مەملەكەتتىك ساياسي كەڭەس 13 - كەزەكتى كوميتەتىنىڭ 5 - ءماجىلىسى ەكىنشى جالپى جيىنىن وتكىزدى
ۋاڭ ياڭ قاتىناستى، 12 مۇشە جيىندا ءسوز سويلەدى
2022.03.08 17:27 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 7 - كۇنى، بەيجيڭ. مەملەكەتتىك ساياسي كەڭەس 13 - كەزەكتى كوميتەتىنىڭ 5 - ءماجىلىسى 3 - ايدىڭ 7 - كۇنى تۇستەن بۇرىن حالىق سارايىندا ەكىنشى جالپى جيىنىن وتكىزدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ جيىنعا قاتىناستى. 12 مۇشە جيىندا ءسوز سويلەدى.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى سۇن چۇنلان، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت ۇگىت ءبولىمىنىڭ باستىعى حۋاڭ كۇنميڭ، سونداي - اق ج ك پ ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار ۇسىنىس بويىنشا جيىنعا قاتىناسىپ، لەبىزدى تىڭدادى.
مۇشە گى حۇيجۇن بىلاي دەدى: بيىل جۇڭگو كوممۋنيستىك پارتياسى مەملەكەتتىك 20 - قۇرىلتايىن اشادى، بۇل − پارتيا مەن مەملەكەتتىڭ ساياسي ومىرىندەگى ءىرى ءىس، ماڭىزدى ءىس، قۋانىشتى ءىس. ساياسي كەڭەس مۇشەلەرى مەن ساياسي كەڭەس قىزمەتكەرلەرى «ەكىنى تۇراقتاندىرۋدىڭ» شەشۋشى ءمانىن جەتە تانىپ، اسقاق رۋحاني بەينەمەن جانە قىزمەت مىندەتىن تولىق اتقارۋ ىنتاسىمەن، جاڭا داۋىردەگى حالىق ساياسي كەڭەسىنىڭ قىزمەت جاۋاپكەرلىگى مەن بورىشىن ارقالاپ، باستان - اياق ورتاق يدەيالىق - ساياسي نەگىزدىڭ تاباندى قۇرۋشىسى، سوتسياليستىك كەڭەس دەموكراتياسىنىڭ ادال امالياتتا ايگىلەۋشىسى، جاڭا داۋىرگە ۇلەس قوسۋداعى قاجىماي - تالمايتىن كۇرەس جۇرگىزۋشى بولىپ، مىندەتتى جوعارى ساپامەن اتقارۋ ارقىلى پارتيا مەن حالىققا قاناعاتتانارلىقتاي جاۋاپ بەرۋى كەرەك.
مۇشە ۋاڭ ي - ميڭ سوزىندە بىلاي دەدى: جۇڭگو ەكونوميكاسىنىڭ ورنىقتى بولۋ مەجەسى جاقسى، العا باسۋىنىڭ قوزعاۋشى قۋاتى بار، قىسىم استىندا سەرپىمدىلىكتى ايگىلەپ، سىن - سايىس بارىسىندا ورايدى الدىمەن يگەرىپ، وزگەرىس بارىسىندا جاڭا جاعداي اشۋ كەرەك، ۇزاق ۋاقىت جاقسارۋدىڭ نەگىزگى جاعدايى وزگەرگەن جوق. سەنىمدى بەكەمدەپ، زەيىن - زەردەنى شوعىرلاندىرا وتىرىپ ءوز ءىسىمىزدى ويداعىداي ىستەسەك بولعانى، جۇڭگو ەكونوميكاسى سىندى الىپ كەمە، ءسوز جوق، نىق قاداممەن الىسقا جول الادى.
مۇشە ۋاڭ حۇڭ جۇڭگو گومينداڭ توڭكەرىستىك كوميتەتى ورتالىق كوميتەتى اتىنان ءسوز سويلەپ بىلاي دەدى: اۋىل - قىستاق كاسىبىن زورايتۋ كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدىڭ، كەڭەيتۋدىڭ قاجەتى عانا ەمەس، ونان دا ماڭىزدىسى، اۋىل - قىستاقتى گۇلدەندىرۋ مەن اۋىل - قىستاقتى باياندى دامىتۋدىڭ تابيعي تالابى. اۋىل - قىستاق ەرەكشەلىگىن نەگىز، قالا مەن اۋىلدىڭ توعىسۋىن قوزعاۋشى كۇش، شارۋالاردىڭ يگىلىك جاراتۋىن تۇتقا ەتكەن اۋىل - قىستاق كاسىپ سالاسىن دامىتۋدىڭ جاڭا جاعدايىن قالىپتاستىرىپ، كاسىپ نەگىزىن بەكەمدەپ، اۋىل - قىستاقتىڭ گۇلدەنۋىن ىلگەرىلەتۋ كەرەك.
