مەملەكەت بويىنشا 2022 – جىلى 3 – ايدان باستاپ اتقارىلاتىن جاڭا بەلگىلەمەلەر
2022.02.28 16:30 كەلۋ قاينارى : حالىق تورابى
ءزارۋ بولىپ وتىرعان كاسىپتىك شيپاگەرلەردى جەتىلدىرۋدى كۇشەيتەدى
«جۇڭحۋا حالىق رەسپۋبليكاسىنىڭ شيپاگەرلەر زاڭى» 3 – ايدىڭ 1 – كۇنىنەن باستاپ اتقارىلادى، زاڭدا مەملەكەتتىڭ شيپاگەرلەردى جەتىلدىرۋ جوباسى بەلگىلەنىپ، بەساسپاپ شيپاگەر، بالالار اۋرۋىن ەمدەيتىن شيپاگەر، رۋحاني اۋرۋلاردى ەمدەيتىن شيپاگەر، قارتتار مەديتسيناسى قاتارلى جاقتارداعى ءزارۋ بولىپ وتىرعان كاسىپتىك دارىندىلاردى جەتىلدىرۋ كۇشەيتىلەتىنى ايقىندالعان.
جالعان، جارامسىز تۇقىم وندىرۋگە، تيجارات ەتۋگە سوققى بەرەدى
جاڭادان وزگەرىس ەنگىزىلگەن «جۇڭحۋا حالىق رەسپۋبليكاسىنىڭ تۇقىم زاڭى» 3 – ايدىڭ 1 – كۇنى اتقارىلادى، جالعان، جارامسىز تۇقىمدى ءوندىرۋ، تيجارات ەتۋ ارەكەتىنە اقشالاي ايىپ سالۋدىڭ جوعارعى شەگى جەكە – جەكە 200 مىڭ يۋاننان تومەن، 100 مىڭ يۋاننان تومەن بولىپ وزگەرتىلەدى.
تىركەۋدىڭ، تىزىمدەۋدىڭ قولايلىلىعى جوعارىلاتىلادى
«جۇڭحۋا حالىق رەسپۋبليكاسىنىڭ بازار نەگىزگى تۇلعالارىن تىركەۋدى، تىزىمدەۋدى باسقارۋ ەرەجەسى» 3 – ايدىڭ 1 – كۇنىنەن باستاپ اتقارىلادى، سەرىكتەستىك، سەرىكتەسكەن كاسىپورىندار، جەكە تيجاراتشى قاتارلى ءتۇرلى بازار نەگىزگى تۇلعالارىن تىزىمدەۋدى، باسقارۋدى ءبىرتۇتاس جۇيەگە ءتۇسىرىپ، تىزىمدەۋدىڭ، تىركەۋدىڭ قولايلىلىعىن جوعارىلاتادى.
قارتتاردى كۇتىمدەۋ سالاسىنداعى زاڭعا قايشى قارجى توپتاۋ قىلمىسىن جازامەن جونگە سالادى
زاڭسىز قارجى توپتاۋعا قاتىستى قىلمىستىق ىستەر جونىندەگى جاڭادان وزگەرىس ەنگىزىلگەن ءادىليالىق تۇسىنىكتەمە 3 – ايدىڭ 1 – كۇنىنەن باستاپ اتقارىلادى، «‹قارتتاردى كۇتىمدەۋ قىزمەتىن› ىستەۋ، ‹قارتتاردى كۇتىمدەۋ نىسانىنا› قارجى قوسۋ، ‹قارتتارعا ارنالعان ونىمدەردى› ساتۋ قاتارلى تاسىلدەرمەن زاڭسىز تۇردە قارجى توپتاعان» جاعدايدى قارتتاردى كۇتىمدەۋ سالاسىنداعى زاڭعا قايشى قارجى توپتاۋ قىلمىسىن زاڭ بويىنشا جازالاۋدىڭ ىسپاتى ەتەدى.
شەكارا اتتاعان ەلەكتروندى ساۋداداعى بولشەك ساتىلاتىن يمپورت ەتىلەتىن تاۋارلاردىڭ تىزىمدىگىن ساپالىلاندىرادى
قازىنا مينيسترلىگى قاتارلى 8 تاراۋ ۇقتىرۋ جاريالادى: 3 – ايدىڭ 1 – كۇنىنەن باستاپ، شەكارا اتتاعان ەلەكتروندى ساۋداداعى بولشەك ساتىلاتىن يمپورت ەتىلەتىن تاۋارلاردىڭ تىزىمدىگى ساپالىلاندىرىلادى، شاڭعى تەبۋ اسپاپتارى، وتباسىلىق ىدىس – اياق جۋۋ اسپابى، پاميدور قويمالجىڭى قاتارلى جۋىرداعى جىلداردان بەرى تۇتىنۋشىلاردىڭ قاجەتسىنۋى مول بولعان 29 ءتۇرلى تاۋاردى قوسادى.
