شينجياڭنىڭ كوكتەمگى ءبيداي ەگۋ جۇمىسى ىركەس - تىركەس باستالدى
2022.03.14 16:42 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ليۋ ي 3 - ايدىڭ 11 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋعا قاراعاندا، اۋا تەمپەراتۋراسىنىڭ بىرتىندەپ جىلىنۋىنا ساي، بايىنعولين موڭعۇل اۆتونوميالى وبلىسى، قاشقار ايماعى، حوتان ايماعى سياقتى وڭتۇستىك شينجياڭداعى ءىشىنارا وڭىرلەر كوكتەمگى ءبيداي ەگۋ جۇمىسىن ىركەس - تىركەس باستاعان. كەزەكتە ءبيداي ەگىلگەن جەر اۋدانى جالپى 100 مىڭ مۋعا تاياعان؛ سولتۇستىك شينجياڭ وڭىرىندە دۇمبە ءبيداي ارت - ارتىنان قايتا كوكتەۋ مەزگىلىنە ءوتىپ، كوكتەمگى ءبيداي ەگۋ جۇمىسى وسى ايدىڭ سوڭىندا ىركەس - تىركەس باستالادى ەكەن.
تانىستىرۋعا قاراعاندا، كوكتەمگى ەگىس ءوندىرىسى باستالعاننان بەرى جەر - جەر ەگىس ۋاقىتىن مىقتى يگەرىپ، كوكتەمگى ەگىس، كوكتەمگى باسقارۋ جۇمىستارىن جەدەل ىلگەرىلەتىپ، شارت - جاعدايى بار وڭىرلەر كوكتەمگى ءبيداي ەگۋ تەبىنىن ارتتىرىپ، مايلى داقىل سياقتىلاردىڭ ەگىلۋ كولەمىن ۇيلەسىمدى كەڭەيتىپ، اۆتونوميالى رايون تۇسىرگەن استىق جانە ماڭىزدى اۋىل شارۋاشىلىق ونىمدەرى ءوندىرىسى نىسانا - مىندەتتەرىن كۇش سالا تياناقتاندىرىپ، ءونىمدى ورنىقتىرىپ، قامداۋدى قامتاماسىز ەتۋ ورەسىن جوعارىلاتقان.
كوكتەمگى ەگىس جۇمىسىنىڭ ءتارتىپتى جۇرىلۋىنە شىنايى كەپىلدىك ەتۋ ءۇشىن، ءار دارەجەلى اۋىل شارۋاشىلىعى، اۋىل - قىستاق تاراۋلارى تۇقىم، حيميالىق تىڭايتقىش، ەگىس دارىلەرى، ەگىس جارعاعى، تامشىلاتىپ سۋارۋ تاسپاسى، اۋىل شارۋاشىلىق ماشينالارى بولشەك زاپچاستارى سياقتى اۋىل شارۋاشىلىق ماتەريالدارىن رەتتەۋ، تاسىمالداۋدى بەلسەنە ورنالاستىرىپ، اۋىل شارۋاشىلىق ماتەريالدارىنىڭ قىستاققا، وتباسىلارىنا، اتىز باسىنا جەتكىزىلۋىن ىلگەرىلەتكەن. اۋىل شارۋاشىلىق ماشينالارى تەحنيك قىزمەتكەرلەرىن قىستاققا بارىپ، وتباسىلارىن ارالاۋعا كوپ ءتۇرلى فورمامەن ۇيىمداستىرىپ، كوكتەمگى ەگىس مىندەتى اۋىر، ەڭبەككۇش جەتىسپەيتىن وڭىرلەرگە ماشينالاردى باسقا جەردەن سەپتەپ بەرۋگە، ءوڭىر اتتاپ جۇمىس ىستەۋگە ويداعىداي ۇيىمداستىردى ءارى ۋاكىلاتان جەر جىرتۋ، ۋاكىلاتان ەگۋ قىزمەت وتەۋىن ورىستەتىپ، جۇمىس ساپاسى مەن ونىمدىلىگىن قامتاماسىز ەتتى. كەزەكتە بۇكىل رايونىمىزدىڭ كوكتەمگى ەگىس ءوندىرىسى اۋىل شارۋاشىلىق ماتەريالدارىنىڭ تياناقتانۋ سالىستىرماسى ％90تەن اسىپ، كوكتەمگى اۋىل شارۋاشىلىعى ءوندىرىسىنىڭ قاجەتىن قاناعاتتاندىرا الادى.
اۋا كليماتىنىڭ اسەرىنەن بيىل بۇكىل رايونىمىزدا دۇمبە ءبيدايدىڭ قايتا كوكتەۋ، مايسا جاعدايى بىلتىرعىدان تومەندەۋ بولىپ، قايتا كوكتەۋ مەزگىلىندەگى اتىز باسىنداعى باعىپ - باپتاۋ اسا قاجەتتى بولدى. سوندىقتان ءار دارەجەلى اۋىل شارۋاشىلىق، اۋىل - قىستاق تاراۋلارى اۋىل شارۋاشىلىق تەحنيك قىزمەتكەرلەرىن ءوندىرىستىڭ ءبىرىنشى شەبىندە تەحنيكالىق جەتەكشىلىك ەتۋ قىزمەت وتەۋىن ورىستەتۋگە ۇيىمداستىرىپ، شارۋالاردىڭ ءوندىرىس تەحنيكاسىنداعى قيىن ماسەلەلەردى شەشۋىنە كومەكتەستى. سونىمەن قاتار، شارۋالار سەلبەستىك كووپەراتيۆى، اۋىل شارۋاشىلىعىنا قاتىستى كاسىپورىندار سياقتى قوعامدىق كۇشتەردىڭ اۋىل شارۋاشىلىعى عىلىم - تەحنيكاسىنداعى قىزمەت وتەۋ رولىن تولىق ويداعىداي ساۋلەلەندىرىپ، دۇمبە ءبيدايدىڭ كوكتەۋ مەزگىلىندە قاۋلاپ ءوسۋىن جەبەۋ بويىنشا اتىز باسىنداعى باعىپ - باپتاۋ شارالارىنىڭ تياناقتانۋىن جاپپاي مىقتى يگەرىپ، مايسا جاعدايىن جاقسارتىپ، بيىل جازعى استىقتان تاعى مول ءونىم الۋعا جاقسى نەگىز قالادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
