«گۇل نەگە سونشاما قىزىل» كينوسى جونىندەگى زەرتتەۋ - تالقى ءماجىلىسى بەيجيڭدە وتكىزىلدى
كينو فيلم 3 - ايدىڭ 18 - كۇنى اشىق قويىلادى
2022.03.16 15:46 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى يىن لۋ 3 - ايدىڭ 14 - كۇنى بەيجيڭنەن حابارلايدى. 3 - ايدىڭ 14 - كۇنى «گۇل نەگە سونشاما قىزىل» كينوسى جونىندەگى زەرتتەۋ - تالقى ءماجىلىسى بەيجيڭدە وتكىزىلدى.
كينو فيلم ”ءداۋىر ونەگەسى“ لاچين بايەكەنىڭ ءومىر كەشىرمەسى نەگىزىندە وزگەرتىپ قۇراستىرىلعان، ولاردىڭ وتباسىنداعى ءۇش ۇرپاق ادامنىڭ پامير ۇستىرتىندە شەكارا قورعانىس جاۋىنگەرلەرىمەن بىرگە شەكارانى كۇزەتكەن حيكاياسى باياندالعان، سونداي - اق لاچين بايەكەنىڭ مۇز ويىعىنا ءتۇسىپ كەتكەن بالانى قۇتقارۋ جولىندا ەرلىكپەن قۇربان بولعان ىزگى ءىسى قايتا كورسەتىلگەن.
زەرتتەۋ - تالقى ماجىلىسىندە ماجىلىسكە قاتىناسقان ون نەشە مامان - وقىمىستى بىلاي دەپ قارادى: بۇل كينو فيلمنىڭ كوممۋنيستەردىڭ اۋەلگى ماقساتى مەن بورىشىن ايگىلەۋ جانە ءتۇسىندىرۋ، وتانشىلدىق جانە قاھارماندىق رۋحتى اسقاقتاتۋ، جۇڭحۋا ۇلتى ورتاق تۇلعا تانىمىن بەرىك ورناتۋ سياقتى جاقتاردان ماڭىزدى رولى بار. ءبىزدىڭ ادەبيەت - كوركەمونەر قىزمەتكەرلەرىمىز ادەبيەت - كوركەمونەر جاسامپازدىعىن ۇلتتىڭ گۇلدەنۋى تاريحىندا جازۋى، حالىقتىڭ كۇرەس جاساۋ ساپارى بارىسىندا جازۋى كەرەك. بۇل كينو فيلم ۇلتتار ىنتىماعى، وتاندى ءسۇيىپ، شەكارانى كۇزەتۋ، كەدەيلىكتەن ارىلتۋدان قامال الۋ سياقتى كوپ جاقتاردى قامتىعان، ءداۋىر ونەگەسىنىڭ قاراپايىم دا ۇلى ءومىر كەشىرمەسى، سونداي - اق شينجياڭنىڭ كوركەم جاراتىلىستىق كورىنىسى ارقىلى كورەرمەندەردىڭ شىنايى شينجياڭدى كورە الۋىنا مۇمكىندىك بەرەدى، ول اڭگىمە سيپاتى مەن كوركەمونەر سيپاتىن مۇلتىكسىز ۇشتاستىرۋدى، تارتىمدىلىعى كۇشتى بولۋدى جۇزەگە اسىردى، ەرەكشە جاقسى العاباسار تيپتىك تۇلعالار تاقىرىبىنداعى كينو تۋىندىسى سانالادى.
جۇڭگو ادەبيەت - كوركەمونەرشىلەر بىرلەستىگى كەڭسەسىنىڭ مەڭگەرۋشىسى دىڭ گۋاڭحۇي بىلاي دەدى: ”نەگىزگى اۋەندىك تاقىرىپتاعى كينو كينو تۇسىرۋشىلەر جونىنەن سىناق بولىپ تابىلادى، بۇل كينودا دەرەكسىزدەندىرۋ، سايازداندىرۋ كەزدەسپەيدى، شىمىر سەناريا، قاراپايىم كەيىپكەرلەردىڭ ورىنداۋى، اۋقىمعا ۇيلەسىمدى سەبەپ - سالدار وزگەرىسى ارقىلى نەنىڭ وتباسى − وتان ىنتا - ىقىلاسى، نەنىڭ اركىم ءوز جاۋاپكەرشىلىگىن ءبىلۋ ەكەندىگىن ايقىنداپ، قاھارمان تاقىرىبىنىڭ كوركەمونەرلىك سيپاتىنىڭ دەڭگەيىن جوعارىلاتقان“.
