قوعام حاۋىپسىزدىگى ورگاندارى ارناۋلى ارەكەت ورىستەتىپ، قىلمىستىق ىستەر دەلولارىنان 160 تان استام دەلونى انىقتادى
جاسىرىن سۋرەتكە تارتۋ، جاسىرىن باقىلاۋ سىندى زاڭعا قايشى قىلمىستارعا قاتاڭ سوققى بەردى
حالىق گازەتىنىڭ ءتىلشىسى جاڭ تيانپەي
2022.03.16 13:44 كەلۋ قاينارى : حالىق تورابى
جۋىرداعى جىلداردان بەرى، ينتەرنەت تەحنيكاسىنىڭ جەدەل دامۋىنا بايلانىستى، ءتۇرلى كامەرالار كەڭ كولەمدى قولدانىلىپ، ءوندىرىس پەن تۇرمىسقا قولايلىلىق تۋدىرۋمەن بىرگە، ءىشىنارا زاڭسىز ەلەمەنتتەردىڭ كامەرا ورنالاستىرىلعان جەر سىپىرۋ ماشيناسى، وتباسىنا ورنالاستىرىلعان باقىلاۋ كامەراسى قاتارلىلاردان پايدالانىپ جاسىرىن سۋرەتكە ءتۇسىرۋ، جاسىرىن باقىلاۋ قاتارلى زاڭعا قايشى ارەكەتتەردى اتقارۋىنا شارت – جاعداي جاراتتى.
جاسىرىن سۋرەتكە ءتۇسىرۋ، جاسىرىن باقىلاۋ ىستەرى ازاماتتاردىڭ جەكەلىك قۇپيالىعىنا اۋىر دارەجەدە قول سۇعىپ، حالىق بۇقاراسىنىڭ حاۋىپسىزدىك سەزىمىنە ىقپال جاسايدى، بىلتىر 11 – ايدان باستاپ، قوعام حاۋىپسىزدىگى مينيسترلىگىنىڭ ينتەرنەت حاۋىپسىزدىگى مەكەمەسى ارناۋلى سوققى بەرۋ ارەكەتىن ورنالاستىرىپ، جاسىرىن سۋرەتكە ءتۇسىرۋ، جاسىرىن باقىلاۋ سىندى زاڭسىز ارەكەتتەرگە بۇكىل تىزبەك بويىنشا سوققى بەرىپ، جاسىرىن سۋرەتكە تۇسىرگەن، جاسىرىن باقىلاۋ جۇرگىزگەندەرگە، جاسىرىن تۇسىرگەن سۋرەت، كەسكىن قاتارلىلاردى تاراتقاندارعا، وتكەرمەلەپ ساتقاندارعا، جاسىرىن تىڭداۋ، جاسىرىن سۋرەتكە ءتۇسىرۋ اسپاپتارىن وندىرگەندەرگە زاڭ بويىنشا قاتاڭ سوققى بەرىپ، قىلمىستىق ىستەر دەلولارىنان جيىنى 160 نەشە دەلونى انىقتاپ، قىلمىس كۇماندىلارىنان 860 نەشە ادامدى تۇتقىنداعان، جاسىرىن تىڭداۋ، جاسىرىن سۋرەتكە ءتۇسىرۋ ارناۋلى اسپاپتارىن وندىرەتىن اپانداردان 15 ورىندى تالقانداپ، ارناۋلى اسپاپتاردان 11 مىڭنان استامىن قولعا تۇسىرگەن.
قوعام حاۋىپسىزدىگى مينيسترلىگى ينتەرنەت حاۋىپسىزدىگى مەكەمەسىنىڭ قاتىستى جاۋاپتىسىنىڭ تانىستىرۋىنشا، وسى رەتكى ارەكەت بارىسىندا، جياڭسۋ ولكەسى چاڭجوۋ قالالىق قوعام حاۋىپسىزدىگى مەكەمەسى يۇننان، گۇيجوۋ، سىچۋان قاتارلى جەرلەردە قوناق ۇيگە ينتەرنەتتىك كامەرا ورناتقان ءارى كامەرا تۇسىرگەن كەسكىندى كورۋ ۇقىعىن ساتقان قىلمىستىق توپتى تالقانداپ، ساتىپ الۋ ارقىلى كامەرا تۇسىرگەن مازمۇندى كورۋگە بولاتىن 1000 نان استام تىركەلگىنى انىقتاپ قولعا تۇسىرگەن؛ جىجياڭ حۋجوۋ، فۋجيان نيڭدى، سانشي داتۇڭ، شينجياڭ ءۇرىمجى، گۋاڭدۇڭ دۇڭگۋان جانە حىنان كايفىڭ، لوحى قاتارلى جەرلەردەگى قوعام حاۋىپسىزدىگى تاراۋلارى ۇرلاپ تىڭداۋ، ۇرلاپ سۋرەتكە تارتۋ اسپاپتارىن وندىرەتىن اپانداردى تالقانداپ، قاتىستى اسپاپتاردان 9100 دەن استام اسپاپتى قولعا تۇسىرگەن.
«ينتەرنەت داۋىرىنە قادام تاستاعان سوڭ، كوپتەگەن ادامدار كامەرا ورناتۋ ارقىلى ءوزىنىڭ مال – مۇلكىنىڭ حاۋىپسىزدىگىن قورعاۋدى ويلايدى، الايدا، قۇپيا ءنومىرى وڭاي بولۋ سىندى سەبەپتەردەن كوپتەگەن كومەسكى قاتەرلەر تۋىندايدى»، — دەپ تانىستىردى گانسۋ ولكەسى پيڭلياڭ قالالىق قوعام حاۋىپسىزدىگى مەكەمەسىنىڭ دەلو بىتىرگەن حالىق ساقشىسى. جۋىردا، جەرگىلىكتى قوعام حاۋىپسىزدىگى مەكەمەسى كومپيۋتەردىڭ ينفورماتسيا جۇيەسىن زاڭسىز مەڭگەرىپ العان دەلونى ءساتتى انىقتاعان، بۇل قىلمىس كۇماندىسى 200 دەن استام كامەرانى زاڭعا قايشى مەڭگەرىپ العان، بۇعان قاتىستى ازاماتتاردىڭ قۇپيا كەسكىندەرى مەن سۋرەتتەرى مىڭعا تاياعان. ىسپات الۋ بارىسىندا بايقاۋعا قاراعاندا، قىلمىس كۇماندىسى مەڭگەرىپ العان كامەرالاردىڭ قامتيتىن كولەمى كەڭ، مۇندا وتباسى، ەمحانا، قوناق ءۇي، اجارلاندىرۋ ورنى قاتارلى ورىندار قامتىلعان. «باستاپقى قۇپيا ءنومىرىن پايدالانعان، قۇپيا ءنومىرىن وتە وڭاي تەڭشەگەن نەمەسە ۇزاق ۋاقىت بويى قۇپيا ءنومىرىن وزگەرتپەگەن كامەرالار حاككەرلەردىڭ شابۋىلىنا وڭاي ۇشىرايدى، بۇل تەك قۇپيالىقتىڭ جايىلۋىنا اپارىپ سوعىپ قويماستان، قوقانلوقى جاساۋ، بوپسالاۋ، الدامكوستىك ىستەۋ قاتارلى قىلمىستىق دەلولاردىڭ تۋىلۋىنا اپارىپ سوعۋى مۇمكىن»، — دەيدى پيڭلياڭ قالالىق قوعام حاۋىپسىزدىگى مەكەمەسىنىڭ دەلو ءبىتىرۋشى حالىق ساقشىسى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
