”شينجياڭ جاقسى جەر“ بەينە ەكران اۋىس - كۇيىس ءماجىلىسى وتكىزىلدى
”شينجياڭ − حالىقتى بارىنەن جوعارى قويۋعا تاباندى بولۋدىڭ ونەگەسى“
2022.02.25 16:14 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى فان چيۇڭيان 2 - ايدىڭ 23 - كۇنى ۇرىمجىدەن حابارلايدى. 2 - ايدىڭ 22 - كۇنى شينجياڭ ۇيعۇر اۆتونوميالى رايونى ”حالىقتى بارىنەن جوعارى قويۋ“ تاقىرىبىندا جۇڭگونىڭ جەنەۆاداعى تۇراقتى ۋاكىلدەر ۇيىرمەسىمەن بىرلەسىپ ”شينجياڭ جاقسى جەر“ بەينە ەكران اۋىس - كۇيىس ءماجىلىسىن وتكىزدى، ىلە قازاق اۆتونوميالى وبلىسى، قاشقار ايماعى، قىزىلسۋ قىرعىز اۆتونوميالى وبلىسى، حوتان ايماعى سياقتى جەرلەردەگى نەگىزگى ساتى كادرلارىنىڭ، بۇقارانىڭ 6 ۋاكىلى بەينە ەكراندا بايلانىسقا شىعۋ ارقىلى كوپ ەلدىڭ جەنەۆاداعى تۇراقتى ەلشىلەرى، ديپلوماتتارى قاتارلىلارمەن شينجياڭنىڭ حالىقتى يگىلىككە كەنەلتۋ ينجەنەريالارىن زور كۇشپەن جۇرگىزگەندىگى، ءار ۇلت حالقىنىڭ ەكونوميكالىق دامۋدىڭ جەتىستىكتەرىنەن بىرگە يگىلىكتەنگەندىگى تۋرالى احۋالدارمەن ورتاقتاستى.
شينجياڭ ۇيعۇر اۆتونوميالى رايونىنىڭ ءتوراعاسى ەركىن تۇنياز ارقاۋ ءسوز سويلەگەندە شينجياڭنىڭ ءار ۇلت بۇقاراسىنىڭ دامۋ ۇقىعىن، ەڭبەك ىستەۋ ۇقىعىن، سالاماتتىق ۇقىعىن، ءتالىم - تاربيە الۋ ۇقىعىن زاڭ بويىنشا قامتاماسىز ەتكەندىگىن، سونداي - اق قوعامدىق قامتاماسىزداندىرۋ سياقتى جاعدايلاردى تانىستىردى. ول بىلاي دەدى: شينجياڭنىڭ ەكونوميكالىق، قوعامدىق دامۋ تابىستارىن بۇكىل الەم مويىنداپ وتىر، ءار ۇلت حالقىنىڭ تىنىش ءومىر، شات - شادىمان تىرشىلىك كەشىرىپ جاتقاندىعىنا بۇكىل ەل كۋا. ءبىز بۇقارانىڭ ويلاعانىن ويلاۋدان، بۇقارانىڭ اسىققانىنا اسىعۋدان جازباي، قارتايعاندا كۇتىمدەلەتىن ورىن بولۋ، كومەككە ءزارۋ جاندار كومەكتەن يگىلىكتەنە الاتىن بولۋ جاعىندا ۇزدىكسىز تىڭ ىلگەرىلەۋشىلىكتەرگە قول جەتكىزىپ، حالىق تۇرمىسىن اناعۇرلىم مەيىرگە بولەپ، باقىتتى ءتىپتى دە شىنايى سەزىندىردىك.
جۇڭگونىڭ بىرلەسكەن مەملەكەتتەر ۇيىمىنىڭ جەنەۆادا تۇراتىن ءىس باسقارماسىنداعى جانە شۆەتسارياداعى باسقا دا حالىقارالىق ۇيىمدارداعى تۇراقتى ۋاكىلى، باس ەلشى چىن شۇي ارناۋ ءسوز سويلەگەندە بىلاي دەدى: شينجياڭ − حالىقتى بارىنەن جوعارى قويۋعا تاباندى بولۋدىڭ ونەگەسى، شينجياڭ ءار ۇلت حالقىنىڭ مۇددەسىن ماڭداي الدى ورىنعا قويىپ، ەكونوميكالىق، قوعامدىق دامۋ مەن ادامدىق ۇقىق ىستەرىندە كەلەلى تابىستارعا قول جەتكىزىپ، ءار ۇلت حالقى بۇرىن بولىپ كورمەگەن تاماشا باقىتتى تۇرمىسقا كەنەلدى. كەيبىر باتىس ەلدەرىنىڭ شينجياڭ جونىندەگى وسەك - اياڭدار مەن جالعان ينفورماتسيالاردى قاساقانا قۇراستىرۋى جانە تاراتۋى، ءسوز جوق، شينجياڭداعى 25 ميلليون ءار ۇلت حالقىن قامتىعان ءبىر ميلليارد 400 ميلليوننان استام جۇڭگو حالقىنىڭ باتىل قارسىلىعىنا ۇشىرايدى.
