شي جينپيڭ فرانسيانىڭ، گەرمانيانىڭ باسشىلارىمەن بەينە ەكران باسشىلار ءماجىلىسىن وتكىزدى
2022.03.09 16:52 كەلۋ قاينارى : حالىق تورابى
 |
3 - ايدىڭ 8 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدە فرانسيانىڭ زۇڭتۇڭى ماكرونمەن، گەرمانيانىڭ زۇڭليى شولتسپەن بەينە ەكران باسشىلار ءماجىلىسىن وتكىزدى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
|
شينحۋا اگەنتتىگى، 3 - ايدىڭ 8 - كۇنى، بەيجيڭ. مەملەكەت ءتوراعاسى شي جينپيڭ 3 - ايدىڭ 8 - كۇنى تۇستەن كەيىن بەيجيڭدە فرانسيانىڭ زۇڭتۇڭى ماكرونمەن، گەرمانيانىڭ زۇڭليى شولتسپەن بەينە ەكران باسشىلار ءماجىلىسىن وتكىزدى.
شي جينپيڭ بىلاي دەپ اتاپ كورسەتتى: بۇگىنگى دۇنيەدە عاسىرلىق وزگەرىس پەن عاسىرلىق ىندەت توعىسىپ، كوپتەگەن دۇنيە جۇزىلىك سىن - سايىستاردى الا كەلدى، بۇل دۇنيە جۇزىلىك سەلبەستىكتى قاجەت ەتەدى. جۇڭگو مەن ەۆروپانىڭ بەيبىتشىلىكتى كوزدەۋ، دامۋعا ۇمتىلۋ، سەلبەستىكتى جەبەۋ جاقتارىندا كوپتەگەن ورتاق ءۇنى بار. ءبىز جاۋاپكەرلىك ارقالاپ، اۋمالى - توكپەلى دۇنيە جۇزىنە اناعۇرلىم كوپ ورنىقتىلىق جانە تۇراقتىلىق ۇستەۋىمىز كەرەك. ەكى جاق تىلدەسۋدى كۇشەيتىپ، سەلبەستىكتە تاباندى بولىپ، جۇڭگو - ەۆروپا قاتىناسىنىڭ ورنىقتى، باياندى دامۋىن ىلگەرىلەتۋى كەرەك. جۇڭگونىڭ دامۋى جۇڭگو مەن ەۆروپانىڭ سەلبەستىگىنە اناعۇرلىم كەڭ ءورىس اشادى. ەكى جاق ءوزارا تيىمدىلىك جەتكىزىپ، تەڭ يگىلىككە كەنەلۋ پرينسيبىن ۇزدىكسىز ارقاۋ ەتىپ، جاسىل، سيفرلى سەرىكتەستىك قاتىناستى جانە ءار سالاداعى ناقتى سەلبەستىكتى ۇزدىكسىز تەرەڭدەتۋى كەرەك. ەكى جاق كوپ جاقتىلىقتا ۇزدىكسىز تاباندى بولىپ، كەلەلى دۇنيە جۇزىلىك كەڭەستىك تارتىپتەردى ىلگەرىلەتۋى كەرەك.
ماكرون، شولتس مىنانى ءبىلدىردى: جۇڭگونىڭ بەيجيڭ قىسقى وليمپيادا سپورت جارىسىن ءساتتى وتكىزگەنىن قۇتتىقتايمىز. بۇگىنگى دۇنيە كوپتەگەن سىن - سايىسقا ءدوپ كەلىپ وتىر، جەكە - دارا كۇرەس جۇرگىزۋ جاعدايدى ۋشىقتىرادى. ەۆروپا جۇڭگونىڭ دۇنيە ءجۇزى ىستەرىندە اتقارعان ماڭىزدى جانە بەلسەندى رولىنا ءمان بەرەدى، جۇڭگومەن تىعىز سەلبەسىپ، كليمات وزگەرىسى، الەۋمەتتىك دەنساۋلىق ساقتاۋ سياقتى دۇنيە جۇزىلىك كەلەلى سايىستاردى بىرگە كۇش سالا شەشۋدى قالايدى. ەۆروپا جاق جۇڭگو جاقپەن بىرگە ەۆروپا - جۇڭگو باسشىلارىنىڭ ديدارلاسۋىن ويداعىداي وتكىزىپ، فرانسيا - جۇڭگو، گەرمانيا - جۇڭگو جانە ەۆروپا - جۇڭگو قاتىناسىنىڭ ۇزدىكسىز العا دامۋىن ىلگەرىلەتۋدى قالايدى.
ەكى جاق ۋكراينانىڭ قازىرگى جاعدايى جونىندە ءتۇيىندى تۇردە پىكىر اۋىستىردى.
ماكرون، شولتس ۋكراينانىڭ قازىرگى جاعدايى جونىندەگى كوزقاراسى مەن مايدانىن تانىستىرىپ، ەۆروپانىڭ دۇنيە جۇزىلىك ەكىنشى سوعىستان بەرگى ەڭ اۋىر داعدارىسقا تاپ بولعانىن، فرانسيا مەن گەرمانيانىڭ ماسەلەنى كەلىسسوز ارقىلى شەشىپ، بەيبىتشىلىككە وراي بەرۋدى قولدايتىندارىن ءبىلدىردى. جۇڭگو جاقتىڭ گۋمانيتارلىق جاعداي دارىپتەمەسىن ورتاعا قويعانىنا العىس ايتىپ، جۇڭگومەن پىكىرلەسۋدى، سايكەسۋدى كۇشەيتىپ، تاتۋلىققا ءناسيحاتتاپ، كەلىسسوزدى جەبەپ، جاعدايدىڭ ونان ارى ۋشىعۋىنان ساقتانىپ، ءتىپتى دە اۋىر گۋمانيتارلىق داعدارىسىنىڭ تۋىلۋىنان ساقتانۋدى قالايتىندارىن ءبىلدىردى.
