تۇرعىن ءۇي جانە قالا - اۋىل قۇرىلىسى مينيسترلىگى: ءۇي - جاي بازارىن تىزگىندەۋ ساياساتىنىڭ ۇلاسپالىلىعى مەن ورنىقتىلىعىن ساقتاۋ كەرەك
2022.02.25 13:44 كەلۋ قاينارى : حالىق تورابى
شينحۋا اگەنتتىگىنىڭ 2 ـ ايدىڭ 24 ـ كۇنى بەيجيڭنەن بەرگەن حابارى. تۇرعىن ءۇي جانە قالا ـ اۋىل قۇرىلىسى مينيسترى ۋاڭ مىڭحۇي 2 ـ ايدىڭ 24 ـ كۇنى بىلاي دەدى: 2022 ـ جىلى ءۇي ـ جاي بازارىنىڭ ورنىقتى اينالىمىن ساقتاۋ كەرەك. تىزگىندەۋ ساياساتىنىڭ ۇلاسپالىلىعى مەن ورنىقتىلىعىن ساقتاپ، تىزگىندەۋ ساياساتىنىڭ دالدىگىن، سايكەسىمدىلىگىن كۇشەيتۋ كەرەك.
ۋاڭ مىڭحۇي سول كۇنى وتكىزىلگەن مەملەكەتتىك كەڭەس اقپارات كەڭسەسىنىڭ اقپار جاريالاۋ ماجىلىسىندە بىلاي دەدى: ءۇي ـ جاي كاسىبىنىڭ باياندى مەحانيزمىن ۇزدىكسىز ورنىقتى اتقارىپ، تۇراقتى تۇرعىن ءۇي قاجەتىن قامتاماسىزداندىرۋ، سونىمەن بىرگە ۇيلەسىمدى جاقسارتۋ قاجەتىن قاناعاتتاندىرۋ، ءۇي ـ جاي كاسىبىنىڭ ءتيىمدى اينالىمى مەن اقاۋسىز دامۋىن جەبەۋ، جەر باعاسىن ورنىقتىرۋعا، ءۇي باعاسىن ورنىقتىرۋعا، مەجەنى ورنىقتىرۋعا قۇلشىنۋ كەرەك.
«2021 - جىلى ءار جاقتىڭ بىرگە قۇلشىنۋىندا ءۇي - جاي بازارى جالپى جاقتان ورنىقتى بولدى. <ءۇي ساۋدالاۋعا ەمەس، تۇرۋعا ارنالعان> دەگەن ءسوز قوعامدىق ورتاق تانىمعا اينالدى. ءبىز ءۇي ـ جاي شارۋاشىلىعىنىڭ باياندى مەحانيزمىن ورنىقتى اتقارىپ، قالانىڭ تۇلعالىق جاۋاپكەرشىلىگىن اناعۇرلىم تياناقتاندىرىپ، ولكە دارەجەلى ۇكىمەتتەردىڭ باقىلاۋ، جەتەكشىلىك ەتۋ جاۋاپكەرشىلىگىن كۇشەيتەمىز» دەدى ۋاڭ مىڭحۇي.
تانىستىرۋعا نەگىزدەلگەندە: وتكەن جىلى ەلىمىزدىڭ تاۋار ۇيلەرىنىڭ ساتىلۋ كولەمى ءبىر ميلليارد 565 ميلليون شارشى مەترگە جەتىپ، تاياۋ جىلداردان بەرگى ەڭ جوعارى ورە بولىپ، وتكەن جىلدىڭ ۇقساس مەزگىلىندەگىدەن %1.1 ارتقان. ءۇي باعاسىنىڭ قىمباتتاۋ مولشەرى تومەندەدى، بىلتىر 70 ءىرى، ورتاشا قالانىڭ جاڭا ءۇيى مەن ەسكى ءۇيىنىڭ ساتىلۋ باعاسى جەكە ـ جەكە %2 جانە 1% ٶستى. قىمباتتاۋ مولشەرى 2020 ـ جىلداعىدان جەكە ـ جەكە 1.7 پايىز جانە 1.1 پايىز تومەندەدى. مۇنان تىس، ءۇي ـ جەر شارۋاشىلىعىن دامىتۋعا قوسىلعان قارجى وڭ ارتۋدى ساقتادى؛ وتكەرمەلەۋ مەرزىمى ۇيلەسىمدى ارالىقتا تۇر.
رەتتەۋ ـ مەڭگەرۋ ساياساتىنىڭ سايكەسىمدىلىگى مەن دالدىگىن كۇشەيتۋ جاعىندا، تۇرعىن ءۇي جانە قالا ـ اۋىل قۇرىلىسى مينيسترلىگىنىڭ ورىنباسار مينيسترى ني حۇڭ بىلاي دەدى: ءتۇيىندى تۇردە ءۇشتى «كۇشەيتۋدى» ورىنداۋ كەرەك: ءبىرىنشى، جەر، فينانس جانە بازاردى باقىلاۋ ـ باسقارۋ سياقتى ساياساتتاردىڭ سايكەسۋىن كۇشەيتۋ، ەكىنشى، مينيسترلىك، ولكە، قالالاردىڭ رەتتەۋ ـ مەڭگەرۋىنىڭ ىقپالداستىعىن كۇشەيتۋ، ءۇشىنشى، قالالارداعى «ءبىر قالاعا ءبىر شارا» ساياساتىنا جەتەكشىلىك ەتۋ مەن باقىلاۋدى كۇشەيتۋ كەرەك.
ني حۇڭ بىلاي دەپ باسا دارىپتەدى: ءىشىنارا ءۇي ـ جاي شارۋاشىلىعى كاسىپورىندارىنىڭ قارىزىنا قايشىلىق جاساۋدان تۋىلعان ءۇي ـ جاي شارۋاشىلىعى نىساندارىن مەرزىمىنەن كەشەۋىلدەتىپ تاپسىرۋ حاۋىپ ـ قاتەرىن باتىل، پارمەندى تۇردە ءبىر جاقتى ەتۋ كەرەك. بۇل قىزمەت _ «عيماراتتى تاپسىرۋعا، حالىق تۇرمىسىنا، ورنىقتىلىقتى ساقتاۋعا كەپىلدىك ەتۋدى» باستى نىسانا، زاڭمەن باسقارۋدى، بازاردى پرينسيپ ەتىپ، كاسىپورىنداردىڭ سۋبيەكتتىك جاۋاپكەرشىلىگىن ناقتىلاندىرىپ، قاراستى جەردەگى ۇكىمەتتىڭ باسقارۋ جاۋاپكەرشىلىگىن تياناقتاندىرىپ، قوعام ورنىقتىلىعىن قورعاپ، ءۇي ساتىپ العان بۇقارانىڭ زاڭدى ۇقىق ـ مۇددەسىن قورعاۋ كەرەك.
بۇدان سىرت، ءۇي - جاي بازارىنىڭ ءتارتىبىن ۇزدىكسىز جونگە سالۋ جانە ارناعا ءتۇسىرۋ كەرەك. مۇندا بازاردى باقىلاۋ - باسقارۋدىڭ جاڭا مەحانيزمىن كەمەلدەندىرىپ، ءۇي - جاي شارۋاشىلىعىن اشۋ، ساۋدالاۋ، مايعا بەرۋ، قوجالىق قىزمەت وتەۋ بارىسىنداعى زاڭعا، بەلگىلەمەگە قايشى ارەكەتتەردى كۇش سالا جونگە سالىپ، حالىق بۇقاراسىنىڭ زاڭدى ۇقىق - مۇددەسىن شىنايى قورعاۋ ءتۇيىن ەتىلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
