13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى ۋاكىلدەردىڭ 487 كەڭەستىك جوباسىن تاپسىرىپ الدى
ۋاكىلدەردىڭ 8 مىڭداي ۇسىنىسىن تاپسىرىپ الدى
2022.03.10 16:21 كەلۋ قاينارى : حالىق تورابى
«حالىق گازەتى»، 3 - ايدىڭ 9 - كۇنى، بەيجيڭ (ءتىلشى جاڭ تيانپەي). ءتىلشىنىڭ 3 - ايدىڭ 9 - كۇنى مەملەكەتتىك 13 – كەزەكتى حالىق قۇرىلتايى 5 – ءماجىلىسىنىڭ حاتشىلار باسقارماسىنان ۇعىسۋىنشا، ءماجىلىستىڭ ءتوراعالار القاسى بەلگىلەگەن ۋاكىلدەردىڭ كەڭەس جوبا قويۋىنىڭ ەڭ سوڭعى ۋاقىت شەگى 3 - ايدىڭ 8 - كۇنى ساعات 12 گە دەيىن ءماجىلىستىڭ حاتشىلار باسقارماسى ۋاكىلدەر العا قويعان 487 كەڭەستىك جوبانى تاپسىرىپ العان. بۇدان سىرت، قازىر ۋاكىلدەردىڭ ءار جاقتاعى قىزمەتتەر جونىندە ورتاعا قويعان 8 مىڭعا جۋىق ۇسىنىس، سىن جانە پىكىرى تاپسىرىپ الىنعان.
مەملەكەتتىك حالىق قۇرىلتايى تۇراقتى كوميتەتى باس حاتشىسىنىڭ ورىنباسارى، ءماجىلىس حاتشىلار باسقارماسى كەڭەستىك جوبا گرۋپپاسىنىڭ باستىعى گو جىنحۋا تانىستىرىپ بىلاي دەدى: وسى كەزەكتى مەملەكەتتىك حالىق قۇرىلتايى تۇراقتى كوميتەتى ۋاكىلدەر قىزمەتىنە باسا ءمان بەردى، ۋاكىلدەردى تۇراقتى كوميتەتتىڭ ماجىلىسىنە سىرتتاي قاتىناسۋعا، ۋاكىلدەردىڭ اڭگىمە ماجىلىسىنە سىرتتاي قاتىناسۋعا، سونداي - اق زاڭ شىعارۋ، زاڭنىڭ اتقارىلۋىن تەكسەرۋ، ارناۋلى تاقىرىپتا تەكسەرۋ - زەرتتەۋ جۇرگىزۋ سياقتى قيمىلدارعا قاتىناسۋعا ۇسىنىس ەتۋ ارقىلى، ۋاكىلدەردىڭ مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنە قاتىناسۋىن تەرەڭدەتتى؛ ۋاكىلدەردىڭ تەكسەرۋ - زەرتتەۋ، كوزدەن كەشىرۋ، ارالاپ اڭگىمەلەسۋ، ۋاكىلدەر گرۋپپاسى سياقتى كوپ ءتۇرلى فورمالار ارقىلى ۋاكىلدەر وتاۋى، ۋاكىلدەر بايلانىس پۋنكتى جانە نەگىزى ساتى زاڭ شىعارۋ بايلانىس ءتۇيىنى قاتارلى كوپ ءتۇرلى تەكشەلەردەن پايدالانىپ، حالىق بۇقاراسىمەن اناعۇرلىم تىعىز بايلانىس جاساپ، قوعام جاعدايىن، حالىق رايىن ىشكەرىلەي ۇعىسىپ، ۋاكىلدەردىڭ كەڭەستىك جوبالارى مەن ۇسىنىستارىنىڭ «مازمۇنىنىڭ ساپالى، ءبىتىرىلۋىنىڭ ساپالى بولۋىن» قۇلشىنا جۇزەگە اسىرىپ، ۋاكىلدەردىڭ جالپى بارىستىق حالىق دەموكراتياسىن دامىتۋداعى ماڭىزدى رولىن تولىق ساۋلەلەندىردى.