شي جينپيڭ مىنالاردى دارىپتەدى: قازىر ۋكراينانىڭ جاعدايى ادامدى الاڭداتادى، جۇڭگو ەۆروپا ۇلى قۇرلىعىندا سوعىس جالىنىنىڭ قايتا تۇتانعانىنا قاتتى قايعىرادى. جۇڭگو جاق ءار ەلدىڭ يەلىك ۇقىعىنا، تەرريتوريا تۇتاستىعىنا قۇرمەت ەتۋدى، بىرلەسكەن مەملەكەتتەر ۇيىمى ەرەجەسىنىڭ ماقساتى مەن پرينسيبىنە بويسۇنۋدى، ءار ەلدىڭ حاۋىپسىزدىك جاعىندا باسا نازار اۋدارىپ وتىرعان ۇيلەسىمدى ماسەلەلەرىنە ءمان بەرۋدى، داعدارىستى بەيبىت جولمەن شەشۋگە ءتيىمدى بارلىق قۇلشىنىسقا قولداۋ كورسەتۋدى دارىپتەيدى. قازىرگى شۇعىل مىندەت شيەلەنىستى جاعدايدىڭ ۋشىعۋىنان، ءتىپتى مەڭگەرۋسىز كەتۋ جايتىنەن ساقتانۋ بولىپ تابىلادى. جۇڭگو فرانسيا مەن گەرمانيانىڭ ۋكراينا جاعدايىن جاراستىرۋ جولىندا جاساعان قۇلشىنىستارىن القايدى، فرانسيامەن، گەرمانيامەن جانە ەۆروپامەن پىكىرلەسۋدى پەن سايكەسۋدى جالعاستىرىپ، ىسكە قاتىستى جاقتاردىڭ قاجەتىنە ساي، حالىقارالىق قوعاممەن بىرگە بەلسەندى رول اتقارۋدى قالايدى.
شي جينپيڭ بىلاي دەپ دارىپتەدى: ءبىز رەسەي مەن ۋكراينانىڭ بەيبىتشىلىك كەلىسسوزىن بىرگە قولداپ، ەكى جاقتىڭ كەلىسسوز جاعدايىن قورعاپ، قيىنشىلىقتاردى جەڭە وتىرىپ پىكىرلەسىپ، پىكىرلەسۋدەن ناتيجە شىعارۋىن، بەيبىتشىلىككە كەلۋىن ىلگەرىلەتۋىمىز كەرەك. ءبىز ەڭ زور دارەجەدە ۇستامدىلىق كورسەتىپ، زور كولەمدى گۋمانيتارلىق داعدارىستىڭ تۋىلۋىنان ساقتانۋعا ۇندەيمىز. جۇڭگو ۋكراينانىڭ گۋمانيتارلىق جاعدايى جونىندەگى 6 ءتۇرلى دارىپتەمەسىن ورتاعا قويدى، ۋكرايناعا گۋمانيتارلىق زاتتىق كومەك بەرۋدى قالايدى. ءبىز داعدارىستىڭ كەرى ىقپالىن ازايتۋعا بىرگە كۇش سالۋىمىز كەرەك. قاتىستى جازالاۋ بۇكىل دۇنيە ءجۇزىنىڭ فينانس، ەنەرگيا، قاتىناس، قامداۋ تىزبەگىنىڭ ورنىقتىلىعىنا سوققى بولىپ، ىندەت جاعدايىندا تۇرالاپ تۇرعان دۇنيە ءجۇزى ەكونوميكاسىنا شالىعىن تيگىزەدى، ءار جاققا دا ءتيىمسىز. ءبىز ورتاق، جالپىلىق، سەلبەستىك، باياندى حاۋىپسىزدىك كوزقاراسىن بەلسەنە دارىپتەۋىمىز كەرەك. جۇڭگو فرانسيا مەن گەرمانيانىڭ ەۆروپانىڭ ءوز مۇددەسىن شىعار ءتۇيىن ەتىپ، ەۆروپانىڭ باياندى حاۋىپسىزدىگىن ويلاپ، ستراتەگيالىق دەربەستىكتە تاباندى بولىپ، ەۆروپانىڭ بىركەلكى، ءونىمدى، باياندى حاۋىپسىزدىك جۇلگەسىن ورناتۋدى ىلگەرىلەتۋىن قولدايدى. جۇڭگو ەۆروپا، رەسەي، ا ق ش جانە ناتونىڭ تەڭ تۇرعىدا پىكىرلەسۋىن قۋانا كورىپ وتىر.
ەكى جاق تاعى يراننىڭ يادرو ماسەلەسى جونىندە پىكىر الماستىردى.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار ماجىلىسكە قاتىناستى.
كەلۋ قاينارى: حالىق تورابى
 |
3 - ايدىڭ 8 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدە فرانسيانىڭ زۇڭتۇڭى ماكرونمەن، گەرمانيانىڭ زۇڭليى شولتسپەن بەينە ەكران باسشىلار ءماجىلىسىن وتكىزدى. سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
