اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسىنىڭ 1 - ايدا تاراتقان ءتۇرلى قارىز اقشاسى جيىنى 14 ميلليارد يۋاننان استى
2022.02.25 16:14 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ۋاڭ يۇڭفي 2 - ايدىڭ 23 - كۇنى ۇرىمجىدەن حابارلايدى. جۇڭگو اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسىنەن ۇعىسۋعا قاراعاندا، 1 - ايدا اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى ەرتە دايىندالىپ، الدىمەن كۇش سالىپ، ءتۇرلى قارىز اقشادان جيىنى 14 ميلليارد 422 ميلليون يۋان تاراتىپ، سايكەس مەزگىلدەگىدەن 4 ميلليارد 365 ميلليون يۋان ارتىق تاراتقان، ءتۇرلى قارىز اقشا ىركىندى سوماسى 261 ميلليارد 586 ميلليون يۋان بولىپ، جىل باسىنداعىدان 7 ميلليارد 119 ميلليون يۋان ارتقان.
اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسىنىڭ ورىنباسار باستىعى جىڭ بيننىڭ تانىستىرۋىنشا، 1 - ايدا وسى بانكە مەملەكەتتىڭ استىق حاۋىپسىزدىگى، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ، اۋىل شارۋاشىلىعى، اۋىل - قىستاق قۇرىلىسى، جىبەك جولى ەكونوميكالىق بەلدەۋى وزەكتى رايونى قۇرىلىسى سياقتى سالالارعا امانات - قارىز اقشا بەرۋ سەرپىنىن ءتۇيىندى تۇردە ارتتىرعان.
مەملەكەتتىڭ استىق حاۋىپسىزدىگىن قورعاۋ جاعىندا اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى استىق، ماي تۇرىندەگى قارىز اقشادان 264 ميلليون يۋان تاراتقان، بۇل سايكەس مەزگىلدەگىدەن 56 ميلليون يۋان ارتقان؛ اۋىل شارۋاشىلىق ءوندىرىس ماتەريالدارىنا 965 ميلليون يۋان قارىز اقشا تاراتقان؛ وسى زامانعى تۇقىم شارۋاشىلىعىن دامىتۋعا 230 ميلليون يۋان قارىز اقشا تاراتقان.
كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى بار كۇشپەن ىلگەرىلەتۋ ءۇشىن، اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى وڭتۇستىك شينجياڭداعى 4 ايماق - وبلىستى ءتۇيىن ەتىپ، قونىس جاڭالاپ كەدەيلەردى سۇيەمەلدەۋدىڭ سوڭعى سۇيەمەلدەۋىن كۇشەيتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ بويىنشا جيىنى 3 ميلليارد 313 ميلليون يۋان قارىز اقشا تاراتتى، كەدەيلىكتەن ارىلعان 32 اۋدانعا ءتۇرلى قارىز اقشادان 2 ميلليارد 42 ميلليون يۋان تاراتتى، كەدەيلىكتەن ارىلعان 69 مىڭ 700 ادام بۇدان يگىلىكتەندى.
اۋىل شارۋاشىلىعى، اۋىل - قىستاق قۇرىلىسى سالاسىندا اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى جيىنى 7 ميلليارد 880 ميلليون يۋان قارىز اقشا تاراتتى، بۇل سايكەس مەزگىلدەگىدەن ％81.78 ارتىق بولدى، قالا، اۋىلدى ءبىر تۇلعالاندىرۋ، لاشىقتى اۋماقتاردى جاڭالاۋ، سۋ يگىلىگى، قاتىناس سياقتى نەگىزدىك قۇرىلعىلار نىساندارىنا ءتۇيىندى قولداۋ كورسەتتى.
”كاسىپ سالاسىن دامىتۋ اۋىل شارۋاشىلىعىن وسىزامانداندىرۋدىڭ قوزعاۋشى كۇشى، بانكەمىز بۇكىل شينجياڭنىڭ جەمىس ورمانى، مال شارۋاشىلىعى سياقتى ەرەكشەلىككە، باسىمدىققا يە كاسىپ سالالارىنىڭ دامۋىنا بار كۇشپەن قولداۋ كورسەتىپ، وسى زامانعى اۋىل شارۋاشىلىعى كاسىپ سالاسى جۇيەسىن ورناتۋعا دەم بەردى“، - دەدى جىڭ بين. 1 - ايدا اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى كاسىپتىك قاريدارلارعا جيىنى 4 ميلليارد 846 ميلليون يۋان قارىز اقشا تاراتتى.
اسىرەسە، جوعارى ولشەمدى ەگىنجاي قۇرىلىسىنا، لايىقتى كولەمدە تيجارات جۇرگىزۋگە قولداۋ كورسەتۋ سەرپىنىن ارتتىرۋعا باعىتتاي وتىرىپ، اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى اۋىل - قىستاق جەرى تۇرىندەگى قارىز اقشادان جيىنى 2 ميلليارد 825 ميلليون يۋان تاراتتى، بۇل سايكەس مەزگىلدەگىدەن ％93.06 ارتىق بولىپ، تارباعاتاي ايماعى، سانجى حۇيزۋ اۆتونوميالى وبلىسى، اقسۋ ايماعى سياقتى جەرلەردىڭ اۋىل شارۋاشىلىعى ءوندىرىسى نەگىزدىك شارت - جاعدايىن شىن مانىندە جاقسارتتى.
”ءبىز جاسىل امانات - قارىز اقشانى باسقارۋ مەحانيزمىن كەمەلدەندىرۋگە باسا ءمان بەرىپ، ەكولوگيالىق وركەنيەت قۇرىلىسىنا بار كۇشپەن قىزمەت وتەدىك“. جىڭ بين بىلاي دەدى: اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى 1 - ايدا ەكولوگيا تۇرىندەگى قارىز اقشادان جيىنى 200 ميلليون يۋان تاراتىپ، قاشقاردىڭ قالا، اۋىل قورشاعان ورتاسىنىڭ دارەجەسىن جوعارىلاتىپ، جاڭالاۋ سياقتىلارعا ءتۇيىندى قولداۋ كورسەتتى.
سونىمەن بىرگە، اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسى تاعى ”ءبىر بەلدەۋ، ءبىر جول“ قۇرىلىسىنىڭ قاتىستى نىساندارىنا قارىز اقشا تاراتۋ سەرپىنىن ارتتىردى. 1 - ايدىڭ سوڭىندا وسى بانكەنىڭ ”ءبىر بەلدەۋ، ءبىر جول“ قۇرىلىسى قارىز اقشا قالدىق سوماسى 33 ميلليارد 900 ميلليون يۋان بولىپ، سايكەس مەزگىلدەگىدەن ％61 ارتتى؛ 1 - ايدا وسى بانكە ساياحات قارىز اقشاسىنان جيىنى 200 ميلليون يۋانداي تاراتتى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
