شينجياڭدى زاڭمەن باسقارۋعا تاباندى بولىپ، زاڭمەن باسقارىلاتىن شينجياڭ قۇرامىز
2022.03.14 15:53 كەلۋ قاينارى : شينجياڭ گازەتى
كەدەيلەردى دالمە - ءدال سۇيەمەلدەۋدى، كەدەيلىكتەن دالمە - ءدال ارىلتۋدى جاپپاي تياناقتاندىرىپ، وڭتۇستىك شينجياڭ ءوڭىرىن كەدەيلىكتەن ارىلتۋدان قامال الۋدىڭ نەگىزگى شايقاس مايدانى ەتىپ، اۋىل - قىستاقتارداعى بەيقۇت ءۇي مەن كوشپەلى مالشىلاردى وتىرىقتاندىرۋ ينجەنەرياسىن، قالا - قالاشىقتارداعى قامتاماسىز ەتۋ سيپاتىنداعى بەيقۇت ءۇي ينجەنەرياسىن ويداعىداي جۇرگىزىپ، ەگىن، مال شارۋاشىلىق وڭىرلەرى مەن شەكارا وڭىرلەردىڭ نەگىزدىك الەۋمەتتىك قىزمەت وتەۋىن كەمەلدەندىرىپ، ءار ۇلت بۇقاراسىن اناعۇرلىم جاقسى تۇرمىسقا كەنەلتۋگە قۇلشىنۋ كەرەك.
− شي جينپيڭ
□ انار بۇلت / شينجياڭ گازەتىنىڭ ءتىلشىسى جاڭ جىلي
كۇنلۇن تاۋىنىڭ باۋرايى، تارىم وزەنىنىڭ ەكى جاعاسى، جىل سايىن شىت جاڭا تۇسكە ەنىپ كەلەدى.
5 جىلدىڭ الدىندا باس شۋجي شي جينپيڭ 12 - كەزەكتى مەملەكەتتىك حالىق قۇرىلتايىنىڭ 5 - ماجىلىسىنە قاتىناسقان شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا: ”وڭتۇستىك شينجياڭ ءوڭىرىن كەدەيلىكتەن ارىلتۋدان قامال الۋدىڭ نەگىزگى شايقاس مايدانى ەتۋ كەرەك“، - دەپ اتاپ كورسەتكەن ەدى. 5 جىلدان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قامقورلىعىندا، بۇكىل ەل حالقىنىڭ بار كۇشپەن قولداۋىندا، بۇكىل ەلدەگى ”ءۇش ءوڭىر، ءۇش وبلىس“ قاتارىنداعى اۋىر كەدەي وڭىرلەردىڭ ءبىرى رەتىندە، وڭتۇستىك شينجياڭداعى 4 ايماق - وبلىستىڭ وڭىرلىك سيپات العان تۇتاستاي كەدەيلىگى تۇبەگەيلى جويىلدى ءارى كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدىڭ جاڭا جورىعىندا ەكپىندەي ىلگەرىلەپ كەلەدى.
مىڭ جىلعا جالعاسقان كەدەيلىككە قوش ايتىپ، بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا قادام تاستاپ، قالا، اۋىلدىڭ بەت - بەينەسى كۇن سايىن جاڭالانىپ، كىرىستى ارتتىرۋ ارناسى ۇزدىكسىز كەڭەيىپ، تۇرمىس دەڭگەيى دە بارعان سايىن جوعارىلاپ، وسى زامانعى وركەنيەتتىڭ جاڭا لەبى ەستى... ادامدار: ”وڭتۇستىك شينجياڭنىڭ دامۋى، وزگەرىسى، دامۋ كومەسكى كۇشى ويلاعانىمىزدان دا ەرەك بولدى“ دەپ سۇيىنە تاڭ قالدى.
