جۇڭگوشا دەموكراتيا نە ءۇشىن جۇزەگە اسادى، وتە جارامدى بولادى (حالىق تالقى مىنبەسى)
− جالپى بارىستىق حالىق دەموكراتياسىنىڭ كورنەكتى ابزالدىعى ①
چىن ليڭ
2022.02.28 17:03 كەلۋ قاينارى : حالىق تورابى
رەداكتوردان: حالىق دەموكراتياسى − سوتسياليزمنىڭ جانى، جۇڭگو كوممۋنيستىك پارتياسىنىڭ باستان - اياق بيىك ۇستايتىن تۋى. «حالىق دەموكراتياسى − ءبىر ءتۇرلى جالپى بارىستىق دەموكراتيا» دەگەندى قالاي ءتۇسىنۋ كەرەك؟ جالپى بارىستىق حالىق دەموكراتياسىن نە ءۇشىن «ەڭ كەڭ، ەڭ شىنايى، ەڭ جارامدى سوتسياليستىك دەموكراتيا» دەيمىز؟ مەملەكەتتىك ەكى ءماجىلىس اشىلۋ قارساڭىندا، «حالىق تالقى مىنبەسى» ايدارى «جالپى بارىستىق حالىق دەموكراتياسىنىڭ كورنەكتى ابزالدىعى» جەلىلەس شولۋىن جاريالاپ، وقىرماندارمەن بىرگە تالقى جۇرگىزەدى.
مىناداي ءبىر اڭگىمە بولعان: 2021 - جىلدىڭ باسىندا مەملەكەتتىك حالىق قۇرىلتايى تۇراقتى كوميتەتى ازىق - تۇلىك ىسىراپشىلدىعىنا قارسى تۇرۋ زاڭى (جوبا) جونىندە اشىق پىكىر الدى، جىجياڭ ولكەسى ي - ۋ قالاسىنىڭ نەگىزگى ساتى زاڭ شىعارۋ بايلانىس تۇيىنىندەگى 15 نەگىزگى ساتى زاڭ شىعارۋ بايلانىس پۋنكتىنىڭ ءبىرى بولعان جيميڭشان الەۋمەتتىك اۋماعىنىڭ نەگىزگى ساتى زاڭ شىعارۋ بايلانىس پۋنكتى پىكىر - ۇسىنىس الۋ اڭگىمە ءماجىلىسىن اس - سۋ كوشە رايونىنا دەيىن اشىپ، اس - سۋ دۇكەندەرىنىڭ، قولايلى دۇكەندەردىڭ، شاعىن قوناقجايلاردىڭ قوجايىندارىمەن بەتپە - بەت تالقى جۇرگىزدى. كوپشىلىك جوبانى ارقاۋ ەتە وتىرىپ جەرگىلىكتى جاعدايعا ۇيلەسەتىن كوپتەگەن پىكىرلەر مەن ۇسىنىستاردى العا قويدى. وسى كاسىپ يەلەرىن قۋانتقانى، ولار ورتاعا قويعان ازىق - تۇلىكتى ساقتاۋ مەزگىلىندە بەلگى قويۋ جونىندەگى قاتىستى ۇسىنىس ەڭ سوڭىندا قابىلداندى ءارى زاڭ تارماقتارىندا بەينەلەندى. بۇل − جالپى بارىستىق حالىق دەموكراتياسىنىڭ جاندى امالياتى، «جۇڭگوشا دەموكراتيانىڭ جۇڭگودا جۇزەگە اسۋىنىڭ، وتە جارامدى بولۋىنىڭ» ناقتى بەينەسى.
باس شۋجي شي جينپيڭ: «دەموكراتيا − بۇكىل ادامزاتتىڭ ورتاق قۇندىلىعى، جۇڭگو كوممۋنيستىك پارتياسى مەن جۇڭگو حالقى باستان - اياق تاباندى بولاتىن ماڭىزدى ۇستانىم» دەپ دارىپتەگەن بولاتىن. پارتيانىڭ 18 – قۇرىلتايىنان بەرى شي جينپيڭ جولداس ۇيىتقى بولعان پارتيا ورتالىق كوميتەتى جۇڭگونىڭ دەموكراتيالىق ساياسيىنىڭ دامۋ زاڭدىلىعى جونىندەگى تانىمدى تەرەڭدەتىپ، جالپى بارىستىق حالىق دەموكراتياسى كەلەلى تانىمىن ورتاعا قويدى ءارى زور كۇشپەن ىلگەرىلەتتى. جالپى بارىستىق حالىق دەموكراتياسى بارىس دەموكراتياسى مەن جەتىستىك دەموكراتياسىن، ءتارتىپ دەموكراتياسىن جانە ماندىك دەموكراتيانى، تىكەلەي دەموكراتيانى جانە جانامالاي دەموكراتيانى، حالىق دەموكراتياسى مەن مەملەكەت ەركىنىڭ بىرلىگىن جۇزەگە اسىردى، ول − تۇتاس تىزبەكتى، جان - جاقتى، جاپپاي قامتىعان دەموكراتيا، ەڭ كەڭ، ەڭ شىنايى، ەڭ جارامدى سوتسياليستىك دەموكراتيا. بۇگىنگى تاڭدا دەموكراتيانىڭ نۇر - شۇعىلاسى جۇڭحۋانىڭ بايتاق دالاسىن نۇرلاندىردى، جالپى بارىستىق حالىق دەموكراتياسى جۇڭحۋانىڭ بايتاق دالاسىندا ومىرشەڭدىك كۇش پەن قۇدىرەتتى ومىرشەڭدىك كۇشتى ايگىلەدى، جۇڭگو حالقىنىڭ دەموكراتيالىق سەنىمى اناعۇرلىم بەكەمدەلدى، جۇڭگونىڭ دەموكراتيا جولى بارعان سايىن كەڭەيدى.
