عىلىم - تەحنيكادا جاڭالىق اشۋمەن ۇندەستىك تاۋىپ، ساپالى دامۋعا قوزعاۋشى كۇش ازىرلەدى
ءبىلىم مەنشىك ۇقىعى ىستەرى ورنىقتى ىلگەرىلەتىلدى (ورنىقتى قاداممەن العا باسىپ، جاڭا جاعداي جاراتايىق)
«حالىق گازەتىنىڭ» تىلشىلەرى گۋ يەكاي، لي گاڭ، چىڭ حۋان
2022.03.17 16:09 كەلۋ قاينارى : حالىق تورابى
جۇڭگو عىلىم اكادەمياسى تيانجين ونەركاسىپ بيو تەحنيكاسىن زەرتتەۋ ورنىنا كىرسەڭىز، ۇلكەن پاتەنت قابىرعاسى كوزگە شالىعادى، قابىرعاعا ءتۇرلى - ءتۇستى پاتەنت كۋالىگى ىلىنگەن: امين قىشقىلى، فەرمەنت دارىلەر، تابيعي ونىمدەر، ورگانيكالىق قىشقىلدار ... بيولوگيالىق جاساۋدى ۋاكىل ەتكەن جاڭالىق اشۋ تىزبەگى وسى ارادان ۇزدىكسىز كەڭەيىپ، ءدارى - دارمەك، حيميا ونەركاسىبى، ماتەريال، ەنەرگيا، قورشاعان ورتانى قورعاۋ سياقتى كاسىپ سالالارىن تۇتاستىرادى.
وسى زەرتتەۋ ورنى قازىرگە دەيىن جالپى ءبىر مىڭنان استام پاتەنت ۇقىعىن ءوتىنىش ەتىپ، 400 دەن استام پاتەنت ۇقىعىن الدى، تاپقىرلىق پاتەنتىنىڭ سالىستىرماسى %95 تەن استى؛ جيىنى 300 دەن استام پاتەنت توقتامى ساۋداسىن ورىستەتىپ، ساۋدا سوماسىن ءبىر ميلليارد 300 ميلليون يۋاننان اسىردى. ءبىلىم مەنشىك ۇقىعى مولشەرىنىڭ بىركەلكى جوعارىلاۋى وسى زەرتتەۋ ورنىنىڭ الدىڭعى لەكتىك تەحنيكادان قامال الۋدى جەدەلدەتىپ، عىلىم - تەحنيكا جەتىستىكتەرىن وندىرگىش كۇشكە اينالدىرۋدى بەلسەنە جەبەۋىنىڭ ىقشام كارتيناسىنا اينالدى.
باس شۋجي شي جينپيڭ بىلاي دەپ اتاپ كورسەتكەن بولاتىن: جاڭالىق اشۋ − دامۋعا جەتەكشىلىك ەتەتىن ءبىرىنشى قوزعاۋشى كۇش، ءبىلىم مەنشىك ۇقىعىن قورعاعاندىق − جاڭالىق اشۋدى قورعاعاندىق. ورتالىقتىڭ ەكونوميكالىق قىزمەت ماجىلىسىندە مىنالار العا قويىلدى: ءبىلىم مەنشىك ۇقىعىن قورعاۋدى كۇشەيتىپ، ءتۇرلى مەنشىكتەگى كاسىپورىندار باسەكەلەسە داميتىن تاماشا ورتا جاراتۋ كەرەك.
ەلىمىزدىڭ جاڭالىق اشا دامۋىنىڭ ماڭىزدى تۇزىمدىك كەپىلى رەتىندە ءبىلىم مەنشىك ۇقىعى باستان - اياق عىلىم - تەحنيكادا جاڭالىق اشۋمەن ۇندەستىك تاۋىپ، ساپالى دامۋعا سارقىلماس قوزعاۋشى كۇش ازىرلەدى. 2021 - جىلى ەلىمىزدە 696 مىڭ تاپقىرلىق پاتەنتىنە ۇقىق بەرىلىپ، جەدەل ارتۋ جاعدايى جالعاستى. 2021 - جىلدىڭ سوڭىنا دەيىن ەلىمىزدە جارامدى تاپقىرلىق پاتەنتىنىڭ مولشەرى 3 ميلليون 597 مىڭ بولىپ، مۇنىڭ ىشىندە ەل ىشىندەگى جارامدى تاپقىرلىق پاتەنتىنىڭ مولشەرى 2 ميلليون 704 مىڭ بولعان؛ PCT حالىقارالىق پاتەنت وتىنىشىنەن 73 مىڭى قابىلدانعان. دۇنيە جۇزىلىك ءبىلىم مەنشىك ۇقىعى ۇيىمى جاريالاعان «2021 - جىلعى دۇنيە جۇزىلىك جاڭالىق جاراتۋ كورسەتكىشى مالىمەتىندە» كورسەتىلۋىنشە، ەلىمىز دۇنيە ءجۇزى بويىنشا 12 - ورىندا تۇرعان.