”بۇقارانىڭ تۇرمىسى بارعان سايىن شالقىدى“
”بۇرىن پۋتۇڭحۋانى جاقسى سويلەي المايتىنمىن، باس شۋجيگە كوپ سوزدەر ايتقىم كەلگەنىمەن، الايدا، بەينەلەپ جەتكىزە المادىم، قازىر پۋتۇڭحۋا ورەم جوعارىلادى، مەن ’بۇگىنگى كۇندەرى بۇقارانىڭ ىستەيتىن جۇمىسى، قالتاسىندا اقشاسى بار، تۇرمىستارى دا بارعان سايىن شالقىپ كەلەدى‘ دەپ ايتقىم كەلەدى“، - دەدى 3 - ايدىڭ 3 - كۇنى شەريا اۋدانى شەريا اۋىلى باش ۇجمە قىستاعى پارتيا ياچەيكاسىنىڭ شۋجيى مامەترەيىم ءمامتيمىن.
مامەترەيىم 12 - كەزەكتى مەملەكەتتىك حالىق قۇرىلتايىنىڭ ۋاكىلى. 2017 - جىلى 3 - ايدىڭ 10 - كۇنى باس شۋجي شي جينپيڭ 12 - كەزەكتى مەملەكەتتىك حالىق قۇرىلتايى 5 - ماجىلىسىندە شينجياڭ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا، ول باس شۋجيدى ءبىرىنشى رەت جاقىننان كوردى. ”باس شۋجي مەنەن اۋىل - قىستاقتىڭ ەگىستىك جەر، ەگىمشىلىك جاعدايى سياقتىلاردى سۇراعاندا مەن تەرەڭ قامقورلىق پەن مەيىرىمدى سەزىندىم“. 5 جىلدىڭ الدىنداعى حالىق سارايىنداعى سول كورىنىستى ەسكە السا بولعانى، مامەترەيىم كۇنى بۇگىنگە دەيىن ەرىكسىز تەبىرەنىپ كەتەدى.
مەملەكەتتىك ەكى ءماجىلىس اياقتاعاننان كەيىن، مامەترەيىم باس شۋجيدىڭ شىنايى قامقورلىعى مەن ىقىلاستى تاپسىرماسىن ارقالاپ اۋىلىنا ورالدى، اۋىلداستاردىڭ كەدەيلىكتەن ارىلىپ بايۋعا، دوڭگەلەك داۋلەتتىلىككە ۇمتىلۋ سەنىمى مەن ارىنى اناعۇرلىم نىعايا ءتۇستى. سودان باستاپ، باش ۇجمە قىستاعى ەرەكشە جەمىس ورمانىنىڭ ساپاسىن ءوسىرىپ، ونىمدىلىگىن جوعارىلاتۋ جونىندە تەحنيكالىق باۋلۋ ۇيىمداستىرىپ، ءار مۋ جەردەگى اناردىڭ ءتۇسىمىن 200 نەشە كيلوگرام ارتتىردى؛ قىستاق انار شارابىن مانەرلەۋ سياقتى كاسىپورىنداردى ەنگىزىپ، 180 نەشە ادامدى ەسىك الدىندا جۇمىستاندىرۋ ماسەلەسىن شەشتى؛ جول جاساۋ، بەيقۇت ءۇي قۇرىلىسى، اۋلالاردى وزگەرتىپ سالۋ، كومىردى ەلەكترگە وزگەرتۋ ينجەنەرياسى، كۇن نۇرى ەنەرگياسىمەن جول شىراقتارىن جارىقتاندىرۋ، قوقسىقتاردى تۇرگە ايىرىپ ءبىر جاقتى ەتۋ سياقتى حالىق تۇرمىسى نىساندارى ىلگەرىندى - كەيىندى شوعىرلى اتقارىلدى...