«اتقارۋدا بىردەي بولۋدىڭ قاجەتى جوق، مەزەتى لايىقتى بولۋ كەرەك؛ جونگە سالۋدا بىردەي بولۋدىڭ قاجەتى جوق، حالىققا پايدالى بولۋ كەرەك». جۇڭگوشا دەموكراتيانىڭ جۇڭگودا جۇزەگە اسۋىنىڭ، وتە جارامدى بولۋىنىڭ سەبەبى، جۇڭگونىڭ دەموكراتياسى جۇڭگونىڭ تاريحي مادەنيەتىنە تامىر تارتىپ، جۇڭگونىڭ مەملەكەت جاعدايىنا ۇيلەستى. دەموكراتيا − ادامزات قوعامىنىڭ نەشە ءجۇز جىلدىق ىزدەنىستى باستان كەشىرىپ قالىپتاستىرعان ساياسي فورماتسياسى، ول ادامزاتتىڭ دامۋ بارىسىندا ماڭىزدى رول اتقاردى. الايدا دەموكراتيا تاريحيلىق، ناقتىلىق، دامىعىشتىق سيپاتقا يە، دۇنيە جۇزىندە ءبىر قالىپتان جازبايتىن دەموكراتيالىق فورما جوق. ءبىر ءتۇرلى دەموكراتيالىق فورمانى باعالاعاندا، ونىڭ ءوز ەلىنىڭ تاريحي مادەنيەتىنە ۇيلەسەتىن - ۇيلەسپەيتىنىنە، ءوز ەلىنىڭ رەال مەملەكەت جاعدايىنا ۇيلەسەتىن - ۇيلەسپەيتىنىنە، ساياسي ورنىقتىلىققا، قوعامنىڭ العا باسۋىنا، حالىق تۇرمىسىنىڭ جاقسارۋىنا، حالىقتىڭ قولداۋى مەن قۇپتاۋىنا يە بولا الۋ - الماۋىنا، ادامزاتتىڭ العا باسۋ ىستەرىنە ۇلەس قوسا الۋ - الماۋىنا قاراۋ كەرەك. جۇڭگو دەموكراتيانى دامىتۋدا باستان - اياق حالىق سانى كوپ، نەگىزى ءالسىز، كۇي - جايى ناشار نەگىزگى مەملەكەت جاعدايىن تياناق ەتىپ، 5000 جىلدىق جۇڭحۋا وركەنيەتىنە باستان - اياق مۇراگەرلىك ەتىپ، جۇڭگو تۇرعان تاريحي كەزەڭدى باستان - اياق دۇرىس يگەرىپ، ماسەلەنى نىشان ەتۋدەن باستان - اياق جازباي، ماسەلەنى ۇزدىكسىز بايقاپ، ماسەلەنى شەشۋگە شەبەر بولدى. جالپى بارىستىق حالىق دەموكراتياسى ۇلان - بايتاق جۇڭحۋا توپىراعىنا تامىر تارتىپ، جۇڭحۋا ۇلتىنىڭ ۇزاق ۋاقىتتىق كۇرەس بارىسىندا توپتاعان مادەنيەت ءنارىن قابىلداپ، ادامزات وركەنيەتىنىڭ تاڭداۋلى جەتىستىكتەرىن ۇيرەنىپ، ۇلگى الىپ، جۇڭگونىڭ مەملەكەت جاعدايىنا ۇيلەسىپ، حالىقتىڭ شىن جۇرەكتەن قولداۋىنا يە بولىپ، تەرەڭ رەال نەگىزگە جانە كەڭ دامۋ بولاشاعىنا يە بولدى.
