كەدەيلىكتەن ارىلعان بۇقارانىڭ تۇرمىسىن تىڭ ساتىعا كوتەرەيىك
«حالىق گازەتىنىڭ» شولۋشىسى
2022.02.28 17:00 كەلۋ قاينارى : حالىق تورابى
2021 - جىلى 2 - ايدىڭ 25 - كۇنى كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا باس شۋجي شي جينپيڭ: «ەلىمىز كەدەيلىكتەن ارىلتۋدان قامال الۋ شايقاسىندا جالپى بەتتىك جەڭىسكە قول جەتكىزدى» دەپ سالتاناتپەن جاريالاپ، «كەدەيلىكتەن ارىلىپ، كەدەيلىك قالپاعىن الىپ تاستاۋ سوڭعى كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى» دەپ ىشكەرىلەي اتاپ كورسەتىپ، بۇكىل پارتيانى، بۇكىل ەلدەگى ءار ۇلت حالقىن كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، كەڭەيتۋ، اۋىل - قىستاقتى گۇلدەندىرۋدى جاپپاي ىلگەرىلەتۋ جولىندا ۇزدىكسىز كۇرەس جۇرگىزۋگە ىنتالاندىردى جانە جىگەرلەندىردى.
ءبىر جىلدان بەرى باس شۋجي شي جينپيڭنىڭ ءار رەت جەرگىلىكتى ورىندارعا بارىپ قىزمەت تەكسەرگەندەگى كوڭىل ءبولىپ وتىرعان ماڭىزدى ماسەلەلەردىڭ ءبىرى اۋىلداستاردىڭ كەدەيلىكتەن ارىلعاننان كەيىنگى تۇرمىسىنىڭ قانداي بولعانى ەدى. گۋاڭشيدە: «كەدەيلىكتەن ارىلتۋدان قامال الۋ ۇلى رۋحىن ساۋلەلەندىرىپ، اۋىل - قىستاقتى كوركەيتۋدى جەدەل ىلگەرىلەتىپ، اۋىل - قىستاقتاعى تومەن كىرىستى حالىق سانىن ۇدايىلاندىرىپ سۇيەمەلدەۋ مەحانيزمىن اقاۋسىزداندىرۋدى» تالاپ ەتتى، چيڭحايدا: «كەدەيلىكتەن ارىلتۋدان قامال الۋ جەتىستىكتەرىنىڭ بەكەمدەلۋىن، كەڭەيتىلۋىن اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتىپ، اۋىل شارۋاشىلىق، مال شارۋاشىلىق ونىمدەرىن ولشەمدەندىرىپ، جاسىلداندىرىپ ءوندىرۋدى كۇشەيتىپ، ەرەكشەلىككە يە ورگانيكالىق كاسىپتەردى الۋەتتەندىرۋدى» دارىپتەدى، سانشيدە: «وسىزامانداندىرۋ اۋىل شارۋاشىلىعىن، اۋىل - قىستاقتى وسىزامانداندىرۋدان قول ۇزە المايدى، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ مەن اۋىل - قىستاقتى گۇلدەندىرۋدى ويداعىداي ۇشتاستىرىپ، اۋىل - قىستاق تۇرمىسىن وسىزامانداندىرۋعا بەت الدىرىپ، تىڭعىلىقتى ىلگەرىلەتۋ كەرەك» دەپ اتاپ كورسەتتى ... شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز جاڭا تيپتى ايدارشا ۆيرۋس وكپە قابىنۋ ىندەتى، تاسقىن، سەل، جاراتىلىستىق اپات سياقتى قيىنشىلىقتاردى جەڭىپ، كولەمدى قايتا كەدەيلەنۋدى بولعىزباۋ تومەنگى شەگىن ساقتاپ، اۋىل - قىستاقتىڭ جاراسىمدىلىعى مەن ورنىقتىلىعىنا، شارۋالاردىڭ باقىتتى، الاڭسىز بولۋىنا كەپىلدىك ەتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ جانە كەڭەيتىپ، اۋىل - قىستاقتى كوركەيتۋدى جاپپاي ىلگەرىلەتۋدە تاماشا باستاما جاراتتىق.
كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسى پارتيامىزدىڭ حالىقتى ىنتىماقتاستىرىپ جانە باستاپ، تاماشا تۇرمىس جاراتىپ، بىرگە اۋقاتتانۋدى جۇزەگە اسىرۋ جولىندا نىق قادام تاستاعانىن ايگىلەدى. الايدا، مىنانى دا سەرگەكتىكپەن تانۋىمىز كەرەك: دامۋدىڭ بىركەلكى، تولىق بولماۋى ماسەلەسىن شەشۋدىڭ، قالا مەن اۋىلدىڭ وڭىرلىك دامۋ پارقىن ازايتۋدىڭ، ادامنىڭ جان - جاقتى دامۋى مەن جالپى حالىقتىڭ بىرگە اۋقاتتانۋىن جۇزەگە اسىرۋدىڭ مىندەتى ءالى دە اۋىر، جولى ۇزاق. جاپپاي سوتسياليستىك وسىزاماندانعان مەملەكەت قۇرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ەڭ جاپالى، ەڭ اۋىر مىندەتى ءالى دە اۋىل - قىستاقتا، ەڭ كەڭ كولەمدى، ەڭ تەرەڭ نەگىزى ءالى دە اۋىل - قىستاقتا. اۋىل شارۋاشىلىعى − مەملەكەتتىڭ نەگىزى، نەگىز بەكەمدەلسە، مەملەكەت تىنىش بولادى. قاي - قاشان دا اۋىل شارۋاشىلىعىنا نەمقۇرايدى قاراۋعا، ەگىنشىلەردى ۇمىتۋعا، اۋىل - قىستاققا نەمقۇرايدى قاراۋعا بولمايدى. بەينە، باس شۋجي شي جينپيڭ تەرەڭ اتاپ كورسەتكەندەي: «ءبىز اۋىل شارۋاشىلىعى، اۋىل - قىستاق، شارۋالار ماسەلەسىنە زور تاريحي كوزقاراس ارقىلى قاراۋدا تاباندى بولۋىمىز كەرەك، تەك اۋىل شارۋاشىلىعى، اۋىل - قىستاق، شارۋالار ماسەلەسىن تەرەڭ تۇسىنگەندە عانا پارتيامىزدى، مەملەكەتىمىزدى، ۇلتىمىزدى اناعۇرلىم جاقسى تۇسىنە الامىز». كەدەيلىكتەن ارىلتۋدان قامال الۋ شايقاسى جالپى بەتتىك جەڭىسكە جەتكەننەن كەيىن، اۋىل شارۋاشىلىعى، اۋىل - قىستاق، شارۋالار قىزمەتىنىڭ ءتۇيىنى تاريحي سيپاتتى تۇردە اۋىل - قىستاقتى گۇلدەندىرۋدى جاپپاي ىلگەرىلەتۋگە ويىستىرىلعانىمەن، كەدەيلىكتەن ارىلتۋدىڭ نەگىزى ءالى دە ايتارلىقتاي ورنىقتى ەمەس. كەدەيلىكتەن ارىلعان وڭىرلەردىڭ قايتا كەدەيلەنۋدەن ساقتانۋ مىندەتى الدىندا كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ، قىزمەتتە اقتاڭداق قالدىرماۋدى، ساياساتتا اقتاڭداق قالدىرماۋدى جۇزەگە اسىرىپ، كەدەيلىكتەن ارىلتۋدىڭ نەگىزىن اناعۇرلىم بەكەمدەپ، ونىمدىلىگىن اناعۇرلىم باياندى ەتكەندە عانا، كەدەيلىكتەن ارىلتۋدان قامال الۋ جەتىستىكتەرىنىڭ تاريح پەن حالىقتىڭ سىنىنان وتۋىنە كەپىلدىك ەتۋگە بولادى.
باس شۋجي شي جينپيڭ بىلاي دەپ دارىپتەگەن بولاتىن: «اۋىل - قىستاقتى گۇلدەندىرۋدىڭ العى شارتى − كەدەيلىكتەن ارىلتۋدان قامال الۋ جەتىستىكتەرىن بەكەمدەۋ. ونى ۇزدىكسىز مىقتى، ويداعىداي يگەرىپ، كەدەيلىكتەن ارىلعان بۇقارانىڭ تۇرمىسىن تاعى ءبىر تىڭ ساتىعا كوتەرۋ كەرەك». كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ، كەڭەيتىپ، كەدەيلىكتەن ارىلعان وڭىرلەردىڭ دامۋىن جانە بۇقارانىڭ تۇرمىسىن جاقسارتۋدى ۇزدىكسىز ىلگەرىلەتكەندە عانا اۋىل - قىستاقتى گۇلدەندىرۋ سىندى كەلەلى ءىستى ويداعىداي ىستەۋگە بولادى. كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدىڭ، كەڭەيتۋدىڭ باياندى مەحانيزمىن ورناتىپ، اقاۋسىزداندىرىپ، نەگىزگى كومەكتەسۋ - سۇيەمەلدەۋ ساياساتىنىڭ جالپى تۇلعالىق ورنىقتىلىعىن ساقتاپ، قايتا