ۋاكىل سۇي جيانمەي: وقىتۋشىلىق ستاجى قوسىمشا قاراجات ولشەمىن جوعارىلاتۋعا ۇندەدى
2022.03.11 14:14 كەلۋ قاينارى : حالىق تورابى
سۇي جيانمەي نەگىزگى ساتىدان كەلگەن مەملەكەتتىك حالىق قۇرىلتايىنىڭ ۋاكىلى، انحۇي ولكەسى بىڭبۋ قالالىق 1 ـ تاجىريبە مەكتەپ وقۋ ـ اعارتۋ توبى پارتكومىنىڭ شۋجيى، باس مەكتەپتىڭ باستىعى رەتىندە، سۇي جيانمەي كۇندەلىكتى قىزمەتتە ۇنەمى وقىتۋشىلارمەن قارىم ـ قاتىناس جاسايدى، سونداي ـ اق بىرەۋلەر ودان ۇنەمى: «سۇي مۇعالىم، ءسىز نازار اۋدارىپ وتىرعان وقىتۋشىلىق ستاجىنا بەرىلەتىن قوسىمشا قاراجاتتا كەيىنگى ىلگەرىلەۋشىلىكتەر بولدى ما؟» دەپ سۇرايدى.
بەس جىلدىق مىندەت وتەۋ مەرزىمىندە سۇي جيانمەي وقىتۋشىلاردىڭ وقىتۋشىلىق ستاجى قوسىمشا قاراجاتىن جوعارىلاتۋدى ۇسىنىس ەتۋ جونىندە ءۇرتىس 3 جىل ۇسىنىس قويعان بولاتىن. سۇي جيانمەي 4 - رەت ۇسىنىس تاپسىرماقشى بولعاندا، 3 - ايدىڭ 8 - كۇنى «وقۋ - اعارتۋ مينيسترلىگىنىڭ 2022 - جىلعى قىزمەت تۇيىندەرى» جاريالاندى، وندا «ەڭبەكاقى مامىلەسىن قامتاماسىزداندىرۋدى كۇشەيتىپ، وقىتۋشىلىق ستاجىنا بەرىلەتىن قوسىمشا قاراجات ولشەمىن جوعارىلاتۋ» ايقىن ورتاعا قويىلدى، سۇي جيانمەي قۋانىشپەن بىلاي دەدى: «بۇل وقۋ ستاجىنا بەرىلەتىن قوسىمشا قاراجات ولشەمىن جوعارىلاتۋدان دەرەك بەرەدى!» دەدى.
وقىتۋشىلاردىڭ وقۋ ستاجى قوسىمشا قاراجاتى وتكەن عاسىردىڭ 80 - جىلدارىنان باستاپ مەملەكەتتىڭ ورتا، باستاۋىش مەكتەپ وقىتۋشىلارىن ۇزاق ۋاقىت وقىتۋمەن شۇعىلدانۋعا شابىتتاندىرۋ ءۇشىن تاراتقان قىزمەت ورنى قوسىمشا قاراجاتى. وتكەن ءتورت جىلدا قاتىستى تاراۋلار سۇي جيانمەيگە ارنايى تۇسىنىك بەرىپ، جاۋاپ قايتارىپ، وعان وقۋ ستاجى قوسىمشا قاراجاتىنان سىرت، وقىتۋشىلاردىڭ قىزمەت ستاجىنا قاراي ارتقان ەڭبەكاقى دارەجەلى ەڭبەكاقىسى دا بار ەكەنىن ايتتى. الايدا سۇي جيانمەي نەگىزگى ساتىداعى وقىتۋشىلارمەن بايلانىس جاساپ، تەكسەرۋ - زەرتتەۋ جۇرگىزگەننەن كەيىن مىناداي ورتاق تانىمعا كەلدى: ەڭبەكاقى دارەجەسى بارلىق ءىسورىندارداعى جۇمىسشى - قىزمەتكەرلەر يگىلىكتەنەتىن ەڭبەكاقىسى، وقىتۋشىلاردى ۇزاق ۋاقىت وقىتۋشىلىق كاسىپپەن شۇعىلدانۋعا شابىتتاندىرىپ، قوعامنىڭ وقىتۋشىلارعا بولعان قۇرمەتىن ايگىلەۋ ءۇشىن، وقىتۋشىلاردىڭ وقىتۋشىلىق ستاجى قوسىمشا قاراجاتىن جوعارىلاتىپ، وقىتۋشىلاردىڭ ءبىلىم بەرىپ، ادام تاربيەلەۋ بەلسەندىلىگىن جۇمىلدىرۋ قاجەت.
سوندىقتان 2018 – جىلدان باستاپ سۇي جيانمەي مەملەكەتتىك ەكى ماجىلىستە ءۇرتىس ءۇش جىل ۇسىنىس بەرىپ، وقىتۋشىلىق ستاجى قوسىمشا قاراجاتىن جوعارىلاتۋعا ۇندەدى. ول بىلاي دەپ قارادى: وقىتۋشىلىق ستاجى قوسىمشا قاراجاتى باسقا قوسىمشا قاراجاتتاردىڭ ارتۋىنا بايلانىستى ارتۋى كەرەك، وقىتۋشىلىق ستاجى ءبىر جىلعا تولعاندا 10 يۋان بولادى، كەيىن جىل سايىن ەسەپتەلەدى، توقتاۋ شەگى بولمايدى.
