلەكتروندى ساۋدا تەكشەلەرىندە ۇقىققا قول سۇققان، ۇرلاپ باسقان وقۋلىقتاردى، پىسىقتاۋ ماتەريالدارىن، بالالارعا ارنالعان سۋرەتتى كىتاپتاردى تاراتۋ، ساتۋ ارەكەتتەرىنە باعىتتاي وتىرىپ، باسپا ۇقىعىن باقىلاۋ تەبىنىن ارتتىرادى، ۇقىقتى ادامدار مەن بارشا اتا – انالاردىڭ پىكىرى كوپ بولعان، قوعامعا زيانى زور بولعان دەلولاردى زاڭ بويىنشا قاتاڭ، جەدەل انىقتاپ، قىلمىس كۇمانىن قالىپتاستىرعان دەلولاردى دەر كەزىندە زاڭ بويىنشا قوعام حاۋىپسىزدىگى ورگاندارىنىڭ قىلمىستىق ىستەر جاۋاپكەرشىلىگىن قۋزاستىرۋىنا جوتكەپ بەرەدى.
سونىمەن بىرگە، شوعىرلى ارەكەت بارىسىندا، ەلەكتروندى تەكشەلەرگە باقىلاۋ – باسقارۋ جۇرگىزۋدى كۇشەيتىپ، ەلەكتروندى ساۋدا تەكشەلەرىنىڭ نەگىزگى تۇلعالىق جاۋاپكەرشىلىگىن تياناقتاندىرىپ، جاستار مەن ورەندەرگە قاتىستى باسپا ۇقىعىن قورعاۋ جونىندە تاربيە بەرۋدى، جەتەكشىلىك ەتۋدى كۇشەيتىپ، جاستار مەن ورەندەرگە قاتىستى باسپا ۇقىعىن قورعاۋ جاعىندا بۇكىل قوعام بىرلەسە جونگە سالاتىن جۇيەنى بىرگە قالىپتاستىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
