شينجياڭ 17 ءتۇرلى شارا شىعارىپ، عىلمي زەرتتەۋ قىزمەتكەرلەرىن جاڭالىق اشۋعا، شارۋاشىلىق قۇرۋعا ىنتالاندىردى
2022.03.14 16:43 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى شيە حۇيبيان 3 - ايدىڭ 9 - كۇنى ۇرىمجىدەن حابارلايدى. جاقىندا رايونىمىز «عىلمي زەرتتەۋ قىزمەتكەرلەرىنىڭ جاڭالىق اشۋ، شارۋاشىلىق قۇرۋ بەلسەندىلىگىن ونان ارى تاسقىنداتۋ جونىندەگى اتقارۋ جوباسىن» (تومەندە قىسقارتىلىپ «جوبا» دەلىنەدى) باسىپ تاراتىپ، عىلمي زەرتتەۋ قىزمەتكەرلەرىنىڭ جۇمىس ناتيجەسى بويىنشا ىنتالاندىرۋ ءبولىس مەحانيزمىن جاقسارتۋ، عىلىم - تەحنيكا جەتىستىكتەرىن وندىرگىش كۇشكە اينالدىرۋعا، كادەگە جاراتۋعا ىنتالاندىرۋ شارالارىن اقاۋسىزداندىرۋ، جوعارى مەكتەپتەردىڭ، سونداي - اق عىلمي زەرتتەۋ مەكەمە - ورىندارىنىڭ كادرلار ىستەرىن باسقارۋ تاسىلىنە رەفورما جاساۋ، قوسىمشا مىندەت اتقارىپ جاڭالىق اشۋ، سونداي - اق قىزمەت ىستەي ءجۇرىپ جانە قىزمەتتەن قول ءۇزىپ شارۋاشىلىق قۇرۋدىڭ ناقتى شارالارىن كەمەلدەندىرۋ سىندى 4 جاقتى توڭىرەكتەي وتىرىپ، 17 ءتۇرلى شارا بەلگىلەدى، مۇنداعى ماقسات − عىلمي زەرتتەۋ قىزمەتكەرلەرىنىڭ جاڭالىق اشۋ، شارۋاشىلىق قۇرۋ بەلسەندىلىگىن ونان ارى تاسقىنداتۋ.
عىلمي زەرتتەۋ قىزمەتكەرلەرىنىڭ جۇمىس ناتيجەسى بويىنشا ىنتالاندىرۋ ءبولىس مەحانيزمىن جاقسارتۋ جاعىندا «جوبادا» مىنالار ورتاعا قويىلدى: ءبىرىنشى، قازىنانىڭ عىلمي زەرتتەۋ نىساندارىنا باعىتتالعان جاناما قاراجاتى سالىستىرماسى جوعارىلاتىلادى، جاناما قاراجاتتى تۇگەلدەي جۇمىس ناتيجەسى شىعىسىنا پايدالانۋعا بولادى، جۇمىس ناتيجەسى شىعىسىندا ءبىرىنشى شەپتەگى ۇلەسى كورنەكتى بولعان عىلمي زەرتتەۋ تىرەكتى قىزمەتكەرلەرىنە بەيىمدەۋ كەرەك. ەكىنشى، ەندىك باعىتتاعى مىندەتتەمەلى نىسان ورىندالعاننان كەيىن، مەكەمە - ورىننىڭ مەملەكەت مەنشىگىندەگى مال - مۇلىكتى اقىلى پايدالانۋ قاراجاتى مەن باسقارۋ اقىسى سياقتىلاردى تارتىپ قالعاننان كەيىنگى قالدىق قاراجاتتى تۇگەلدەي عىلمي زەرتتەۋ قىزمەتكەرلەرىن سيلاۋعا پايدالانۋىنا بولادى. ءۇشىنشى، جوعارى مەكتەپتەردىڭ، عىلمي زەرتتەۋ مەكەمە - ورىندارىنىڭ (الەۋمەتتىك يگىلىك سيپاتىنداعى 1 - ءتۇردى قامتيدى) عىلىم - تەحنيكا سالاسىندا جاسامپازدىق سيپاتتى زەرتتەۋ جەتىستىگىنە قول جەتكىزگەن، تەحنيكالىق جاقتان ەلەۋلى تاپقىرلىق، جاسامپازدىق سياقتىلار اشقان عىلمي زەرتتەۋ قىزمەتكەرلەرى مەن ۇجىمدارىنا سيلىق بەرۋىنە، جەكەلەرگە ءبىر رەتتىك سيلىق اقى بەرۋىنە بولادى.
