اناعۇرلىم ۇلكەن ارنامەن توعىسىپ، ەسىكتى ونان ارى ايقارا اشۋعا بەتتەدى
□ انار بۇلت / شينجياڭ گازەتىنىڭ ءتىلشىسى شى شين
2022.02.25 16:13 كەلۋ قاينارى : شينجياڭ گازەتى
الاتاۋ مەن ميلان، اراسىن سانسىز اسقار تاۋلار مەن اساۋ وزەندەر ءبولىپ تۇرعان وسى ەكى قالا ”ءبىر بەلدەۋ، ءبىر جولدى“ بىرگە قۇرۋ ارقىلى جاقىنداي ءتۇستى.
1 - ايدىڭ 28 - كۇنى سۋجوۋ − ميلان جۇڭگو − ەۆروپا تۇڭعىش كەزەكشى پويەزى الاتاۋ شەكارا وتكەلى ارقىلى شەكارادان شىعىپ، شينجياڭنىڭ جۇڭگو − ەۆروپا كەزەكشى پويەز تاسىمالىنا تاعى ءبىر جاڭا مۇشە قوسىلىپ، جۇڭگو چاڭجياڭ اتىراۋىنىڭ زاتتارى ءۇشىن ەۆروپانىڭ وڭتۇستىك بولىگىندەگى ەكونوميكا - ساۋدا قاقپاسىن اشۋدا جاڭا ارنا قالىپتاستى.
باتىستان ەنگىزىپ، شىعىسقا اكەلۋ، شىعىسپەن بىرلەسىپ، باتىسقا شىعارۋ. ەجەلدەن بەرى شينجياڭ وزگەشە وڭىرلىك ورىن باسىمدىعىمەن جىبەك جولىنداعى جارقىراعان مەرۋەرتكە اينالعان. ”ءبىر بەلدەۋ، ءبىر جول“ باستاماسى سىندى تاريحي شۇرايلى توپىراققا تامىر تارتقان، ءداۋىر بورىشىن ارقالاعان عاسىرلىق ينجەنەريانىڭ باستالىپ جوسپارلانۋىنا ىلەسە، جىبەك جولى ەكونوميكالىق بەلدەۋىنىڭ وزەكتى رايونى بولعان شينجياڭ ەسىكتى ونان ارى ايقارا اشۋعا بەتتەدى.جوعارى ورەدەگى سىرتقا ەسىك اشۋ تۇعىرىن تۇلعالادى
جاڭا جىل باستالا سالا شينجياڭدا جاقسى حابار تارالدى − قاشقار ايماعىنىڭ، الاتاۋ قالاسىنىڭ شەكارا اتتاعان ەلەكتروندى ساۋدا كەشەندى سىناق رايونىن قۇرۋ بەكىتۋدەن ءوتتى. سونىمەن شينجياڭدا ءۇرىمجى شەكارا اتتاعان ەلەكتروندى ساۋدا كەشەندى سىناق رايونىن قامتىعان 3 كەشەندى سىناق رايونى قۇرىلدى.
”ىندەتتىڭ ىقپالىندا، شەكارا اتتاعان ەلەكتروندى ساۋدانى دامىتۋ سىرتقى ساۋدا كاسىپورىندارىنىڭ ماڭىزدى قامال الۋ تۇيىنىنە اينالدى، بىلتىر 2 - ايدىڭ 26 - كۇنى ءبىز قاشقار كەشەندى قورعامالى باجى اۋماعىندا وڭتۇستىك شينجياڭداعى تۇڭعىش شەكارا اتتاعان ەلەكتروندى ساۋدا ەكسپورت زاتىن كەدەننەن وتكىزۋگە مالىمدەدىك. جاڭا وراي، جاڭا باستاما كەلدى، كەلەسى قادامدا ءبىز شەكارا اتتاعان ەلەكتروندى ساۋدامەن شۇعىلدانۋ قابىلەتىن ونان ارى جوعارىلاتامىز“. ءوزى تۇرعان ايماقتا شەكارا اتتاعان ەلەكتروندى ساۋدا كەشەندى سىناق رايونى قۇرىلعاندىعىن ەستىگەن قاشقار بەلگىلى ەلەكتروندى ساۋدا كاسىپورنىنىڭ جاۋاپتىسى جاڭ چيدىڭ بولاشاققا ءۇمىتى كۇشەيە ءتۇستى.
