شينجياڭ ۋاكىلدەر ۇيىرمەسى مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن باياندامانى قارادى
2022.03.10 14:14 كەلۋ قاينارى : حالىق تورابى
شينجياڭ گازەتىنىڭ 3 - ايدىڭ 8 - كۇنى بەيجيڭنەن ۇرىمجىگە جالعاپ بەرگەن حابارى. مەملەكەتتىك ساياسي كەڭەس 13 - كەزەكتى كوميتەتىنىڭ 5 - ماجىلىسىنە ۇسىنىس جوبا تاپسىرۋ ۋاقىتى اياقتالعان كەزگە دەيىن مەملەكەتتىك ساياسي كەڭەستىڭ شينجياڭدا تۇراتىن مۇشەلەرى ماجىلىسكە جالپى 148 ۇسىنىس جوبا تاپسىردى، بۇل شينجياڭدى مادەنيەتپەن نارلەندىرۋ ينجەنەرياسىن ىشكەرىلەي اتقارۋ، جۇڭحۋا ۇلتى ورتاق تۇلعا تانىمىن بەرىك ورناتۋ، ەكونوميكانىڭ جوعارى ساپالى دامۋى، اۋىل - قىستاقتى گۇلدەندىرۋ، ەكولوگيالىق ورتانى قورعاۋ، ەمدەۋ - دەنساۋلىق ساقتاۋ، مادەنيەت - وقۋ - اعارتۋ سياقتى ءتۇيىندى سالالارعا سايادى.
مەملەكەتتىك ساياسي كەڭەستىڭ شينجياڭدا تۇراتىن مۇشەلەرى شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، وسى رەتكى ءماجىلىس كەزىندە نازاردى پارتيا مەن مەملەكەتتىڭ وزەكتى مىندەتىنە شوعىرلاندىرىپ، شينجياڭنىڭ ءىس جۇزىندىگىمەن تىعىز بايلانىستىرىپ، رەفورمانىڭ، دامۋدىڭ ماڭىزدى تۇيىندەرىنە، قيىن تۇيىندەرىنە نازار اۋدارىپ، حالىقتىڭ ويىن، تىلەگىن اڭىس ەتىپ، ۇكىمەت ءىسىن ىشكەرىلەي اقىلداسىپ - كەڭەسىپ، بەلسەنە مىندەت وتەپ، كەڭەس بەرىپ، شينجياڭنىڭ جوعارى ساپالى دامۋىن جان - جاقتى ىلگەرىلەتىپ، مەملەكەتتىك ساياسي كەڭەستىڭ شينجياڭدا تۇراتىن مۇشەلەرىنىڭ مەملەكەت ءۇشىن، حالىق ءۇشىن مىندەت وتەپ، جاۋاپكەرشىلىكتى ادا ەتەتىن، پارتيا 20 - قۇرىلتايىنىڭ جەڭىسپەن اشىلۋىن ناقتى ىستەپ، جاۋاپكەرشىلىك ارقالاۋ ارقىلى قارسى الاتىن ەكپىندەي ىلگەرىلەۋ بەينەسىن تولىق ايگىلەدى.
نازاردى ەكونوميكانىڭ جوعارى ساپالى دامۋىن ىلگەرىلەتۋگە شوعىرلاندىرعان مۇشەلەر ”شينجياڭنىڭ ەلەكترىن سىرتقا جەتكىزۋ“ 3 - ارناسىنىڭ قۇرىلىس باستاۋىن جەدەل ىلگەرىلەتۋ، شينجياڭنىڭ بۇلتتىق ەسەپتەۋ ۇلكەن ساندى مالىمەت كاسىپ سالاسىنىڭ دامۋىن جەدەلدەتۋ، شەكارا اتتاعان ەلەكتروندى ساۋدانىڭ دامۋىن ىلگەرىلەتۋ، شينجياڭنىڭ ماتەريال كاسىپ سالاسىن جەتىلدىرۋىنە، زورايتۋىنا، جىكتەۋىنە قولداۋ كورسەتۋ، ”ءبىر بەلدەۋ، ءبىر جول“ بويىنداعى ەلدەردى قارجى قوسۋ تەبىنىن ارتتىرۋعا باۋراۋ سياقتى ۇسىنىس جوبالار جونىندەگى ۇسىنىستاردى تاپسىرىپ، شينجياڭنىڭ ەكونوميكالىق، قوعامدىق دامۋداعى كەلەلى ماسەلەلەرىن جانە كوكەي تەستى قاجەتىن ءار قىرىنان اڭىس ەتىپ، قاتىستى تاراۋلاردىڭ نازار اۋدارۋىنا، قولداۋ كورسەتۋىنە بەلسەنە قول جەتكىزدى.