ۇعىسۋعا قاراعاندا، سارالاپ تالداۋ جاساۋ ارقىلى بيىل ۋاكىلدەر ورتاعا قويعان كەڭەستىك جوبالاردىڭ باسىم كوپ ساندىسى زاڭ جوباسى بولعان، جيىنى 474 نۇسقا بولىپ، 3 ءتۇرلى ەرەكشەلىك بايقالعان. ءبىرىنشى، پارتيا ورتالىق كوميتەتىنىڭ كەلەلى شەشىمدەرىنە، ورنالاستىرۋلارىنا تىعىز ىلەسىپ، مەملەكەتتى جونگە سالۋعا شۇعىل قاجەتتى ماڭىزدى زاڭ - تۇزىمدەر كەمەلدەندىرىلگەن. ۋاكىلدەر توسىن تۋىلعان الەۋمەتتىك دەنساۋلىق ساقتاۋ وقيعالارىنا توتەپ بەرۋ زاڭى، استىق حاۋىپسىزدىگىن قامتاماسىزداندىرۋ زاڭى، ەنەرگيا زاڭى، سونداي – اق كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ، سيفرلى ەكونوميكا، ءىرى ساندى مالىمەت، قوعامدىق سەنىمدىلىك سياقتى جاقتارداعى زاڭداردى جاساۋ جونىندەگى كەڭەس جوباسىن العا قويعان. ەكىنشى، نازاردى حالىق بۇقاراسىنىڭ ارمان - تىلەگىنە شوعىرلاندىرىپ، حالىق بۇقاراسىنىڭ تاماشا تۇرمىسقا دەگەن تالپىنىسىن قاناعاتتاندىراتىن زاڭ - تۇزىمدەردى كەمەلدەندىرگەن. ۋاكىلدەر مەكتەپكە دەيىنگى تاربيە زاڭى، قوعامدىق قۇتقارۋ زاڭى، تەلەگراف، توراپ الدامكوستىگىنە قارسى تۇرۋ زاڭى، سونداي - اق اماناتتاپ تاربيەلەۋگە قىزمەت وتەۋ، زەينەتكەرلىككە قىزمەت وتەۋ سياقتى جاقتارداعى زاڭداردى جاساپ، كاسىپتىك وقۋ - اعارتۋ زاڭى، ايەلدەردىڭ ۇقىق - مۇددەسىن قامتاماسىزداندىرۋ زاڭى سياقتى زاڭدارعا وزگەرىس ەنگىزىپ، زاڭمەن باسقارۋ ءتاسىلى ارقىلى حالىق بۇقاراسى اڭىس ەتكەن ءبىرشاما كوپ حالىق تۇرمىسى سالاسىنداعى كورنەكتى ماسەلەلەردى شەشۋدى ىلگەرىلەتكەن. ءۇشىنشى، مەملەكەتتىك حالىق قۇرىلتايى تۇراقتى كوميتەتىنىڭ قىزمەت تۇيىندەرى مەن زاڭ شىعارۋ جوسپارىنا تىعىز ۇشتاستىرىپ، ساپاعا كەپىلدىك ەتۋ العى شارتىندا زاڭ شىعارۋ قىزمەتىنىڭ اياق الىسىن جەدەلدەتكەن. ۋاكىلدەر اۋىل - قىستاق كوللەكتيۆتىك شارۋاشىلىق ۇيىمى زاڭىن، ازاماتتىق ىستەردى ماجبۇرلەپ اتقارتۋ زاڭىن، قارا توپىراقتى قورعاۋ زاڭىن جاساۋ، سەرىكتەستىك زاڭى، مونوپولياعا قارسى تۇرۋ زاڭى، كاسىپورىنداردىڭ كۇيرەۋ زاڭى، اماندىق باسقارۋعا قايشىلىق جاساعانداردى جازالاۋ زاڭى قاتارلى زاڭدارعا وزگەرىس ەنگىزۋ جونىندەگى كەڭەس جوباسىن العا قويعان، بۇل زاڭ شىعارۋ نىساندارى بيىلعى تۇراقتى كوميتەتتىڭ ءتۇيىندى قىزمەت ورنالاستىرۋىنا ەنگىزىلدى. بۇدان سىرت، ۋاكىلدەر قىلمىستىق ىستەر زاڭىنا وزگەرىس ەنگىزۋ، شارت - جاعدايى پىسىپ - جەتىلگەن سالالارداعى زاڭ جيناعىن قۇراستىرۋ جونىندە كەڭەس جوباسىن ورتاعا قويدى.