مۇشە گاۋ پەييۇڭ سوزىندە بىلاي دەدى: جالپى حالىقتىڭ بىرگە اۋقاتتانۋىن جەبەۋدە ونىمدىلىك پەن ادىلدىكتىڭ قاتىناسىن دۇرىس شەشۋ كەرەك. «بالكۇلشەنى» ۇلكەيتۋ نەگىزىندە «بالكۇلشەنى» ويداعىداي ءبولۋ، ورايدىڭ ادىلدىگى مەن بارىستىڭ ادىلدىگىنە نازار اۋدارۋ، سوتسياليستىك نەگىزگى ەكونوميكالىق تۇزىمدە تاباندى بولۋ، «ەكىدەن استە اۋىتقىماۋدا» تاباندى بولۋ، ەكونوميكانىڭ دامۋىنا، قوعامنىڭ العا باسۋىنا جانە حالىق تۇرمىسىنىڭ جاقسارۋىنا تەڭ ءمان بەرۋدە تاباندى بولۋ، جاعدايعا قاراي دامۋ نىساناسىن بەلگىلەپ، جالپى حالىقتىڭ بىرگە كۇرەس جاساۋىنا سۇيەنىپ، بىرگە اۋقاتتانۋدى جەبەۋ كەرەك.
مۇشە ليۋ جىندۇڭ مەملەكەتتىك ساۋدا - ونەركاسىپشىلەر بىرلەستىگى اتىنان ءسوز سويلەپ بىلاي دەدى: حالىقتىق كاسىپورىنداردىڭ ارتۋدى ورنىقتىرۋداعى بەلسەندى رولىن شىنايى ساۋلەلەندىرىپ، مەجەلى جەتەكشىلىكتى كۇشەيتىپ، ورتا، شاعىن كاسىپورىنداردىڭ دامۋىنداعى بوگەتتەردى، قيىن تۇيىندەردى شەشىپ، حالىقتىق قارجىلاندىرۋدى جانداندىرىپ جانە ارناعا ءتۇسىرىپ، ءادىل باسەكەلى بازار ءتارتىبىن قورعاپ، كاسىپورىنداردىڭ ىشكى تىزگىندەۋ جۇيەسىن اقاۋسىزداندىرىپ جانە كەمەلدەندىرىپ، ارتۋدىڭ تومەنگى شەگىن ساقتاۋ كەرەك.
مۇشە چىن يىڭشان سوزىندە مىناداي ۇسىنىس بەردى: مەملەكەت شىعىس سولتۇستىك جازىعىندا، حۋاڭحى، حۋايحى، حايحاي جازىعىندا، چاڭجياڭنىڭ ورتا، تومەنگى اعارىنداعى جازىقتا جالپى تۇلعالىق ورنالاستىرۋ جاساپ، جوعارى دەڭگەيدەگى مەملەكەتتىڭ استىق حاۋىپسىزدىگى كاسىپ بەلدەۋىن الدىمەن قۇرىپ، استىقتىڭ جالپىلىق ءوندىرىس قۋاتىن جاپپاي جوعارىلاتۋى؛ استىقتى جىنتىكتەي مانەرلەۋ مەن جوعارى ءونىمدى باعىمشىلىقتى ىلگەرىلەتىپ، استىقتىڭ جالپىلىق ونىمدىلىگىن جاپپاي جوعارىلاتۋى؛ استىق تاسىمال ءدالىزىن قۇرىپ، ءوندىرۋ، رەتتەۋ، قامداۋ جاعىنداعى جوعارى ءونىمدى قامداۋ تىزبەگىن قالىپتاستىرىپ، مەملەكەتتىڭ استىق حاۋىپسىزدىگى نەگىزىن بەكەمدەۋى كەرەك.