ەمحانالار مەديتسينالىق تەكسەرۋ، سارالاۋ ناتيجەلەرىن ءوزارا مويىندايدى
«ەمدەۋ قۇرىلىمدارىنىڭ تەكسەرۋ – سارالاۋ ناتيجەلەرىن ءوزارا مويىنداۋىن باسقارۋ ءادىسى» 3 – ايدىڭ 1 – كۇنىنەن باستاپ اتقارىلادى، ادىستە ەمدەۋ قۇرىلىمدارى ەمدەۋگە ىقپال ەتپەۋ العى شارتىندا، ءوزارا مويىنداۋ بەلگىسى (HR) بار تەكسەرۋ، سارالاۋ ناتيجەلەرىن ءوزارا مويىندايدى دەپ ايقىن بەلگىلەنگەن.
قۇربانداردىڭ بىتىراڭقى ورنالاسقان قابىرلارىن شوعىرلى ورىنعا كوشىرىپ قورعاۋعا الادى
جاڭادان وزگەرىس ەنگىزىلگەن «قۇرباندارعا ارنالعان ەسكەرتكىش قۇرىلعىلارىن قورعاۋدى باسقارۋ ءادىسى» 3 – ايدىڭ 1 – كۇنىنەن باستاپ اتقارىلادى، ادىستە «قۇربانداردىڭ بىتىراڭقى ورنالاسقان قابىرلارىن شوعىرلى ورىنعا كوشىرىپ قورعاۋ» تالابى قوسىلعان، قۇرباندارعا ارنالعان ەسكەرتكىش قۇرىلعىلارىن دارەجەگە ءبولىپ قورعاۋعا الۋ ىستەرى كەمەلدەندىرىلەدى.
الگوريتم ارقىلى ساتىلىم سانىن قولدان جاساپ، سىن – پىكىرلەردى شەكتەۋگە بولمايدى
«ينتەرنەتتىك ينفورماتسيالارعا قىزمەت وتەۋدە الگوريتم ارقىلى ۇسىنۋدى باسقارۋ بەلگىلەمەسى» 3 – ايدىڭ 1 – كۇنىنەن باستاپ اتقارىلادى، الگوريتم ارقىلى ۇسىنۋ قىزمەتىمەن شۇعىلدانۋشىلاردىڭ الگوريتم ارقىلى ساتىلىم سانىن قولدان جاساۋىنا، كوپ ىزدەلگەن مازمۇنداردى تەجەۋىنە، ينتەرنەتتەگى اڭىسقا ىقپال جاسايتىن ارەكەت ىستەۋىنە تيىم سالۋ ايقىن بەلگىلەنگەن.
قارتتاردى كۇتىمدەۋ سالاسىنا قاتىستى قارجى قۇراۋ ونىمدەرىن تۇيىندە سىناق ەتۋ كولەمى كەڭەيتىلەدى
بانكە – قامسىزداندىرۋ ىستەرىن باقىلاۋ – باسقارۋ كوميتەتى ۇقتىرۋ جاريالادى: 3 – ايدىڭ 1 – كۇنىنەن باستاپ، قارتتاردى كۇتىمدەۋ سالاسىنا قاتىستى قارجى قۇراۋ ونىمدەرىن سىناق ەتەتىن وڭىرلەر بەيجيڭ، شىنياڭ، چاڭچۇن، شاڭحاي، ۋحان، گۋاڭجوۋ، چۇڭچيڭ، چىڭدۋ، چيڭداۋ، شىنجىن قاتارلى ون جەرگە كەڭەيتىلەدى، سونىمەن بىرگە، تۇيىندە سىناق ەتەتىن قۇرىلىمدار ونەركاسىپ – ساۋدا بانكەسىنىڭ قارجى قۇراۋ ىستەرى سەرىكتەستىگى قاتارلى ون سەرىكتەستىككە دەيىن كەڭەيتىلەدى.
وقۋلىقتىڭ ءارىبى 4 – ءنومىرلى ارىپتەن كىشى بولماۋى كەرەك
«بالالارعا، جاستار مەن ورەندەرگە ارنالعان ۇيرەنۋ ماتەريالدارىن دايىنداعاندا الىستى كورمەۋشىلىك اۋرۋىنان ساقتانۋ تالابىنىڭ» مەملەكەتتىك ولشەمى 3 – ايدىڭ 1 – كۇنىنەن باستاپ اتقارىلادى. ولشەمگە نەگىزدەلگەندە، ورتا، باستاۋىش مەكتەپ وقۋلىقتارىنداعى تەكستىڭ ءارىبىنىڭ ۇلكەن – كىشىلىگى 4 – ارىپتەن كىشى بولماۋى كەرەك، وقىتۋعا پايدالاناتىن بەينەجازبالاردان كوزگە شالىناتىن جىلتىلداق كورىنبەۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