شينجياڭعا بەرىلگەن وراي، دۇنيە جۇزىنە بەرىلگەن توسىن سي بولدى!
2013 - جىلى كۇزدە باس شۋجي شي جينپيڭ ”ءبىر بەلدەۋ، ءبىر جولدى“ بىرگە قۇرۋ باستاماسىن ورتاعا قويدى.
2014 - جىلى باس شۋجي شي جينپيڭ شينجياڭدا قىزمەت تەكسەرگەندە: شينجياڭنىڭ جىبەك جولى ەكونوميكالىق بەلدەۋىندەگى ورنى مەن رولىن ەشكىم باسا المايدى، وسى تاريحي ورايدى يگەرىپ، ءوزىنىڭ وڭىرلىك سىرتقا ەسىك اشۋ ستراتەگياسىن مەملەكەتتىڭ جىبەك جولى ەكونوميكالىق بەلدەۋى قۇرىلىسىمەن، باتىسقا ەسىك اشۋ جالپى تۇلعالىق ورنالاستىرۋىمەن توعىستىرۋ كەرەك، - دەپ اتاپ كورسەتتى. وسى جىلى شينجياڭنىڭ جىبەك جولى ەكونوميكالىق بەلدەۋىنىڭ وزەكتى رايونى سىندى ستراتەگيالىق ورنى تۇراقتاندى.
8 جىلدان بەرى، شينجياڭ ”ءبىر بەلدەۋ، ءبىر جولدى“ بىرگە قۇرۋ ورايىن مىقتاپ يگەرىپ، ءۇرىمجى حالىقارالىق قۇرلىقتىق پورت رايونىن جەتەكشى ەتىپ، قورعاس، قاشقار ەكونوميكالىق اشۋ رايوندارى مەن كەشەندى قورعامالى باجى اۋماقتارىنىڭ، شەكارا اتتاعان ەلەكتروندى ساۋدا كەشەندى سىناق رايوندارىنىڭ، شەكارا بويىنداعى شەكارا وتكەلدەرىنىڭ قۇرىلىسىنىڭ دامۋىن جەدەل ىلگەرىلەتىپ، ەسىك اشۋ تۇعىرلارىن تۇلعالاپ، ەسىك اشۋ دانەكەرلەرىن زورايتىپ، اناعۇرلىم جوعارى ورەدەگى اشىق ەكونوميكا جۇيەسىن قۇردى.
2 - ايدىڭ 22 - كۇنى، الاتاۋ شەكارا وتكەلى. رەليستى كراندار مەن تىركەمەلەر تارتىپپەن قاربالاس جۇمىس جۇرگىزىپ، كەزەكشى پويەزدار يرەلەڭدەي قاتىناۋدا. بيىل جىل باسىنان بەرى، الاتاۋ، قورعاس تەمىر جول شەكارا وتكەلدەرىنەن شەكارادان كىرىپ - شىققان جۇڭگو − ەۆروپا كەزەكشى پويەزدارىنىڭ سانى جاڭا جوعارى دەڭگەيگە جەتتى، 2 - ايدىڭ 13 - كۇنىنە دەيىن، الاتاۋ تەمىر جول شەكارا وتكەلىنەن 731 جۇڭگو − ەۆروپا (جۇڭگو − ورتا ازيا) كەزەكشى پويەزى ءوتىپ، سايكەس مەزگىلدەگىدەن ％7.98 ارتتى؛ قورعاس تەمىر جول شەكارا وتكەلىنەن 845 جۇڭگو − ەۆروپا (جۇڭگو − ورتا ازيا) كەزەكشى پويەزى ءوتىپ، سايكەس مەزگىلدەگىدەن ％15.91 ارتتى.
جۇڭگو − ەۆروپا كەزەكشى پويەزى شينجياڭنىڭ جوعارى ورەدە ەسىك اشۋىن ىلگەرىلەتۋدەگى ماڭىزدى تۇعىر جانە دانەكەر رەتىندە، جولعا شىققان كەزەكشى پويەزداردىڭ جىلدامدىعى بارعان سايىن تەزدەپ، جەلىلەر بارعان سايىن مولىنان اشىلىپ، الەمدىك كاسىپ تىزبەگى، قامداۋ تىزبەگى ۇلكەن ارناسىنا پارمەندى تىرەك بولىپ، جۇڭگو جانە شەتەل كاسىپورىندارىنا ساۋدا ورايىن اكەلىپ، جەلى بويىنداعى نەشە ءجۇز ميلليونداعان بۇقارانى ناقتى يگىلىككە كەنەلتتى...