ءبىلىم مەنشىك ۇقىعىنىڭ ساپاسى مەن ونىمدىلىگى جوعارىلادى
جيڭدۇڭفاڭ ءوندىرىس سەحىنا كىرسەڭىز، قاربالاستىققا تۇسكەن كورىنىستى بايقايسىز. مەحانيكالىق بىلەك بەزىلدەك قاناتىنا ۇقسايتىن اينەك تاقتانى كوتەرىپ، ءوندىرىس جەلىسىنىڭ باستالۋ نۇكتەسىنە جەتكىزۋدە. اۆتوماتتاندىرىلعان جابدىقتار جوعارى جىلدامدىقپەن جۇمىس جۇرگىزۋدە، 100 گە جۋىق جۇمىس تارتىبىنەن كەيىن اينەك تاقتالار ۇلكەندى - كىشىلى تەلەۆيزور ەكرانى، كومپيۋتەر ەكرانى، قول تەلەفون ەكرانى بولىپ شىعىپ جاتىر.
قازىر دۇنيە ءجۇزى بويىنشا ءار 4 دانا زەيىندىك ەكران تەرمينالىندا جيڭدۇڭفاڭنىڭ ءبىر ەكرانى بار. مۇنداي ناتيجە كاسىپورىننىڭ جاڭالىق اشۋ «گەنى» ارقىلى 70 مىڭنان استام پاتەنتتى يگەرىپ، دۇنيە جۇزىلىك ءبىلىم مەنشىك ۇقىعى ۇيىمىنىڭ پاتەنت جاعىنان قاتارعا تۇرعىزۋدا ءۇرتىس كوپ جىل دۇنيە ءجۇزى بويىنشا الدىڭعى 10 ورىندا تۇرۋىنان كەلىپ وتىر.
جۇڭگو عىلىم - تەحنيكانى دامىتۋ ستراتەگياسىن زەرتتەۋ ورنىنىڭ اعا زەرتتەۋشىسى ليۋ دۇڭ مىنانى ءبىلدىردى: «كاسىپ سالاسىندا جاڭالىق اشۋدىڭ كورنەكتى ەرەكشەلىكتەرىنىڭ ءبىرى − تاپقىرلىق پەن جاسامپازدىقتىڭ كوپتەپ جارىققا شىعۋى. الدىڭعى لەكتىك تەحنيكا سالاسىنداعى پاتەنت زاپاسى ۇزدىكسىز كۇشەيىپ، جارامدى تاپقىرلىق پاتەنتىنىڭ جىل شەگى قۇرىلىمى ۇزدىكسىز ساپالىلانىپ، ءبىلىم مەنشىك ۇقىعى قۇنىنىڭ بارعان سايىن بازاردىڭ مويىنداۋىنا يە بولىپ، ءبىلىم مەن تەحنيكانىڭ ءوندىرىس فاكتورىنداعى ورنىنىڭ ونان ارى جوعارىلاعانىن ايگىلەدى».
ەل ىشىندە تاپقىرلىق پاتەنتى بار كاسىپورىنداردىڭ سانى ورنىقتى ارتتى
«ءبىرىنشى پاتەنت ۇقىعىن ءوتىنىش ەتۋدەن 100 - پاتەنت ۇقىعىن ءوتىنىش ەتۋگە دەيىن، ءبىز 499 كۇن جۇمسادىق؛ 101 - پاتەنت ۇقىعىن ءوتىنىش ەتۋدەن 500 - پاتەنتكە دەيىن، ءبىز 528 كۇن عانا جۇمسادىق». جياڭسۋدىڭ سۋجوۋ قالاسىنا ورنالاسقان زەردەلى، تازا ونىمدەر سالاسىندا جاڭالىق اشقان كاسىپورىن − جۋيمي عىلىم - تەحنيكا سەرىكتەستىگىنىڭ قۇرۋشىسى يۇي حاۋ دامۋ بارىسىن تىلگە العاندا وسىنداي ءبىر توپ ناقتى ساندى مالىمەتتى ايتىپ بەردى.