گو جىنحۋا تانىستىرىپ بىلاي دەدى: ۋاكىلدەردىڭ ۇسىنىسىندا ءبىرشاما كوپ نازار اۋدارىلعان ماسەلەلەردەن مىنالار بار: وڭىرلىك كەلەلى ستراتەگيانى ىشكەرىلەي اتقارىپ، وڭىرلەردىڭ سايكەستى دامۋىن ىلگەرىلەتۋ؛ كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ جانە كەڭەيتىپ، اۋىل - قىستاقتىڭ جاپپاي گۇلدەنۋىن جەبەۋ؛ ۇكىمەت فۋنكتسياسىندا بۇرىلىس جاساۋدى تەزدەتىپ، بازارلانعان، زاڭمەن باسقارىلاتىن، حالىقارالانعان ساۋدا ورتاسىن جاراتۋ؛ عىلىم - تەحنيكادا جاڭالىق جاراتۋ قابىلەتىن جوعارىلاتىپ، جاساۋ كاسىبىنىڭ وزەكتى باسەكەلىك قۋاتىن جوعارىلاتۋ؛ سيفرلى ەكونوميكانىڭ ورنىقتى، اقاۋسىز دامۋىن ىلگەرىلەتۋ؛ جوعارى ولشەمدى ەگىنجاي قۇرىلىسىن ىلگەرىلەتىپ، استىق سياقتى اۋىل شارۋاشىلىق ونىمدەرىمەن قامداۋ حاۋىپسىزدىگىن قامتاماسىزداندىرۋ؛ ەكولوگيالىق ورتانى جان - جاقتى وڭاۋدى كۇشەيتىپ، كومىر قىشقىل گازىنىڭ شىعارىلۋىن جوعارى مانگە جەتكىزۋ ارەكەت جوباسىن تياناقتاندىرۋ؛ مىندەتتى وقۋ - اعارتۋ ساتىسىنداعى وقۋشىلاردىڭ تاپسىرما اۋىرتپالىعى مەن مەكتەپ سىرتىنداعى تاربيەلەۋ اۋىرتپالىعىن ونان ارى جەڭىلدەتىپ، كاسىپتىك وقۋ - اعارتۋدىڭ اقاۋسىز دامۋىن جەبەۋ؛ ەمدەۋ - دەنساۋلىق ساقتاۋعا قىزمەت وتەۋ قابىلەتىن جوعارىلاتىپ، ولكە اتتاپ باسقا جەردە ەمدەلۋدە تىكەلەي ەسەپ جابۋ ءتۇزىمىن كەمەلدەندىرۋ؛ ايەلدەر مەن بالالاردى الداپ ساتۋ زاڭعا قايشى قىلمىستىق ارەكەتتەرىنە قاتاڭ سوققى بەرۋ؛ ءتۇيىندى سالالاردا زاڭ شىعارۋدى تەزدەتىپ، زاڭمەن باسقارىلاتىن ۇكىمەت قۇرىلىسىن ىلگەرىلەتۋ.
ۇعىسۋعا قاراعاندا، ءماجىلىستىڭ حاتشىلار باسقارماسى ۋاكىلدەردىڭ كەڭەس جوبالارىنا ىشكەرىلەي مۇقيات تالداۋ جاساپ، ءبىر جاقتى ەتۋ پىكىرى جونىندەگى باياندامانى ءماجىلىس ءتوراعالار القاسىنىڭ قاراۋىنا ۇسىنىپ، سونداي - اق ءماجىلىس كەزىندە كەڭەس جوباسىن قويعان ۋاكىلدەر ۇيىرمەسى مەن باستاماشى ۋاكىلدەرگە قاراۋعا تاپسىرۋ جاعدايىن جازباشا اڭىس ەتۋ ۇستىندە ەكەن. بيىل جىل ىشىندە مەملەكەتتىك حالىق قۇرىلتايىنىڭ قاتىستى ارناۋلى كوميتەتتەرى مۇقيات قاراۋ نەگىزىندە، مەملەكەتتىك حالىق قۇرىلتايىنىڭ تۇراقتى كوميتەتىنە ۋاكىلدەردىڭ كەڭەس جوباسىن قاراۋ ناتيجەسىن زاڭ بويىنشا مالىمدەيدى ەكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