قازىر شينجياڭدا مەملەكەت دارەجەلى 23 كاسىپ سالاسى باقشا رايونى (بيڭتۋانداعى 4 باقشا رايوندى قامتيدى)، مەملەكەت بەكىتىپ اشقان 19 ءبىرىنشى تۇردەگى شەكارا وتكەلى بار، 4 كەشەندى قورعامالى باجى اۋماعىنا، ءبىر قورعامالى باجى زات اينالىمى ورتالىعىنا، 9 قورعامالى باجى قامباسىنا، 2 ەكسپورتتىق باقىلاۋ - باسقارۋ قامباسىنا يە كوپ ساتىلى ەسىك اشۋ تۇعىرلارى جۇيەسى قالىپتاستى.
ءۇرىمجى كەدەنىنىڭ ساندى مالىمەتىندە كورسەتىلۋىنشە، 2021 - جىلى شينجياڭنىڭ سىرتقى ساۋدا يمپورت - ەكسپورت جالپى قۇنى سايكەس مەزگىلدەگىدەن ％5.8 ارتقان. جۇڭگونىڭ شينجياڭى 176 مەملەكەت جانە رايونمەن ساۋدا بارىس - كەلىسىن جاساپ، ”ءبىر بەلدەۋ، ءبىر جول“ بويىنداعى ەلدەرمەن يمپورت - ەكسپورت ساۋدا سوماسى 136 ميلليارد 930 ميلليون يۋان بولىپ، سايكەس مەزگىلدەگىدەن ％11.5 ارتتى، بۇل شينجياڭنىڭ سىرتقى ساۋدا جالپى قۇنىنىڭ ％87.3ىن يەلەگەن.ەكونوميكا - ساۋدا ”دوستار شەڭبەرىن“ ۇزدىكسىز كەڭەيتتى
2021 - جىلى 8 - ايدا، ازيا − ەۆروپا قۇرلىعىن ەندەي وتكەن ساۋدا سالتاناتتى جينالىسى ”بۇلتتىق كليەنتتە“ اشىلدى. شينجياڭ سيفرلى ءتاسىلدى جاسامپازدىقپەن قولدانىپ، ينتەرنەت جەلىسىندە جانە ينتەرنەت جەلىسىنەن تىس بولۋدى ءوزارا ۇشتاستىرۋ ءتاسىلىن تۇڭعىش رەت قولدانۋ ارقىلى 2021 ينتەرنەت جەلىسىندەگى (جۇڭگو) ازيا − ەۆروپا تاۋار ساۋدا كورمەسىن اشتى.
”ءبىر بەلدەۋ، ءبىر جول“ بويىنداعى ەلدەردەگى، وڭىرلەردەگى جالپى بەتتىك ەكونوميكالىق سەرىكتەستىك قارىم - قاتىناس كەلىسىمىنە (RCEP) مۇشە ەلدەردەن بۇكىل ەلدەگى ولكە، رايون، قالالارعا، شينجياڭ ءوندىرىس - قۇرىلىس بيڭتۋانىنا جانە شياڭگاڭ، اۋمىن، تايۋان رايونىنا دەيىن، شەكارا ءىشى - سىرتىنداعى 1323 كورمەگە قاتىناسۋشى ساۋداگەر، 1865 ساتىپ الۋشى ساۋداگەر ”بۇلتتا كورسەتۋ، بۇلتتا ءماجىلىس اشۋ، بۇلتتا كەلىسۋ، بۇلتتا كەلىسىمگە قول قويۋ“ سياقتى ينتەرنەت جەلىسىندەگى يقۋاتتار ارقىلى ىندەت سىندى ەرەكشە جاعدايدا ءوزارا ساۋدا، قارجى قوسۋ سەلبەستىگىن، قىزمەت وتەۋ ساۋداسى اۋىس - كۇيىسىن تەرەڭدەتىپ، سەلبەسىپ تەڭ يگىلىككە كەنەلۋ جەمىسىنە قول جەتكىزدى.
ەسىكتى ايقارا اشقاندا عانا اناعۇرلىم جاقسى دامۋعا بولادى.