جوعارى قارقىندى سيفرلى قوزعالتقىشتار زەردەلى تازا ونىمدەردىڭ تەتىگى سانالادى. 100 مىڭ اينالىستان 125 مىڭ اينالىسقا، ودان 150 مىڭ اينالىسقا، ودان 160 مىڭ اينالىسقا دەيىن، يۇي حاۋ قوسىندى باستاپ، جوعارى قارقىندى سيفرلى قوزعالتقىشتىڭ «جيەكتىك جىلدامدىعىنان» ۇزدىكسىز قامال الدى، سونداي - اق قۇرىلىم، اققىش دەنە، ماتەريال، ماشينا - ەلەكتردى مەڭگەرۋ، شۋىل سياقتى جاقتاردان 120 نەشە پاتەنتتى ىسكە قوستى. 2021 - جىلى 11 - ايدىڭ سوڭىنا دەيىن جۋيمي عىلىم - تەحنيكا سەرىكتەستىگى دۇنيە ءجۇزى بويىنشا جالپى ءبىر مىڭ 754 پاتەنت ءوتىنىشىن بەردى، مۇنىڭ ىشىندە تاپقىرلىق پاتەنت ءوتىنىشى 562 پارشا، PCT حالىقارالىق پاتەنت ءوتىنىشى 119 پارشا، ۇقىق بەرىلگەن پاتەنت سانى 859 پارشا بولدى.
كاسىپورىنداردى نەگىزگى تۇلعا، بازاردى جەتەكشى ەتكەن، ءوندىرۋ، وقىتۋ، زەرتتەۋ ءوزارا ۇشتاستىرىلعان تەحنيكالىق جاڭالىق اشۋ جۇيەسىنىڭ كۇن سايىن كەمەلدەنۋىنە بايلانىستى، ءتىپتى دە كوپ كاسىپورىن جاڭالىق جاراتۋ جاعىندا ىرىقتىلىق تانىتا باستادى. «عىلىم - تەحنيكادا جاڭالىق اشۋ قۋاتى ‹ىلەسۋ، قاتار ءجۇرۋ، باستاماشى بولۋ قاتار ءومىر سۇرۋگە› بۇرىلىس جاسادى، ءىشىنارا كاسىپورىندار تەحنيكانىڭ الدىڭعى لەگىنە قادام تاستادى، سونداي - اق جاڭالىق اشۋدى ءوزىنىڭ دامۋىنىڭ جان تامىرى ەتىپ، كاسىپورىنداردىڭ تاپقىرلىق پاتەنتىنە ءوتىنىش بەرۋ مولشەرىن، ۇقىق بەرۋ مولشەرىن بىردەي ارتتىردى» دەدى مەملەكەتتىك كەڭەس دامۋدى زەرتتەۋ ورتالىعىنىڭ اعا زەرتتەۋشىسى لۇي ۋەي.
2021 - جىلدىڭ سوڭىنا دەيىن ەلىمىزدە جارامدى تاپقىرلىق پاتەنتى بار كاسىپورىن 298 مىڭعا جەتىپ، 2020 - جىلدىڭ سوڭىنداعىدان 52 مىڭ كاسىپورىن كوبەيگەن. مۇنىڭ ىشىندە جوعارى، جاڭا تەحنيكالى كاسىپورىنداردىڭ ءبىر ميلليون 213 مىڭ جارامدى تاپقىرلىق پاتەنتى بار بولىپ، ەل ىشىندەگى كاسىپورىنداردىڭ جارامدى تاپقىرلىق پاتەنتى جالپى مولشەرىنىڭ %63.6 ىن ۇستاعان.
ءبىلىم مەنشىك ۇقىعىنىڭ قولدانىلۋى اناعۇرلىم كەڭەيدى«بۇرىن جەر، ءۇي - جاي سياقتى ءپىشىندى مال - مۇلىكتى كەپىلگە قويىپ قارىز اقشا الاتىنبىز. قازىر پاتەنت كاسىپورىنداردىڭ قارجى قۇراۋىنا كومەكتەسە الاتىن بولدى، ءبىلىم دە مال - مۇلىككە اينالدى» دەدى گۋاڭدۇڭ ولكەسى حۇيجوۋ قالاسى شوۋبەد سىمسىز عىلىم - تەحنيكا شەكتى جارنا سەرىكتەستىگىنىڭ قازىنا باس باقىلاۋشىسى حى ۋەي. 2021 - جىلى 1 - ايدا بۇل كاسىپورىننىڭ ءبىر توپ جاڭا ءونىمدى قاۋىرت ءوندىرۋى شۇعىل قاجەت بولعانىمەن، قارجى قيىنشىلىعىنا تاپ بولادى. قۇرىلىس بانكەسى گۋاڭدۇڭ ولكەسى حۇيجوۋ قالالىق بولىمشە بانكەسى پاتەنت ۇقىعىن كەپىلگە قويۋدى قوسىمشا كەپىل ەتىپ، سەرىكتەستىكتى 50 ميلليون يۋان قارىزبەن قامداپ، كاسىپورىننىڭ ءوندىرىستى ءساتتى جۇرگىزۋىنە كومەكتەسەدى.
