ياڭ جيەچى ا ق ش زۇڭتۇڭىنىڭ مەملەكەت حاۋىپسىزدىگى ىستەرى كومەكشىسى ساليۆانمەن ديدارلاستى
2022.03.15 16:46 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 14 – كۇنى، ريم. سول جەر ۋاقىتى بويىنشا 3 - ايدىڭ 14 - كۇنى ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق سىرتقى ىستەر قىزمەتى كوميتەتى كەڭسەسىنىڭ مەڭگەرۋشىسى ياڭ جيەچى ا ق ش زۇڭتۇڭىنىڭ مەملەكەت حاۋىپسىزدىگى ىستەرى كومەكشىسى ساليۆانمەن يتاليانىڭ ريم قالاسىندا ديدارلاستى. ەكى جاق جۇڭگو - ا ق ش قاتىناسى، سونداي - اق ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە بۇكپەسىز، ىشكەرىلەي جانە سىندارلى پىكىرلەسىپ، ەكى ەل باسشىلارىنىڭ ورتاق تانىمىن بىرگە ويداعىداي تياناقتاندىرىپ، ءتۇسىنىسۋدى كۇشەيتىپ، الاۋىزدىقتاردى تىزگىندەپ، ورتاق تانىمدى كەڭەيتىپ، سەلبەستىكتى كۇشەيتىپ، جۇڭگو - ا ق ش قاتىناسىنىڭ اقاۋسىز، ورنىقتى دامۋىنىڭ دۇرىس ارناسىنا قايتا ورالۋىن ىلگەرىلەتۋگە شارت - جاعداي توپتاۋعا ماقۇل بولدى.
ياڭ جيەچى مىنانى ءبىلدىردى: ەكى ەل باسشىلارىنىڭ ورتاق تانىمىن تياناقتاندىرۋ − جۇڭگو - ا ق ش قاتىناسىنىڭ ەڭ ماڭىزدى مىندەتى. ءتوراعا شي جينپيڭ جاڭا داۋىردەگى جۇڭگو مەن ا ق ش ءوزارا قۇرمەت ەتۋ، بەيبىت قاتار تۇرۋ، سەلبەسىپ تەڭ يگىلىككە كەنەلۋ پرينسيبىندە تاباندى بولىپ، جۇڭگو - ا ق ش قاتىناسىنىڭ دامۋىنا ايقىن باعدار كورسەتۋ كەرەكتىگىن العا قويدى. بايدەن زۇڭتۇڭ بۇعان بەلسەنە جاۋاپ قايتارىپ، جاڭا قىرعي قاباقتىق سوعىس جۇرگىزبەۋ، جۇڭگونىڭ ءتۇزىلىسىن وزگەرتۋگە ۇرىنباۋ، وداقتىق قاتىناستى كۇشەيتۋ ارقىلى جۇڭگوعا قارسى تۇرۋعا ۇرىنباۋ، «تايۋان تاۋەلسىزدىگىن» قولداماۋ، جۇڭگومەن قارسىلاسۋ ويىندا بولماۋ سياقتى ماڭىزدى ۋادەلەردى بەردى. جۇڭگو جاق باستان - اياق ءتوراعا شي جينپيڭ العا قويعان ءۇش پرينسيپ بويىنشا جۇڭگو - ا ق ش قاتىناسىنا مامىلە جاسايدى جانە ونى ءبىر جاقتى ەتەدى. ا ق ش - تىڭ بايدەن زۇڭتۇڭنىڭ ۋادەسىن ناقتاپ تياناقتاندىرۋىن ءۇمىت ەتەمىن. قازىرگى حالىقارالىق جاعدايدا جۇڭگو مەن ا ق ش - تىڭ پىكىرلەسۋ مەن سەلبەستىكتى كۇشەيتىپ، الاۋىزدىقتاردى ۇيلەسىمدى تىزگىندەپ، قاقتىعىستان، قارسىلاسۋدان ساقتانۋى جۇڭگو مەن ا ق ش حالىقتارىنىڭ مۇددەسىنە، حالىقارالىق قوعامنىڭ تىلەگىنە جانە دۇنيە ءجۇزى حالىقتارىنىڭ مۇددەسىنە ۇيلەسەدى.