مۇشە شىن نانپىڭ سوزىندە بىلاي دەدى: كومىر قىشقىل گازىن ازايتۋ مەن شىعىس، باتىس بولەكتەردىڭ سايكەستى دامۋىن سايكەستى ىلگەرىلەتىپ، باتىس بولەكتىڭ تازا ەنەرگيا ابزالدىعىن ەكونوميكالىق ابزالدىققا اينالدىرۋ؛ ءوڭىر اتتاپ قايتا تۋىندايتىن ەنەرگيانى ورنالاستىرۋ قۇرىلىسىن كۇشەيتۋ؛ بىرلىك GDP دەگى كومىر قىشقىل گازىن ىعىستىرۋدى كاسىپ سالاسىن جالعاستىرۋداعى جاڭا ولشەم ەتىپ، تازا ەنەرگيا كاسىبىنىڭ باتىس بولەكتە جاقىن ماڭدا زورايۋىنا مۇمكىندىك جاساۋ؛ كومىر قىشقىل گازى جاعىنداعى ۇلەس قوسۋ شاماسى مەن تولەم بەرۋدى ناقتىلاندىرىپ، بازارلاندىرۋ ءتاسىلى ارقىلى جاسىل ءارى يگىلىكتى بولۋعا مۇمكىندىك جاراتۋ كەرەك.
مۇشە حۋاڭ جىن جۇڭگو دەموكراتيالىق العاباسارلىق پارتياسى ورتالىق كوميتەتى اتىنان ءسوز سويلەپ بىلاي دەدى: «ەكىنى ازايتۋ» ساياساتى − وقۋ - اعارتۋدىڭ ادىلدىگىن قامتاماسىز ەتۋدەگى ماڭىزدى شارا، وقۋشىلاردىڭ جان - جاقتى جەتىلۋىن، اقاۋسىز ەسەيىپ - ەرجەتۋىن جەبەۋدىڭ دۇرىس جولى. ساياساتتى ۇگىتتەۋدى، ءتۇسىندىرۋدى ويداعىداي ىستەپ، نەگىزدىك وقۋ - اعارتۋدى قامتاماسىزداندىرۋ جۇيەسىن كەمەلدەندىرىپ، وقۋ - اعارتۋدىڭ جالپىلىق رەفورماسىن تەرەڭدەتىپ، نەگىزدىك وقۋ - اعارتۋدىڭ قالا، اۋىل، مەكتەپتەر ارا پارقىن ونان ارى ازايتىپ، ورتا مەكتەپ ساتىسىنداعى وقۋ - اعارتۋدىڭ جالپىلىق قىزمەتىن توعىستىرۋدى جانە الۋان ءتۇرلى، ەرەكشەلىككە يە بولا وتىرىپ دامۋىن ىلگەرىلەتىپ، «ەكىنى ازايتۋ» ساياساتىنىڭ ناقتى ونىمدىلىككە قول جەتكىزۋىن اناعۇرلىم ويداعىداي جەبەۋ كەرەك.
مۇشە تيان چينشين سوزىندە بىلاي دەدى: ادەبيەت - كوركەمونەر قىزمەتكەرلەرى حالىقتىق مايداندا بەرىك تۇرىپ، بار ىنتا - پەيىلىمەن ومىرگە ىشكەرىلەي ارالاسىپ، دۇرىس جولدان جازباي، جاڭالىق اشۋدا تاباندى بولىپ، شىنايى سۇيىسپەنشىلىكپەن حالىقتى جىرلاپ، «ءداۋىردىڭ وزگەرىسىن، جۇڭگونىڭ العا باسۋىن، حالىقتىڭ ۇندەۋىن» بەينەلەيتىن جاڭا ءداۋىردىڭ داستاندارىن جاراتىپ، جاڭا داۋىردەگى ادەبيەت - كوركەمونەردىڭ بيىك شىڭىن سومداۋى كەرەك.