2019 - جىلى قۇمدى ءشولدىڭ جيەگىندەگى وسى كەدەي قىستاق تۇتاستاي كەدەيلىكتەن ارىلدى؛ 2021 - جىلى باش ۇجمە قىستاعىنىڭ جان باسىندىق ورتاشا تازا كىرىسى 2016 - جىلعى 4000 يۋاننان استامىنان 14 مىڭ يۋاننان استامعا ارتىپ، ەگىنشى وتباسىلارىنىڭ تەڭ جارتىسىنان استامى جەڭىل اۆتوكولىك ساتىپ الدى.
اۆتوكولىگىن جۇرگىزىپ بارلىق جەردە قىستاق تۇرعىندارىنا ۇگىت لەكسيا جاساپ جۇرگەن مامەترەيىم بارعان جەرىنىڭ بارىندە كوپتەگەن وزگەرىستەردى بايقادى. 2016 - جىلدان 2018 - جىلعا دەيىن بۇكىل شينجياڭدا 10 كەدەي اۋداننىڭ ىركەس - تىركەس كەدەيلىك قالپاعى الىندى؛ 2019 - جىلى 12 كەدەي اۋداننىڭ كەدەيلىك قالپاعى الىندى؛ 2020 - جىلى ەڭ سوڭعى 10 كەدەي اۋداننىڭ كەدەيلىك قالپاعى الىنىپ تاستالدى. كەريا اۋەجايىندا ۇشاق قاتىنادى، ياركەن − حوتان Ⅱقايتىمدى 750 كيلوۆولت سياقتى ەلەكتر جەتكىزۋ، كەرنەۋ وزگەرتۋ ينجەنەرياسى سالىنىپ ءبىتىپ پايدالانۋعا بەرىلدى، وڭتۇستىك شينجياڭداعى 892 مىڭ ەگىنشى - مالشى وتباسى تازا ەنەرگيادان پايدالاندى... مامەترەيىمنىڭ ۇگىت لەكسياسىندا كورسەتىلگەن قۋانارلىق ساندى مالىمەتتەر مەن اسەرلى ىستەر بارعان سايىن كوبەيۋدە.
”پارتيانىڭ ابزال ساياساتى تۇكپىر - تۇكپىرگە دەيىن جەتتى“
باس شۋجي شي جينپيڭ ورتاعا قويعان ”اۋىل - قىستاقتارداعى بەيقۇت ءۇي مەن كوشپەندى مالشىلاردى وتىرىقتاندىرۋ ينجەنەرياسىن ويداعىداي اتقارۋ“، ”ەگىن، مال شارۋاشىلىق وڭىرلەرى مەن شەكارا وڭىرلەردىڭ نەگىزدىك الەۋمەتتىك قىزمەت وتەۋىن كەمەلدەندىرۋ“ 5 جىلدان بەرى وڭتۇستىك شينجياڭداعى ەگىنشى - مالشىلاردىڭ تامسانا ايتاتىن تاقىرىبىنا اينالدى.
”كوپشىلىكتىڭ ەڭ تەرەڭ اسەر العان جەرى وڭتۇستىك شينجياڭنىڭ شەكارا وڭىرلەرىنىڭ جاعراپيالىق ورنى سالىستىرمالى شالعاي، كليمات شارت - جاعدايى سالىستىرمالى ناشار، نەگىزدىك قۇرىلعىلارى سالىستىرمالى ءالسىز بولعانىمەن، ءبىراق پارتيانىڭ ابزال ساياساتى كوكتەم سامالىنداي تۇكپىر - تۇكپىرگە جەتىپ، تياناقتانىپ، تەرەڭ تامىر تارتتى“، - دەدى مەملەكەتتىك حالىق قۇرىلتايىنىڭ ۋاكىلى، ونسۋ اۋدانى تۇمسىق قالاشىعى پارتكومىنىڭ شۋجيى لياۋ چاۋياڭ.