جۇڭگو ۇلگىسىندەگى دەموكراتيانىڭ جۇڭگودا جۇزەگە اسۋىنىڭ، وتە جارامدى بولۋىنىڭ تاعى ءبىر سەبەبى، جالپى بارىستىق حالىق دەموكراتياسىنىڭ كەمەلدى تۇزىمدىك ءتارتىبى مەن كەمەلدى قاتىناسۋ امالياتى بولعانىندا. «شاعىن اۋلا كەڭەس كەڭسەسىنەن» «ءۇي - جاي كەڭەسىنە» دەيىن؛ جەلىدەن تىسقارى «دوڭگەلەك ۇستەل ماجىلىسىنەن» جەلىدەگى «كەڭەسۋ توبىنا» دەيىن؛ حالىق قۇرىلتايى ۋاكىلدەرى حالىقتىڭ قاجەتىن بىلۋدە، حالىقتان اقىل - كەڭەس الۋدا تاباندى بولۋدان تارتىپ، ساياسي كەڭەس مۇشەلەرىنىڭ نەگىزگى ساتىداعى شۇعىل، قيىن، كوكەي تەستى ماسەلەلەردى اقىلداسىپ شەشۋگە ات سالىسۋىنا دەيىن ... كەمەلدى تۇزىمدىك ءتارتىپ پەن كەمەلدى ات سالىسۋ امالياتى جالپى بارىستىق حالىق دەموكراتياسىن قۇن ۇستانىمىنان جۇڭگونىڭ بايتاق دالاسىنا تامىر تارتاتىن ءتۇزىم فورماسىنا، جونگە سالۋ مەحانيزمىنە جانە حالىقتىڭ تۇرمىس تاسىلىنە اينالدىردى. حالىقتىڭ وزىنە ءوزى قوجا بولۋى پارتيانىڭ ەل باسقارۋداعى ساياساتتىق شارالارىنان ناقتى بەينەلەنەدى، پارتيا مەن مەملەكەت ورگاندارىنىڭ ءار جاقتاعى، ءار جىكتەگى قىزمەتىندە ناقتى بەينەلەنەدى، حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋ قىزمەتىندە ناقتى بەينەلەنەدى.
وتكەن عاسىردىڭ 80 - جىلدارىندا شي جينپيڭ جولداس ۇنەمى ۆەلوسيپەدپەن اۋىل - قىستاققا تۇسەتىن. بۇقارا بۇل كادردىڭ ىقىلاستى ەكەنىن كورىپ، نە بولسا دا ايتقىسى كەلەتىن، ول دا بۇكپەسىز سىرلاسۋ ارقىلى جىڭديڭ اۋدانىنىڭ «جوعارى ءونىمدى كەدەي اۋدان» ەكەنىن اڭعارادى، سونداي - اق كەدەيلىك قالپاعىن الىپ تاستاۋدىڭ ءادىسىن تاۋىپ شىعادى. بۇگىنگى تاڭدا حالىقتىڭ وزىنە ءوزى قوجا بولۋى ءتۇزىم جۇيەسى اناعۇرلىم كەمەلدەنىپ، حالىقتىڭ زاڭ بويىنشا ساياسيعا تارتىپپەن ات سالىسۋى ۇزدىكسىز كەڭەيىپ، حالىقتىڭ دەموكراتيالىق تۇرمىسى باي مازمۇندى بولىپ، جالپى بارىستىق حالىق دەموكراتياسى ۇزدىكسىز دامىپ، كەمەلدەنىپ، سوتسياليستىك دەموكراتيالىق ساياسيدىڭ ومىرشەڭدىك كۇشى تاسقىندادى. جالپى بارىستىق حالىق دەموكراتياسىن بەلسەنە دامىتىپ، جان - جاقتى، كەڭ كولەمدى، ورگانيكالى ۇشتاسقان حالىقتىڭ وزىنە ءوزى قوجا بولۋ ءتۇزىمى جۇيەسىن اقاۋسىزداندىرىپ، الۋان ءتۇرلى، ىركىلىسسىز، ءتارتىپتى دەموكراتيا ارناسىن قۇرىپ، دەموكراتيالىق فورمانى بايىتىپ، حالىقتىڭ ساياسيعا تارتىپپەن ارالاسۋىن ءار جىكتەن، ءار سالادان كەڭەيتسەك، ءبىز، ءسوز جوق، ءار جاقتاعى ءتۇزىم مەن مەملەكەتتى جونگە سالۋدىڭ حالىقتىڭ ەركىن اناعۇرلىم ويداعىداي ايگىلەۋىنە، حالىقتىڭ ۇقىق - مۇددەسىن قامتاماسىز ەتۋىنە، حالىقتىڭ جاسامپازدىق جاراتۋىنا مۇمكىندىك جاساي الامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