نەگىزگى ساتى ۋاكىلدەرىنىڭ ۇسىنىسىنا قاتىستى تاراۋلار وسكەلەڭ ءمان بەردى. 2018 ـ جىلى سۇي جيانمەي وقۋ ـ اعارتۋ مينيسترلىگىنىڭ جازباشا جاۋابىن تاپسىرىپ الدى؛ 2019 ـ جىلى ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ جازباشا جاۋابىن تاپسىرىپ الىپ، قايتارىلعان جاۋاپتاردا بىلاي دەلىنگەن: «وقىتۋشىلىق ستاجىنا بەرىلەتىن قوسىمشا قاراجات پەن ەڭبەكاقى دارەجەسىندەگى ەڭبەكاقىنىڭ فۋنكتسيالىق جاقتان قاباتتاسقانىن ەسكەرىپ، وقىتۋشىلىق ستاجىنا بەرىلەتىن قوسىمشا قاراجاتتى ساقتاپ قالۋ ـ قالماۋ سياقتى ماسەلەلەر جونىندە قاتىستى تاراۋلارمەن بىرگە ءبىرتۇتاس زەرتتەۋ جۇرگىزەمىز.» دەدى.
2020 – جىلى مەملەكەتتىك ەكى ءماجىلىس كەزىندە سۇي جيانمەي ءۇشىنشى رەت ۇسىنىس تاپسىرادى. بۇل جولى ول ادام كۇشى بايلىعى جانە قوعامدىق قامتاماسىزداندىرۋ مينيسترلىگى مەن قازىنا مينيسترلىگىنىڭ بىرلەسىپ قايتارعان جاۋابىن تاپسىرىپ الادى. «2020 ـ جىلى 10 ـ ايدا، ادام كۇشى بايلىعى جانە قوعامدىق قامتاماسىزداندىرۋ مينيسترلىگى ەڭبەكاقى، يگىلىك مەڭگەرمەسىنىڭ ارناۋلى قىزمەتكەرى بەيجيڭنەن بىڭبۋ قالاسىنا ارنايى كەلىپ، مەنىڭ ۇسىنىس ـ پىكىرىمدى تىڭدادى، بۇل ماعان وقىتۋ ستاجىنا بەرىلەتىن قوسىمشا قاراجات ولشەمىنىڭ جوعارىلاۋ ءۇمىتىن كورسەتتى» دەدى سۇي جيانمەي، 2021 ـ جىلعى مەملەكەتتىك ەكى ماجىلىستە سۇي جيانمەي وقىتۋشىلاردىڭ وقىتۋ ستاجىنا بەرىلەتىن قوسىمشا قاراجات ولشەمىن جوعارىلاتۋ جونىندەگى كەڭەستىك جوبانى تاپسىرۋدى ۋاقىتشا توقتاتتى.
«بيىل <وقىتۋشىلىق ستاجىنا بەرىلەتىن قوسىمشا قاراجات ولشەمىن جوعارىلاتۋ> وقۋ ـ اعارتۋ مينيسترلىگىنىڭ جىلدىق قىزمەت تۇيىندەرىنە كىرگىزىلگەنىن كورىپ، كوڭىلىم جاي تاپتى»ـ دەدى سۇي جيانمەي حالىق تورابىنىڭ انحۇي ارناسىنا سۇحبات بەرىپ، بيىل زەينەتكە شىعاتىندىعىن، وقىتۋشىلىق ستاجىنا بەرىلەتىن قوسىمشا قاراجات ولشەمى جوعارىلاسا دا، ءوزىنىڭ دە نەگىزىنەن يگىلىكتەنە المايتىندىعىن ايتتى، «ءبىراق نەگىزگى ساتىدان كەلگەن حالىق قۇرىلتايىنىڭ ۋاكىلى رەتىندە، مەنىڭ جاۋاپكەرشىلىگىم دە، بورىشىم دا بار، قالىڭ وقىتۋشىلار ءۇشىن كۇش شىعارامىن» دەدى.
نەگىزگى ساتىدان كەلگەن مەملەكەتتىك حالىق قۇرىلتايىنىڭ ۋاكىلى رەتىندە، بيىلعى ەكى ءماجىلىس كەزىندە سۇي جيانمەي ءوزىنىڭ مىندەت وتەۋ كەشىرمەسى مەن كۇندەلىكتى تەكسەرۋ ـ زەرتتەۋ ناتيجەسىنە نەگىزدەلىپ، «ازامات جاسىنا تولماعانداردى تەكسەرۋ قىزمەتىن كۇشەيتۋ جونىندەگى ۇسىنىس»،«جاڭا جوعارى مەكتەپ ەمتيحانى جاعدايىندا ورتا مەكتەپ وقىتۋشىلارىن ورنالاستىرۋ ولشەمىن جاڭالاۋ جونىندەگى ۇسىنىس» سياقتىلاردى الا كەلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
