شي جينپيڭ تۇركىمەنستاننىڭ زۇڭتۇڭى بەردىمۇحامەتوۆپەن، سايلانعان زۇڭتۇڭى سەردار بەردىمۇحامەتوۆپەن تەلەفوندا سويلەستى
2022.03.17 16:42 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 16 - كۇنى، بەيجيڭ. مەملەكەت ءتوراعاسى شي جينپيڭ 3 - ايدىڭ 16 - كۇنى تۇستەن كەيىن تۇركىمەنستاننىڭ زۇڭتۇڭى بەردىمۇحامەتوۆپەن، سايلانعان زۇڭتۇڭى سەردار بەردىمۇحامەتوۆپەن تەلەفوندا سويلەستى.شي جينپيڭ تۇركىمەنستاننىڭ زۇڭتۇڭ سايلاۋىنىڭ ءساتتى وتكىزىلگەنىن قۇتتىقتاپ، سەردار بەردىمۇحامەتوۆتىڭ تۇركىمەنستاننىڭ زۇڭتۇڭى بولىپ سايلانعانىن تاعى ءبىر رەت قۇتتىقتاپ، تۇركىمەنستاننىڭ «قۇدىرەتتى ەل بولۋ جاڭا داۋىرىندە» تىڭ دا اناعۇرلىم زور تابىستارعا قول جەتكىزۋىن تىلەدى.
شي جينپيڭ بىلاي دەپ اتاپ كورسەتتى: تاياۋ جىلداردان بەرى جۇڭگو مەن تۇركىمەنستاننىڭ قاتىناسى قارىشتاپ دامىدى، ەكى جاق ستراتەگيالىق سەرىكتەستىك قاتىناس ورناتتى، ەكى ەلدىڭ ءار سالاداعى سەلبەستىگى تاريحتاعى ەڭ جوعارى دەڭگەيگە جەتتى. جۇڭگو جۇڭگو - تۇركىمەنستان قاتىناسىنا ايرىقشا ءمان بەرەدى، تۇركىمەنستاننىڭ ىشكى - سىرتقى ساياساتتارىن ۇزدىكسىز باتىل قولدايدى، سىرتقى كۇشتەردىڭ تۇركىمەنستاننىڭ ىشكى ىستەرىنە كيلىگۋىنە باتىل قارسى تۇرادى، تۇركىمەنستانمەن بۇرىنعىعا مۇراگەر بولىپ، كەيىنگىگە جول اشىپ، جۇڭگو - تۇركىمەنستان قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، اناعۇرلىم تىعىز جۇڭگو - تۇركىمەنستان تاعدىرلاس ورتاق تۇلعاسىن قول ۇستاسا قۇرۋدى قالايدى.
شي جينپيڭ بىلاي دەپ دارىپتەدى: جۇڭگو مەن تۇركىمەنستاننىڭ سەلبەستىگى ەكى جاقتىڭ وسكەلەڭ ءوزارا سەنىمدىلىگى مەن شىنايى دوستىعىن تولىق ايگىلەدى. ەكى جاق قول قويعان ۇكىمەتتەر ارا 5 جىلدىق سەلبەستىك جوباسىندا الداعى ءبىر مەزگىلدەگى جۇڭگو مەن تۇركىمەنستاننىڭ جان - جاقتى سەلبەستىگىنىڭ جول كارتاسى جاسالىپ، ءتۇيىندى سەلبەستىك سالالارى مەن الدىمەن سەلبەستىك جاساۋ بەتالىسى ايقىندالدى. ەكى جاق ەنەرگيا، تابيعي گاز سياقتى سالالارداعى سەلبەستىكتى ۇزدىكسىز ىلگەرىلەتىپ، «ءبىر بەلدەۋ، ءبىر جول» باستاماسىنىڭ تۇركىمەنستاننىڭ «جىبەك جولىن گۇلدەندىرۋ» ستراتەگياسىمەن ۇشتاسۋىن ىلگەرىلەتىپ، ەكى جاقتىڭ ءوزارا ءتيىمدى سەلبەستىگىنىڭ «بالكۇلشەسىن» بارعان سايىن ۇلعايتىپ، اناعۇرلىم كوپ تىڭ تابىستارعا قول جەتكىزىپ، ەكى ەل حالىقتارىنىڭ ىرىس - قۇتىن مولايتۋى كەرەك. قازىر حالىقارالىق جانە وڭىرلىك جاعداي كۇردەلى دە سەزىمتال بولۋدا، ەكى جاق كەلەلى ماسەلەلەر جونىندە دەر كەزىندە پىكىرلەسىپ، تىعىز سەلبەسىپ، ءوزارا قولداپ، ناعىز كوپ جاقتىلىقتا تاباندى بولىپ، حالىقارالىق قاتىناستىڭ دەموكراتيالانۋىن جانە حالىقارالىق ادىلدىك پەن ادىلەتتىلىكتى جەبەۋگە ۇلەس قوسۋى كەرەك.بەردىمۇحامەتوۆ پەن سەردار بەردىمۇحامەتوۆ تاياۋ جىلداردان بەرى تۇركىمەنستان - جۇڭگو قاتىناسىنىڭ دامۋىندا قول جەتكەن تابىستارعا جوعارى باعا بەرىپ، تۇركىمەنستاننىڭ جۇڭگومەن دوستىق سەلبەستىك ساياساتىن ۇزدىكسىز باتىل اتقاراتىندارىن، جۇڭگومەن بىرگە ۇزدىكسىز قۇلشىنىپ، ءار سالاداعى جان - جاقتى ناقتى سەلبەستىكتى بەلسەنە ىلگەرىلەتۋدى قالايتىندارىن، تۇركىمەنستان - جۇڭگو قاتىناسىنىڭ ونان ارى دامىپ، ەكى ەل حالىقتارىنا ءتىپتى دە زور باقىت جاراتاتىنىنا سەنەتىندەرىن ءبىلدىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