شينجياڭ ازيا − ەۆروپا قۇرلىعىنىڭ توسىنە ورنالاسقان، ورتا ازياداعى، وڭتۇستىك ازياداعى ەلدەرمەن تاۋ مەن سۋى ۇلاسىپ، گۋمانيتارلىق جاقتان تابىسىپ جاتادى. ەرەكشە وڭىرلىك باسىمدىعى شينجياڭدى جۇڭگونىڭ باتىسقا ەسىك اشۋداعى تەرەزەسىنە اينالدىرعان.
2010 - جىلى، ءۇرتىس 19 كەزەك اشىلعان ءۇرىمجى جارمەڭكەسى تابىسپەن اياقتاپ، جۇڭگو − ازيا − ەۆروپا كورمەسىنىڭ جاڭا تاراۋىن باستادى. ولكە دارەجەلى ەكونوميكا - ساۋدا جارمەڭكەسىنەن جۇڭگو مەن ازيا − ەۆروپا ەلدەرى جان - جاقتى سەلبەستىك جاسايتىن مەملەكەت دارەجەلى سالتاناتتى جينالىس بولىپ دەڭگەيى جوعارىلاعانعا دەيىن، شينجياڭنىڭ سىرتقا ەسىك اشۋ قاقپاسى بارعان سايىن كەڭەيىپ، تىنىسى بارعان سايىن كەڭىدى.
جاقىنداعى جىلداردان بەرى، شينجياڭ حالىقاراداعى 45 قالامەن دوستىق ورناتىپ، ورتا ازيا وڭىرلىك ەكونوميكالىق سەلبەستىك شۋەيۋانىمەن، توڭىرەكتەگى ەلدەردىڭ قاتىستى قۇرىلىمدارىمەن 11 سەلبەستىك كەلىسىمىن، ەسكەرتپە حاتىن جاساسىپ، حالىقارالىق سەلبەستىك، اۋىس - كۇيىس كەڭىستىگىن ۇزدىكسىز كەڭەيتىپ، ساۋدانى، قارجى قوسۋدى قولايلىلاندىرۋ دەڭگەيىن ۇزدىكسىز جوعارىلاتتى.
اۆتونوميالى رايوننىڭ ءارقايسى تاراۋلارى پارتيا ورتالىق كوميتەتىنىڭ، مەملەكەتتىك كەڭەستىڭ ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، شارۋاشىلىق - ساۋدا ورتاسىن جاقسارتۋ قىزمەت ورنالاستىرۋىن مۇقيات دايەكتىلەندىرىپ، تياناقتاندىرىپ، حالىقارالانعان شارۋاشىلىق - ساۋدا ورتاسىن كۇش سالا تۇلعالاپ، جوعارى ورەلى ەسىك اشۋدى كەڭەيتىپ، كاسىپورىنداردىڭ حالىقارالىق بازاردى اناعۇرلىم ويداعىداي اشۋىنا دەم بەردى.
2017 - جىلى، قازاقستاننان كەلگەن قانات بەكتىمبايەۆ ءۇرىمجى قالاسىندا بىرلەسكەن قارجىلى كاسىپورىن − شينجياڭ اۋگفۋد يمپورت - ەكسپورت ساۋدا شەكتى سەرىكتەستىگىن قۇرعان. ”ءبىز جونىنەن ايتقاندا، شينجياڭ ساتۋ بازارى عانا ەمەس، بۇل ارادان ءبىز ءتىپتى دە كوپ ورايعا يە بولىپ، ءتىپتى دە زور دامۋعا قول جەتكىزدىك“، - دەدى قانات بەكتىمبايەۆ.
ەۆروپاداعى، ازياداعى سەلبەستىك ”دوستىق شەڭبەرىن“ ۇزدىكسىز كەڭەيتۋمەن بىرگە، شينجياڭ تاس جول، تەمىر جول، اۆياتسيا، حابارلاسۋ، قۇبىر تورى ”5 ءبىر تۇلعالانعان“ ۇلاسۋ - تۇتاسۋدى بار كۇشپەن ىلگەرىلەتىپ، ۋاقىت پەن كەڭىستىك جاقتارىندا دۇنيە جۇزىمەن اراسىن جاقىنداتا ءتۇستى.