ءبىلىم مەنشىك ۇقىعىنىڭ ءبىر جاعى جاڭالىق جاراتۋمەن، ەندى ءبىر جاعىنان بازارمەن ۇشتاسىپ جاتادى. تاياۋ جىلداردان بەرى ەلىمىزدىڭ ءبىلىم مەنشىك ۇقىعىنان پايدالانۋى اناعۇرلىم كەڭەيىپ، ءبىلىم مەنشىك ۇقىعىنىڭ قۇنىن ونان ارى ساۋلەلەندىرۋگە جاڭا جول ازىرلەندى. 2021 - جىلى بۇكىل ەل بويىنشا پاتەنت، تاۋار ماركاسىن كەپىلگە قويىپ قارجى قۇراۋعا تىزىمدەلۋ سوماسى 309 ميلليارد 800 ميلليون يۋانعا جەتىپ، سايكەس مەزگىلدەگىدەن %42 ارتتى.
گۇيجوۋدا وسى زامانعى تاۋلى وڭىردەگى ەرەكشەلىككە يە، جوعارى ءونىمدى اۋىل شارۋاشىلىعى جەدەل دامىپ، شاي، قىزىل بۇرىش، تىكەندى المۇرت سياقتى ەگىمشىلىك كولەمى بۇكىل ەل بويىنشا الدىڭعى قاتارعا ءوتتى. «ءبىز زەرتتەپ جاساعان ميكروورگانيزم دارىلەرىنەن پايدالانىپ، ەگىس دارىلەرىنىڭ قالدىعىنىڭ ىدىراۋ مولشەرىن زور مولشەردە جوعارىلاتتىق». گۇيجوۋ داشۋەسى اۋىل شارۋاشىلىق شۋەيۋانىنىڭ پروفەسسورى ۋ شياۋماۋ ۇنەمى ولكەدەگى ءىرى كاسىپ بازالارىنا بارىپ، ۇيىرمە باستاپ ەگىس داقىلدارىنىڭ دەرت - دەربەزىنەن، زياندى جاندىكتەرىنەن ساقتانۋدىڭ جاسىل جاڭا تەحنيكاسىن قولدانىپ، 2021 - جىلى 3 پاتەنت ۇقىعىن الدى. قازىر ول اۋىل شارۋاشىلىق ءوندىرىس قۇرال - جابدىقتارى كاسىپورىندارىمەن سەلبەستىك جاساۋدى اقىلداسۋدا، وسى پاتەنت تەحنيكالارىن وندىرىسكە تەزىرەك قولدانىپ، ءتىپتى دە كوپ شارۋانىڭ جەتىستىكتەردى كادەگە جاراتۋدىڭ ءدامىن تاتىپ كورۋىنە مۇمكىندىك جاساۋدى ءۇمىت ەتۋدە.
بەيجيڭ داشۋەسى حالىقارالىق ءبىلىم مەنشىك ۇقىعىن زەرتتەۋ ورتالىعىنىڭ مەڭگەرۋشىسى ي جيميڭ مىنانى ءبىلدىردى: «‹14 - بەسجىلدىقتىڭ› باستاماسى باستالدى، ءبىلىم مەنشىك ۇقىعىنىڭ سانى مەن ساپاسىنىڭ جوعارىلاۋىنا بايلانىستى، مەملەكەتتىڭ وزەكتى باسەكەلىك قۋاتى دا ونان ارى جوعارىلايدى، بۇل اناعۇرلىم ءونىمدى، اناعۇرلىم اشىق، اناعۇرلىم ءادىل، اناعۇرلىم حاۋىپسىز باياندى دامۋدى جۇزەگە اسىرىپ، حالىق بۇقاراسىنىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدا ماڭىزدى مانگە يە».
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
