«تۇرعىن ءۇي نىساندارىنىڭ ولشەمى» جونىندە پىكىر الۋ: تۇرعىن ۇيلىك قۇرىلىستاردى جاڭادان سالعاندا، ەكى قاباتتان اساتىن تۇرعىن ۇيلەرگە كەمىندە ءبىر ليفت ورناتۋ كەرەك

2022.03.21 17:18   كەلۋ قاينارى : حالىق تورابى

　　سۋرەتتە: فۋجوۋ قالاسى جين – ان رايونى جين – ان وزەنىنىڭ جاعالاۋىنداعى تۇرعىندار اۋماعى. شينحۋا اگەنتتىگىنىڭ ءتىلشىسى ۋەي پەيچۋان فوتوسى

　　تۇرعىن ءۇي جانە قالا – اۋىل قۇرىلىسى مينيسترلىگى جۋىردا «تۇرعىن ءۇي نىساندارىنىڭ ولشەمى» (پىكىر الىناتىن نۇسقا) جونىندە قوعامنان اشىق تۇردە پىكىر الدى. جاڭادان سالىناتىن تۇرعىن ۇيلىك قۇرىلىستارعا ليفت ورناتۋ جونىندە، پىكىر الىناتىن نۇسقادا مىناداي تالاپ قويىلعان: تۇرعىندار قونىستاناتىن قابات سانى ەكى قابات نەمەسە ودان جوعارى بولعان تۇرعىن ۇيلىك قۇرىلىستارداعى ءار بولىككە كەمىندە بىردەن ليفت ورناتۋ قاجەت، ليفت بولمەسىنىڭ كەڭدىگى 1.40 مەتردەن، ەنى 1.10 مەتردەن تومەن بولماۋى، شاقىرۋ كنوپكاسىنىڭ سەنترىنىڭ جەر بەتىنەن بيىكتىگى 0.85 مەتردەن 1.10 مەترگە دەيىنگى ارالىقتا بولۋى قاجەت.

　　پىكىر الىناتىن نۇسقادا مىنالار اتاپ كورسەتىلگەن: الەۋمەتتىك باسپالداقتى ورنالاستىرعاندا، باسپالداقتىڭ سۇيەنەتىن جاقتاۋىنىڭ بيىكتىگى 0.90 مەتردەن تومەن بولماۋى قاجەت؛ باسپالداق قۇدىعىنىڭ ناق كەڭدىگى 0.11 مەتردەن جوعارى بولسا، قۇلاپ كەتۋدەن ساقتانۋ جانە بالالاردىڭ ورمەلەپ شىعۋىنا بايلانىستى ساقتانۋ شارالارى، ءسوزسىز، اتقارىلۋى قاجەت. سايكەستى قۇرىلعىلار جونىندە: تۇرعىن ءۇي نىساندارىنا اۆتوكولىك توقتاتۋ ورنى سالىنۋى كەرەك؛ سايكەستى اۆتوكولىك توقتاتۋ ورىندارىن جەرگىلىكتى ورىننىڭ اۆتوكولىكتەنۋ ورەسىنە، تۇرعىن ءۇي نىسانى تۇرعان اۋماققا، پايدالانۋعا بولاتىن جەردىڭ جاعدايىنا جانە قاتىناس شارت – جاعدايىنا نەگىزدەلىپ، جان – جاقتى فاكتورلارعا ساي بەلگىلەۋ كەرەك ءارى مىناداي بەلگىلەمەگە ساي كەلۋى قاجەت: جاڭا ەنەرگيالى اۆتوكولىكتى زاريادتاۋ قۇرىلعىلارىن ورناتۋ نەمەسە ونى ورناتۋعا ارنالعان زاپاس ورىن مۇمكىندىگىن قالدىرۋ قاجەت؛ كەدەرگىسىز اۆتوكولىك توقتاتۋ ورىندارى ورنالاستىرىلۋى كەرەك.

　　الاڭقى جونىندە پىكىر الىناتىن نۇسقادا مىناداي تالاپتار ورتاعا قويىلعان: شوعىرلى جاسىل اۋماقتىڭ كەڭدىگى 8 مەتردەن تومەن بولماۋى قاجەت؛ شوعىرلى جاسىل اۋماقتىڭ ولشەمدى قۇرىلىستىڭ كولەڭكە سىزىعىنان تىسقارى كولەمى جالپى كولەمىنىڭ ۇشتەن بىرىنەن كەم بولماۋى ءارى قارتتار مەن بالالار ارەكەتتەنەتىن اۋماق ورنالاستىرىلۋى كەرەك. مۇنان سىرت، تۇرعىن ءۇي قۇرىلىسىنا قوسىمشا جولدار سالىنۋى، ول تۇرعىن ءۇي قۇرىلىسىنىڭ ءار بولىگىنىڭ كىرىپ – شىعاتىن ەسىگىمەن، قارتتار مەن بالالارعا ارنالعان قيمىل اۋماعىمەن كەدەرگىسىز تۇتاستىرىلۋى، سونىمەن بىرگە، قالا مەن قالاشىقتاعى جۇرگىنشىلەر جولىمەن تۇتاستىرىلىپ، كەدەرگىسىز جاياۋ ءجۇرۋ جۇيەسىن قالىپتاستىرۋى قاجەت.

　　پىكىر الىناتىن نۇسقادا مىنالار دا تالاپ ەتىلگەن: دارەتحانا باسقا تۇرعىنداردىڭ جاتىن بولمەسى، كۇندەلىكتى تۇرمىستىق بولمەسى، اس ءۇيى جانە اسحاناسى قاتارلى بولمەلەردىڭ ۇستىڭگى جاعىنا سالىنباۋى قاجەت. دارەتحانانىڭ تاعانىنا تايعاناۋدان ساقتاناتىن تۇتقىر ماتەريالدار جاتقىزىلۋى، تاعانىنىڭ ۇيكەلىس كوەففيسەنتى 0.6 دان تومەن بولماۋى قاجەت. اس ءۇي، دارەتحانا، تۇيىق سامالدىق جانە ونىمەن ىرگەلەس بوستىقتىڭ بيىكتىك پارقى 0.015 مەتردەن اسپاۋى ءارى قيعاش وتپەلى ارالىق ورنالاستىرىلۋى كەرەك. (ءتىلشى ۋاڭ يوۋليڭ)

　　كەلۋ قاينارى: حالىق تورابى