بيىلعى شينجياڭ ونەركاسىپ - ەكونوميكا قىزمەتىنىڭ تۇيىندەرى تۇراقتاندىرىلدى
8 جاقتان كۇش شىعارىپ، ورنىقتى ارتۋ نەگىزىن بەكەمدەيدى
2022.03.14 16:44 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ما ينيڭ 3 - ايدىڭ 9 - كۇنى ۇرىمجىدەن حابارلايدى. اۆتونوميالى رايون اشقان 2022 - جىلعى ونەركاسىپ جانە ينفورماتسيالاندىرۋ قىزمەتى ماجىلىسىنەن ۇعىسۋىمىزشا، بيىل اۆتونوميالى رايون ءتۇيىندى كاسىپ سالالارىن، نىسانداردى، كاسىپورىنداردى ارقاۋ ەتىپ، ارتۋدى ورنىقتىرۋعا كۇش سالىپ، كاسىپ سالالارىنىڭ باسەكەلىك قۋاتىن 8 جاقتان ۇزدىكسىز جوعارىلاتىپ، ونەركاسىپتىڭ ماكرولىق ەكونوميكانىڭ جالپى جاعدايىن ورنىقتىرۋداعى نەگىزگى قوسىندىق رولىن تولىق ساۋلەلەندىرەدى ەكەن.
بۇل 8 جاق جەكە - جەكە مىنالار: ونەركاسىپتىڭ ورنىقتى ارتۋ كەشەندى شارالارىن جاقسى جۇرگىزىپ، ونەركاسىپ ارتۋىنىڭ جاڭا قوزعاۋشى كۇشىن قالىپتاستىرۋ؛ ەرەكشە باسىمدىققا يە كاسىپ سالالارىن ناقتى جۇرگىزىپ، تىڭعىلىقتى جۇرگىزىپ، تيبىن وزگەرتىپ دارەجەسىن جوعارىلاتۋدىڭ جاڭا نەگىزىن كۇشەيتۋ؛ حالىق تۇرمىسىنا ەتەنە جاناسىپ ەڭبەك شوعىرلانعان كاسىپ سالالارىن ساپالىلاندىرىپ، كۇشەيتىپ، جۇمىستاندىرىپ كىرىستى ارتتىرۋدىڭ تىڭ دەڭگەيگە كوتەرىلۋىن جەبەۋ؛ كاسىپ سالاسى تىزبەگىنىڭ، قامداۋ تىزبەگىنىڭ ارتىقشىلىعىن قالىپتاستىرىپ، جاڭالىق اشا دامۋدىڭ جاڭا قوزعاۋشى قۋاتىن جەتىلدىرۋ؛ سيفرلى ەكونوميكانىڭ كولەمىن دامىتىپ، زورايتىپ، سيفرلانۋعا قاراي تيبىن وزگەرتۋدىڭ جاڭا مۇمكىندىگىن توپتاۋ؛ ورتا، شاعىن كاسىپورىندار دامۋىنداعى اقاۋلى تۇيىندەردى جويىپ، بازار تۇلعاسىنىڭ جاڭا ومىرشەڭدىگىن قاۋلاتۋ؛ ونەركاسىپ سالاسىندا كومىر قىشقىل گازىنىڭ شىعارىلۋىن جوعارعى شەكتەن اسىرماۋدى تارتىپپەن ىلگەرىلەتىپ، ەنەرگيا ۇنەمدەپ كومىر قىشقىل گازىنىڭ شىعارىلۋىن ازايتۋ جاڭا جاعدايىن اشۋ؛ حاۋىپسىزدىك قىزىل سىزىعىن، تومەنگى شەگىن مىقتاپ ساقتاپ، حاۋىپسىزدىكتى قامتاماسىز ەتۋدىڭ جاڭا ىسكەرلىگىن ايگىلەۋ.
اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ باستىعى نيجات سىمايىل مىنالاردى ءبىلدىردى: بيىل رايونىمىز جۇڭگو − ەۆروپا كەزەكشى پويەزدارىنىڭ جوعارى ساپالى قاتىناۋىن كۇش سالا ىلگەرىلەتىپ، تۇتاس جىلدا جونەلتىلەتىن كەزەكشى پويەزداردى 1200دەن اسىرۋعا كۇش سالادى. قارجى قوسۋ كولەمى ۇلكەن، ۇلگىلىك، جەتەكتەۋ قۋاتى كۇشتى، جۇمىستاندىرۋدى جەبەۋى كورنەكتى 50 كەلەلى نىساندى الدىمەن تاڭداپ، ءتۇيىندى نىساندار قامباسىن قۇرىپ، ىرىقتىلىقپەن قاداعالاي قىزمەت وتەپ، سايكەسە ىلگەرىلەتۋدى كۇشەيتىپ، نىسانداردىڭ الدىڭعى مەرزىمدىك دايىندىق قىزمەتىن تىڭعىلىقتى ويداعىداي ىستەپ، نىسانداردىڭ جۇمىس باستاۋ مولشەرىن جوعارىلاتىپ، قارجى قوسۋ جىلدامدىعىن تەزدەتىپ، ”ءبىر توبىنىڭ جۇمىسىن باستايدى، ءبىر توبىن زاپاس ساقتايدى، ءبىر توبىن جوبالايدى“. مۇناي، كومىر سياقتى بايلىق، ەنەرگيا باسىمدىعىن تولىق ساۋلەلەندىرىپ، وزىندىك ەرەكشەلىككە يە جاسىل، تومەن كومىر قىشقىل گازدى اينالمالى ەكونوميكالىق كاسىپ سالاسى شوعىرىن قالىپتاستىرادى. ستراتەگيالىق سيپاتتى جاڭادان گۇلدەنگەن كاسىپ سالالارىنىڭ جاڭالىق اشا دامۋىن ىلگەرىلەتىپ، كرەمني نەگىزدى جاڭا زاتتىق ماتەريالداردىڭ دامۋىن ءتۇيىندى ىلگەرىلەتەدى. سونىمەن بىرگە ءىرى كاسىپورىنداردىڭ، ءىرى توپتاردىڭ دەم بەرۋ رولىن ساۋلەلەندىرىپ، تىزبەكتى ۇزارتاتىن، تىزبەكتى تولىقتايتىن، تىزبەكتى كەڭەيتەتىن، تىزبەكتى كۇشەيتەتىن نىسانداردى ىرگە تەبۋگە باۋراپ، مۇناي حيميا ونەركاسىبىن، كومىر حيميا ونەركاسىبىن ۋاكىل ەتكەن ءبىر توپ كاسىپ سالاسى شوعىرىن قالىپتاستىرادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