چيڭحۋا داشۋەسى اقپارات جانە تاراتۋ شۋەيۋانىنىڭ پروفەسسورى يىن حۇڭ بىلاي دەدى: ”كينو جاسامپازدىعى، ءتۇسىرىلۋى بارىسىندا تابيعي كۇشتەردىڭ قولدانىلۋى وتە تابىستى بولىپ، تۋىندىنىڭ تارتىمدىلىعىن ايرىقشا جوعارىلاتقان. مۇز تاۋ، قار - مۇز، قىران بۇركىت، سارلىق، سىبىزعى ادام مەن تابيعاتتىڭ قاتىناسىن بەينەلەگەن، سونداي - اق كوركەمونەرلىك ءتاسىل ارقىلى كەيىپكەر مىنەزى مەن يدەيا دەڭگەيى قالىپتاسۋىنىڭ سەبەبىن ايگىلەگەن، قيسىندى دا تابيعي قابىسقان، تاعىلىم ايتقانداي بىلىنبەيدى، بۇل وسىنداي كينو جاسامپازدىعىندا قۇلشىنۋعا ءتيىستى بەتالىس“.
كۇنلۇننىڭ اسقار بيىگىنەن تيانشان باۋرايىنا دەيىن، ودان ارى التاي تاۋلارىنا دەيىن جۇڭگو شينجياڭىنىڭ 5700 نەشە كيلومەترلىك شەكارا جەلىسىندە سان ۇرپاق شەكارا كۇزەتشىلەرى ءبىر جاعىنان، قيىندىقتاردى جەڭىپ، شەكارانى كۇزەتۋدىڭ اۋىر جاۋاپكەرشىلىگىن ارقالاسا، ەندى ءبىر جاعىنان، شىن ىقىلاسپەن اۋىلىن بەلسەنە گۇلدەندىرۋدە.
جۇڭگو كينو باعالاۋ عىلمي قوعامىنىڭ ۇنەمىلىك ىستەرگە جاۋاپتى ورىنباسار باستىعى جاڭ ۋي بىلاي دەدى: ”كينو قاتال تىرشىلىك ورتاسىنان پايدالانىپ، ءومىردىڭ ادەمىلىگىن تاعى ءبىر قىرىنان اڭعارتقان، بۇل وتاندىق كينوداعى كەرەمەت. ماتەريالدىق تىرشىلىك وسىنشا ءالسىز جەردە توتەنشە قايسار رۋحاني تىرشىلىك ءومىر سۇرۋدە، بۇل شينجياڭ حيكايالارىنىڭ ادامدى باۋرايتىن تۇسى. كينوداعى لاچين مەن ونىڭ قاسىنداعى ادامداردىڭ اڭگىمەسى كوپشىلىككە قايسار دا ۇمىتكەر، ايبىندى بەينەمەن مەكەنىن گۇلدەندىرگەن شينجياڭداعى ءار ۇلت بۇقاراسىن كورسەتىپ بەردى“.
كينو فيلمدى اۆتونوميالى رايوندىق پارتكوم ۇگىت ءبولىمى ۇيىمداستىرىپ جوبالاپ، تيانشان كينو ستۋدياسى جاساپ، ءتۇسىردى. گاۋ حۋاڭگاڭ سەنارياسىن جازىپ، بۇرىن «كۇنلۇنداعى اعا - ىنىلەرگە» رەجيسسەرلىك ىستەگەن كەرىم ابىلەز رەجيسسەر بولدى. كينو فيلمدى 160 ادامدىق شىعارماشىلىق ۇجىم تەڭىز دەڭگەيىنەن ورتاشا بيىكتىگى 4000 مەترلىك ۇستىرتتە 70 نەشە كۇندە ءتۇسىرىپ، جاساپ شىقتى. كينو فيلم 3 - ايدىڭ 18 - كۇنى اشىق قويىلادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