ياڭ جيەچى مىنانى دارىپتەدى: تايۋان ماسەلەسى جۇڭگونىڭ يەلىك ۇقىعى مەن تەرريتوريا تۇتاستىعىنا سايادى. ا ق ش جاق جۇڭگو مەن ا ق ش - تىڭ ءۇش بىرلەسكەن مازمۇنداماسىندا تەك ءبىر عانا جۇڭگو بار ەكەنىن، ءىبر جۇڭگو پرينسيپى جۇڭگو مەن ا ق ش - تىڭ ديپلوماتيالىق قاتىناس ورناتۋىنىڭ العى شارتى ءارى جۇڭگو - ا ق ش قاتىناسىنىڭ ساياسي نەگىزى ەكەنىن ايقىن مويىندادى. وسى كەزەكتى ا ق ش ۇكىمەتى تايۋان ماسەلەسىندە ءبىر جۇڭگو ساياساتىندا تاباندى بولۋ، «تايۋان تاۋەلسىزدىگىن» قولداماۋ جونىندە ۋادە بەردى، ءبىراق ارەكەت پەن پوزيتسيا ايقىن سايكەسپەدى. جۇڭگو تاياۋ مەزگىلدەگى ا ق ش – تىڭ تايۋانعا ساياتىن ماسەلەلەردەگى ءبىرقىدىرۋ قاتە ءسوز – ارەكەتىنە ايرىقشا كوڭىل بولەتىندىگىن جانە باتىل قارسى تۇراتىندىعىن ءبىلدىردى. «تايۋان تاۋەلسىزدىگىن» قولدايتىن ءارقانداي بولشەكتەۋشى كۇشتەر، «تايۋان قارتاسىن» ويناپ، «تايۋان ارقىلى جۇڭگونى شاۋجايلاماق بولۋ» قاسكۇنەمدىگىنىڭ بارلىعى ىسكە اسپايدى. جۇڭگو ا ق ش - تان تايۋان ماسەلەسىنىڭ وسكەلەڭ سەزىمتالدىعىن جىعا تانىپ، ءبىر جۇڭگو پرينسيبىنە، جۇڭگو مەن ا ق ش - تىڭ ءۇش بىرلەسكەن مازمۇنداماسىنداعى بەلگىلەمەلەرگە جانە ا ق ش - تىڭ بەرگەن ۋادەسىنە قاتاڭ بويسۇنىپ، توتەنشە حاۋىپتى جولمەن بارعان سايىن الىستاماۋىن تالاپ ەتەدى.
ياڭ جيەچى شينجياڭعا، شيزاڭعا، شياڭگاڭعا ساياتىن ماسەلەلەر جونىندە جۇڭگونىڭ قاتاڭ مايدانىن ءتۇسىندىرىپ، بۇل ماسەلەلەردىڭ جۇڭگونىڭ وزەكتى مۇددەسىنە ساياتىنىن، جۇڭگونىڭ ىشكى ءىسى ەكەنىن، سىرتقى كۇشتەردىڭ كيلىگۋىنە جول بەرىلمەيتىنىن، وسى ارقىلى جۇڭگوعا سوققى بەرۋ قاسكۇنەمدىگىنىڭ قاندايى بولسا دا جەڭىلىسكە ۇشىرايتىنىن اتاپ كورسەتتى. ياڭ جيەچى بىلاي دەپ اتاپ كورسەتتى: پارىقتاردى ساقتاپ، ورتاقتىققا ۇمتىلۋدان جازباي، الاۋىزدىقتاردى ۇيلەسىمدى ءبىر جاقتى ەتۋ نەگىزىندە سەلبەستىك كوپىرىن ورناتۋ − «شاڭحاي مازمۇنداماسى» جاريالانعان 50 جىلدان بەرى امالياتتىڭ سىنىنان وتكەن جۇڭگو مەن ا ق ش - تىڭ دۇرىس قارىم - قاتىناس جولى. ەكى جاق تاريحتى اينا ەتىپ، ءوزارا قۇرمەت ەتۋدىڭ العى شارتىن يگەرىپ، بەيبىت قاتار تۇرۋدىڭ تومەنگى شەگىنەن جازباي، سەلبەسىپ تەڭ يگىلىككە كەنەلۋدىڭ تەتىگىن مىقتى يگەرۋى كەرەك.
ەكى جاق تاعى ۋكراينا، چاۋشيان يادروسى، يران يادروسى، اۋعانستان قاتارلى حالىقارالىق، وڭىرلىك ماسەلەلەر جونىندە پىكىر الماستىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
