لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
«ۇكىمەت قىزمەتىنەن بايانداماداعى» ءتۇيىندى مىندەت ءبولىسىن تۇراقتاندىرىپ، تياناقتاندىرۋدى تىڭعىلىقتى، پارمەندى يگەرىپ، ەكونوميكانىڭ تار جول، تايعاق كەشۋدەن ءوتۋى بارىسىندا ورنىقتى اينالىمدى ساقتاۋدى تالاپ ەتتى
2022.03.15 16:44 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 14 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 3 - ايدىڭ 14 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، «ۇكىمەت قىزمەتىنەن بايانداماداعى» ءتۇيىندى مىندەت ءبولىسىن تۇراقتاندىرىپ، تياناقتاندىرۋدى تىڭعىلىقتى، پارمەندى يگەرىپ، ەكونوميكانىڭ تار جول، تايعاق كەشۋدەن ءوتۋى بارىسىندا ورنىقتى اينالىمدى ساقتاۋدى تالاپ ەتتى.
ءماجىلىس مىنالاردى اتاپ كورسەتتى: جاڭا عانا جابىلعان 13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسى قاراپ ماقۇلداعان «ۇكىمەت قىزمەتىنەن باياندامادا» تۇتاس جىلداعى ەكونوميكالىق، قوعامدىق دامۋدىڭ نىسانا - مىندەتتەرى تۇراقتاندىرىلدى، ءسوز جوق، ساپاعا، سانعا كەپىلدىك ەتە وتىرىپ تياناقتاندىرۋ كەرەك. ءماجىلىس «ۇكىمەت قىزمەتىنەن باياندامادا» العا قويىلعان 44 جاقتاعى 52 ءتۇيىندى قىزمەتتى مەملەكەتتىك كەڭەستىڭ تاراۋلارى مەن قاتىستى جەرگىلىكتى ورىندارعا ءبولدى ءارى جاۋاپكەرلىك پەن ورىنداۋ ۋاقىت شەگىن ايقىندادى.
ءماجىلىس مىنالاردى دارىپتەدى: قازىر ەكونوميكا جاڭا قۇلدىراۋ قىسىمىنا ءدوپ كەلىپ وتىر، قيىنشىلىقتار مەن سىن - سايىس كوبەيۋدە. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، پەريودتىق رەتتەۋدى كۇشەيتىپ، ارتۋدى ورنىقتىرۋدى اناعۇرلىم كورنەكتى ورىنعا قويىپ، رەفورما جاساپ، ەسىك اشۋدى تەرەڭدەتىپ، تۇتاس جىلدىق نىسانا - مىندەتتەردى قۇلشىنا ورىنداۋ كەرەك. ءبىرىنشى، حالىقارالىق جاعدايدىڭ وزگەرىسى، نەگىزگى تاۋارلاردىڭ بەتالىسى سياقتى ەلىمىزگە ىقپال جاسايتىن فاكتورلاردى ءجىتى قاداعالاپ، توتەپ بەرۋ شارالارىن كەمەلدەندىرىپ، ەكونوميكانىڭ ارتۋى، جۇمىسقا ورنالاسۋ، زات باعاسى سياقتىلاردىڭ ۇيلەسىمدى ارالىقتا ورنىقتى بولۋىنا كەپىلدىك ەتۋ كەرەك. ەكىنشى، بازار تۇلعالارىن ورنىقتىرۋدى توڭىرەكتەي وتىرىپ جۇمىستانۋعا كەپىلدىك ەتۋدىڭ ماكرولىق ساياساتىن ناقتى، ەگجەي ـ تەگجەيلى تياناقتاندىرۋ كەرەك. سالىق قايتارۋ، سالىقتى ازايتۋ − بيىلعى ماكرولىق شارۋاشىلىقتى ورنىقتىرۋداعى شەشۋشى شارا. ارتقان قۇن سالىعىن دولايلاستىرىپ سالىق قايتارۋدى اتقارۋ جوباسىن تەزىرەك شىعارىپ، سالىقتىڭ بەلگىلەنگەن ۋاقىت شەگى بويىنشا كاسىپورىن ەسەبىنە قايتارىلۋىنا كەپىلدىك ەتۋ كەرەك. ورتا، شاعىن كاسىپورىنداردى، جەكە ساۋدا – ونەركاسىپشىلەردى قولداۋعا قاتىستى سالىقتى كەمەيتۋ، سالىقتى تومەندەتۋ جونىندەگى باسقا دا ساياساتتار جونىندە ۋاقىتىن ۇزارتۋ، كولەمىن كەڭەيتۋ قاتارلى ورنالاستىرۋلاردى جەدەل زەرتتەۋ كەرەك. مەملەكەت مەنشىگىندەگى ەرەكشە فينانس قۇرىلىمدارى مەن ارناۋلى تيجارات قۇرىلىمدارىنىڭ زاڭ بويىنشا جوعارىعا تاپسىرعان پايداسىن دەر كەزىندە قامباعا كىرگىزىپ، جەرگىلىكتى ورىنداردىڭ سالىقتى كەمەيتىپ، اقىنى تومەندەتۋدەگى قازىنادان جوتكەپ بەرىلەتىن قارجىسىنىڭ قالا اۋدانداردىڭ نەگىزگى ساتىلارىنا جەتۋىن قولداپ، نەگىزگى ساتىلاردىڭ كاسىپورىندارعا كومەكتەسىپ، حالىققا