كەدەيلەنۋدى بولعىزباۋدىڭ اۋقىمدىق باقىلاۋ - ولشەۋ جانە كومەكتەسۋ - سۇيەمەلدەۋ مەحانيزمىن اقاۋسىزداندىرىپ، «ەكىدەن تارىقتىرماۋ، ءۇشتى قامتاماسىز ەتۋ» جەتىستىگىن بەكەمدەپ، كەدەيلەردى قونىس جاڭالاپ سۇيەمەلدەۋدىڭ سوڭعى سۇيەمەلدەۋ قىزمەتىن ويداعىداي ىستەپ، كەڭ كولەمدە قايتا كەدەيلەنۋدىڭ تۋىلماۋىنا كەپىلدىك ەتىپ، كەدەيلىكتەن ارىلتۋدان قامال الۋ شايقاسىنىڭ ۇلى جەتىستىكتەرىن شىن مانىندە قورعاۋ جانە بەكەمدەۋ كەرەك. كەدەيلىكتەن ارىلعان وڭىرلەردىڭ دامۋعا كوبىرەك سۇيەنۋ ارقىلى كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋىن، كەڭەيتۋىن ىلگەرىلەتىپ، كەدەيلىكتەن ارىلعان وڭىرلەردىڭ ەرەكشەلىككە يە كاسىپتەرىن بەكەمدەپ، دەڭگەيىن جوعارىلاتىپ، كەدەيلەردى سۇيەمەلدەۋ كاسىبىندە تەحنيكا، قۇرىلعى، تيجارات سياقتى ولقىلىقتاردى تولىقتاۋعا ءتۇيىندى تۇردە قولداۋ كورسەتىپ، باستاماشىلدىق، جەتەكشىلىك رولدى كۇشەيتىپ، كاسىپ سالاسىنىڭ دەڭگەيىن جوعارىلاتۋدى جەبەپ، كەدەيلىكتەن ارىلعان حالىقتىڭ كىرىسىن ءۇرتىس ارتتىرۋدى جەبەۋ كەرەك. اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىنىڭ ەڭ ماڭىزدى ءتۇيىنى ەتۋدە تاباندى بولىپ، اۋىل شارۋاشىلىعىن، اۋىل - قىستاقتى الدىمەن دامىتۋدا تاباندى بولىپ، جۇڭگوشا سوتسياليستىك اۋىل - قىستاقتى گۇلدەندىرۋ جولىمەن ءجۇرىپ، قالا مەن اۋىلدىڭ وڭىرلىك دامۋ پارقىن ۇزدىكسىز ازايتىپ، تومەن كىرىستى حالىق پەن دامىماعان وڭىرلەردىڭ دامۋ جەتىستىكتەرىنەن تەڭ يگىلىكتەنۋىنە، وسىزامانداندىرۋ بارىسىندا قاتاردان قالماۋىنا، قۋىپ جەتۋىنە مۇمكىندىك جاساۋ كەرەك.
2022 - جىلعى جاڭا جىلدى قۇتتىقتاۋ سوزىندە باس شۋجي شي جينپيڭ: «جاپپاي دوڭگەلەك داۋلەتتىلىككە جەتۋ، كەدەيلىكتەن ارىلتۋ پارتيامىزدىڭ حالىققا بەرگەن جاۋابى، سونداي - اق دۇنيە جۇزىنە قوسقان ۇلەسى بولىپ تابىلادى. كوپشىلىكتى اناعۇرلىم تاماشا تۇرمىسقا كەنەلتۋدە ءبىزدىڭ كوز الداعى ناتيجەلەرگە قاناعاتتانىپ قالۋىمىزعا بولمايدى، ءالى دە ۇزاق جول باسۋىمىزعا تۋرا كەلەدى» دەپ دارىپتەدى. جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، ساپالى دامۋدى ىلگەرىلەتىپ، اۋىل شارۋاشىلىعىنىڭ نەگىزگى جاعدايىن ورنىقتىرىپ، اۋىل شارۋاشىلىعى، اۋىل - قىستاق، شارۋالار نەگىزىن ويداعىداي ساقتاپ، «ورنىقتىرعىش» رولىن اناعۇرلىم ويداعىداي ساۋلەلەندىرىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ، كەڭەيتىپ، اۋىل - قىستاقتى كوركەيتۋدى ۇزدىكسىز جاپپاي ىلگەرىلەتىپ، اۋىل شارۋاشىلىعىندا ءونىمدى ارتتىرۋعا، ەگىنشىلەردىڭ كىرىسىن ورنىقتى ارتتىرۋعا، اۋىل - قىستاقتىڭ ورنىقتى، تىنىش بولۋىنا كەپىلدىك ەتە الساق، ءبىز، ءسوز جوق، 100 جىلدىق وزگەرىس جاعدايى مەن عاسىرلىق ىندەتكە بايىپتىلىقپەن توتەپ بەرىپ، ەكونوميكا مەن قوعامنىڭ ورنىقتى، اقاۋسىز دامۋىن ىلگەرىلەتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم تولىقتىرىپ، اناعۇرلىم قامتاماسىزداندىرىپ، اناعۇرلىم باياندى ەتە الامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
