لي كىچياڭ ورمان، جايىلىم ورتىنەن ساقتانۋ قىزمەتىنە ماڭىزدى بەكىتۋ سالىپ مىنانى دارىپتەدى
ءار جاقتىڭ جاۋاپكەرلىگىن ناقتىلاندىرىپ، تۋ باستان جونگە سالۋدى كۇشەيتىپ، حاۋىپسىز ءورت ءوشىرۋ قۋاتىن جوعارىلاتىپ، ەرەكشە اۋىر ورمان، جايىلىم ءورت اپاتىنىڭ تۋىلۋىنان باتىل ساقتانۋ كەرەك
2022.03.18 15:24 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 17 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ تاياۋدا ورمان مەن، جايىلىم ورتىنەن ساقتانۋ قىزمەتىنە ماڭىزدى بەكىتۋ جازدى. بەكىتۋدە مىنالار اتاپ كورسەتىلدى: قازىر ەلىمىزدىڭ باسىم كوپ ساندى رايوندارى كوكتەمگى ورتتەن ساقتانۋدىڭ شەشۋشى مەزگىلىنە ىركەس - تىركەس قادام تاستادى، ورماندى، جايىلىمدى ورتتەن ساقتاۋ، ءورت ءوشىرۋ سىندى حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە جانە مەملەكەتتىڭ ەكولوگيالىق حاۋىپسىزدىگىنە ساياتىن وسى ءىرى ءىستى، ءسوز جوق، قاجىماي - تالماي مىقتى يگەرۋ كەرەك. جەر - جەر، قاتىستى تاراۋلار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىم - ورنالاستىرۋلارىن مۇقيات دايەكتىلەندىرىپ، حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، ورماندى، جايىلىمدى ورتتەن ساقتاۋ قىزمەتىن اناعۇرلىم جوعارى ولشەممەن، اناعۇرلىم قاتاڭ تالاپپەن، اناعۇرلىم ناقتى شارالارمەن ويداعىداي ىستەۋى كەرەك. ءار جاقتىڭ جاۋاپكەرلىگىن ساتىلار بويىنشا قاتاڭ ناقتىلاندىرىپ، ءتۇيىندى ورىنداردى، شەشۋشى وڭىرلەردى جانە ماڭىزدى مەزگىلدەردى ءجىتى قاداعالاپ، بىرلەسىپ اقىلداسۋدى، قايتا - قايتا تۇجىرىمداۋدى كۇشەيتىپ، ءورت اپاتىنان ساقتاندىرۋدىڭ جانە شۇعىل جاعدايعا توتەپ بەرۋدىڭ باعىتتامالىلىعىن، ۋاقىت ونىمدىلىگىن جوعارىلاتۋ كەرەك. تومەنگى شەكتە ويلاۋ ارقىلى تۋ باستان جونگە سالۋدى كۇشەيتىپ، ۇگىتتى، ساقتاندىرۋ تاربيەسىن، حاۋىپ - قاتەر، كومەسكى كىناراتتاردى وڭاۋ - جونگە سالۋدى جانە دالاداعى ءورت قاينارىن باسقارۋ - مەڭگەرۋدى مىقتى يگەرىپ، نەگىزدىك قۇرىلعىلار مەن ءورت ءوشىرۋ، ورتتەن ساقتانۋ كۇشتەرىندەگى ولقىلىقتاردى تولىقتاۋ كەرەك. جوبا جۇيەسىن كەمەلدەندىرىپ، قورعانىس كۇشتەرىن عىلمي ورنالاستىرىپ، ناقتى شايقاستىق جاتتىعۋدى كۇشەيتىپ، كاسىپتىك قولباسشىلىق پەن ءورتتى حاۋىپسىز ءوشىرۋ قۋاتىن جوعارىلاتىپ، بايقالا سالعاندا ءوشىرۋ، كولەمىن ۇلعايتپاۋ، تۇبەگەيلى ءوشىرۋ نىساناسىن ورىنداپ، اۋىر، ەرەكشە اۋىر ورمان، جايىلىم ءورت اپاتىنىڭ تۋىلۋىنان قاتاڭ ساقتانىپ، اپات زيانىن مۇمكىندىكتىڭ بارىنشا ازايتۋ كەرەك.