تۇمسىق قالاشىعىن مىسالعا الساق، ”جەتى ءبىر توپ“، ”ءۇش سەرپىندى ارتتىرۋ“ قامال الۋ شارالارى، اۋىل - قىستاقتىڭ بەيقۇت ءۇي ينجەنەرياسى، قونىس جاڭالاپ كەدەيلەردى سۇيەمەلدەۋ ينجەنەرياسى سياقتى حالىق تۇرمىسى ينجەنەريالارىنىڭ اتقارىلۋى كەدەي ەگىنشى - مالشىلاردىڭ كەدەيلىكتەن ارىلۋ قادامىن جەدەلدەتتى. 2019 - جىلدىڭ سوڭىندا تۇمسىق قالاشىعى كەدەيلىك قالپاعىن تۇتاستاي الدى. وسىدان كەيىن اۋىل - قىستاق تۇرعىندارىنىڭ قونىستانۋ ورتاسىن رەتتەۋ - جونگە سالۋ ينجەنەرياسىن ۇزدىكسىز ورىستەتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى سەرپىندى ارتتىرا ىلگەرىلەتتى.
”بىلتىر ءبىز جەدەل جولدامالاردى قىستاققا جەتكىزۋ، ەمدەۋ - دەنساۋلىق ساقتاۋ، ەمدەۋدى قامتاماسىز ەتۋ، نەگىزدىك قۇرىلعىلاردىڭ دەڭگەيىن جوعارىلاتۋ، تۇرعىن ءۇيدىڭ دارەجەسىن ءوسىرۋ جاقتارىنا ۇزدىكسىز كۇش سالىپ، حالىققا تيىمدىلىك جەتكىزۋ ساياساتتارىنىڭ تياناقتانىپ، ونىمدىلىگىن كورسەتۋىنە شىنايى كەپىلدىك ەتتىك“. لياۋ چاۋياڭ بىلاي دەدى: قازىر تۇمسىق قالاشىعىنىڭ 12 قىستاعىندا ”جۇڭگو پوچتا بەكەتى + اۋىل (قالاشىق) تاسىمالعا قىزمەت وتەۋ پۋنكتى ماڭدايشالىعىن ءىلۋ“ قىزمەتى ورىندالىپ بولدى؛ قۇبىر سۋى، وندىرىسكە پايدالانىلاتىن ەلەكتر، قاتتىلاندىرىلعان جول، حابارلاسۋ تورابى قاتارلىلاردىڭ وتباسىلارىنا جەتكىزىلۋ سالىستىرماسى ％100كە جەتتى...
لياۋ چاۋياڭ بىلاي دەدى: شەكارانى گۇلدەندىرىپ، حالىقتى بايىتۋ ارەكەتى مەن اۋىل - قىستاقتى گۇلدەندىرۋ ستراتەگياسىنىڭ ارقاسىندا وڭتۇستىك شينجياڭداعى ەگىن، مال شارۋاشىلىق وڭىرلەرى مەن شەكارا وڭىرلەردىڭ نەگىزدىك قۇرىلعىلارى جانە الەۋمەتتىك قىزمەت وتەۋ جۇيەسى ۇزدىكسىز كەمەلدەندى. بۇگىنگى كۇندە شەكارا وڭىرلەردىڭ ەرەكشە جاراتىلىستىق كورىنىستەرى، تابيعي ەكولوگيالىق اۋىل شارۋاشىلىعى ونىمدەرى، قاراپايىم ۇلتتىق سالت - سانا سياقتىلاردىڭ ءبارى ەرەكشە كاسىپ سالاسىن دامىتۋدىڭ ءتيىمدى شارت - جاعدايىنا اينالىپ، تۇمسىق قالاشىعىنىڭ ساياحات كاسىپ سالاسى تەز قارقىنمەن دامۋدا.