مۇشەلەر حالىق تۇرمىسىن كوكەيدە ساقتاپ، دالمە - ءدال كۇش سالىپ، اۋدان، اۋىل ەكى دارەجەلى ەمدەۋ - دەنساۋلىق ساقتاۋ دارىندىلارى قوسىنى قۇرىلىسىن كۇشەيتۋ، رۋحاني دەنساۋلىق ساقتاۋ سالاسىنداعى قىزمەتكەرلەرگە نازار اۋدارۋدى كۇشەيتۋ، ورتا، باستاۋىش مەكتەپ وقۋ - اعارتۋىنا ۇسىنىلىمدى ارتتىرۋ، وسى زامانعى كاسىپتىك وقۋ - اعارتۋدىڭ ساپاسىن جوعارىلاتۋعا قولداۋ كورسەتۋ جوسپارى سياقتى ۇسىنىس جوبالاردى ورتاعا قويدى.
اۋىل - قىستاقتى گۇلدەندىرۋگە كۇش ۇستەگەن مۇشەلەر اۋىل - قىستاقتى گۇلدەندىرۋ ستراتەگياسىن عىلىم - تەحنيكالىق ارەكەت جاعىنان قولداۋ تەبىنىن ارتتىرۋ، اۋىل شارۋاشىلىعى ماشينالارىن ساتىپ الۋ جالپىلىق قوسىمشا قاراجاتى سىناق ءتۇيىنىن ورىستەتۋ، ابزال، ەرەكشە اۋىل شارۋاشىلىق ونىمدەرىن قامسىزداندىرۋ سيلىق تولىقتاماسى سىناق ءتۇيىنى كولەمىن كەڭەيتۋ، شينجياڭنىڭ جەمىس ورمانى ونىمدەرىنىڭ جاسىل ارنا ساياساتىنان يگىلىكتەنۋ كولەمىن كەڭەيتۋ سياقتى ۇسىنىس جوبالاردى ورتاعا قويدى.
مۇنان سىرت، مۇشەلەر تاعى ەكولوگيانى قورعاۋدى، قالپىنا كەلتىرۋدى قولداۋ تەبىنىن ارتتىرۋ، ەنەرگيانىڭ جاسىل بولۋعا بۇرىلىس جاساۋىن جەدەلدەتىپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىنىڭ دەر كەزىندە جۇزەگە اسۋىن ىلگەرىلەتۋ، وڭتۇستىك شينجياڭنىڭ قالا - قالاشىقتانا دامۋىن ىلگەرىلەتۋ سياقتى جاقتاردا ۇسىنىس جوبا قويدى.
جوعارى ساپالى ۇسىنىس جوبا دەن قويا دايىنداۋدان ايرىلا المايدى. ءماجىلىس الدىندا مۇشەلەر ەكونوميكالىق، قوعامدىق دامۋدىڭ ءىس جۇزىندىگىمەن تىعىز بايلانىستىرىپ، حالىق بۇقاراسىنىڭ ءوندىرىس، تۇرمىس ءىس جۇزىندىگىمەن تىعىز بايلانىستىرىپ، پارتيا مەن مەملەكەتتىڭ كەلەلى شەشىمدەرىن، ورنالاستىرۋلارىن دايەكتىلەندىرۋدە، تياناقتاندىرۋدا شەشۋگە قاجەتتى ماسەلەلەرمەن تىعىز بايلانىستىرىپ، نەگىزگى ساتىنى ىشكەرىلەي ارالاپ تەكسەرۋ - زەرتتەۋ جۇرگىزىپ، جاعدايعا كوز جەتكىزدى ءارى قاتىستى تاراۋلارمەن جان - جاقتى كەڭەسىپ، پىكىر اۋىستىرىپ، پىكىر - ۇسىنىس تىڭدادى، ورتاعا قويىلعان ۇسىنىستارى وتە كۇشتى باعىتتامالىلىق سيپاتقا جانە مەڭگەرۋ سيپاتىنا يە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