مۇشە ۋەي ميڭدى سوزىندە بىلاي دەدى: شياڭگاڭ وتانعا ارقا سۇيەپ، دۇنيە جۇزىنە بەت العان، «ءبىر ەل، ەكى ءتۇزىم» ءتۇزىم ابزالدىعىنا يە، ادامزاتتىڭ تاعدىرلاس ورتاق تۇلعاسىن قۇرۋدا اناعۇرلىم ماڭىزدى رول اتقارا الادى. شياڭگاڭدا جاڭا تيپتى ايدارشا ۆيرۋس وكپە قابىنۋ ىندەتىنىڭ 5 – رەتكى تولقىنى تۋىلعاننان كەيىن باس شۋجي شي جينپيڭ ەرەكشە كوڭىل ءبولدى، ورتالىق شياڭگاڭنىڭ ىندەتكە قارسى اتتانۋىنا بار كۇشپەن كومەكتەستى. ءبىز ج ك پ ورتالىق كوميتەتىنىڭ پارمەندى باسشىلىعىندا، ىندەتكە قارسى وسى توسقاۋىلداۋ شايقاسىندا، ءسوز جوق، جەڭىسكە جەتۋگە كامىل سەنىمدىمىز. ىندەت وتكەننەن كەيىن شياڭگاڭ، ءسوز جوق، «شىعىس مەرۋەرتىنىڭ» نۇر - شۇعىلاسىن قايتا ايگىلەپ، وزگەشە ابزالدىعى مەن رولىن اناعۇرلىم ويداعىداي ساۋلەلەندىرىپ، دۇنيە ءجۇزىنىڭ بەيبىت دامۋىنا ۇلەس قوساتىن بولادى.
مۇشە جاڭ زىشي تايۋان دەموكراتيالىق اۆتونوميا وداعى ورتالىق كوميتەتى اتىنان ءسوز سويلەپ بىلاي دەدى: تايۋاندىق باۋىرلاستار وتاننىڭ دامۋ ورايىنان بىرگە يگىلىكتەنۋمەن بىرگە، جۇڭحۋا ۇلتىنىڭ ۇلى گۇلدەنۋىن ىلگەرىلەتۋ قاسيەتتى بورىشىن بىرگە ارقالاۋى كەرەك. جاڭا داۋىردەگى جۇڭگو كوممۋنيستىك پارتياسىنىڭ تايۋان ماسەلەسىن شەشۋ جالپى جوباسىن باتىل دايەكتىلەندىرىپ، قالىڭ تايۋاندىق باۋىرلاستارمەن تىعىز ىنتىماقتاسىپ، تىزە قوسا شايقاس جاساپ، ۇدەرە العا تارتىپ، ەكى جاعالاۋدىڭ بەيبىت دامۋىن، توعىسپالى دامۋىن ۇزدىكسىز ىلگەرىلەتىپ، وتاننىڭ تولىق بىرلىككە كەلۋىن جۇزەگە اسىرۋعا اناعۇرلىم بەرىك حالىق رايى نەگىزىن توپتاۋ كەرەك.
مۇشە سۇن دۇڭشىڭ سوزىندە بىلاي دەدى: « ۇنەمشىل، حاۋىپسىز، تارتىمدى» وليمپيادا سالتاناتتى جينالىسى تابىسپەن اياقتالدى، قىسقى مۇگەدەكتەر وليمپيادا سپورت جارىسى ۋاعىندا وتكىزىلىپ جاتىر، بۇل − جۇڭگو حالقىنىڭ حالىقارالىق وليمپيادا سپورتىنىڭ دامۋىنا قوسقان تاعى ءبىر ماڭىزدى ۇلەسى، بۇكىل دۇنيە جۇزىنە ادامزاتتىڭ قيىنشىلىق الدىندا قول ۇستاسا العا باسىپ، ىنتىماقتاسا سەلبەسىپ، ەڭ سوڭىندا ىندەتتى جەڭۋگە، دۇنيە ءجۇزىنىڭ گۇلدەنۋى مەن دامۋىنا قۇدىرەتتى سەنىم جانە قوزعاۋشى كۇش ۇستەي الاتىنىن ايگىلەدى. وليمپيادا حيكاياسىن ۇزدىكسىز جاقسى بايانداپ، وليمپيادا مۇراسىنا مۇراگەرلىك ەتىپ، وليمپيادا رۋحىن ساۋلەلەندىرىپ، دامۋ سەنىمىن كۇشەيتىپ، ۇلتتىڭ گۇلدەنۋىنە دەم بەرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك.
جيىندى مەملەكەتتىك ساياسي كەڭەس ءتوراعاسىنىڭ ورىنباسارى شاۋ حۇڭ باسقاردى.
مەملەكەتتىك ساياسي كەڭەس ءتوراعاسىنىڭ ورىنباسارلارى جاڭ چيڭلي، ليۋ چيباۋ، ۋان گاڭ، حى حوۋحۋا، لۋ جانگۇڭ، ما بياۋ، چىن شياۋگۋاڭ، لياڭ جىنيىڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋەي، گاۋ يۇنلۇڭ جيىنعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