عىلىم - تەحنيكا جەتىستىكتەرىن وندىرگىش كۇشكە اينالدىرۋعا، كادەگە جاراتۋعا ىنتالاندىرۋ شارالارىن اقاۋسىزداندىرۋ جاعىندا «جوبادا» مىنالار اتاپ كورسەتىلدى: ءبىرىنشى، جوعارى مەكتەپتەردىڭ، عىلمي زەرتتەۋ مەكەمە - ورىندارىنىڭ (الەۋمەتتىك يگىلىك سيپاتىنداعى 1 - ءتۇردى قامتيدى) عىلىم - تەحنيكا جەتىستىگىن كادەگە جاراتۋدان تاپقان كىرىسى تۇگەلدەي نىساندى ۇستىنە العان ورىنعا قالدىرىلادى، مەملەكەت قامباسىنا تاپسىرىلمايدى؛ قىزمەت مىندەتىندىك عىلىم - تەحنيكا جەتىستىگىن ءبىر جولدا ساتقانداردىڭ، باسقالاردىڭ اتقارۋىنا رۇقسات بەرگەندەردىڭ نەمەسە قۇندى قارجى ەتىپ قوسقانداردىڭ، تۇگەلدەي تازا كىرىستەن، عىلىم - تەحنيكا جەتىستىگىنەن قالىپتاسقان جارنادان نەمەسە قارجى قوسۋ ۇلەسىنەن ％70تەن تومەن بولمايتىن سالىستىرماسىن الىپ شىعىپ سيلىق بەرۋگە پايدالانۋىنا بولادى. ەكىنشى، قىزمەت مىندەتىندىك عىلىم - تەحنيكا جەتىستىگىن ءوزى كادەگە جاراتقانداردىڭ نەمەسە باسقالارمەن سەلبەسىپ كادەگە جاراتقانداردىڭ، كادەگە جاراتىلىپ وندىرىسكە ءساتتى قوسىلعاننان كەيىن، پايدا تۇسە باستاعان جىلدان باستاپ ءۇرتىس 5 جىل ىشىندە ءار جىلى وسى كادەگە جاراتىلعان عىلىم - تەحنيكا جەتىستىگىنىڭ ساۋدا پايداسىنان ％10تەن تومەن بولمايتىن سالىستىرماسىن الىپ شىعىپ سيلىق بەرۋگە پايدالانۋىنا بولادى. عىلمي زەرتتەۋ قىزمەتكەرلەرىنىڭ قىزمەت مىندەتىندىك عىلىم - تەحنيكا جەتىستىگىن كادەگە جاراتۋ بارىسىندا تەحنيكالىق اشۋ، تەحنيكالىق اقىل - كەڭەس بەرۋ، تەحنيكالىق قىزمەت وتەۋ سياقتى قيمىلدار ورىستەتۋدەن تاپقان كىرىسى عىلىم - تەحنيكا جەتىستىگىن كادەگە جاراتۋ كىرىسى رەتىندە قارالىپ، بەلگىلەمە بويىنشا جەكەگە اقشالاي سيلىق رەتىندە بەرۋگە بولادى.
جوعارى مەكتەپتەردىڭ، سونداي - اق عىلمي زەرتتەۋ مەكەمە - ورىندارىنىڭ كادرلار ىستەرىن باسقارۋ تاسىلىنە رەفورما جاساۋ جاعىندا «جوبادا» مىنالار ايقىن كورسەتىلدى: جوعارى مەكتەپتەردەگى، عىلمي زەرتتەۋ مەكەمە - ورىندارىنداعى (الەۋمەتتىك يگىلىك سيپاتىنداعى 1 - ءتۇردى قامتيدى) عىلمي زەرتتەۋ ناقتى قۋاتى كورنەكتى، جوعارى دەڭگەيلى دارىندىلار شوعىرلانعان، باسقارۋ ءتۇزىمى اقاۋسىز ورىندار سول كاسىپتىڭ، سول تاراۋدىڭ جالپى تۇلعالىق سالىستىرماسىنان اسىپ كەتپەۋ العى شارتىندا، جوعارى دارەجەلى كاسىپتىك تەحنيكالىق قىزمەت ورىندارىنىڭ سالىستىرماسىن ％5تەن اسىرماي جوعارىلاتۋىنا بولادى. شۇعىل قاجەتتى، تاپشى جوعارى دەڭگەيلى دارىندىلاردى ەنگىزۋدە، باسقارۋ تاراۋى مەن دارەجەلەس ادام كۇشى بايلىعى جانە قوعامدىق قامتاماسىزداندىرۋ تاراۋىنىڭ تەكسەرىپ بەكىتۋىنەن كەيىن ەرەكشە قىزمەت ورنىن اشۋعا بولادى، ەرەكشە قىزمەت ورنىنىڭ دارەجەسى مەكەمە - ورىننىڭ قىزمەت ورىندارىنىڭ جالپى سانىنىڭ، ەڭ جوعارى دارەجەسىنىڭ جانە قۇرىلىم سالىستىرماسىنىڭ شەكتەمەسىنە ۇشىرامايدى، ەرەكشە قىزمەت ورنىنىڭ قىزمەتكە ۇسىنىس ەتۋ مەرزىمى ادەتتە 5 جىلدان اسپايدى.