تيىمدىلىك جەتكىزۋدەگى قازىنالىق قۋاتىن قامتاماسىزداندىرۋ كەرەك. جەر - جەر ءىس جۇزىندىكتى شىعار ءتۇيىن ەتىپ، بازار تۇلعالارىنا، اسىرەسە، ەرەكشە قيىنشىلىعى بار سالالارعا ءۇي مايىن ازايتۋ، كەشىرىم ەتۋ، ەنەرگيا ىستەتۋ قاراجاتىن تومەندەتۋ سياقتى سۇيەمەلدەۋ شارالارىن قولدانۋ كەرەك. فينانس قۇرىلىمدارىن ناقتى شارالاردى شىعارۋعا باستاپ، ورتا، شاعىن، ۇساق كاسىپورىنداردىڭ قارجىعا يە بولۋىن جوعارىلاتىپ، جالپىلىق قارجى قۇراۋدىڭ وزىندىك قۇنىن تومەندەتۋ تالابىن شىنايى تياناقتاندىرۋ كەرەك. سونىمەن بىرگە، ىشكى سۇرانىمدى بەلسەنە كەڭەيتىپ، تۇتىنۋدىڭ كومەسكى كۇشىن اشىپ، ءونىمدى قارجى قوسۋدى ارتتىرۋ كەرەك. ەلەكترمەن، كومىرمەن ورنىقتى قامداۋدى قامتاماسىزداندىرۋ كەرەك. ءۇشىنشى، ءتۇيىندى سالالار مەن شەشۋشى بۋىندارداعى رەفورمانى ىلگەرىلەتىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتىپ، كوپ بولىپ شارۋاشىلىق قۇرۋدى، جالپى قاۋىم جاڭالىق اشۋدى ىلگەرىلەتىپ، شارۋاشىلىق قۇرۋعا، جاڭالىق جاراتۋعا، كاسىپورىن تيجاراتىنا جانە تۇرعىنداردىڭ ءىس بىتىرۋىنە قولايلى ءبىر توپ ناقتى شارالاردى العا قويىپ، ءتىپتى دە كوپ ىستەردى سىرت جەردە ءبىتىرۋدى، ءبىر توراپپەن جالپىلاما ءبىتىرۋدى ىلگەرىلەتۋ كەرەك. ازاماتتىق كۋالىكتى ەلەكترونداندىرۋدى ىلگەرىلەتىپ، ازاماتتىق كۋالىكتى پايدالانۋعا ءتيىستى قىزمەت وتەۋدى ەكىلىك سيفردى جايمالاۋ ارقىلى ىستەۋدى جۇزەگە اسىرۋمەن بىرگە، بۇقارانىڭ ينفورماتسيا حاۋىپسىزدىگى مەن جەكە قۇپيالىعىن ويداعىداي قامتاماسىزداندىرۋ كەرەك. بازاردى باقىلاپ - باسقارۋدى كۇشەيتىپ، ءادىل باسەكەنى قورعاۋ كەرەك. شەشۋشى، وزەكتى تەحنيكالاردان قامال الۋدى جەدەلدەتۋ كەرەك. كاسىپورىنداردىڭ عىلىم - تەحنيكادا جاڭالىق جاراتۋىن جەبەيتىن سالىق جاعىندا تيمدىلىك جاسايتىن شابىتتاندىرۋ ساياساتىن ويداعىداي اتقارۋ كەرەك. سىرتقى ساۋدانى ورنىقتىرۋدا، شەتەل قارجىسىن ورنىقتىرۋدا ءدوپ كەلگەن جاڭا جاعدايعا ايرىقشا ءمان بەرىپ، بەلگىلەنگەن ساياساتتاردىڭ تياناقتانۋىن شىنايى يگەرىپ، سىرتقى ساۋدا كاسىپورىندارىنىڭ، شەتەل كاپيتالىمەن قۇرىلعان كاسىپورىنداردىڭ ءىس جۇزىندىك قيىنشىلىعىن شەشۋدى ىلگەرىلەتۋ كەرەك. ءتورتىنشى، حالىق تۇرمىسىن قامتاماسىزداندىرۋ مەن جاقسارتۋداعى ناقتى ىستەردى كۇش سالا ويداعىداي ىستەۋ كەرەك. كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، كەڭەيتۋ كەرەك. حالىق تۇرمىسىن قامتاماسىزداندىرۋ نەگىزگى شارالارىن ويداعىداي اتقارۋ كەرەك. مىندەتتى وقۋ - اعارتۋ، نەگىزگى ەمدەۋ، نەگىزگى تۇرعىن ءۇي سياقتى نەگىزگى حالىق تۇرمىسىن قامتاماسىز ەتۋ شارالارىن ويداعىداي اتقارىپ، قيىنشىلىعى بار بۇقارانىڭ حالىق تۇرمىسى جاعىنداعى تومەنگى شەگىن بەكەمدەۋ كەرەك. بەسىنشى، جەر - جەر مەن تاراۋلار جاۋاپكەرلىك ارقالاپ، ناقتى ىستەپ، بارلىق بەلسەندى فاكتورلاردى جۇمىلدىرىپ، قىزمەتتى جاسامپازدىقپەن ورىستەتۋ كەرەك. قۋزاۋ - تەكسەرۋدى، قاداعالاۋدى ۇزدىكسىز ويداعىداي يگەرىپ، نەمقۇرايدى قاراپ، جاۋاپكەرسىزدىك ىستەۋ، ءبارىن ءبىر شىبىقپەن ايداۋ سياقتى ءىس تىندىرماۋدان، قۇر البارىندى بولۋدان ساقتانىپ جانە ونى تۇزەتىپ، ءتۇرلى قىزمەتتەردە ناقتى ونىمدىلىككە قول جەتكىزۋگە كەپىلدىك ەتۋ كەرەك.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