2021 - جىلى شينجياڭنىڭ شەكارا وتكەلدەرىنەن يمپورت ەتىلگەن زاتتاردىڭ تۇتاس تۇلعالىق وتكەلدەن ءوتۋ ۋاقىتى 30.28 ساعات، ەكسپورت ەتىلگەن زاتتاردىڭ تۇتاس تۇلعالىق وتكەلدەن ءوتۋ ۋاقىتى 22.2 مينۋد بولىپ، يمپورت - ەكسپورتتىڭ تۇتاس تۇلعالىق وتكەلدەن ءوتۋ ۋاقىتى بۇكىل ەلدىڭ ورتاشا دەڭگەيىنەن اسىپ ءتۇستى.ءىش پەن سىرتتا بىردەي جەتىلىپ، ەسىك اشۋدىڭ تىڭ بيىگىن سومدادى
مەملەكەت پەن اۆتونوميالى رايوننىڭ تارباعاتاي ءتۇيىندى وركەندەتۋ، ەسىك اشۋ سىناق رايونىن اشۋ قۇرىلىسىنا قولداۋ كورسەتۋ ساياساتتارى پايداسىنىڭ ۇزدىكسىز شىعارىلۋىنا ىلەسە، سىناق رايونى قۇرىلىسى ۇزدىكسىز تەزدەدى. 2021 - جىلى اتالعان سىناق رايونى جيىنى 130 نىسانعا قول قويىپ، سوماسى 71 ميلليارد 195 ميلليون يۋانعا جەتتى. سىناق رايونىنىڭ الدىمەن دامىتۋ اۋماعىنداعى العاشقى توپتاعى 45 كەلەلى نىسان قۇرىلىسى ءساتتى ىلگەرىلەدى ...
”ساياساتتاردىڭ قولداۋىندا، دارىندى، قارجى، كاسىپ سالاسى سياقتى فاكتورلار سىناق رايونىنا جەدەل شوعىرلانۋدا“، - دەدى تارباعاتاي ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى ايدىن تولەۋقان.
ۇزدىكسىز ەسىك اشۋ ارناسىندا شينجياڭ ”ءىش پەن سىرتتا بىردەي جەتىلىپ“، ەل ءىشى جانە شەتەل ”ەكى جاقتاعى جۇمىستى“ جاقسى ىستەۋدە. تارباعاتاي ايماعى مىنە وسىنىڭ شاعىن كورىنىسى ىسپەتتى.
ىشكە قاراتا − ەل ءىشى ۇلكەن اينالىمىن تياناق ەتىپ، ساۋداگەر شاقىرىپ قارجى ەنگىزۋ تەبىنىن ارتتىرىپ، بازارلاندىرۋ تاسىلىنەن تولىق پايدالانىپ، ەرەكشە، باسىمدىققا يە كاسىپ سالالارىندا تىزبەكتى ۇزارتۋدى، تىزبەكتى تولىقتاۋدى، تىزبەكتى كەڭەيتۋدى، تىزبەكتى كۇشەيتۋدى ءتۇيىندى تۇردە ارقاۋ ەتىپ، قارجى قوسۋ نىساندارىن زەيىن قويا جوسپارلاپ، شىعىس، ورتا بولىك وڭىرلەرىندەگى كاسىپ سالالارىنىڭ ۇجىم ۇلگىسىندە، تىزبەك ۇلگىسىندە، شوعىر ۇلگىسىندە ويىسۋىن جوعارى ساپالى قابىلداپ، ءتۇرلى فاكتورلاردى شينجياڭعا شوعىرلانۋعا، كاسىپ سالالارىن شينجياڭعا ويىسۋعا، كاسىپورىنداردى شينجياڭعا كەلىپ قارجى قوسۋعا باۋراپ، جاڭا ەكونوميكالىق ارتۋ تۇيىندەرىن جەدەل قالىپتاستىردى!
قازىر تيانشان الابىندا ساۋداگەر شاقىرىپ قارجى ەنگىزۋ ورلەۋى كوتەرىلۋدە، 1 - ايدىڭ اياعىنا دەيىن، رايونىمىز 255 قارجى قوسۋ نىسانىنا قول قويدى، كەلىسىم سوماسى 110 ميلليارد يۋاننان استى. نىساندارعا ءساتتى قول قويىلۋىنا ىلەسە، قارجىلار ىركەس - تىركەس تياناقتانىپ، جوعارى ساپالى دامۋدىڭ نەگىزى ءتىپتى دە بەكەمدەلە ءتۇستى.
سىرتقا قاراتا − جىبەك جولى ەكونوميكالىق بەلدەۋى بويىنداعى مەملەكەتتەرمەن جانە رايوندارمەن كوپ ساتىلى، كوپ سالالى ناقتى سەلبەستىكتەردى بەلسەندىلىكپەن كەڭەيتتى.