عىلمي زەرتتەۋ قىزمەتكەرلەرىنىڭ قوسىمشا مىندەت اتقارىپ جاڭالىق اشۋىنا، سونداي - اق قىزمەت ىستەي ءجۇرىپ جانە قىزمەتتەن قول ءۇزىپ شارۋاشىلىق قۇرۋىنا قولداۋ كورسەتۋ جانە ىنتالاندىرۋ جاعىندا «جوبادا» مىنالار ورتاعا قويىلدى: ءبىرىنشى، عىلمي زەرتتەۋ قىزمەتكەرلەرىنىڭ ءوز قىزمەت ورنىنىڭ مىندەت جاۋاپكەرشىلىگىن ويداعىداي اتقارۋ، ءوز مىندەتىندەگى قىزمەتىن ساپاعا، سانعا كەپىلدىك ەتىپ ورىنداۋ العى شارتىندا، قوسىمشا مىندەت اتقارىپ جاڭالىق اشۋىنا نەمەسە قىزمەت ىستەي ءجۇرىپ كاسىپورىن قۇرۋىنا قولداۋ كورسەتۋدە جانە شابىتتاندىرۋدا، كادرلار قاتىناسى تۇرعان مەكەمە - ورىنداعى ءار ءتۇرلى يگىلىك مامىلەسى اسەرگە ۇشىرامايدى، باسشىلىق مىندەت وتەمەيتىن عىلمي زەرتتەۋ قىزمەتكەرلەرى قوسىمشا مىندەت وتەگەن كاسىپورىننان جانە قىزمەت ىستەي ءجۇرىپ قۇرعان كاسىپورىننان ەڭبەكاقى، سيلىق، جارنا ۇقىعى ىنتالاندىرۋى سياقتى اقىلاردى الۋىنا بولادى. ەكىنشى، ءىسورىندارىنىڭ عىلمي زەرتتەۋ قىزمەتكەرلەرىن كاسىپورىنعا بارىپ قىزمەت ىستەۋگە نەمەسە نىسان سەلبەستىگىنە قاتىناسۋعا تاڭداپ جىبەرۋىنە قولداۋ كورسەتىلەدى جانە شابىتتاندىرىلادى، تاڭداپ جىبەرىلەتىن قىزمەتكەرلەردىڭ كادرلار ىستەرى بويىنشا باسقارۋىن ىڭعايلاستىرىپ، تاڭداپ جىبەرىلگەن قىزمەتكەرلەردىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرۋ كەرەك. ءۇشىنشى، عىلمي زەرتتەۋ قىزمەتكەرلەرىنىڭ قىزمەتتەن قول ءۇزىپ كاسىپورىن اشۋىنا قولداۋ كورسەتىلەدى جانە شابىتتاندىرىلادى، عىلمي زەرتتەۋ قىزمەتكەرلەرىنىڭ قىزمەتتەن قول ءۇزىپ كاسىپورىن قۇرۋدا ءىسورىننىڭ بەكىتۋىنەن وتكىزۋ كەرەك، مەرزىمى 3 جىلدان اسىپ كەتۋىنە بولمايدى، قۇرعان كاسىپورنى مەرزىمى تولعاننان كەيىن پايدا تابا الماسا، مەرزىمىن ءبىر رەت ۇزارتۋعا ءوتىنىش ەتۋىنە بولادى، ۇزارتۋ مەرزىمى 3 جىلدان اسىپ كەتۋىنە بولمايدى.
«جوبادا» سونىمەن بىرگە مىنالار باسا دارىپتەلدى: عىلمي زەرتتەۋ قىزمەتكەرلەرى تۇرعان ءىسورىننىڭ نەگىزگى باسشىسىنىڭ وتكەلدى يگەرۋ جاۋاپكەرشىلىگىن ىشكەرىلەي كۇشەيتىپ، عىلمي زەرتتەۋ قىزمەتكەرلەرىن ”كوپ بولىپ شارۋاشىلىق قۇرۋ، جالپى جۇمىلا جاڭالىق اشۋ“ قيمىلىنا قاتىناستىرۋدا تولىق قولداۋ كورسەتۋ جانە شابىتتاندىرۋ مەن بىرگە، شىرىكتەسۋدىڭ تۋىلۋىنان جانە مەملەكەت مەنشىگىندەگى مال - مۇلىكتىڭ زايا بولۋىنان ساقتانۋ كەرەك. جاۋاپكەرشىلىك ارقالاپ، ىسكەرلىك كورسەتۋ بارىسىندا سۋبيەكتيۆ قاساقانا ەمەس اعاتتىق وتكىزگەن باسشى كادرلار مەن عىلمي زەرتتەۋ قىزمەتكەرلەرى جونىندە تالاپتانا ىستەۋ، مىندەت - جاۋاپكەرشىلىگىن ادا ەتۋ، زاڭسىز پايدا الماۋ العى شارتىندا، ولاردىڭ جاۋاپكەرلىگىن كەشىرىپ، جازا بەرمەۋگە بولادى ءارى قىزمەت ناتيجەسىن باعالاۋ، وزاتتىققا، تاڭداۋلى بولۋعا سايلاۋ، قىزمەت مىندەتىن ءوسىرۋ، اتاق باعالاۋ، ۇسىنىس ەتۋ جانە ماداقتاۋ، سيلاۋ سياقتى جاقتاردا اسەرگە ۇشىرامايدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
