بيىل كوكتەم ماۋسىمىندا شينجياڭ شامامەن 870 مىڭ مۋ جەرگە ورمان وتىرعىزادى
2022.03.16 15:45 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ساۋ حۋا 3 - ايدىڭ 14 - كۇنى ۇرىمجىدەن حابارلايدى. 3 - ايدىڭ 12 - كۇنى ەلىمىزدىڭ 44 - رەتكى اعاش ەگۋ مەرەكەسى، رايونىمىزدىڭ جالپى حالىقتىق مىندەتتى اعاش ەگۋ قيمىلى ەڭ الدىمەن وڭتۇستىك شينجياڭ وڭىرىندە باستالدى. بيىل بۇكىل رايون ءبىر ميلليون مۋ جەرگە ورمان وتىرعىزۋدى جوسپارلاپ وتىر، كوكتەم ماۋسىمىندا مەجەمەن 869 مىڭ 700 مۋ جەرگە ورمان وتىرعىزادى.
اعاش ەگۋ مەرەكەسى كۇنى حوتان اۋدانى كادر - بۇقارادان 4500دەن استام ادامدى سەگىزكول اۋىلىنا كەلىپ اعاش ەگۋ قيمىلىن ورىستەتۋگە ۇيىمداستىرىپ، ءىس جۇزىندىك ارەكەت ارقىلى جالپى حالىقتىڭ جاسىلداندىرۋ ارەكەتىنە ات سالىسۋىنا باستاماشىلدىق ەتىپ، ەكولوگيالىق حوتان، كورىكتى حوتان قۇرىلىسىنا دەم بەردى. اعاش ەگىلەتىن جەردە كوپشىلىك جۇمىستى سەلبەسە ءبولىسىپ، تەبىندى ىستەدى، كوشەت اكەلدى، شۇقاناق قازدى، كوشەت سۇيەپ، توپىراق سالدى... جانعا جايلى كوكتەم سامالىمەن بىرگە كوشەتتەر قاز - قاتار ءتىزىلدى...
ءتىلشىنىڭ اۆتونوميالى رايوندىق ورمان شارۋاشىلىعى جانە جايلىم مەكەمەسىنەن ۇعىسۋىنا قاراعاندا، بيىل كوكتەم ماۋسىمىندا رايونىمىز مەجەمەن 869 مىڭ 700 مۋ جەرگە ورمان وتىرعىزۋدى ورىنداماق، مۇنىڭ ىشىندە ەكپە ورمان 185 مىڭ 400 مۋ، قۇمدى بوگەۋ ءۇشىن وسىرىلگەن ورمان 451 مىڭ 900 مۋ، شەگىنگەن ورماندى قالپىنا كەلتىرۋ ءۇشىن ەگىلگەنى 232 مىڭ 400 مۋ، قازىر جەر - جەر كوكتەم ماۋسىمىنداعى ورمان وتىرعىزۋ قىزمەتىن تارتىپپەن ىلگەرىلەتۋدە ەكەن. مۇنان تىس، بيىل رايونىمىز تاعى دا 200 ميلليون يۋان شىعارىپ، ءتۇيىندى تۇردە 1000 قىستاقتى جاسىلداندىرۋعا، كورىكتەندىرۋگە قولداۋ كورسەتىپ، جەرگىلىكتى اعاشتاردى تاڭداۋ، بوس جەرگە اعاش ەگۋ، قايتارىلعان جەرلەرگە اعاش ەگۋ سياقتى تاسىلدەر ارقىلى اۋىل - قىستاقتاردىڭ جاسىل جەرلەرىن كوبەيتىپ، اۋىل - قىستاقتاردىڭ بايىرعى جامىلعىسىن، كونە، ايگىلى اعاشتارىن قورعاۋدى كۇشەيتىپ، اۋىل - قىستاقتاردىڭ قونىستانۋ ەكولوگيالىق ورتاسىنىڭ ولقىلىقتارىن جەدەل تولىقتاپ، جاڭا داۋىردەگى كورىكتى دە قونىسقا جايلى اۋىل - قىستاق قۇرىلىسىن ىلگەرىلەتەدى ەكەن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