ەرەكشە ترانسفورماتور ەلەكتر ونەركاسىبى جارنا شەكتى سەرىكتەستىگىنىڭ توركىنى سانجى قالاسى ەلەكتر كەرنەۋ وزگەرتكىش زاۆودى بولاتىن. 1988 - جىلى زاۆودتا نە بارى 53 قىزمەتكەر بار، ال قارىزى 730 مىڭ يۋانعا جەتىپ، كۇيرەۋگە تاياپ تۇرعان ەدى. 30 نەشە جىلدىق دامۋ ارقىلى قازىر ەرەكشە ترانسفورماتور ەلەكتر ونەركاسىبى جارناگەرلىك شەكتى سەرىكتەستىگىنىڭ ۇلكەن سيىمدىلىقتاعى كەرنەۋ وزگەرتكىش سياقتى ونىمدەرى تەحنيكالىق سالادا حالىقاراداعى وزىق دەڭگەيگە جەتىپ، ونىمدەرى 5 قۇرلىقتاعى 60 مەملەكەت پەن رايونعا ەكسپورت ەتىلەتىن بولدى، قازىر سەرىكتەستىكتىڭ شەتەلدە قول قويعان نىساندارىنىڭ جالپى سوماسى 20 ميلليارد دوللاردان اسىپ، سالىنىپ بولعان جانە سالىنىپ جاتقان نىساندارىنىڭ جالپى سوماسى 9 ميلليارد دوللارعا جەتتى.
”ءبىزدىڭ بۇكىل ەلدى، دۇنيە ءجۇزىن بەتكە الۋ بارىسىمىزدى رەفورما جاساۋدان، ەسىك اشۋدان بولە قاراۋعا بولمايدى“، - دەدى ەرەكشە ترانسفورماتور ەلەكتر ونەركاسىبى جارنا شەكتى سەرىكتەستىگى پارتكومىنىڭ شۋجيى، القا باستىعى جاڭ شين.
ەلەكتر جەتكىزۋ، جول سالۋ، كوپىر سالۋ، جىلۋ جەتكىزۋ، گازبەن قامداۋ... ”ءبىر بەلدەۋ، ءبىر جولدى“ بىرگە قۇرۋ باستاماسىنىڭ ىلگەرىلەتۋىندە شينجياڭنىڭ زور توپتاعى كاسىپورىندارى مەملەكەت قاقپاسىنان بەلسەندىلىكپەن شىعىپ، ءوزىنىڭ دامۋ كەڭىستىگىن كەڭەيتۋمەن بىرگە، ءىس جۇزىندىك ارەكەتتەرى ارقىلى جەلى بويىنداعى مەملەكەتتەر مەن حالىقتاردى ىرىسقا كەنەلتۋدە.
قازىرگە دەيىن، شينجياڭ كاسىپورىندارى شەكارا سىرتىندا 4 ەكونوميكا - ساۋدا سەلبەستىك اۋماعىن سالدى، جۇڭتاي جاڭا جىبەك جولى تاجىكستان اۋىل شارۋاشىلىق، توقىماشىلىق كاسىپ باقشاسى نىسانى جۇڭگو − تاجىكستان ەكونوميكا - ساۋدا سەلبەستىگىندەگى ءساتتى مىسال بولىپ باعالاندى.
جۇڭگونىڭ شينجياڭى ەكونوميكا - ساۋدا سەلبەستىگىن كولەم ەتىپ توڭىرەكتەگى ەلدەرمەن عىلىم، وقۋ - اعارتۋ، مادەنيەت، دەنساۋلىق ساقتاۋ سالالارىنداعى سەلبەستىكتەردى ۇزدىكسىز تەرەڭدەتۋدە.
قۇشاعىن ايقارا اشىپ، شار تاراپقا قۇلاشىن كەڭ سەرمەدى.
بۇگىنگى شينجياڭدا مەزگىل ورايى، جەر ىڭعايى، جۇرت رايى بارلىعى ساقاداي ساي تۇر؛ بۇگىنگى شينجياڭ تىلەكتى بىرىكتىرىپ، سەرىپندى ارتتىرىپ، ەلىمىزدىڭ ىشكى قۇرلىقتىق ەسىك اشۋى مەن شەكارا بويىنداعى ەسىك اشۋىنىڭ تىڭ بيىگىنە اينالۋدا.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