”بۇل ارا قونىستانۋعا، كاسىپ ىستەۋگە قولايلى جاقسى جەر“
”بىلتىر ارناۋلى كۋرستى تاۋىسقان سوڭ اۋىلىم ياركەن اۋدانىنا قايتۋدى تاڭدادىم، سەبەبى بۇل ارا ’كوركەم‘، كاسىپ سالالارى شوعىرلى ورنالاسقان، دامۋ كومەسكى كۇشى زور، قونىستانۋعا، كاسىپ ىستەۋگە قولايلى جاقسى جەر“، - دەدى 3 - ايدىڭ 4 - كۇنى ياركەن اۋدانى تاعارشى قالاشىعىنداعى وسى زامانعى اۋىل شارۋاشىلىعىنان ۇلگى كورسەتۋ باقشاسىنا ورنالاسقان شينجياڭ شياۋفىڭ اۋىل شارۋاشىلىعىندا جاڭالىق اشۋ، دامىتۋ شەكتى سەرىكتەستىگىنىڭ 2 - مەرزىمدىك زاۆودىندا زاۆود كەڭسەسىنىڭ مەڭگەرۋشىسى ديلنار روزى ماقتانىشپەن.
ياركەن اۋدانى ءداستۇرلى ءىرى اۋىل شارۋاشىلىق اۋدانى، شينجياڭداعى حالىق سانى ەڭ كوپ اۋدان، وتكەندە كەدەيلىكتەن ارىلتۋدان قامال الۋداعى ەڭ قيىن ”ماشاقاتتى ءتۇيىننىڭ“ ءبىرى بولاتىن. ديلنار ياركەن اۋدانى ىگەرشى قالاشىعى دوۋاساراي قىستاعىنىڭ تۇرعىنى، قىستاق اۋدان قالاشىعىنا نەبارى 10 نەشە كيلومەتر جەردە بولعانىمەن، ىلگەرىدە جول قاتىناس، ەكونوميكالىق شارت - جاعداي شەكتەمەسىنە ۇشىراعاندىقتان، قىستاق تۇرعىندارىنىڭ قالاعا بازارعا بارۋى قيىن بولاتىن. بۇرىن ول ەرجەتكەننەن كەيىن، ءسوز جوق، وسى ”كەدەي لاشىقتان“ شىعىپ كەتسەم دەپ ارمانداۋشى ەدى.
”2017 - جىلى سىرتقا وقۋعا كەتتىم، ءار جولى قىسقى، جازعى دەمالىسقا تاراپ كەلگەنىمدە تاڭ - تاماشا بولۋمەن بىرگە، توسىرقاپ قالۋشى ەدىم. اۋىل - قىستاقتىڭ كونە بەت - بەينەسى جاڭارىپ، قىستاق تۇرعىندارىنىڭ يدەيالىق كوزقاراسى دا وزگەرگەن“. ديلنار وقۋ تاۋىسقاننان كەيىن، ەش ويلانباستان اۋىلىنداعى كاسىپورىندى تاڭداعاندىعىن ايتتى.
قازىر ديلناردىڭ ءار ايداعى ەڭبەكاقىسى 4000 يۋاننان اسادى. كاسىپتىك قىزمەتىن ويداعىداي ىستەۋمەن بىرگە، ول ينتەرنەت جەلىسىندە جانە ينتەرنەت جەلىسىنەن تىسقارى ونىمدەردى ساتۋدى دا سىناپ كوردى. ديلنار بىلاي دەدى: كاسىپتەن سىرتقى ۋاقىتتارىمدا وڭتۇستىك شينجياڭدا جۇمىستانعان ساباقتاستارىممەن حابارلاسىپ تۇرامىن، ”قازىر وڭتۇستىك شينجياڭ وڭىرىندە مەن سياقتى كوپتەگەن جاستار ءوز اۋىلدارىندا قالىپ، اۋىلىن كوركەيتۋگە پەيىلدىلىك تانىتۋدا، كوپشىلىك بولاشاق تۇرمىسقا ەرەكشە ءۇمىت ارتادى“.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