بەينە ەكراندا بايلانىسقا شىققاندا ”اتپەن قۇيعىتىپ“ اتا مەكەنىن تانىستىرۋمەن ينتەرنەتتە تانىمال بولعان ىلە قازاق اۆتونوميالى وبلىستىق مادەنيەت جانە ساياحات مەكەمەسىنىڭ ورىنباسار باستىعى حى جياۋلۇڭ قازىر ءوزىنىڭ شارۋالارعا جاردەمدەسۋ تىكە تاراتۋىن 200 رەت جۇرگىزىپ، ساتۋ سوماسى 140 ميلليون يۋاننان اسىپ، 10 مىڭنان استام ەگىنشى - مالشىنىڭ كىرىسىن ارتتىرىپ بايۋىن جانامالاي جەبەگەندىگىن تانىستىردى. ۋاكىلدەر ۇيىرمەسىندەگى ەلشىلەر، ديپلوماتتار بەينە ەكران ارقىلى كەزىندە ”بارۋ ەڭ قيىن قىستاق“ دەلىنگەن كەريا اۋدانى داريابويى اۋىلىنداعى قىستاق تۇرعىندارىنىڭ تۇگەلدەي اۋداننان 91 كيلومەتر جەردەگى جاڭا قىستاققا كوشىپ بارىپ، ءوندىرىس، تۇرمىس شارت - جاعدايلارىندا وراسان زور وزگەرىس تۋىلعاندىعىن ۇعىستى. بەيجيڭ قىسقى وليمپيادا سپورت جارىسىندا الاۋگەر بولعان مامەتجان ءومار، قىستاق تۇرعىندارى كوزدەرىنە جاس الىپ ۇزاتىپ سالعان قىستاقتا تۇرعان ءبىرىنشى شۋجي ساۋ باۋرۇڭ، كوز ءمۇيىز قابىعىن كوشىرۋ وپەراتسياسىن تەگىن جاساتقان ابدۇعيني مامۇت، وقىتۋعا كومەكتەسۋگە ىرىقتىلىقپەن ءوتىنىش ەتكەن گۇلجاھان امەت وزدەرىنىڭ باستان كەشكەندەرى مەن اڭگىمەلەرىن ءبولىستى.
شينجياڭدى 2 رەت كەلىپ كوزدەن كەشىرگەن فرانسيالىق جازۋشى، ءتىلشى ماكسيم ۆيۆاس بەينە ەكراندا بايلانىسقا شىققاندا بىلاي دەدى: بۇگىن كورگەندەرىم مەنىڭ شينجياڭدا باستان كەشىرگەندەرىمە ساي كەلەدى ەكەن، بۇل دا شينجياڭنىڭ شىنايى جاعدايى، باتىستاعى كەيبىر اقپارات قۇرالدارىنىڭ ايتىلمىس ”ءناسىل جويۋ“ دەگەنى بارىپ تۇرعان وسەك - اياڭ.
رەسەي، پاكيستان، يران، چاۋشيان قاتارلى 13 ەلدىڭ سيلى قوناقتارى ءسوز سويلەپ مىنالاردى ءبىلدىردى: شىنايى شينجياڭدى كوردىك، شينجياڭنىڭ قوعامى ورنىقتى، ەكونوميكاسى گۇلدەنگەن، ءار ۇلت حالقى تىنىش ءومىر، شات - شادىمان تىرشىلىك كەشىرگەن جاعدايىن كوردىك. حالىقارادا شينجياڭ ”ءناسىل جويدى“ دەگەن سياقتى وسەك - اياڭداردى اقيقاتىن ايتىپ پاش ەتەتىن اڭعارلى ازاماتتار بارعان سايىن كوبەيىپ كەلەدى.
اۋىس - كۇيىس جاساۋ ماجىلىسىندە «شەتەلدىكتەر شينجياڭدا» اتتى ميكرو بەينە كەسكىن دە قويىلدى، وقىتۋشى، شاراپ اشىتۋشى، ساۋداگەر سياقتى شينجياڭدا تۇرمىس كەشىرىپ جاتقان كوپتەگەن شەتەلدىكتەر جابال مىنالاردى ءبىلدىردى: ”شينجياڭنىڭ قوعامى ورنىقتى، دامىعان، ءبىز بارلىعىمىز بۇل ارانى ۇناتامىز“.
اۆتونوميالى رايوندىق ساياسي كەڭەستىڭ ورىنباسار ءتوراعاسى نۇرىم سىمايىلقان اۋىس - كۇيىس جاساۋ ماجىلىسىنە قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