مەملەكەتتىك كەڭەستىڭ مۇشەسى، مەملەكەتتىك ورمان، جايىلىم ورتىنەن ساقتاۋعا، ءورت وشىرۋگە قولباسشىلىق ەتۋ شتابىنىڭ باس قولباسشىسى ۋاڭ يۇڭ 3 - ايدىڭ 17 - كۇنى ورمان مەن جايىلىمدا ورتتەن ساقتانۋ قىزمەتى جونىندەگى مەملەكەتتىك تەلەۆيزور - تەلەفون ماجىلىسىنە قاتىناستى ءارى ءسوز سويلەدى. ول مىنالاردى دارىپتەدى: باس شۋجي شي جينپيڭنىڭ ورمان مەن جايىلىمدى ورتتەن ساقتاۋ، ءورت ءوشىرۋ قىزمەتىن كۇشەيتۋ جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، لي كىچياڭ زۇڭليدىڭ بەكىتۋىنىڭ تالابىن تياناقتاندىرىپ، حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، ورمان مەن جايىلىمدى ورتتەن ساقتاۋ، ءورت ءوشىرۋ قىزمەتىن بار كۇشپەن ويداعىداي يگەرىپ، اۋىر، ەرەكشە اۋىر ورمان، جايىلىم ءورت اپاتىنىڭ تۋىلۋىنان باتىل ساقتانىپ جانە ونى تەجەپ، پارتيا 20 - قۇرىلتايىنىڭ تابىسپەن اشىلۋىنا حاۋىپسىز، ورنىقتى ورتا جاراتۋ كەرەك.
ۋاڭ يۇڭ بىلاي دەپ اتاپ كورسەتتى: قازىر − ورمان مەن جايىلىمدا كوكتەمگى ورتتەن ساقتانۋدىڭ شەشۋشى مەزگىلى، جەر - جەر، قاتىستى تاراۋلار جانە ورىندار پارتيا ورتالىق كوميتەتىنىڭ، مەملەكەتتىك كەڭەستىڭ شەشىم - ورنالاستىرۋلارىن مۇقيات تياناقتاندىرىپ، ساياسي دەڭگەيدى اناعۇرلىم جوعارىلاتىپ، ءار جاقتىڭ جاۋاپكەرلىگىن ساتىلار بويىنشا ناقتىلاندىرىپ، بولەككە ءبولىپ باسقارۋ جۇيەسىن ورناتىپ جانە كەمەلدەندىرىپ، ءورت ءوشىرۋ، ورتتەن ساقتانۋ شارالارىنىڭ ناقتاپ تياناقتانۋىن ىلگەرىلەتۋگە قۋزاۋ سالۋى كەرەك. ساقتانۋدى نەگىز ەتۋدە تاباندى بولىپ، نەگىزگى ساتىدا بۇقارالىق ساقتانۋدى، بۇقارالىق جونگە سالۋدى كۇشەيتىپ، ۇگىت - تاربيەنى كولەمدى ورىستەتىپ، حاۋىپ - قاتەر مەن كومەسكى قاتەرلەردى جاپپاي ءبىر - بىرلەپ تەكسەرىپ، جونگە سالىپ، دالاداعى ءورت قاينارىن باسقارۋ - مەڭگەرۋ جانە بەلگىلەمەگە قايشى وت جاعۋ جاعدايىن تەكسەرىپ ءبىر جاقتى ەتۋ سەرپىنىن ارتتىرىپ، ءورت اپاتىنىڭ حاۋىپ - قاتەرىن تۋ باستان ازايتۋ كەرەك. ءورت جاعدايىن باقىلاۋ - تەكسەرۋدى، ساقتاندىرۋدى كۇشەيتىپ، قاتەرگە ۇشىراعان بۇقارانى دەر كەزىندە كوشىرىپ، تاراتىپ، ءورت ءوشىرۋدى عىلمي، حاۋىپسىز ۇيىمداستىرىپ، ءولىم - جىتىمنەن باتىل ساقتانۋ كەرەك. ءورت ءوشىرۋ، ورتتەن ساقتانۋ قۇتقارۋ - كومەكتەسۋ قوسىنى قۇرىلىسىن ونان ارى كۇشەيتىپ، ءورت ءوشىرۋ، ورتتەن ساقتانۋ جابدىقتارى مەن قۇرىلعىلارىنىڭ قۋاتى مەن دەڭگەيىن جەدەل جوعارىلاتىپ، مەملەكەتتىڭ ەكولوگيالىق حاۋىپسىزدىگىن، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن اناعۇرلىم ويداعىداي قورعاۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
